ឯកឧត្ដម សេង ស៊ីណារិន្ទ បានប្រាប់សមាជិកសមាជិការគណៈបក្សប្រជាជនកម្ពុជាក្នុងឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល កុំចាញ់បោកការឃោសនារបស់ជនអគតិមួយចំនួនមិនឱ្យទៅបោះឆ្នោត ការឃោសនានេះជាការបំផ្លាញដំណើរការលទ្ធិប្រជាធិប្បតេយ្យនិងការបំផ្លាញការបោះឆ្នោតនៅកម្ពុជា ឯកឧត្ដម សេង ស៊ីណារិន្ទ ប្រធានក្រុមការងារចុះជួយឃុំអំពៅព្រៃ ស្រុកកណ្ដាលស្ទឹង ខេត្តកណ្ដាលនិងជាសមាជិកគណៈកម្មាធិការកណ្ដាល គណៈបក្សប្រជាជនកម្ពុជា មានប្រសាសន៍​ដូចនេះក្នុងខណៈអញ្ចើញចុះសាកសួរសុខទុក្ខ និងសំណេះសំណាលជាមួយ សមាជិកសមាជិការគណៈបក្សប្រជាជនកម្ពុជាក្នុងឃុំអំពៅព្រៃចំនួន៣៦៧៤នាក់ ព្រឹកថ្ងៃទី២៤ មិថុនា។ ឯកឧត្ដម បានបញ្ជាក់ថា ការដែលសមាជិកសមាជិការអញ្ចើញទៅបោះឆ្នោតជូនគណៈបក្សប្រជាជនកម្ពុជាក៍ដូចជាបោះឆ្នោតដើម្បីខ្លួនយើងគ្រួសារយើង និងសង្គមជាតិរបស់យើងឱ្យមានសុខដុមរមណី និងការរីកចំរើនការពារសុខសន្តិភាព និងការអភិវឌ្ឍ ដែលមានសព្វថ្ងៃនេះ​ ជាពិសេសឆ្លើយតបនិងគុណបំណាច់ធំធេងរបស់គណៈបក្សប្រជាជនកម្ពុជាដែលបានរំដោះប្រទេសជាតិ និងប្រជាជនឱ្យរួចផុតពីការកាប់សំលាប់ក្នុងរបប ប៉ុលពត។គណៈបក្សប្រជាជនកម្ពុជាកំពុងដឹកនាំប្រទេសដើរលើផ្លូវត្រូវមានកំណើនសេដ្ឋកិច្ច និងការអភិវឌ្ឍលើគ្រប់វិស័យមានការរៀបចំការបោះឆ្នោត (គជប) ដោយត្រឹមត្រូវតាមលទ្ធិប្រជាធិប្បតេយ្យសេរីពហុបក្ស ប្រជាពលរដ្ឋគ្រប់រូបមានកាតព្វកិច្ចមានសិទ្ធិពេញលេញក្នុងការចូលរួមបោះឆ្នោត ជ្រើសរើសតំណាងរាស្រ្តនៅគ្រប់ៗអណត្តិតាមច្បាប់រដ្ឋធម្មនុញ្ញនៃព្រះរាជាណាចក្រកម្ពុជា។ នៅកម្ពុជាដំណើរការបោះឆ្នោតកន្លងមកមិនមានការពន្យាពេលឬផ្អាកការបោះឆ្នោតម្ដងណានោះទេ​សម្រាប់អណត្តិទី៦នេះដំណើរការបោះឆ្នោតប្រព្រឹត្តទៅតាមការគ្រោងទុកតាមប្រតិទិនរបស់ (គជប) នៅថ្ងៃទី២៩ កក្កដា ឆ្នាំ២០១៨ មានគណៈបក្សនយោបាយចូលរួមបោះឆ្នោតជ្រើសរើសតំណាងរាស្រ្ត២០បក្ស ដែលឆ្លុះបញ្ចាំងពីដំណើរការលទ្ធិប្រជាធិប្បតេយ្យពិតប្រាកដនៅកម្ពុជានាបច្ចុប្បន្ននេះ។  ឯកឧត្ដម សេង ស៊ីណារិន្ទ បានអំពាវនាវដល់មន្រ្តីបក្សជួយជម្រុញប្រជាពលរដ្ឋ សូមអញ្ជើញទៅចូលរួម​បោះឆ្នោតជូន​គណៈបក្ស​ប្រជា​ជន​កម្ពុជាឱ្យបានគ្រប់ៗគ្នាដែលមានលេខរៀងទី២០ ដើម្បីបន្តការគាំទ្រ​សម្ដេចតេជោ ហ៊ុន​សែន ជា​នាយក​រដ្ឋមន្រ្តី​ជារៀងរហូត ដើម្បីការពារសុខសន្តិភាព ស្ថិរភាពនយោបាយ ការពារសេចក្ដីសុខសាន្តរបស់ប្រជាពលរដ្ឋ…

