ជនសង្ស័យជា ព្រះសង្ឃមួយអង្គត្រូវបានកម្លាំងនគរបាលក្រុងប៉ោយប៉ែត ឃាត់ខ្លួនយកទៅសួរនាំ ក្រោយបានធ្វើសកម្មភាពយកដែកឆាបចាក់លើរូបរាងកាយលើស្ត្រីអាជីវករវេលុយវីងម្នាក់បណ្តាលឲ្យរបួសធ្ងន់ ដែលមិនត្រូវបានគេដឹងថាផ្តើមចេញពីទំនាស់អ្វីឲ្យប្រាកដនៅឡើយទេ កាលពីវេលាម៉ោង១០ព្រឹកថ្ងៃទី២៤ ខែវិច្ឆិការ ឆ្នាំ២០១៨នេះនៅចំនុចដីវាលអូរខៃដន សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ តែជំហ៊ានដំបូងត្រូវមជ្ឈដ្ឋានប្រជាពលរដ្ឋសង្ស័យរឿងស្នេហាត្រីកោណ។ ព្រះសង្ឃដែលត្រូវនគរបាលឃាត់ខ្លួនមានព្រះនាម ឈ្មោះ​ទន់ សា​វន អាយុ​៥២​ឆ្នាំ សង្ឃ​អង្គ​នេះ​គង់នៅ​វត្ត​ស្វាយ​ចាស់ ក្នុងភូមិ​កំពង់ស្វាយ សង្កាត់​ព្រះ​ពន្លា ក្រុង​សិរី​សោភ័ណ ខេត្តបន្ទាយមានជ័យ។រីឯស្ត្រីរងគ្រោះមានឈ្មោះ សេង​ ផល្លា​ អាយុ​៤៦​ឆ្នាំ​ របួសធ្ងន់​ ជាអាជីវករវេលុយវីង នៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត។ពេលនេះត្រូវបានគេបញ្ជូនទៅសង្គ្រោះក្នុងមន្ទីរពេទ្យមួយ នៅទីក្រុងបាងកកប្រទេសថៃ។ ប្រភពពីសាក្សីនៅម្តុំកន្លែងកើតហេតុ  បានឲ្យដឹងថានៅព្រឹកថ្ងៃសៅនេះ មុនពេលមានបញ្ហាគេបានឃើញស្ត្រីម្នាក់ខាងលើ បើករថយន្តម៉ាកហាយឡិនដ័រ មកកាន់ចំនុចអូរខៃដន ក្រោយមកស្រាប់តែមានព្រះសង្ឃទន់ សាវន បានដើរពីម្តុំគេលក់ឥវ៉ាន់មកចូលក្នុងឡាន បានមួយសន្ទះុក៏ស្រាប់តែមានការប្រើអំពើរហឹង្សាកើតឡើង ដែលបង្កដោយលោងសង្ឃអង្គនេះ បានយកដែកឆាបមកប៉ងសម្លាប់ស្ត្រីរងគ្រោះ ត្រូវបានអ្នកស្រុកឃើញផ្អើលឆោឡោរ បានរាយការណ៍ជូនទៅសមត្ថកិច្ចចុះមកអន្តរាគមន៍និងឃាត់ខ្លួនព្រះសង្ឃអង្គនោះបានភ្លាមៗតែម្តង។ ពាក់ពន្ធ័ករណីខាងលើ លោក ធិន ស៊ិនដេត អធិការនគរបាលក្រុងប៉ោយប៉ែត បានឲ្យដឹងថា ក្រោយពីរកឃើញបទល្មើស លោកបានរាយការណ៍ជូនទៅខាងការិយាល័យធម្មការនិងសាសនា ហើយក៏បានធ្វើពិធីផ្សឹកសង្ឃអង្គនេះរួចរាល់ផងដែរ។បច្ចប្បន្នជនសង្ស័យ…

