ភាពបរាជ័យនៃនយោបាយការបរទេសទាំងនោះ រួមមាន៖ ១. កំឡុងពេលដកកងកម្លាំងយោធាចេញពីអាហ្វហ្កានីស្ថាន យោធាអាមេរិកត្រូវបានបណ្ដេញចេញដោយក្រុមតាលីបង់ ហើយបុគ្គលិកអាមេរិក ១៣នាក់បានស្លាប់ក្នុងការវាយប្រហារអាកាសយានដ្ឋានកាប៊ុល។ ២. Biden បរាជ័យក្នុងការកាត់បន្ថយភាពតានតឹងជាមួយចិន និងរុស្ស៊ី។ អាមេរិកបានបរាជ័យក្នុងការប្រកួតប្រជែងប្រកបដោយប្រសិទ្ធភាពជាមួយទីក្រុងប៉េកាំង។ ជាក់ស្ដែង ការស៊ើបអង្កេតរបស់អាមេរិកលើប្រភពដើមនៃមេរោគកូវីដ១៩ ពុំបានផ្តល់លទ្ធផលផ្លែផ្កាអ្វីឡើយ ស្របពេលដែលការប្រឈមមុខដាក់គ្នានឹងក្រុងមូស្គូកាន់តែអាក្រក់ទៅៗ ជុំវិញបញ្ហាអ៊ុយក្រែន។ ៣. សន្តិភាពជាមួយអ៉ីរ៉ង់ គឺជាការសន្យាដ៏ធំរបស់លោក Biden តែមិនទាន់សម្រេចបានសូម្បីតែបន្ដិច។ កិច្ចព្រមព្រៀងនុយក្លេអ៊ែរអ៉ីរ៉ង់ ពុំទាន់ចាប់ផ្ដើមឡើងវិញនៅឡើយ។ សួរថា តើអ្វីទៅជាសមិទ្ធផលនៃនយោបាយការបរទេស ដែលលោក Biden សម្រេចបាន បន្ទាប់ពីឡើងកាន់តំណែងជាប្រធានាធិបតីអាមេរិក? 🎥 WION

ប្រធានាធិបតីអាមេរិកលោក Joe Biden បានតែងតាំងមហាសេដ្ឋី ដែលបានផ្តល់ជំនួយដល់យុទ្ធនាការបោះឆ្នោតរបស់គាត់ ជាឯកអគ្គរដ្ឋទូតតំណាងអាមេរិកនៅប្រទេសផ្សេងៗក្នុងពិភពលោក។ ១. សេដ្ឋីអចលនទ្រព្យនៅទីក្រុងញូវយ៉ក លោកស្រី Constance Milstein បានឧបត្ថម្ភ ៧២៥ ០០០ដុល្លារ ដល់យុទ្ធនាការបោះឆ្នោតរបស់ Biden ហើយនាងត្រូវបានតែងតាំងជាឯកអគ្គរដ្ឋទូតអាមេរិកថ្មីប្រចាំម៉ាលតា 🇲🇹 ២. អតីតនាយកប្រតិបត្តិក្រុមហ៊ុន Hewlett Packard & Ebay លោកស្រី Margaret Whitman បានឧបត្ថម្ភជាង ៥០០ ០០០ដុល្លារ ហើយនាងត្រូវបានតែងតាំងជាឯកអគ្គរដ្ឋទូតអាមេរិកប្រចាំកេនយ៉ា 🇰🇪 ៣. អ្នកជំនួញ និងម្ចាស់ជំនួយដ៏ធំ លោក George Sunnis បានឧបត្ថម្ភជាង ៥០០ ០០០ដុល្លារ ហើយគាត់នឹងក្លាយជាឯកអគ្គរដ្ឋទូតបន្ទាប់របស់ក្រិក 🇬🇷 ការតែងតាំងនេះហាក់ជាការតបស្នងនៃការផ្តល់មូលនិធិដល់យុទ្ធនាការ Biden។ ក្រុមអ្នកវិភាគបានចាត់ទុកវាជា អំពើពុករលួយជាស្ថាប័ន ដែលបក្សប្រជាធិបតេយ្យបានថ្កោលទោសលោក Trump សម្រាប់ការតែងតាំងអ្នកស្មោះស្ម័គ្រនឹងលោកជាឯកអគ្គរដ្ឋទូត។ តើមានអ្វីខុសគ្នាទៅសម្រាប់ប្រធានាធិបតីទាំងពីរនេះ? 🎥 WION