-
ពលរដ្ឋខ្មែរ៤នាក់ដែលបានឆ្លងដែនខុសច្បាប់ចូលទៅក្នុងប្រទេសថៃ ត្រូវបានអាជ្ញាធរថៃបញ្ជូនមក តាមច្រកទ្វារព្រំដែនអន្តរជាតិព្រំ ខេត្តប៉ៃលិន
យោងតាមអគ្គនាយកដ្ឋានអន្តោប្រវេសន៍ នៅវេលាថ្ងៃត្រង់ថ្ងៃទី៤មករាឆ្នាំ២០២១ ប៉ុស្តិ៍នគរបាលច្រកទ្វារព្រំដែនអន្តរជាតិព្រំ ខេត្តប៉ៃលិន បានទទួលពលរដ្ឋខ្មែរឆ្លងដែនខុសច្បាប់ ដែលអាជ្ញាធរថៃបញ្ជូនមក មានចំនួន ៤នាក់ ក្នុងនោះមាន៣នាក់ជានារី។ ពលរដ្ឋទាំងអស់នោះ កម្លាំងនគរបាលប៉ុស្តិ៍បានសហការជាមួយ ក្រុមការងារចត្តាឡីស័ក អប់រំណែនាំបញ្ជូនទៅធ្វើចត្តាឡីស័ក ១៤ថ្ងៃ នៅមន្ទីរសុខាភិបាលខេត្តប៉ៃលិន។ នៅថ្ងៃទី៣មករាម្សិលមិញ ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ក៏ទទួលពលករខ្មែរឆ្លងដែនខុសច្បាប់២នាក់ ពីអាជ្ញាធរថៃផងដែរ។ ពលករខ្មែរទាំង២នាក់នោះ ត្រូវបានកម្លាំងនគរបាលប៉ុស្តិ៍ ធ្វើការអប់រំណែនាំ បន្ទាប់មកប្រគល់ជូនក្រុមការងារ ទទួលពលករមជ្ឈមណ្ឌលសំចតប៉ោយប៉ែត ដើម្បីធ្វើការបន្ត និងអនុវត្តន៍តាមវិធានសុខាភិបាល៕កឹម ទៀង
-
ពលករខ្មែរ៤នាក់ត្រូវសមត្ថកិច្ចខេត្តកោះកុងឃាត់ខ្លួន ខណៈដែលលួចឆ្លងដែនចូលប្រទេសវិញដោយខុសច្បាប់ទាំងយប់
យោងតាមអគ្គនាយកដ្ឋានអន្តោប្រវេសន៍បានឲ្យដឹងថា កម្លាំងប៉ុស្តិ៍នគរបាលច្រកទ្វារព្រំដែនអន្តរជាតិចាំយាម ខេត្តកោះកុង នៅវេលាម៉ោង៥ព្រឹកថ្ងៃទី៤ មករាឆ្នាំ២០២១ បានចុះល្បាតក្នុងភូមិសាស្រ្តស្លាបស្តាំ និងបានពិនិត្យឃើញពលករខ្មែរ៤នាក់លួច ឆ្លងដែនចូលប្រទេសដោយខុសច្បាប់។ នគរបាលប៉ុស្តិ៍បានឲ្យដឹងថា ពលករខ្មែរទាំង ៤នាក់នោះ មាន ១-ឈ្មោះ ឈួន សុម៉ាលី ភេទប្រុស អាយុ ២៩ឆ្នាំ នៅភូមិតាព្រឹក ឃុំស្តេចគង់ ស្រុកបន្ទាយមាស ខេត្តកំពត, ២-ឈ្មោះ អ៊ុត ពៅ ភែទស្រី អាយុ ៣៧ឆ្នាំ នៅភូមិឈើទាល ឃុំឈូក ស្រុកឈូក ខេត្តកំពត, ៣-ឈ្មោះ ម៉ាប់ ចិន្តា ភេទស្រី អាយុ ៣០ឆ្នាំ, ៤-ឈ្មោះ សង ក្រិល ភេទប្រុស អាយុ ៣១ឆ្នាំ នៅភូមិដងទង់ ឃុំដំបូកខ្ពស់ ស្រុកអង្គរជ័យ ខេត្តកំពត។ ពួកគេទាំង៤នាក់ ត្រូវសមត្ថកិច្ចសាកសួរ អប់រំណែនាំ និងមានការចូលរួមត្រួតពិនិត្យសុខភាព ពីមន្រ្តីចត្តាឡីស័កប្រចាំមាត់ច្រក នូវវិធានការរបស់ក្រសួងសុខាភិបាលផងដែរ។ សូមជម្រាបថា…