ភ្នំពេញ៖ មានជនសង្ស័យចំនួន២ក្រុមបានចេញធ្វើសកម្មភាព លួចកាច់កម៉ូតូ និងវាយប្លន់ម៉ូតូ បានសម្រេច២គ្រឿង ក្នុង២ករណីផ្សេងគ្នានៅខណ្ឌច្បារអំពៅ។ ករណីទី១ នៅវេលាម៉ោង០៤ទាបភ្លឺ ឈានចូលថ្ងៃសៅរ៍ ទី២៤ ខែវិច្ឆិកានេះ មានបុរសជាសន្តិសុខម្នាក់ដេកលក់មួយភាំងត្រូវបានក្រុមជនសង្ស័យលួចចូល កាច់ក យកម៉ូតូ Nex មួយគ្រឿង បានសម្រេច រួចអូសចេញទៅក្រៅ ហើយបញ្ឆេះម៉ូតូ ទើបជនរងគ្រោះភ្ញាក់ស្ទុះរត់ចេញទៅមើល បានត្រឹមឃើញជនសង្ស័យកំពុងជិះម៉ូតូរបស់ខ្លួន ចេញទៅបាត់ដោយសុវត្ថិភាព នៅចំណុចតូបយាមមុខច្រកចូលបុរីតាង៉ូវ ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។ ជនរងគ្រោះមានឈ្មោះ ជា សាមឌី ភេទប្រុស អាយុ៣០ឆ្នាំ មុខរបរសន្តិសុខយាមបុរីតាង៉ូវ ស្នាក់នៅភូមិតាង៉ូវកណ្ដាល សង្កាត់និរោធ ខណ្ឌច្បារអំពៅ ភ្នំពេញ។ ក្រោយពេលកើតហេតុ ជនរងគ្រោះបានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលនិរោធ ដើម្បីឲ្យសមត្ថកិច្ចជួយស្រាវជ្រាវតាមរកជនសង្ស័យ។ ចំណែកករណីទី២ វាយប្លន់យកម៉ូតូបានសម្រេចនៅវេលាម៉ោង០៥:០៥នាទីទាបភ្លឺ ថ្ងៃសៅរ៍ ទី២៤វិច្ឆិកា ដដែលនេះ លើកំណាត់ផ្លូវ៣៦៩ ស្ថិតក្នុងសង្កាត់ព្រែកប្រា ខណ្ឌច្បារអំពៅ ពេលដែលយុវជនប្រុសស្រីមួយក្រុម បានជិះម៉ូតូត្រឡប់មកពីដើរលេងបុណ្យអុំទូកវិញ ត្រូវបានជនសង្ស័យមួយក្រុមបានធ្វើសកម្មភាពវាយប្លន់យកម៉ូតូ១គ្រឿង បានសម្រេច រួចជិះគេចខ្លួនបាត់ដោយសុវត្ថិភាព។ បន្ទាប់មក ជនរងគ្រោះបាននាំគ្នាមកដាក់ពាក្យបណ្ដឹងនៅប៉ុស្តិ៍នគរបាលនិរោធ តែសមត្ថកិច្ចប៉ុស្តិ៍និរោធបានប្រាប់ឱ្យជនរងគ្រោះទាំងនោះ…

ភ្នំពេញ៖ ប្តីប្រពន្ធ២នាក់កំពុងជិះម៉ូតូឌុបគ្នា ស្រាប់តែមានរថយន្តដឹកទឹកកមួយគ្រឿងបុកពីក្រោយ ហើយកិនចំប្តីបែកថ្លើមស្លាប់ រីឯប្រពន្ធរងរបួសធ្ងន់ និងត្រូវបានរថយន្តសាមុយឯកជនដឹកទៅសង្គ្រោះបន្ទាន់ភ្លាមៗ។ ហេតុការណ៍គ្រោះថ្នាក់ចរារណ៍នេះ បានកើតឡើងនៅវេលាម៉ោង៦ព្រឹកថ្ងៃសៅរ៍ ទី២៤ ខែវិច្ឆិកា ឆ្នាំ២០១៨នេះ ត្រង់ចំណុចមុខការ៉ាស់សាំងតេលា តាមបណ្តោយផ្លូវវេងស្រេងក្នុងសង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ សមត្ថកិច្ចបានឲ្យដឹងថា តៃកុងរថយន្តបង្កមានឈ្មោះ  ឆើម  ឆេងឡង  ភេទប្រុស អាយុ២៣ឆ្នាំ  មានស្រុកកំណើតភូមិព្រែកតាគង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល រត់គេចខ្លួនបាត់។ ចំណែកពីនាក់ប្តីប្រពន្ធរងគ្រោះទាំង២ នៅមិនស្គាល់អត្តសញ្ញាណនោះទេ ដោយពួកគាត់ជិះម៉ូតូម៉ាកវ៉េវពណ៌ក្រហមលាយខ្មៅ ពាក់ស្លាកលេខ ភ្នំពេញ 1AB.1644 ។ រីឯរថយន្តបង្កម៉ាកកូរ៉េ FRONTIA.