ខេត្តស្វាយរៀង ៖ ឯកឧត្តមបណ្ឌិត កែរ រដ្ឋា ប្រធានក្រុមការងារ គណបក្សប្រជាជនកម្ពុជាថ្នាក់ខេត្ត ចុះជួយសង្កាត់ស្វាយរៀង បានដឹកនាំសមាជិក សមាជិកា គណបក្សប្រគេនទេយ្យវត្ថុ និងបច្ច័យ ដល់វត្ត២ គឺវត្តសន្តិភាព និងវត្តធម្មយុត្តិ និងបានវាយគង ជួង រគាំង ទូងស្គរ និងចម្រើនព្រះបរិត្ត ដើម្បីចូលរួមទប់ស្កាត់ ការរាលដាល នៃជំងឺកូវីដ-១៩ ក្នុងសហគមន៍ នៃព្រឹត្តិការណ៍ ២០ កុម្ភៈ ។ ពិធីនេះបានធ្វើឡើង នៅរសៀលថ្ងៃទី ២៨ ខែមីនាឆ្នាំ ២០២១ ដែលមានការចូលរួម ពីលោក រៀម ស៊ីណា ក្រុមការងារចុះជួយសង្កាត់ និងសមាជិក សមាជិកា គណបក្សប្រជាជនកម្ពុជា សង្កាត់ស្វាយរៀង ជាច្រើនរូបផងដែរ ។ ឯកឧត្តមបណ្ឌិត កែរ រដ្ឋា បានថ្លែងថា យោងតាមអនុសាសន៍ ណែនាំដ៏ខ្ពង់ខ្ពស់ របស់សម្ដេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រី…

អនុគណៈកម្មការស្រាវជ្រាវជំងឺកូវីដ-១៩ នៅថ្ងៃទី២៩មីនាឆ្នាំ២០២១ បានជូនដំណឹងថា ដល់ប្រជាពលរដ្ឋ ដែលធ្លាប់បានទៅទីតាំងភោជ្ជនីយដ្ឋាន ឈ្មោះ “Park Café” មានទីតាំងស្ថិតនៅផ្លូវ 128 សង្កាត់ទឹកល្អក់១, ខណ្ឌទួលគោក ដោយសារហាងនោះ មានអ្នកវិជ្ជមានជំងឺកូវីដ-១៩ បានចូលទៅហាងនោះ នៅម៉ោង៥និង១៤នាទីរសៀលថ្ងៃទីនៅថ្ងៃទី ១៧មីនា ឆ្នាំ២០២១។ អនុគណៈកម្មការស្រាវជ្រាវជំងឺកូវីដ-១៩ បានអំពាវនាវថា បើសិនជាមានអ្នក មានរោគសញ្ញាដូចជា គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ ត្រូវប្រញាប់ ទៅធ្វើតេស្តរកមេរោគកូវីដ-១៩ ដែលមានទីតាំងនៅ វិទ្យាល័យបាក់ទូក, វិទ្យាល័យបឹងត្របែក,មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) និង មន្ទីរពេទ្យបង្អែកនៅតាមបណ្តាខេត្តនានា។ សម្រាប់អ្នកដែលគ្មានរោគសញ្ញា ត្រូវដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ សម្តេចម៉ែ បានប្រោសប្រទានព្រះរាជសារថ្លែងអំណរគុណសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលទិញមន្ទីរពេទ្យនគរទេព ហើយប្ដូរឈ្មោះទៅដាក់ មន្ទីរពេទ្យ «ហ្លួងម៉ែ»។ នេះបើយោងតាមព្រះរាជសាររបស់សម្តេចម៉ែ នាព្រលប់ថ្ងៃទី២៨ ខែមីនា ឆ្នាំ២០២១។ ព្រះរាជសាររបស់សម្តេចម៉ែ បានបញ្ជាក់យ៉ាងដូច្នេះថា៖ «ខ្ញុំមានហឫទ័យសោមនស្សរីករាយឥតឧបមា ដោយបានទទួលនូវលិខិតចុះថ្ងៃទី២៨ ខែមីនា ឆ្នាំ២០២១ របស់សម្តេចអគ្គមហាសេនាបតីតេជោ បានទិញយកមន្ទីរពេទ្យ “នគរទេព” ហើយប្តូរ ឈ្មោះមន្ទីរពេទ្យនេះ ដាក់ថាមន្ទីរពេទ្យ “ហ្លួងម៉ែ”។ ខ្ញុំសូមសម្តែងនូវអំណរគុណដ៏ខ្ពង់ខ្ពស់ និងសូមកោតសរសើរដ៏កក់ក្តៅបំផុត ចំពោះការខិតខំបំពេញភារកិច្ចរបស់សម្តេចអគ្គមហាសេនាបតីតេជោ នាយករដ្ឋមន្ត្រី ព្រមទាំងសមាជិក-សមាជិកា ដ៏ឧត្តុង្គឧត្តមទាំងអស់នៃរាជរដ្ឋាភិបាលកម្ពុជា សម្រេចបានលទ្ធផលដ៏ល្អប្រសើរ ដើម្បីជាឧត្តមប្រយោជន៍ជាតិ មាតុភូមិ និងប្រជារាស្ត្រកម្ពុជា»។ សម្តេចម៉ែមានព្រះបន្ទូលក្នុងព្រះរាជសារបន្តថា «ក្រោមការដឹកនាំដ៏ឈ្លាសវៃ និងប៉ិនប្រសប់ប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ នាយករដ្ឋមន្ត្រី ដែលបានដាក់ចេញនូវយុទ្ធសាស្រ្តជាជំហានៗ ក្នុងបរិការណ៍កូវីដ-១៩ នូវវិធានការផ្នែកសុខាភិបាល ដើម្បីប្រយុទ្ធប្រឆាំងនឹងជំងឺកូវីដ-១៩ ដើម្បីរក្សាសុខុមាលភាពជូនប្រជារាស្ត្រកម្ពុជា នៅទូទាំងប្រទេស»។ សូមជម្រាបថា សម្ដេចតេជោ ហ៊ុន សែន បានក្រាបបង្គំទូលថ្វាយលិខិតជូន…

សមាគមសហគ្រិនវ័យក្មេងកម្ពុជា នៅព្រឹកថ្ងៃទី ២៦ ខែ មីនា ឆ្នាំ២០២១  បាននាំអំណោយមនុស្សធម៌ ជាម៉ាស់ អាល់កុល ជែល ម៉ាស៊ីនបាញ់អាល់កុល និងគ្រឿងឧបភោគ បរិភោគ ដើម្បីចូលរួមចំណែកជាមួយរាជរដ្ឋាភិបាល  ជាពិសេសរដ្ឋបាលខេត្តសៀមរាប ដើម្បីយកទៅផ្តល់ជូនពលរដ្ឋធ្វើចត្តាឡីស័ក និងពលរដ្ឋខ្វះខាត នៅក្នុងអំឡុងពេលធ្វើយុទ្ធនាការប្រយុទ្ធប្រឆាំងនឹងជំងឺកូវីដ១៩នៅក្នុងខេត្តសៀមរាប  ក្រោមវត្តមាន ឯកឧត្តម ពិន ប្រាកដ អភិបាលរងខេត្ត នៅសាលាខេត្តសៀមរាប ។ អំណោយដែលប្រគល់នាឱកាសនោះ មាន  មី ៦០កេស , ទឹកសុទ្ធ ២០០យូរ  ម៉ាស៊ីនបាញ់អាល់កុល ១គ្រឿង , ទឹកសម្លាប់មេរោគ ៣០ដប , អាល់កុល ៦០លីត្រ , នំបុ័ង ៧០០ដើម , ម៉ាស់២៥ ប្រអប់ ,   សម្ភារៈជាគ្រឿងបរិភាគជាច្រើនផងដែរ ។  ឯកឧត្តម ពិន ប្រាកដ បញ្ជាក់ថា បញ្ហាការប្រយុទ្ធប្រឆាំង និងការបង្ការទប់ស្កាត់ជម្ងឺកូវីដ…