-
ទីបំផុតសមត្ថកិច្ចចាប់ជនសង្ស័យជាអ្នកបើករថយន្ត Lexus Rx300 ជាប់ពាក់ព័ន្ធការបាញ់សម្លាប់លោកប៉ូលីសព្រហ្មទណ្ឌកម្រិតស្រាល រ៉េត ស៊ីណែតហើយ
ភ្នំពេញ៖ សមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានឃាត់ខ្លួនជនសង្ស័យម្នាក់ បានហើយ ពាក់ព័ន្ធករណីបាញ់សម្លាប់លោក រ៉េត ស៊ីណែត នាយរងការិយាល័យព្រហ្មទណ្ឌកម្រិតស្រាល ដោយជនសង្ស័យ ម្នាក់នេះ ជាអ្នកបើករថយន្ត ឯជនដៃដល់កំពុងគេចខ្លួន។ សមត្ថកិច្ច បានឱ្យដឹងថា កាលពីថ្ងៃទី៣ ខែមករា ឆ្នាំ២០២១ សមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងស្នងការដ្ឋាននគរបាលខេត្តបាត់ដំបង បានឃាត់ខ្លួនជនសង្ស័យម្នាក់ឈ្មោះ កែ ចាន់ មាន ជាអ្នកបើករថយន្តនៅចំណុចផ្ទះជួលជិតបច្ឆាវត្តទួលតាឯក ស្ថិតក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបង។ តាម ចម្លើយសារភាពបឋមរបស់ឈ្មោះ កែ ចាន់ មាន បានអោយដឹងថា កាលពីយប់ថ្ងៃ២៩ ខែធ្នូ ឆ្នាំ២០២០ ខ្លួនបានចេញពី ផឹកស៊ី ហើយបើករថយន្តខាងលើជូនឈ្មោះ រ៉េន ទៅផ្ទះនៅម្តុំកំបូលទាំងស្រវឹង។ ពេលមកដល់កន្លែងកើតហេតុខ្លួនបានបើករថយន្តបុកគូថរថយន្ត ជនរងគ្រោះពីក្រោយ។ បន្ទាប់មកជនរងគ្រោះ បានបើករថយន្តកាក់រថយន្តខ្លួន និងបានយកអាវុធខ្លីភ្ជង់ខ្លួន ដើម្បីអោយអែបកៀន ព្រមទាំងប្រើពាក្យសម្តីជេរប្រមាថ មកលើខ្លួនទៀតផង ទើបឈ្មោះ រ៉េន មានកំហឹងហើយប្រាប់ ខ្លួនអោយនៅស្ងៀមចាំធ្វើតែតាមឈ្មោះ រ៉េន ប្រាប់បានហើយ។…
-
៤២ ឆ្នាំនៃការអភិវឌ្ឈន៍
-
តើហេតុអ្វីបានជា តា ម៉ុក ពោលពាក្យថា “គុយទាវមួយតុ ម៉ុកចេញម្នាក់ឯង”?
ក្រោយពី ប៉ុល ពត ដែលជាបងធំទី១ នៃរបបកម្ពុជាប្រជាធិបតេយ្យបានស្លាប់ដោយឯកោគ្មានទាំងពិធីបុណ្យសពក្នុងព្រៃអន្លង់វែងរួចមក មេដឹកនាំរបស់ខ្មែរក្រហមផ្សេងទៀតបានធ្វើការដាក់អាវុធចុះចូលជាមួយរាជរដ្ឋាភិបាលជាបន្ដបន្ទាប់។ ប៉ុន្តែចំណែកឯបងធំទី ៦ តា ម៉ុក គឺជាជនតែម្នាក់គត់ដែលចចេសក្រាញននៀលនៅតំបន់ភូមិភាគខាងជើងនៃព្រះរាជាណាចក្រកម្ពុជាមិនព្រមរួបរួម ហើយវាក៏បង្កជាហេតុនាំឱ្យមានការទម្លាក់កំហុសទាំងអម្បាលម៉ានពីសំណាក់មេដឹកនាំខ្មែរក្រហមឯទៀតមកលើរូបគាត់ បានជាធ្វើឱ្យគាត់ពោលពាក្យមួយឃ្លាបែបនេះថា “គុយទាវមួយតុ ម៉ុកចេញម្នាក់ឯង”។ https://www.facebook.com/blackcrowkh/posts/162198085661821