ពាក់ស្លាក់លេខ ភ្នំពេញ 2M.0417។ តាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះជាប្តីប្រពន្ធ ធ្វើដំណើរតាមបណ្តោយផ្លូវវេងស្រង ទិសដៅពីលិចមកកើត ចំណែករថយន្តបង្ករបើកបរស្របទិសគ្នាមកពីក្រោយបុកទាំងកំរោលបណ្តាលឲ្យដួលកិនចំប្តីបែកថ្លើមស្លាប់នៅនឹងកន្លែង រីឯប្រពន្ធរងរបួសធ្ងន់។ ក្រោយពីកើតហេតុ សមត្ថកិច្ចមូលដ្ឋានចុះមកដល់កន្លែងកើតហេតុ និងទំនាក់ទំនងទៅជំនាញចរាចរណ៍ក្រុងមកធ្វើការវាស់វែងយករថយន្ត និងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំដោះស្រាយគ្នាតាមផ្លូវច្បាប់។ ចំណែកសពបុរសរងគ្រោះ សមត្ថកិច្ចឲ្យខាងរថយន្តដឹកសពយកទៅតម្កល់នៅវត្តទឹកថ្លា រង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕ម.ន

ភ្នំពេញ៖ រយៈពេល៣ថ្ងៃជាប់គ្នា ចាប់ថ្ងៃទី២១ ដល់ថ្ងៃទី២៣ ខែវិច្ឆិកានេះ ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ក្រុមហ៊ុន HiteJinro ដែលជាក្រុមហ៊ុនផលិតស្រាកូរ៉េ Jinro បានបង្កើតជាបរិយាកាសរំភើបរីករាយ ក៏ដូចជាការចែករំលែកវប្បធម៌រវាងយុវជន-យុវនារីជំនាន់ថ្មី តាមរយៈព្រឹត្តិការណ៍តន្រ្តី EDM 360 ធំជាងគេបង្អស់នៅក្នុងប្រទេសកម្ពុជា។ លោក Hwang Jungho នាយកគ្រប់គ្រងពាណិជ្ជកម្មអន្តរជាតិរបស់ក្រុមហ៊ុន ជីនរ៉ូ បានមានប្រសាសន៍ថា កម្មវិធីនេះ គឺរៀបចំឡើងក្រោមកិច្ចសហប្រតិបត្តិរវាង៤ប្រទេស គឺប្រទេសកូរ៉េ ថៃ ឡាវ និងកម្ពុជា ក្នុងគោលបំណងនាំយកនូវភាពរំភើបអស្ចារ្យដល់យុវវ័យកម្ពុជា និងអតិថិជន Jinro ទាំងអស់ ។ លោក Jungho បន្តថា ស្រា ជីនរ៉ូ នឹងនាំយុវជន-យុវនារីជួបជាមួយឌីជេ និងតារាល្បីៗជាមួយបទពិសោធនៃបច្ចេកទេសពន្លឺ និងបច្ចេកទេសសំឡេងលំដាប់អន្តរជាតិ ជាពិសេសបច្ចេកទេសតុបតែងឆាកដ៏អស្ចារ្យ ព្រមទាំងកម្មវិធីកម្សាន្តសប្បាយយ៉ាងច្រើនទៀត ហើយលោកសង្ឃឹមថា ជីនរ៉ូ នឹងស្ថិតក្នុងដួងចិត្តយុវវ័យគ្រប់រូប បន្ទាប់ពីព្រឹត្តិការណ៍តន្រី្ត EDM 360 Festival បានបញ្ចប់ទៅ។ សូមបញ្ជាក់ថា តន្រ្តី…

