សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាល្ងាចថ្ងៃទី០៧ ធ្នូនេះ បានបង្ហោះក្នុងហ្វេសបុកផ្លូវការជូនជនរួមជាតិថា កន្លងមកជាមួយនឹងការតាមដាននូវដំណើរការផលិតវ៉ាក់សាំងប្រឆាំងកូវីដ១៩ របស់ប្រទេសនានា ខ្ញុំបានណែនាំរដ្ឋមន្ត្រីក្រសួងសុខាភិបាល និងរដ្ឋមន្ត្រីក្រសួងសេដ្ឋកិច្ចហិរញ្ញវត្ថុអោយត្រៀមបំរុងថវិកាសម្រាប់ទិញវ៉ាក់សាំងនេះយកមកចាក់ជូនប្រជាជនយើងដោយឥតគិតថ្លៃជាជំហានដំបូងផងដែរ។ ពេលនេះប្រទេសមួយចំនួនផលិតបាននិងដាក់អោយប្រើប្រាស់ហើយនឹងកំពុងបញ្ចេញលក់អោយប្រទេសនានាផងដែរ។ ល្ងាចនេះខ្ញុំបានណែនាំអោយរដ្ឋមន្ត្រីក្រសួងសុខាភិបាលពិភាក្សាជាមួយដៃគូអភិវឌ្ឍន៍ ពិសេសអង្គការសុខភាពពិភពលោក ដើម្បីកំណត់ថា តើយើងគួរទិញវ៉ាក់សាំងពីប្រទេសណា?។ សម្តេចតេជោបន្តថា ខ្ញុំក៏បានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ការទិញ១លានដូស (មួយលានដូស) ក្នុងដំណាក់កាលដំបូងដើម្បីចាក់ជូនចំពោះអ្នកដែលធ្វើការនៅកន្លែងដែលមានហានិភ័យខ្ពស់ និងអ្នកដែលមានហានិភ័យ។ មួយលានដូសចាក់បានត្រឹមតែមនុស្ស៥០ម៉ឺននាក់ប៉ុណ្ណោះ (ព្រោះម្នាក់ត្រូវការចាក់២ដង) ក្នុងពេលយើងមានប្រជាជន១៦លាននាក់ ទាំងចាស់ទាំងក្មេង ដែលក្នុងនោះអាចមានមនុស្សប្រមាណ១០លាននាក់ត្រូវការចាក់វ៉ាក់សាំង។ ក្នុងស្ថានភាពដែលប្រទេសយើងនៅក្រខ្វះថវិកាសម្រាប់ទិញបន្ថែម ខ្ញុំបានណែនាំរដ្ឋមន្ត្រីទាំង២រូបអោយពិភាក្សាជាមួយដៃគូអភិវឌ្ឍន៍ទាំងទ្វេភាគី ទាំងពហុភាគី ដើម្បីស្វែងរកជំនួយបន្ថែមមកជួយដល់ប្រជាជនយើង។ យើងសង្ឃឹមថាដៃគូអភិវឌ្ឍន៍របស់យើងនឹងផ្តល់ជំនួយដល់ប្រជាជនយើងឬយ៉ាងហោចលក់ក្នុងតម្លៃថោកសមរម្យអោយយើង។ ខ្ញុំក៏បានណែនាំរដ្ឋមន្ត្រីក្រសួងសេដ្ឋកិច្ចហិរញ្ញវត្ថុត្រៀមថវិកាសម្រាប់ទិញ២ទៅ៣លានដូសថែមទៀតផងដែរសម្រាប់ដំណាក់កាលបន្ទាប់៕

យោងតាមសេចក្ដីថ្លែងការណ៍របស់អ្នកនាំពាក្យរាជរដ្ឋាភិបាលនៅថ្ងៃ៧ធ្នូឆ្នាំ២០២០នេះ បានឲ្យដឹងថា នារយៈពេលចុងក្រោយនេះ គេបានសង្កេតឃើញថា មានជនមួយចំនួនបានប្រឌិតផ្សព្វផ្សាយព័ត៌នាបអកុសល មិនពិត បំពុលបរិយាកាសសង្គម ក្នុងគោលបំណងធ្វើឲ្យប្រជាពលរដ្ឋច្របូកច្របល់ស្លន់ស្លោ ស្ដីពីបញ្ហានៃការរីករាលដាលជំងឺកូវីដ-១៩។ អ្នកនាំពាក្យរាជរដ្ឋាភិបាល បានបន្តថា គេមានការសោកស្ដាយយ៉ាងខ្លាំងចំពើទង្វើខាងលើ ក្នុងពេលដែលរាជរដ្ឋាភិបាល ស្ថាប័នជំនាញ អាជ្ញាធរមានសមត្ថកិច្ចគ្រប់ជាន់ថ្នាក់ រួមជាមួយប្រជាពលរដ្ឋទូទាំងប្រទេស បាននិងកំពុងសហការគ្នាយ៉ាងសស្រាក់ស្រាំ និងម៉ឺងម៉ាត់បំផុត ដើម្បីទប់ស្កាត់ និងបង្ការការឆ្លងវីរុសកូវីដ-១៩ នៅក្នុងសហគមន៍។ អ្នកនាំពាក្យរាជរដ្ឋាភិបាល បានបន្តថា សម្ដេចតេជោហ៊ុន សែន នាយករដ្ឋមន្ត្រី តែងតែងផ្ដល់ព័ត៌មានទាន់ហេតុការណ៍ និងព័ត៌មានចាំបាច់នានា ស្ដីពីវិធានការរបស់រាជរដ្ឋាភិបាលកម្ពុជាជូនសាធារនជន បានជ្រាបមិនថាពេលយប់ ឬពេលថ្ងៃ នៅទីណានោះទេ។ ជាមួយគ្នានោះដែរ ក្រសួងសុខាភិបាលក៏បានបញ្ចេញព័ត៌មានទាន់ហេតុការណ៍យ៉ាងសកម្ម ពីព្រឹត្តិការសហគមន៍២៨វិច្ឆិកាផងដែរ។ អ្នកនាំពាក្យរាជរដ្ឋាភិបាល បានបញ្ជាក់ថា រាជរដ្ឋាភិបាលកម្ពុជា បានចាត់ទុកក្រសួងសុខាភិបាល ជាស្ថាប័នមានអាទិភាពក្នុងការផ្សព្វផ្សាយព័ត៌មាននានា ទាក់ទងនឹងការឆ្លងវីរុសកូវីដ-១៩។ អ្នកនាំពាក្យរាជរដ្ឋាភិបាល អំពាវនាវឲ្យសាធារណជន តាមដានទំព័រហ្វេសប៊ុករបស់សម្ដេចតេជោហ៊ុន សែន នាយករដ្ឋមន្ត្រី www.facebook.com/hunsencambodia និងដើម្បីបានជ្រាបច្បាស់អំពីចំណាច់ការនានា ដែលរាជរដ្ឋាភិបាលដាក់ចេញ ក៏ដូចជាទំព័រហ្វេសប៊ុករបស់ក្រសួងសុខាភិបាល www.facebook.com/ministeryofhealthcambodia ឬមានចម្ងល់ណាមួយជាយថាហេតុអាចទាក់ទងទៅកាន់លេខ១១៥។ ជាមួយគ្នានោះ អ្នកនាំពាក្យរាជរដ្ឋាភិបាល បានអំពវនាវឲ្យសាធារណជន…

         យោងតាមសេចក្តីប្រកាសព័ត៌មាន របស់ក្រសួងការបរទេស នៅថ្ងៃទី​​ ០៦ ខែធ្នូ ឆ្នាំ២០២០ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា នឹងអញ្ជើញចូលរួម និងថ្លែងសុន្ទរកថាតាមប្រព័ន្ធវីដេអូ ក្នុងពិធីបើកសន្និសីទអន្តរជាតិស្តីពី «ការពង្រឹងតួនាទីស្ត្រីក្នុងការកសាង និងរក្សា​សន្តិភាព៖ពីការប្តេជ្ញាចិត្តរហូតដល់លទ្ធផល»  នៅថ្ងៃទី៧ ខែធ្នូ ឆ្នាំ២០២០នេះ។ ការចូលថ្លែងសុន្ទរកថានេះ គឺ តបតាមការអញ្ជើញរួមរបស់ឯកឧត្តម ផាម ប៊ិញ មិញ ឧបនាយករដ្ឋមន្រ្តី រដ្ឋមន្រ្តីការបរទេស​ នៃសាធារណរដ្ឋសង្គម​និយមវៀតណាម និងលោកជំទាវ Phumzile Mlambo-Ngcuka អគ្គលេខាធិការរងអង្គការសហប្រជាជាតិ (អ.ស.ប) និងជានាយកប្រតិបត្តិ នៃអង្គការUNWOMEN។         នៅក្នុងសុន្ទរកថាបើក ឯកឧត្តមឧបនាយករដ្ឋមន្រ្តី ប្រាក់ សុខុន នឹងបញ្ជាក់អំពីការកើនឡើងនូវតួនាទីដែល មិនអាចខ្វះ​បានរបស់ស្ត្រី ក្នុងការរួមចំណែកដល់ការកសាងសង្គមដែលយុត្តិធម៌ មានបរិយាប័ន្ន ប្រកបដោយវិបុលភាព និងសន្តិភាពនៅជុំវិញពិភពលោក។ ឯកឧត្តម នឹងគូសបញ្ជាក់អំពីគោលនយោបាយ និងយុទ្ធសាស្រ្តអភិវឌ្ឍជាតិរបស់កម្ពុជា ក្នុងការលើក​កម្ពស់សមភាពយេនឌ័រ និងការផ្តល់អំណាចដល់ស្រ្តី ហើយនឹងអះអាងជាថ្មីម្តងទៀត​នូវការប្តេជ្ញាចិត្ត​របស់កម្ពុជាចំ​ពោះសមភាព…