រដ្ឋបាលខេត្តព្រៃវែង នៅថ្ងៃទី២៤ ខែមីនា ឆ្នំា២០២១ បានចេញសេចក្ដីប្រកាសស្ដីពី ការហាមឃាត់ ប៉ះពាល់  បរិភោគ នឹងត្រូវដុតបំផ្លាញចោលក្នុងករណីឃើញសត្វស្លាបងាប់។ នៅក្នុងសេចក្តីមានដូចខាងក្រោម៖

ជំនួបបន្ទាន់នៃក្រុមការងារស្រាវជ្រាវ-តាមដានបុគ្គលសង្ស័យមានជម្ងឺកូវីដ-១៩ បានដាក់ចេញនូវការអនុវត្តឲ្យមានប្រសិទ្អភាព  ការផ្សព្វផ្សាយរបស់រដ្ឋបាលខេត្ត ស្តីអំពីការប្រើប្រាស់ទម្រង់បញ្ជីឈ្មោះអ្នកបើកបរ និងអ្នកធ្វើដំណើរចូលខេត្តសៀមរាប ដែលនេះគេរំពឹងទុកថា ជាឧបករណ៍សម្រាប់ការគ្រប់គ្រងទិន្នន័យអ្នកធ្វើដំណើរ កាត់បន្ថយហានីភ័យនៃការចម្លងកូវីដ ចូលក្នុងសហគមន៍ ។        ថ្ងៃទី២៥ ខែមីនា ឆ្នាំ២០២១ ឯកឧត្តម នាក់ ណេរ៉ុន អភិបាលរងខេត្តសៀមរាប រួមជាមួយនឹងក្រុមការងារស្រាវជ្រាវ-តាមដាន បុគ្គលសង្ស័យមានផ្ទុកជម្ងឺកូវីដ-១៩ បានជួបប្រជុំគ្នាជាបន្ទាន់ នៅគោលដៅទាំង២ ( ស្រុកជីក្រែង និង ស្រុកក្រឡាញ់ ) ចំណុចព្រំប្រទល់នៃច្រកចេញចូលតាមបណ្តោយផ្លូវជាតិលេខ៦ រវាងខេត្តកំពង់ធំ-សៀមរាប និង ខេត្តសៀមរាប-បន្ទាយមានជ័យ )។ កម្មវត្ថុដ៏សំខាន់នៃការជួបប្រជុំគ្នានេះ គឺការរៀបចំបន្ថែមកម្លាំងចម្រុះ ដើម្បីអនុវត្តវិធីសាស្រ្តថ្មី ក្នុងការគ្រប់គ្រងទិន្នន័យអ្នកធ្វើដំណើរឆ្លងកាត់ ឬចូលខេត្តសៀមរាប ដែលនេះគឺជាយុទ្ធសាស្រ្តដ៏សំខាន់ សម្រាប់ការទប់ស្កាត់ ការនាំចម្លងកូវីដ-១៩ ចូលក្នុងសហគមន៍។        វិធីសាស្ត្រថ្មីនេះ គឺការចុះបញ្ជីឈ្មោះជាកញ្ចប់ ក្នុងតារាងរាយនាមអ្នកបើកបរ និងអ្នកធ្វើដំណើរតាមរថយន្ត  រួមមានរថយន្តតាក់ស៊ី  រថយន្តក្រុង  និងរថយន្តគ្រួសារ។ បញ្ជីឈ្មោះទាំងនេះ វាជាឧបករណ៍ផ្ទុកទិន្នន័យសម្រាប់ការស្រាវជ្រាវ តាមដានរកអ្នកពាក់ព័ន្ធ នៅពេលដែលមានករណីរកឃើញជនមានផ្ទុកជម្ងឺកូវីដ-១៩ ។  ការងារនេះ…