៧ កុម្ភៈ ២០២២

ថ្ងៃនេះ កម្ពុជាសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ក្នុងខេត្តក្រចេះ ប្រវែង ៩៣.៥គីឡូម៉ែត្រ ដែលសាងសង់ក្រោមជំនួយឥតសំណងរបស់រដ្ឋាភិបាលចិន ក្នុងទឹកប្រាក់ជាង ៣៣លានដុល្លារ។ កំណាត់ផ្លូវជាតិលេខ៧ គឺជាខ្សែផ្លូវដ៏មានសក្ដានុពលមួយ តភ្ជាប់ពីរាជធានីភ្នំពេញ ឆ្លងកាត់ខេត្តសំខាន់ៗដូចជា ខេត្តកំពង់ចាម ត្បូងឃ្មុំ ក្រចេះ និងខេត្តស្ទឹងត្រែង និងឆ្ពោះទៅតំបន់ប៉ូលសេដ្ឋកិច្ចទី៤របស់កម្ពុជា ស្ថិតនៅភូមិភាគឦសាននៃប្រទេស ដែលបម្រើឱ្យចរាចរណ៍សម្រាប់សកម្មភាពផ្លាស់ប្តូរសេដ្ឋកិច្ច ពាណិជ្ជកម្ម និងទេសចរណ៍នៅក្នុងប្រទេស។

សម្តេចតេជោ ថា៖ “ខ្ញុំមានគោលដៅមួយបង្កើតឱ្យប្រទេសកម្ពុជាមានប៉ូលសេដ្ឋកិច្ចរហូតដល់៤ បន្ទាប់ពីប៉ូល៣ បានចេញជារូបរៀង។ ប៉ូលសេដ្ឋកិច្ចទី១ គឺរាជធានីភ្នំពេញ ប៉ូលទី២ គឺខេត្តព្រះសីហនុ និងប៉ូលទី៣ គឺខេត្តសៀមរាប។ ខ្ញុំចង់ប្រែក្លាយ ប៉ូលនៅឦសាននេះជាប៉ូលសេដ្ឋកិច្ចទី៤ ទាក់ទិននឹងបញ្ហាកសិឧស្សាហកម្ម ធនធានរ៉ែរបស់យើង”។ ៧ កុម្ភៈ ២០២២

“មានសន្តិភាព ទើបមានសុខមាលភាពប្រជាជន” ៧ កុម្ភៈ ២០២២