-
អគ្គស្នងការដ្ឋាននគរបាលជាតិ ចេញសេចក្តីថ្លែងការណ៍៤ចំណុច
ភ្នំពេញ៖ អ្នកនាំពាក្យអគ្គស្នងការដ្ឋាននគរបាលជាតិ ថ្ងៃទី៣១ ខែធ្នូ ឆ្នាំ២០២០ ចេញសេចក្តីថ្លែងការណ៍៤ចំណុច បំភ្លឺចំពោះការផ្សព្វផ្សាយចោទប្រកាន់ថា មានបុគ្គលមួយចំនួនព្រួយបារម្ភចំពោះអំពើហិង្សា ឬការគំរាមកំហែង នយោបាយនៅកម្ពុជា។ ប្រតិកម្មរបស់អគ្គស្នងការដ្ឋាននគរបាលជាតិ ធ្វើឡើង បន្ទាប់ពីនាពេលថ្មីៗកន្លងទៅនេះ ខ្លួនពិនិត្យឃើញថា មានបណ្ដាញសារព័ត៌មានមួយចំនួន ពិសេសវិទ្យុបរទេសផ្សាយ ជាភាសាខ្មែរ បានព្យាយាមធ្វើការផ្សព្វផ្សាយនូវបទសម្ភាសន៍ និងធ្វើអត្ថាធិប្បាយនូវព័ត៌មាន ផ្តល់ដោយបុគ្គលដែល តាំងខ្លួនជាសកម្មជន ជាគ្រួសារនៃសកម្មជននយោបាយមួយ ឬជាសកម្មជននៃអង្គការសង្គមស៊ីវិលមួយ ធ្វើការ ប្រកាសក្លែងៗអំពីការព្រួយបារម្ភចំពោះអំពើហិង្សា ឬការគំរាមកំហែងនយោបាយនៅកម្ពុជា ព្រមទាំងបង្ហាញអំពី ការមិនជឿទុកចិត្តចំពោះច្បាប់ ដូចជាអាជ្ញាធរមានសមត្ថកិច្ច និងរាជរដ្ឋាភិបាលក្នុងការចាត់វិធានការច្បាប់ និង វិធានការពង្រឹងសន្តិសុខ សណ្ដាប់ធ្នាប់សង្គម ដោយអំពាវនាវដល់សហគមន៍អន្តរជាតិ ជួយអន្តរាគមន៍គាំទ្រ ដល់ពួកគេ។ អគ្គស្នងការដ្ឋាននគរបាលជាតិ បានចាត់ទុកថា ការផ្សព្វផ្សាយទាំងនោះ បានធ្វើការចោទប្រកាន់ដោយគ្មានភស្តុតាង និងហេតុផលច្បាស់លាស់ ផ្ទុយពីការពិត មានចរិតគុំកួន និងមានចេតនាទុច្ចរិត បំភាន់សាធារណៈមតិជាតិ-អន្តរជាតិ ឲ្យមានការយល់ច្រឡំ និងបាត់បង់ទំនុកចិត្តចំពោះកិច្ចខិតខំប្រឹងប្រែងរបស់អាជ្ញាធរមានសមត្ថកិច្ចនិងរាជរដ្ឋាភិបាល ដើម្បីកេងយកផល ប្រយោជន៍ផ្នែកនយោបាយ។ ពាក់ព័ន្ធការផ្សព្វផ្សាយព័ត៌មានអកុសលខាងលើ អ្នកនាំពាក្យអគ្គស្នងការដ្ឋាននគរបាលជាតិ សូមធ្វើការ បញ្ជាក់ជូនសាធារណមតិជាតិ-អន្តរជាតិជ្រាបថា៖ ១៖ ជនគ្រប់រូបដែលរស់នៅក្នុងព្រះរាជាណាចក្រកម្ពុជា…
-
តុលាការកាត់ទោស សម រង្ស៊ី ឲ្យជាប់ពន្ធនាគារ៤ឆ្នាំទៀត