ភ្នំពេញ៖ ក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅក្នុងព្រឹត្តិការណ៍ដាក់តាំង និងដើរបង្ហាញផលិតផលថែរក្សាសម្ផស្សលំដាប់លេខ១ នាំចូលមកពីប្រទេសតៃវ៉ាន់ ដែលផលិតតាមបច្ចេកវិទ្យាប្រទេសជប៉ុន ធ្វើឡើងនៅក្នុងផ្សារទំនើបអ៊ីអន២ ជាន់ផ្ទាល់ដី នាថ្ងៃទី២៣ ខែវិច្ឆិកាម្សិលមិញនេះ មានបងប្អូនប្រជាពលរដ្ឋខែ្មរ និងភ្ញៀវបរទេសយ៉ាងកុះករបានមកទស្សនា និងសាកសួរព័ត៌មានជាច្រើនអំពីផលិតផលថ្មីនេះ ដើម្បីទទួលបាននូវបទពិសោធន៍បន្ថែមទៀត ក្នុងការថែរក្សាសម្ផស្សរបស់ខ្លួន។ លោក ខេវិន អូវ ជាប្រធាន និងលោកស្រី អាយរិន លី ជាអនុប្រធានក្រុមហ៊ុន Angel Face Cambodia បានមានប្រសាសន៍ថា ផលិតផលថែរក្សាសម្ផស្សលេខ១មកពីតៃវ៉ាន់ ដែលផលិតតាមបច្ចេកវិទ្យាជប៉ុននេះ គឺមានការវេចខ្ចប់លក្ខណៈម៉ាកដើម មានវិញ្ញាបនបត្រ ISO និងអាជ្ញាប័ណ្ណបើករោងចក្រ ដែលត្រូវនឹងតម្រូវការអាកាសធាតុប្រទេសកម្ពុជា ក្នុងការស្រាវជ្រាវផលិតផលថែរក្សាសម្ផស្សនេះ។ លោក និងលោកស្រីបន្តថា ឥឡូវនេះ ក្រុមហ៊ុនមានអ្នកតំណាងចំនួន២៥ខេត្ត-ក្រុងនៅទូទាំងប្រទេស មានភ្នាក់ងារចែកចាយជាង៣០០ភ្នាក់ងារ ហើយថា ក៏មានតារាជាច្រើនរូបបានប្រើប្រាស់ និងគាំទ្រផលិតផល Angel Face ផងដែរ។ លោក ខេវិន អូវ និងលោកស្រី អាយរិន លី…

ភ្នំពេញ៖ រថយន្តទួរីសបើកលឿនវ៉ាជែងជ្រុលទៅបុកជាមួយម៉ូតូ nex បណ្ដាលឲ្យយុវជន២នាក់ស្លាប់ភ្លាមៗនៅនឹងកន្លែង ចំណែកម្នាក់ទៀតរងរបួសធ្ងន់។ ហេតុការណ៍គ្រោះថ្នាក់ចរាចរណ៍គួរឲ្យរន្ធត់នេះបានកើតឡើងកាលពីវេលាម៉ោង៥និង២៥នាទីព្រឹកថ្ងៃទី២៤ ខែវិច្ឆិកា ឆ្នាំ២០១៨ នៅតាមបណ្ដោយផ្លូវព្រះនរោត្ដម ស្ថិតក្នុងសង្កាត់បឹងកេងកង១ ខណ្ឌចំការមន រាជធានីភ្នំពេញ។ សពយុវជនរងគ្រោះដែលស្លាប់២ រួមទាំងអ្នករងរបួសធ្ងន់ មិនទាន់បានស្លាល់អត្តសញ្ញាណនៅឡើយទេ។ ប្រភពព័ត៌មានពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តទួរីស