ឯកឧត្តម ងួន រតនៈ អភិបាលខេត្តបាត់ដំបង បន្តចុះត្រួតពិនិត្យមើលនៅតាមមណ្ឌលចត្តាឡីស័កដែលរដ្ឋបាលខេត្តនិងអាជ្ញាធរស្រុកនិមួយៗបានរៀបចំដើម្បីទទួលបងប្អូនពលករ ដែលវិលត្រឡប់ពីប្រទេសថៃ មកកាន់ស្រុកកំណើតភូមិឋាន របស់ខ្លួនវិញជាបន្តបន្ទាប់ ក្នុងខណៈពិធីបុណ្យចូលឆ្នាំថ្មីប្រពៃណីខ្មែរ កាន់តែកៀកខិតចូលមកដល់ឆាប់ៗនេះ។ការចុះពិនិត្យមើលនេះ ក្នុងគោលបំណងដើម្បីស្វែងយល់បន្ថែមអំពីស្ថានភាពលំហូរពលករចំណាកស្រុកដែលត្រូវវិលត្រឡប់មកវិញ និងត្រូវកំណត់ដាក់ឲ្យធ្វើចត្តាឡីស័ក រយៈពេល១៤ថ្ងៃនៅតាមបណ្តាស្រុកនានាក្នុងខេត្ត និងដើម្បីដាក់ចេញនូវវិធានការមួយចំនួន ដល់អាជ្ញាធរនិងសមត្ថកិច្ចជំនាញពាក់ព័ន្ធដែលមានភារកិច្ចក្នុងការគ្រប់គ្រងនៅតាមមណ្ឌលចត្តាឡីស័ក ដើម្បីទទួលបងប្អូននិងកំណត់អនុវត្តទៅតាមវិធានសុខាបាលនិងក្រុមគ្រូពេទ្យដែលទទួលភារកិច្ចប្រចាំការ តាមមណ្ឌលនីមួយៗរបស់ស្រុក-ក្រុងទាំងនោះ។        ក្នុងការចុះត្រួតពិនិត្យនេះ គឺធ្វើឡើងនៅតាមបណ្តាស្រុកប៉ែកខាងលិចរបស់ខេត្ត ដូចជា៖ស្រុកថ្មគោល បវេល ស្រុកសំពៅលូន ភ្នំព្រឹក កំរៀងនិងស្រុករតនៈ។ឯកឧត្តមក៏បានផ្តាំផ្ញើដល់អាជ្ញាធរស្រុក ក្រុមគ្រូពេទ្យ និងកងកម្លាំងសមត្ថកិច្ច ប្រចាំការនៅតាមមណ្ឌលចត្តាឡីស័ក ត្រូវយកចិត្តទុកដាក់ក្នុងការអនុវត្តនូវវិធានសុខាភិបាល ក្នុងការពង្រឹងការការពារឲ្យបានម៉ត់ចត់ម៉ឺងម៉ាត់ ចៀសនូវការរត់គេចវេសមិនព្រមធ្វើចត្តាឡីស័ក និង ការរៀបចំនូវទីតាំងឲ្យមានអនាម័យនិងបរិស្ថានល្អ ដើម្បីឲ្យបងប្អូនបានចេញមកអង្គុយលំហែលេងខាងក្រៅអគារក្នុងបវិវេណមណ្ឌល នៅក្នុងអំឡុងពេលនៃការធ្វើចត្តាឡីស័ករបស់ពួកគាត់ នៅទីនោះ។          តាមការគូសបញ្ជាក់៖ ពីអាជ្ញាធរស្រុកជាប់ព្រំដែន បានរាយការណ៍ជូន ឯកឧត្តម ងួន រតនៈ អភិបាលខេត្តបាត់ដំបង ក្នុងពេលអញ្ជើញចុះពិនិត្យពីស្ថានភាពមណ្ឌលចត្តាឡីស័ក នៅតាមបណ្ដាស្រុក នៅថ្ងៃទី១៥-១៦ខែមិនា២០២១ថា ចាប់ពីបានបញ្ជូនពលករ និងកំពុងតែបន្តធ្វើចត្តាឡីស័កទៅតាមបណ្ដារាជធានីខេត្ត ក្រុង-ស្រុក រៀងៗខ្លួន ដើម្បីអនុវត្តនូវវិធានសុខាភិបាលបន្ត គឺនៅតាមមណ្ឌលក្នុងស្រុករបស់ខ្លួនដែលជាប់ព្រំដែន ចាប់ផ្តើមធូរស្រាលជាបណ្ដើរៗហើយការគ្រប់គ្រងក៏ងាយស្រួលជាងមុខ។ប៉ុន្តែស្ថានភាពពលករឆ្លងដែនពីប្រទេសថៃ តាមច្រកនានាជាប់…

