ធុងសំរាមសរុបចំនួន១៦៧១ធុង ត្រូវបានដាក់ពង្រាយក្នុងតំបន់កម្សាន្ត ជាមួយកម្លាំងបោសសំអាតសរុបចំនួន៨៣៥នាក់ សម្រាប់ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលចូលមកដល់នៅថ្ងៃទី២១-២២ និង២៣ ខែវិច្ឆកា ឆ្នាំ២០១៨ខាងមុខនេះ។ យោងតាមហ្វេសប៊ុករបស់សាលារាជធានីភ្នំពេញ បានឱ្យដឹងពីសកម្មភាពពង្រាយធុងសំរាមនៅថ្ងៃទី១៩ ខែវិច្ឆកា ចំពោះទីតាំងមានប្រជាពលរដ្ឋច្រើន ហើយនឹងបន្តពង្រាយនៅថ្ងៃទី២០ ខែវិច្ឆកា ឆ្នាំ២០១៨៕ម.ន

ភ្នំពេញ៖ គម្រោងអចលទ្រព្យដ៏ធំ អេហ្វ ហ័រហ្វូ (R&F) របស់អ្នកវិនិយោគចិន មានទីតំាងស្ថិតនៅលើផ្លូវសម្តេចតេជោ រាជធានីភ្នំពេញ ក្រោមទុនវិនិយោគជាង៧០០លានដុល្លារអាម៉េរិក បានប្រកាសដាក់លក់ជាផ្លូវការហើយកម្ពុជានៅថ្ងៃទី១៩ ខែវិច្ឆិកា ឆ្នំា២០១៨នេះ។ ថ្លែងក្នុងពិធីនេះ ឯកឧត្តម ផៃ ប៊ុនឈឿន រដ្ឋលេខាធិការក្រសួងបរិស្ថានបានលើកឡើងថា វត្តមានរបស់គម្រោង R&F មិនត្រឹតែឆ្លុះបញ្ចាំងពីជំនឿទុកចិត្តមកលើគោលនយោបាយកម្ពុជានោះទេ ប៉ុន្តែក៏ជាការយល់ឃើញដ៏ឆ្លាសវៃរបស់ចិន ចំពោះសក្តានុពលខ្ពស់ ដែលអំណោយផលច្រើនសម្រាប់វិនិយោគផ្ទាល់ពីបរទេស។ ឯកឧត្តមបន្តថា ការរីកចម្រើនវិស័យអចលទ្រព្យ វិស័យសំណង់ គឺជាបដិវត្តន៍ថ្មីសម្រាប់ទីផ្សារលើវិស័យអចលនទ្រព្យនៅកម្ពុជា ជាក់ស្តែងក្នុងរយៈពេលដ៏ខ្លី កម្ពុជាបានរីកមុខមាត់ដោយមានអាគាខ្ពស់ៗស្កឹមស្កៃជាច្រើន ជាពិសេសនៅរាជធានីភ្នំពេញ។ ឯកឧត្តមបន្ថែមទៀតថា គិតត្រឹមដើមខែតុលាឆ្នាំ២០១៨ រាជធានីភ្នំពេញមានទីក្រុងរណបបុរីលំនៅស្ថាន និងលំនៅស្ថានប្រមាណ២១២ទីតាំង ខណៈតួលេខនេះ នឹងនៅតែបន្តកើនឡើងបន្ថែមទៀតក្នុងរយៈពេលដ៏ខ្លីខាងមុខ ប្រសិន បើលក្ខខណ្ឌ សុខសន្តិភាព និងស្ថេរភាពនយោបាយត្រូវបានធានា។ ឯកឧត្តម ហេង វុទ្ធី តំណាងសភាពាណិជ្ជកម្មកម្ពុជាបានបញ្ជាក់ថា ការបោះទុនវិនិយោគរបស់ជនជាតិចិនរហូតដល់៧០០លានដុល្លារអាម៉េរិកនេះ បង្ហាញឲ្យឃើញពីទំនាក់ទំនងរវាងកម្ពុជា-ចិន ក្នុងការធ្វើកិច្ចសហប្រតិបត្តិការល្អជាមួយគ្នា ពិសេសវិនិយោគចិនបានទុកចិត្តការដឹកនាំរបស់ប្រមុខរាជរដ្ឋាភិបាល ដែលរក្សាបានសន្តិសុខ សុវត្ថិភាពដល់អ្នកវិយោគ។ ឯកឧត្តមបន្តថា ការធ្វើទំនាក់ទំនងកម្ពុជាលើវិស័យសំណង បច្ចេកវិទ្យា អប់រំ សុខាភិបាល…

ភ្នំពេញ៖ គិតមកដល់ឆ្នាំសិក្សា២០១៧-២០១៨នេះ សិស្សអាហារូបករណ៍របស់ក្រុមហ៊ុន តូយ៉ូតា (ខេមបូឌា) មានចំនួនសរុប៦៦រូប ដែលក្នុងនោះ សិស្សអាហារូបករណ៍ជំនាន់ទី១មាន១៦រូប  សិស្សជំនាន់ទី២មាន១០រូប សិស្សជំនាន់ទី៣មាន១០រូប សិស្សជំនាន់ទី៤មាន១០រូប សិស្សជំនាន់ទី៥មាន៩រូប ដែលពួកគាត់ទើបតែប្រលងបញ្ចប់ការសិក្សាកាលពីខែកក្កដាកន្លងទៅនេះ និងសិស្សជំនាន់ទី៦មាន១១រូប ដែលពួកគាត់កំពុងបន្តការសិក្សានៅសាលា។ នេះជាការលើកឡើងរបស់លោកឧកញ៉ា គង់ នួន ប្រធានក្រុមហ៊ុន តូយ៉ូតា (ខេមបូឌា) ក្នុងពិធីប្រគល់ប្រគល់អាហារូបករណ៍បច្ចេកទេសជួសជុលរថយន្តជូនចំពោះសិស្សក្រីក្រជំនាន់ទី៧ និងពិធីអបអរសាទរការបញ្ចប់ថ្នាក់អាហារូបករណ៍ជំនាញបច្ចេកទេសជួសជុលរថយន្តរបស់សិស្សកី្រក្រជំនាន់ទី៥ ដែលរៀបចំឡើងនៅសណ្ឋាគារសាន់វ៉េ រាជធានីភ្នំពេញ នៅថ្ងៃទី១៧ ខែវិច្ឆិកា ឆ្នាំ២០១៨កន្លងទៅនេះ។ លោកឧកញ៉ាបន្តថា ឆ្នាំនេះគឺជាឆ្នាំទី៧ហើយ ដែលក្រុមហ៊ុន តូយ៉ូតា (ខេមបូឌា) ធ្វើការប្រគល់នូវអាហារូបករណ៍ ជូនដល់សិស្សក្រីក្រ ដែលពុំមានលទ្ធភាពក្នុងការបង់ថ្លៃសិក្សា ដើម្បីឲ្យពួកគាត់មានឳកាស ទទួលបាននូវចំណេះដឹង ចំណេះធ្វើ និងជំនាញមួយច្បាស់លាស់ ដែលពាក់ព័ន្ធនឹងបច្ចេកទេសជួសជុលរថយន្ត ក៏ដូចជាដើម្បីចូលរួមដល់ការបណ្តុះបណ្តាលធនធានមនុស្ស ក្នុងវិស័យយានយន្ត និងរួមចំណែកកាត់បន្ថយភាពក្រីក្រនៅក្នុងប្រទេសកម្ពុជា។ លោកឧកញ៉ាបន្តថា ស្របពេលដែលកំណើននៃការលក់រថយន្ត និងតម្រូវការទីផ្សារការងារនៃជាងជួសជុលរថយន្ត មានការកើនឡើងពីមួយឆ្នាំទៅមួយឆ្នាំគួរឲ្យកត់សម្គាល់ផងដែរនោះ កម្មវិធីអាហារូបករណ៍នេះ គឺជាការចូលរួមចំណែកមួយយ៉ាងសកម្ម ក្នុងការបង្កើនការបណ្តុះបណ្តាលធនធានមនុស្សក្នុងវិស័យយានយន្ត នៅក្នុងសង្គម។ លោកឧកញ៉ាក៏បានធ្វើការផ្តាំផ្ញើ និងក្រើនរំលឹកចំពោះសិស្សដែលទទួលបានអាហារូបករណ៍នៅពេលនេះ ត្រូវតែមានឆន្ទៈ…

ភ្នំពេញ៖ កម្លាំងតាមបណ្ដាប៉ុស្ដិ៍នៃអធិការនគរបាលខណ្ឌសែនសុខ បានធ្វើការបង្ក្រាប និងចាប់បានជនសង្ស័យ៦នាក់ ជាបន្តបន្ទាប់ ក្នុង៥ករណីផ្សេងៗគ្នា។ លោក ហ៊ួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងថា ជនសង្ស័យទាំង៦នាក់ដែលឃាត់ខ្លួនបានក្នុងករណី៥ផ្សេងគ្នា រួមមាន ៖ ករណីទី១ រំលោភលើទំនុកចិត្ក (យកម៉ូតូទៅបញ្ចាំ) នៅវេលាម៉ោង១៩ និង០០នាទី ថ្ងៃទី១៧ ខែវិច្ឆិកា ឆ្នាំ២០១៨ ត្រង់ចំណុចបន្ទប់ខារ៉ាអូខេ ខេផាធីវើល ផ្លូវ២៧១ ភូមិបុរីកម្មករ សង្កាត់ទឹកថ្លា ខណ្ឌសែនសុខ។ ដោយជនសង្ស័យម្នាក់ឈ្មោះ ជិន រដ្ឋវិសាល ភេទប្រុស អាយុ២២ឆ្នាំ ស្នាក់នៅផ្ទះលេខ១១៩Z សង្កាត់ទឹកល្អក់១ ខណ្ឌទួលគោក (មានសារធាតុញៀន)។ រីឯជនរងគ្រោះឈ្មោះ គៀត ស៊ុនហួរ ភេទប្រុស អាយុ២២ឆ្នាំ ស្នាក់នៅផ្ទះលេខ០៨ សង្កាត់សហពន្ធ័រុស្សី សង្កាត់ទឹកថ្លា ខណ្ឌសែនសុខ។ ចំណែកករណីទី២ ទី៣ ទី៤ និងទី៥ ជាករណីពាក់ព័ន្ធការប្រើប្រាស់គ្រឿងញៀន ដោយឃាត់ខ្លួនបានជនសង្ស័យ៥នាក់ នៅកន្លែង៤ទីតាំងផ្សេងគ្នា ដោយជនសង្ស័យទី១)ឈ្មោះ ពុធ…