ភ្នំពេញ៖ ទណ្ឌិត សម រង្ស៊ី មេចលនាឧទ្ទាមក្រៅច្បាប់ ត្រូវបានសាលាដំបូងរាជធានីភ្នំពេញ កាត់ទោសឲ្យជាប់ពន្ធនាគារ សរុបចំនួន៤ឆ្នាំទៀត ក្នុងនោះមាន២ឆ្នាំ លើករណីបំភ្លៃព័ត៌មានជុំវិញមរណភាពរបស់ លោក ហុក ឡង់ឌី អតីតអគ្គស្នងការនគរបាលជាតិ និង២ឆ្នាំទៀត លើករណីញុះញង់ប្រជាពលរដ្ឋកុំឲ្យសងបំណុលធនាគារ ថ្ងៃទី៣០ ខែធ្នូ ឆ្នាំ២០២០។ លោក សេង ហៀង ជាតំណាងអយ្យការអមសាលាដំបូងរាជធានីភ្នំពេញ និងលោក រស់ ពិសិដ្ឋ ជាចៅក្រមជំនុំជម្រះ។ ក្រៅពីកាត់ទោសចំពោះ ទណ្ឌិត សម រង្ស៊ី នៅក្នុងសវនាការ ព្រឹកនេះ សាលាដំបូងរាជធានីភ្នំពេញ បានកាត់ទោស គូកនរបស់គាត់ឈ្មោះ ទុំ ប៊ុនថន និងឈ្មោះ ប៊ុត ប៊ុនតិញ ដាក់ទោសក្នុងម្នាក់ៗ ១ឆ្នាំ៨ខែដោយចាត់ទុកជាសាលក្រម ចំពោះមុខជនជាប់ចោទ ព្រមទាំងកាត់ទោសមនុស្ស២នាក់ទៀត ដែលកំពុងជាប់ក្នុងពន្ធនាគារព្រៃសរ (ម១) ក្នុងម្នាក់ៗ១ឆ្នាំ៦ខែ សម្រាប់សំណុំរឿងញុះញង់កុំឲ្យពលរដ្ឋសងបំណុលធានាគារ។ តុលាការ ចេញដីកាបង្គាប់ឲ្យសមត្ថកិច្ចតាមចាប់ខ្លួនក្រុមជនជាប់ចោទដែលកំពុងគេចខ្លួន តាមខ្លឹមសារអំណាចសាលក្រម របស់តុលាការ។ មន្រ្តីតុលាការ បញ្ជាក់ថា…
-
អត្ថន័យនៃវិមានឈ្នះ ឈ្នះ
វិមានអនុស្សាវរីយ៍ «នយោបាយឈ្នះ-ឈ្នះ» ត្រូវបានសាងសង់ឡើងនៅលើផ្ទៃដីទំហំ ៨ហិកតា មានកម្ពស់ ៥៤ម៉ែត្រ និងទទឹង ៣៦ម៉ែត្រ ស្ថិតនៅក្នុង សង្កាត់ ព្រែក តាសេក ខណ្ឌ ជ្រោយចង្វារ រាជធានីភ្នំពេញ ចំពីមុខពហុកីឡដ្ឋានមរតកតេជោ។ វិមានអនុស្សាវរីយ៍ «នយោបាយឈ្នះ-ឈ្នះ» ត្រូវបានបើកការដ្ឋានសាង់សង់នៅថ្ងៃទី២៥ ខែកុម្ភៈ ឆ្នាំ២០១៦។ វិមាននេះបានសាងសង់ដោយស្នាដៃកូនខែ្មរសុទ្ធសាធ និងត្រូវបានសាងសង់ឡើងដោយបានដកស្រង់ចេញពីខ្លឹមសារគោលនយោបាយឈ្នះ-ឈ្នះ របស់សម្តេចតេជោ ហ៊ុន សែន។ វិមានអនុស្សាវរីយ៍ជាប្រវត្តិសាស្ត្ររបស់កម្ពុជាមួយនេះ ត្រូវបាន សាងសង់ឡើង ដោយបញ្ជាក់នូវអត្ថន័យដ៏មាន សារសំខាន់ចំនួនបីរួមមាន៖ ទី ១. កំពូលវិមានដែលមានជ្រុងបីតំណាងឲ្យនយោបាយគន្លឹះសំខាន់ៗចំនួន៣នាំឲ្យនយោបាយឈ្នះ-ឈ្នះទទួលបានជោគជ័យ (ទី១. ការធានារូបកាយ និងអាយុជីវិត, ទី២. ធានាអាជីព និងមុខរបរ និងទី៣. ការធានាកម្មសិទ្ធិ និងទ្រព្យសម្បត្តិ ទាំងចលនទ្រព្យ និងអចលនទ្រព្យ), ទី ២. តួវិមានដែលមានជ្រុង ៥ តំណាងឲ្យយុទ្ធសាស្ដ្រ DIFID (បំបែក ឯកោ បញ្ចប់ ធ្វើសមាហរណកម្ម…