ឯកឧត្តម នាយឧត្តមសេនីយ៍ ឃឹម ប៊ុនសុង រដ្ឋលេខាធិការ ក្រសួងការពារជាតិ ឯកឧត្តម ឧត្តមសេនីយ៍ឯក សឿន រឿត ទីប្រឹក្សាសម្តេចពិជ័យសេនា និងជានាយករង នាយកដ្ឋានវិស្វកម្មក្រសួងការពារជាតិ នៅព្រឹកថ្ងៃទី១៦ ខែមីនា ឆ្នាំ២០២១ រួមទាំងអស់លោកជាមន្ត្រីបច្ចេកទេសស្ពានថ្នល់ និងមន្ត្រីសាលាក្រុងសៀមរាប បានចុះពិនិត្យការស្ថាបនាផ្លូវចំនួន១៣ខ្សែ របស់កងវិស្មកម្ម១៧៨។ ក្នុងការចុះពិនិត្យ បច្ចេកទេសរបស់ក្រុមការងារ បានសង្កត់ធ្ងន់ទៅលើការរៀបចំធ្វើគ្រឹះនៃផ្លូវ ការរៀបចំ ដាក់ប្រព័ន្ធលូទឹកភ្លៀង និងទឹកកខ្វក់ ព្រមទាំងការរៀបចំធ្វើខឿងចិញ្ចើមផ្លូវ ឲ្យបានត្រឹមត្រូវបច្ចេកទេស ស្តង់ដារ ដែលក្រសួងបានធ្វើការណែនាំកន្លងមក ដើមី្បជៀវាងការសាងសង់រួច ត្រូវគាស់កកាយ ជួសជុលឡើងវិញ ដែលនាំឲ្យខាតបង់ថវិកា និងពេលវេលា ។ ឯកឧត្តម ឧត្តមសេនីយ៍ឯក សឿន រឿត បានឲ្យដឹងថា ចាប់ពីដំណើរការស្ថាបនាផ្លូវទាំង៣៨ខ្សែក្នុងក្រុង​សៀមរាប កងវិស្វកម្ម១៧៨ទទួលការស្ថាបនាផ្លូវចំនួន១៣ខ្សែ ដែលជាផ្លូវស្ថិតក្នុងតំបន់មានភាព            ស្មុកស្មាញ ដែលបានធ្វើឲ្យប៉ះពាល់នូវ សតិអារម្មណ៍របស់ប្រជាពលរដ្ឋរស់នៅអមសង្ខាងផ្លូវ ។ ឯកឧត្តមបន្តទៀតថា ការងារស្ថាបនាផ្លូវទាំង១៣ខ្សែ មកដល់ពេលនេះធ្វើបាន២៥%ហើយ ក្នុងនោះផ្លូវមួយចំនួនបានធ្វើការរៀបចំគ្រឹះ និងរៀបចំដាក់ប្រព័ន្ធលូទឹកភ្លៀង និងទឹកកខ្វក់បានរួចរាល់ ហើយផ្លូវមួយចំនួនមានភាពយឺតយ៉ាវ…

ករណីព្រះសង្ឃ ក្នុងវត្តរាជបូណ៍វ៉ៃកូននេ ត្រូវបានសមត្ថកិច្ច ធ្វើកិច្ចសន្យាបញ្ចប់ករណីព្រះសង្ឃក្នុងវត្តរាជបូណ៍ វៃបន្តគ្នា ហើយបង្ហោះហ្វេសប៊ុក ធ្វើអោយមានការយល់ច្រឡំ ផ្អើលតៗគ្នា បានសម្របសម្រួល ធ្វើកិច្ចសន្យាបញ្ចប់ហើយ កាលពីល្ងាចថ្ងៃទី១៥ ខែមីនា ក្រោមវត្តមានលោកស្រី យូ សុភា អភិបាលរងខេត្ត លោកស្រីឧត្តសេនីយ៍ត្រី ដួង ថាវរី ស្នងការង រួមទាំងមន្ទីរពាក់ពន្ធ័ និងមន្ត្រីសង្ឃច្រើនទៀត ។លោកស្រីឧត្តសេនីយ៍ ដួង ថាវរី ស្នងការងទទួល