 ឯកឧត្តម ម៉ៅ ភិរុណ អភិបាលខេត្តកណ្តាលអញ្ជើញជួប​សំណេះសំណាល ជាមួយមន្ត្រីសង្ឃគ្រប់ឋានានុក្រម ថ្នាក់ដឹកនាំ អាចារ្យ គណះកម្មការវត្ត ទូទាំងខេត្តកណ្តាល។        ​កិច្ចសំណេះសំណាលនេះធ្វើនៅថ្ងៃទី២៥ ខែមិថុនា ឆ្នាំ២០១៨ ក៏មានការ​ចូលរួមពីសំណាក់ លោក លោកស្រី​ជាថ្នាក់ដឹកនាំ មន្ត្រីរាជការ អាជ្ញាធរដែនដី ប្រមាណជាង ៦២០អង្គ/នាក់ នៅសាលាខេត្តកណ្តាល។          ​ក្នុងឱកាសនោះឯកឧត្តមអភិបាលខេត្ត បានផ្តល់នូវអានុសាសន៍ ត្រូវសាមគ្គីភាព ការស្រឡាញ់រាប់អានគ្នា ការចេះយោគយល់អធ្យាស្រ័យគ្នា និងការគោរពគ្នាទៅវិញទៅមក  និងប្រតិបត្តិនូវជំនឿ សាសនារបស់ខ្លួន ដោយឈរលើគោលការណ៍ នៃការអនុវត្តសិទ្ធិសេរីភាពខាងជំនឿ សាសនា ដែលយើចាត់ទុកថា ជាគន្លឹះដ៏សំខាន់នាំទៅរកសេចក្តីសុខ ស្ថេរភាព និងវិបុលភាពក្នុងវិស័យសេដ្ឋកិច្ច សង្គមកិច្ច ក៏ដូចជាការពង្រឹងនូវគោលការណ៍វប្បធម៌សន្តិភាព និងសុខដុមរមនាក្នុងសង្គមកម្ពុជា។         ត្រូវមានសាមគ្គីភាពផ្ទៃក្នុង ដោយគោរពតាមឋានានុក្រម និងត្រូវបន្តធ្វើការបណ្តុះបណ្តាល កសាងសមត្ថភាពធនធានមនុស្ស និងការអភិវឌ្ឍអង្គភាពរបស់ខ្លួន អោយមានប្រសិទ្ធភាព និងការទទួលខុសត្រូវខ្ពស់។        បន្ថែមពីនេះ ត្រូវមានទំនាក់ទំនង និងសហការល្អជាមួយព្រះមេគណទាំងពីរគណៈ  និងអាជ្ញាធរគ្រប់លំដាប់ថ្នាក់  ហើយត្រូវផ្តល់របាយការណ៍ប្រចាំខែ ត្រីមាស…

(ខេត្តកណ្តាល) ៖ ប្រធានគណៈអចិន្ត្រៃយ៍គណៈពង្រឹងមូលដ្ឋានស្រុកខ្សាច់កណ្ដាល និងស្រុកល្វាឯម បានលើកឡើងថា គណបក្ស ប្រជាជនកម្ពុជា បានប្រកាន់យ៉ាងខ្ជាប់ឥតប្រែប្រួលនូវគោលបំណង និងឧត្ដមគតិរបស់ខ្លួន ដែលផ្សារភ្ជាប់ទៅនឹង គោលការណ៍ប្រជាធិបតេយ្យ។ឯកឧត្តម អូន ព័ន្ធមុនីរ័ត្ន ប្រធានក្រុមការងារថ្នាក់ជាតិចុះមូលដ្ឋានខេត្តកណ្ដាល និងជាប្រធានគណៈអចិន្ត្រៃយ៍ គណៈពង្រឹងមូលដ្ឋានស្រុកខ្សាច់កណ្ដាល និងស្រុកល្វាឯម បានលើកឡើង ក្នុងពិធីសម្ពោធដាក់ឱ្យប្រើប្រាស់សមិទ្ធផល ជាច្រើននៅក្នុងឃុំឧកញ៉ាតី ស្រុកខ្សាច់កណ្ដាល