១. គ្រោះថ្នាក់ចរាចរណ៍ ១៥ករណី ស្លាប់ ៨នាក់ និងរបួសធ្ងន់ស្រាល ២១នាក់។ ២. គ្រឿងញៀន ៥ករណី ឃាត់ខ្លួនជនសង្ស័យ ៧នាក់។ ៣. កូវីដ ៤២ករណី ជាសះស្បើយ ១៨នាក់ និងគ្មានអ្នកស្លាប់។ អ្នកឆ្លងសរុប ១២០ ៩៥៦នាក់ អ្នកជាសះស្បើយ ១១៧ ១៨០នាក់ អ្នកស្លាប់ ៣ ០១៥នាក់ ចេញផ្សាយ ថ្ងៃទី២១ មករា ២០២២

ក្នុងជំនួបពិភាក្សាការងារតាមទូរស័ព្ទជាមួយប្រធានាធិបតីឥណ្ឌូនេស៊ី លោក Joko Widodo សម្តេចតេជោ ហ៊ុន សែន ហៅរដ្ឋមន្ត្រីការបរទេសម៉ាឡេស៊ី Saifuddin Abdullah ថាជាអ្នកការទូតព្រហើន មិនយល់ពីសិល្បៈការទូត បន្ទាប់ពី Saifuddin Abdullah បានវាយប្រហារទៅលើដំណើរទស្សនកិច្ចរបស់ម្តេចតេជោទៅកាន់មីយ៉ាន់ម៉ាកន្លងទៅ។ សម្តេចតេជោបានគូសបញ្ជាក់ថា “ថ្វីត្បិតរដ្ឋមន្ត្រីការបរទេសម៉ាឡេស៊ី ធ្លាប់ធ្វើការងារក្នុងក្របខណ្ឌគណបក្សប្រឆាំងនាពេលកន្លងទៅនេះក៏ដោយ ប៉ុន្តែគាត់មិនគួរណាក្នុងនាមជារដ្ឋមន្ត្រីការបរទេស និងជាអ្នកការទូតមួយរូប បែរជាប្រើពាក្យសំដីព្រហើនជាមួយប្រធានអាស៊ាន ក៏ដូចជាប្រមុខរដ្ឋាភិបាលអាស៊ាន ដែលពុំមានប្រើប្រាស់ភាសាការទូតសោះឡើយ។” នេះបើតាមលោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី។ “ទស្សនកិច្ចរបស់សម្តេចតេជោនាយករដ្ឋមន្ត្រី ទៅប្រទេសមីយ៉ាន់ម៉ាកាលពីថ្ងៃទី៧-៨ ខែមករា កន្លងទៅនេះ គឺដើម្បីដាំដើមឈើ មិនមែនទៅកាប់ឈើទេ។ ហើយការដាំដើមឈើនេះ មិនមែនដាំមួយថ្ងៃហើយរំពឹងថាបានផ្លែផ្កាភ្លាមនេះទេ ព្រោះទាមទារពេលវេលា ដំណោះស្រាយនយោបាយដែលមានលក្ខណៈយូរអង្វែង គឺទាមទារពេលវេលា និងធ្វើការឱ្យបានគ្រប់ជ្រុងជ្រោយ”។ ២១ មករា ២០២២

នេះជា និមិត្តរូប នៃការផ្សះផ្សា និងបង្រួបបង្រួមជាតិ ក្រោមគោលនយោបាយ ឈ្នះ-ឈ្នះ របស់ សម្តេច តេជោ ដែល នាំមកនូវ សន្តិភាព និង វឌ្ឍនភាពជាតិ។ ✍🏽 មោទនភាពកងទ័ពខ្មែរ

រដ្ឋបាលខេត្តកំពង់ស្ពឺបដិសេធ និងដកហូតដីព្រៃឈើដែលទទួលរងនូវការកាប់គាស់ រុករាន ទន្ទ្រានយកដីព្រៃរបស់រដ្ឋ ដើម្បីវាតយកដីធ្វើកម្មសិទ្ធិដោយខុសច្បាប់លើទីតាំងចំនួន ២កន្លែង ដែលមានផ្ទៃដីសរុប ៧៨៤ហិកតា ស្ថិតក្នុងដែនជម្រកសត្វព្រៃឱរ៉ាល់ ត្រង់ចំណុចភូមិត្រាង និងភូមិចំបក់ ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

១. ការតាំងពិព័រណ៍លំដាប់ពិភពលោក “អង្គរអាណាចក្របាត់បង់នៃកម្ពុជា” នឹងត្រូវបានធ្វើឡើងនៅមជ្ឈមណ្ឌលវិទ្យាសាស្ត្រកាលីហ្វ័រនីញ៉ាថ្ងៃទី១៦ កុម្ភៈ ក្នុងនោះមានវត្ថុបុរាណកម្ពុជាជាង៦០ – ភ្នំពេញបុស្តិ៍ ២. រដ្ឋលេខាធិការក្រសួងការបរទេស៖ មិនមានការធ្វើពហិការណាមួយក្នុងកិច្ចប្រជុំរដ្ឋមន្ត្រីការបរទេសអាស៊ាននៅកម្ពុជាទេ – RFI ៣. អ្នកជំនាញ៖ កម្ពុជាត្រូវការពេល ២ទៅ៣ឆ្នាំ ដើម្បីកែប្រែស្ថានភាពនាំចេញអង្ករឱ្យមាន កំណើនឡើងវិញ – រស្មីកម្ពុជា ៤. ថៃនឹងបន្តគម្រោងធ្វើដំណើរដោយមិនចាំបាច់ធ្វើចត្តាឡីស័កចាប់ពីថ្ងៃទី១ កុម្ភៈ បន្ទាប់ពីកម្មវិធីនេះត្រូវបានផ្អាក ដោយសារមេរោគបំប្លែងខ្លួនអូមីក្រុង – Bangkok Post ៥. យោធាចិនខ្លួនព្រមាននាវាចម្បាំងអាមេរិកឱ្យចេញពីដែនទឹកនៅសមុទ្រចិនខាងត្បូង តែត្រូវអាមេរិកបដិសេធ – Reuters

កម្ពុជាថ្កោលទោសយ៉ាងខ្លាំងក្លាចំពោះការវាយប្រហារដ៍ឃោរឃៅរបស់ក្រុមឧទ្ទាមហ៊ូទី លើទីតាំងស្តុកប្រេងក្នុងទីក្រុងអាប៊ូ ដាប៊ី នៃប្រទេសអេមីរ៉ាតអារ៉ាប់រួម ដែលបានសម្លាប់ជនស៊ីវិលចំនួន៣នាក់ និងធ្វើឱ្យរងរបួសជាច្រើននាក់ កាលពីថ្ងៃចន្ទ័ទី១៧ មករា។ ២០ មករា ២០២២