បន្ទុកប្រឆាំងការជួញដួរមនុស្ស និងការពារអនីតិជនខេត្ត បានអោយដឹងថា ឆ្លងកាត់ការសាកសួរ ព្រះចៅអធិការវត្ត និងព្រះសង្ឃ ដែលវាយបន្តគ្នានោះ ទើបដឹងថា មិនមែនជាករណីអំពើហឹង្សាឡើយ ។ ផ្ទុយទៅវិញ គឺជាការប្រដៅ ដោយដាក់វិន័យ តាមគោលការណ៍ របស់វត្តប៉ុណ្ណោះ ។ព្រះតេជគុណ ពិន សែម ព្រះចៅអធិការវត្តព្រះរាជបូណ៍ បានមានសង្ឃដីកាថា ព្រះអង្គមិនដែលមានគំ និត គុំគួនលើសង្ឃអង្គណាឡើយ ។ ផ្ទុយទៅវិញ គឺមានតែទទួលយកព្រះសង្ឃ អោយគង់នៅវត្តនេះ ដើម្បីអប់រំកែប្រែ រាល់ពេលសង្ឃអង្គណា…

ភ្នំពេញ៖ បើផ្អែកតាមរបាយការណ៍របស់ក្រសួងសុខាភិបាល គិតត្រឹមថ្ងៃទី១៥ ខែមីនា ឆ្នាំ២០២១ បង្ហាញថា ក្រសួងបានចាក់វ៉ាក់សាំងកូវីដ១៩ ស៊ីណូហ្វាម (Sinopharm) និង អាស្រ្តាហ្សេនីកា (Astra Zeneca) ជូនជនស៊ីវិលទូទាំងប្រទេសគឺមានវ៉ាក់សាំង Sinopharm ចាក់សរុបចំនួន៖ ១៤៤,១៥៦នាក់ និង Astra Zeneca ដែលបានសរុបចំនួន៖ ៣៤,៣៤០នាក់៕

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានរំលឹកថា «៣កុំ និង៣ការពារ» ជាវិធីការពារដ៏មានប្រសិទ្ធភាពបំផុត សម្រាប់ស្ថានភាពនៃការរីករាលដាលជំងឺកូវីដ១៩ នាពេលនេះ តាមរយៈ ការបង្ហោះរូបតែម្នាក់ឯងជាច្រើនសន្លឹក ។ តាមរយៈ Facebook នៅថ្ងៃទី១៤ ខែមីនា ឆ្នាំ២០២១នេះ សម្តេចតេជោ ហ៊ុន សែន បញ្ជាក់ថា៖ «ម្នាក់ឯងបានហើយក្នុងសម័យជំងឺឆ្លងកូវីដ១៩។ ៣កុំ និង៣ការពារជាវិធីការពារដ៏មានប្រសិទ្ធភាពបំផុត»។ ៣កុំ និង៣ការពារ ជាវិធានការដែលដាក់ចេញដោយរាជរដ្ឋាភិបាលកម្ពុជា ដើម្បីទប់ស្កាត់ការចម្លងជំងឺកូវីដ១៩ នៅក្នុងសហគមន៍។ «៣កុំ» មានន័យថា៖ ទី១៖ កុំចាប់ដៃគ្នាដោយងាកមកប្រើវប្បធម៌សំពះរបស់ខ្មែរយើងជាជំនួសវិញ។ ទី២៖ កុំទៅកន្លែងណា ដែលមានមនុស្សច្រើន និងទី៣៖ កុំនៅក្នុងបន្ទប់បិទជិត គ្មានខ្យល់ចេញចូល ជាពិសេសបន្ទប់ដែលមានម៉ាស៊ីនត្រជាក់។ ចំណែក«៣ការពារ»គឺ ៖ ទី១៖ ត្រូវនាំគ្នាពាក់ម៉ាស់ឲ្យបានគ្រប់គ្នា និងគ្រប់ទីកន្លែង ជាពិសេសនៅតាមទីកន្លែងសាធារណៈ។ ទី២៖ ត្រូវលាងសម្អាតដៃជាមួយអាល់កុល ឬជែលជាប្រចាំ និងឲ្យបានញឹកញាប់ ជាពិសេសមុនពេល បរិភោគអាហារ និងក្រោយពេលបានប៉ះពាល់វត្ថុផ្សេងៗ…