ខេត្តកណ្ដាល នៅថ្ងៃទី២៥ ខែមិថុនា ឆ្នាំ២០១៨ ថា គណបក្សប្រជាជន កម្ពុជាបានចាប់កំណើត តាំងពីឆ្នាំ១៩៥១ រហូតមកដល់បច្ចុប្បន្ន គឺមានរយៈពេលជិត៧០ឆ្នាំមកហើយ ក្នុងនោះទោះបី ត្រូវឆ្លងកាត់ការលំបាក និងបញ្ហាស្មុកស្មាញជាច្រើនយ៉ាងណាក៏ដោយ ក៏គណបក្សបានស្ថិតនៅរួមសុខរួមទុក្ខជាមួយ ប្រជាជនជានិច្ច និងបានធ្វើអ្វីៗគ្រប់បែបយ៉ាង ដើម្បីផលប្រយោជន៏ជាតិ និងប្រជាជនគ្រប់ដំណាក់កាល។ ឯកឧត្តម ប្រធាន បានបង្ហាញថា គណបក្សប្រជាជនកម្ពុជា នៅតែប្រកាន់ជំហរយ៉ាងរឹងមាំក្នុងការ ថែរក្សាការពារ រាល់សមិទ្ធផលរបស់សង្គមជាតិ ពិសេសសន្តិភាព និងស្ថេរភាពនយោបាយ ដែលជាសមិទ្ធផលដ៏ធំមិនអាចកាត់ថ្លៃបាន សម្រាប់ការអភិវឌ្ឍសេដ្ឋកិច្ច និងសង្គម ក្នុងនោះគណបក្សប្រជាជនកម្ពុជា បានប្រកាន់យ៉ាងខ្ជាប់ឥតប្រែប្រួលនូវគោលបំណង និងឧត្ដមគតិរបស់ខ្លួន ដែលផ្សារភ្ជាប់ទៅនឹងគោលការណ៍ប្រជាធិបតេយ្យប្រជាជន។…

សមាជិកគណៈកម្មាធិការកណ្ដាលគណបក្សប្រជាជនកម្ពុជាទទួលបន្ទុកការងារយុវជន លោក ហ៊ុន ម៉ាណែត ក្នុងពិធីសំណេះសំណាលជាមួយសកម្មជនយុវជន និងបញ្ចូលសមាជិក សមាជិកា យុវជនគណបក្សប្រជាជនកម្ពុជាខេត្តពោធិ៍សាត់ នៅថ្ងៃទី២៤មិថុនា ម្សិលមិញ បានថ្លែងបញ្ជាក់ថា ប្រទេសកម្ពុជា គឺជាប្រទេសប្រជាធិបតេយ្យ ហើយមានតែការបោះឆ្នោត តែមួយគត់និងជាវិធីសាស្ត្រតែមួយគត់ដែលជ្រើសរើសអ្នកដឹកនាំប្រទេសប្រកបដោយសន្តិវិធី ដោយយុត្តិធម៌និងបែបលទ្ធិប្រជាធិបតេយ្យ។ លោកហ៊ុន ម៉ាណែត បានបញ្ជាក់ថា ប្រទេសកម្ពុជាប្រកាន់របបលទ្ធិប្រជាធិបតេយ្យសេរីពហុបក្សដែលនៅក្នុងនោះគណបក្សប្រជាជនកម្ពុជា ជាគណបក្សកាន់អំណាចប៉ុន្តែមិនមែនមានតែគណបក្សមួយទេហើយប្រជាជនមានសិទ្ធិសេរីភាពនៅក្នុងការជ្រើសរើសជាមួយគណបក្សនយោបាយណាដែលខ្លួនពេញចិត្ត។ ជាក់ស្ដែងការចូលរួមរបស់យុវជនជាមួយនឹងគណបក្សប្រជាជនកម្ពុជាគឺគ្មានការបង្ខិតបង្ខំណាមួយឡើយ។ លោកថា បើប្រជាពលរដ្ឋស្រលាញ់គណបក្សប្រជាជនកម្ពុជា ត្រូវជួយបក្ស នៅពេលដែលបក្សឈ្នះ គឺបក្សជួយប្រជាជន ជួយដល់គ្រួសារប្រជាពលរដ្ឋជួយផ្ដល់ ឱកាសគ្រប់បែបយ៉ាងដល់យុវជនបន្តទៀត ដែលនោះ គឺជាការសម្រេចចិត្តដ៏ត្រឹមត្រូវមួយ។ ជាមួយគ្នានេះ លោកហ៊ុន ម៉ាណែត ក៍បានអំពាវនាវឲ្យយុវជននិងសមាជិកសមាជិការ ទាំងអស់ទៅបោះឆ្នោតឱ្យបានគ្រប់គ្រប់គ្នានិង និងជំរុញប្រជាពលរដ្ឋទៅបោះឆ្នោតគាំទ្រនិងនិងលើកទឹកចិត្តដល់សម្តេចតេជោហ៊ុន សែន ដើម្បីដឹកនាំប្រទេសអោយរីកចម្រើនជា បន្តទៀត។ លោកថា ការបោះឆ្នោតគាំទ្រគណបក្សប្រជាជនកម្ពុជា ដើម្បីការពារនីតិរដ្ឋ ការពារសិទ្ធិសេរីភាពរបស់ប្រជាពលរដ្ឋ ការពារលទ្ធិប្រជាធិបតេយ្យការពារសុខសន្តិភាព ជូនប្រជាពលរដ្ឋនិងសិទ្ធិដើម្បីបម្រើប្រជាពលរដ្ឋតទៅទៀត  ព្រោះថាអនាគតរបស់ កម្ពុជាគឺពឹងផ្អែកលើរាជរដ្ឋាភិបាលដែលមានបទពិសោធន៍សមត្ថភាព រក្សាសុខសន្តិភាព ស្ថិរភាពនិងការអភិវឌ្ឍទាំងអស់គ្នា។ លោកបានបញ្ជាក់ថា គណបក្សប្រជាជនកម្ពុជា…

ភ្នំពេញ៖ តំណាងក្រុមហ៊ុនស្រាបៀរ លីអូ បានប្រគល់រង្វាន់យ៉ាងច្រើនទុកជាចំណងដៃសុភមង្គលជូនដល់គូស្វាមីភរិយាថ្មីសរុបចំនួន43គូ ដែលបានឈ្នះរង្វាន់ពីកម្មវិធីចំណងដៃសុភមង្គលអាពាហ៍ពិពាហ៍របស់ស្រាបៀរ លីអូ សម្រាប់ការចាប់រង្វាន់លើកទី2ក្នុងឆ្នាំ2018 នៅក្នុងកម្មវិធី “Leo Surprise” របស់ស្ថានីយទូរទស្សន៍អាស៊ីអាគ្នេយ៍ ។ ក្នុងនោះគូស្វាមីភរិយាថ្មីចំនួន៤គូបានឈ្នះរង្វាន់ធំម៉ូតូ  SCOOPY i និង 15 គូបានឈ្នះបន្តោងខ្សែកមាស 5 ជី  ខណៈ 24 គូផ្សេងទៀតបានឈ្នះបន្តោងខ្សែកមាស 2 ជី ដែលពួកគាត់បានមកពីទូទាំងប្រទេស រួមមានទំាងរាជធានីភ្នំពេញ និងបណ្តាខេត្តនានា ។ លោក រិន សុវណ្ណារ៉ា អ្នកតំណាងផ្នែកទីផ្សាររបស់ក្រុមហ៊ុនស្រាបៀរ លីអូ បានថ្លែងក្នុងកម្មវិធីប្រគល់រង្វាន់ថា “ជារៀងរាល់ឆ្នាំ ស្រាបៀរ លីអូ តែងមានកម្មវិធីចំណងដៃសុភមង្គលអាពាហ៍ពិពាហ៍ ដើម្បីជាកិច្ចថ្លែងអំណរគុណដល់អតិថិជនដ៏មានតម្លៃរបស់យើង ដែលបានជ្រើសរើសស្រាបៀរលីអូ សម្រាប់ថ្ងៃមង្គលរបស់ពួកគេ ហើយយើងក៏សង្ឃឹមថា អតិថិជននៅតែបន្តគាំទ្រស្រាបៀរលីអូ ដើម្បីញ៉ាំងឲ្យកម្មវិធីមង្គលការកាន់តែមានភាពសប្បាយរីករាយ” ។ អ្នកតំណាងផ្នែកទីផ្សាររូបនេះបានបន្ថែមទៀតថា នេះជាការចាប់រង្វាន់លើកទី២ហើយ សម្រាប់កម្មវិធីចាប់ឆ្នោតផ្សងសំណាងផ្តល់ចំណងដៃសុភមង្គលអាពាហ៍ពិពាហ៍ឆ្នាំ2018នេះ ហើយសូមជាវស្រាបៀរ លីអូ សម្រាប់ទទួលភ្ញៀវក្នុងពិធីអាពាហ៍ពិពាហ៍របស់លោកអ្នក ដើម្បីទទួលបានចំណងដៃសុភមង្គលអាពាហ៍ពិពាហ៍ដ៏អស្ចារ្យពីស្រាបៀរ…