ពណ៌សមួយគ្រឿងពាក់ស្លាកលេខភ្នំពេញ2AB-9170 បើកបរដោយបុរសម្នាក់ធ្វើដំណើរតាមបណ្ដោយផ្លូវព្រះនរោត្ដម ទិសដៅពីត្បូងទៅជើងក្នុងល្បឿនយ៉ាងលឿន មកចំណុចកើតហេតុក៏បានវ៉ាជែងរថយន្តមួយគ្រឿងទៀតបណ្ដាលឲ្យជ្រុលទៅបុកជាមួយម៉ូតូnexពណ៌ស ពាក់ស្លាកលេខភ្នំពេញ1CL-4344 ដែលជិះគ្នា៣នាក់បើកបរបញ្ច្រាស់ទិសដៅគ្នាយ៉ាងពេញទំហឹង បណ្ដាលឲ្យយុវជន២នាក់ បានបោកក្បាលស្លាប់ភ្លាមៗនៅនឹងកន្លែងកើតហេតុ ចំណែកម្នាក់ទៀតរបួសធ្ងន់ត្រូវបានរថយន្តសាមុយដឹកទៅសង្គ្រោះបន្ទាន់នៅមន្ទីរពេទ្យ។ ចំណែកអ្នកបើករថយន្តត្រូវបានបុរសម្នាក់ដែលឃើញហេតុការណ៍ដេញតាមចាប់បាន និងប្រគល់ឲ្យសមត្ថកិច្ចនគរបាលប៉ុស្តិ៍បឹងកេងកង១។ ក្រោយពេលកើតហេតុសមត្ថកិច្ចមូលដ្ឋាន បានសហការជាមួយសមត្ថកិច្ចជំនាញចុះមកធ្វើការវាស់វែងយករថយន្ត និងម៉ូតូទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំដោះស្រាយនៅពេលក្រោយ។ ចំណែកសពជនរងគ្រោះទាំង២នាក់ សមត្ថកិច្ចដឹកយកទៅតម្កល់នៅវត្ថទឹកថ្លាដើម្បីស្រាវជ្រាវរកសាច់ញាតិតាមក្រោយ៕ម.ន

យោងតាមរបាយការណ៍ព័ត៌មានមន្ទីរទេសចរណ៍ខេត្ដព្រះសីហនុ បានបង្ហាញថា ភ្ញៀវទេសចរមកកម្សាន្តនៅខេត្តព្រះសីហនុ រយៈពេលបីថ្ងៃទីនៃព្រះរាជពិធីបុណ្យអុំទូក បណ្ដែតព្រះទីប សំពះព្រះខែ និងអកអំបុក ចាប់ពីថ្ងៃទី២១ ដល់ថ្ងៃទី២៣ ខែវិច្ឆិកា ឆ្នាំ២០១៨ មានចំនួនប្រមាណ៦៣,០០០នាក់ មានការថយចុះ ២៥,៨៨%។ លោក វ៉េង ស៊ីសុវង្ស អនុប្រធានមន្ទីរទេសចរណ៍ ខេត្ដព្រះសីហនុ ប្រាប់ឲ្យដឹងថា រយៈពេលបីថ្ងៃទីនៃព្រះរាជពិធីបុណ្យអុំទូក បណ្ដែតព្រះទីប សំពះព្រះខែ និងអកអំបុក ចាប់ពីថ្ងៃទី២១ ដល់ ថ្ងៃទី២៣ ខែវិច្ឆិកា ឆ្នាំ២០១៨ មានចំនួនប្រមាណ ៦៣,០០០នាក់ មានការថយចុះ ២៥,៨៨% ក្នុងនោះភ្ញៀវជាតិ មានចំនួនប្រមាណ៥០,២៣០នាក់ ថយចុះ ៣២,០៧% ភ្ញៀវអន្តរជាតិ មានចំនួនប្រមាណ១២,៧៧០នាក់ កើនឡើងប្រមាណ១៥,៥៦%។ លោក បន្ដថា ភ្ញៀវទៅកំសាន្តតាមបណ្ដាកោះមានចំនួនសរុបប្រមាណ ៦,៤៨៩នាក់ ស្រី២,៤៥៥ ក្នុងនោះមានភ្ញៀវជាតិចំនួន៣,០០១នាក់ ស្រី ១,២៣៥នាក់ ថយចុះ ៤៩,៨៧% និងភ្ញៀវអន្ដរជាតិមានចំនួន ៣,៤៨៨នាក់ ស្រី ១,៧០០នាក់ កើនឡើង…