ភ្នំពេញ៖ លោក ចាន់ យ៉េត ប្រធានគណបក្សនគរប្រជាធិបតេយ្យ និងជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ បានប្រកាសថា ខ្លួននិងសហការី ឈប់ពាក់ព័ន្ធនឹងទំនាស់ដីធ្លីនៅតំបន់បឹងជង្រុក និង៦៧១ ក្នុងស្រុកម៉ាឡៃ ខេត្តបន្ទាយមានជ័យទៀតហើយ ចាប់ពីថ្ងៃទី០៧ ខែធ្នូ ឆ្នាំ២០២០នេះតទៅ។ការប្រកាសដកខ្លួនរបស់លោក ចាន់ យ៉េត បន្ទាប់ពីលោកបានឃើញទំនាស់ដ៏រ៉ាំរ៉ៃនៅតំបន់បឹងជង្រុក និង៦៧១ ត្រូវបានដោះស្រាយបញ្ចប់ក្រោមនយោបាយឈ្នះឈ្នះរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ នៅក្នុងលិខិតបំភ្លឺជាសាធារណៈមួយដែល ទទួលបាននៅថ្ងៃទី០៦ ខែធ្នូ ឆ្នាំ២០២០នេះ លោក ចាន់ យ៉េត បានអំពាវនាវដល់ប្រជាពលរដ្ឋ ដែលធ្លាប់ស្វែងរកការអន្តរាគមន៍របស់លោកឱ្យទទួលយកនូវគោលនយោបាយដោះស្រាយ របស់សម្តេចតេជោ ហ៊ុន សែន។ លោក ចាន់ យ៉េត បានអំពាវនាវយ៉ាងដូច្នេះ «ខ្ញុំសូមឱ្យប្រជាពលរដ្ឋចំនួន ២៣០គ្រួសារ ដែលមានអ្នកតំណាងឈ្មោះ សុខ ផាត និង ឆៃ និង មុត តាំង សូមបន្តទទួលយកតាមការព្រមព្រៀងគ្នានៃដំណោះស្រាយបែបឈ្នះឈ្នះ ដែលមាន ឯកឧត្តម ប៉ាន់ខែម ប៊ុនថន…

ឧត្តមសេនីយ៍ឯក សួន ខាំឡ មេបញ្ជាការរងកងទ័ពជើងគោក បានអញ្ជើញជាអធិបតីក្នុងពិធីបិទវគ្គហ្វឹកហ្វឺនបំប៉នជំនាញបច្ចេកទេសកងទ័ពជើងគោក ជំនាន់ទី១ ឆ្នាំ២០២០ នៅមជ្ឈមណ្ឌលហ្វឹកហ្វឺនកងទ័ពជើងគោក ពេជ្រនិល ស្រុកភ្នំស្រួច ខេត្តកំពង់ស្ពឺ កាលពីថ្ងៃទី៤ ខែធ្នូ ឆ្នាំ២០២០ ។           ឧត្តមសេនីយ៍ត្រី ម៉ា វ៉ាន់ធី នាយរងការិយាល័យបច្ចេកទេស កងទ័ពជើងគោក បានឲ្យដឹងថា៖វគ្គហ្វឹក ហ្វឺនបំប៉នជំនាញបច្ចេកទេសកងទ័ពជើងគោកជំនាន់ទី១ ឆ្នាំ២០២០ នេះ មានរយៈពេល ០៣ខែ ស្មើនឹង ៩០ថ្ងៃ ចាប់បើកវគ្គពីថ្ងៃទី៧ ខែកញ្ញា  ឆ្នាំ២០២០  មានកម្មសិក្សាការីសរុបចំនួន ១០៦នាក់ សិក្ខាកាមចំនួន ៩៥នាក់ គ្រូយោធាចារ្យចំនួន ៩នាក់ និងអ្នកបម្រើការចំនួន ០២នាក់ មកពីបណ្តាអង្គភាពចំណុះកងទ័ពជើងគោក ។ ខ្លឹមសារហ្វឹកហ្វឺនរៀនសូត្ររួមមាន៖ ការងារទូទៅរបស់យោធិន និងមេរៀនផ្នែកបច្ចេកទេស ។ ក្រោយពេលបញ្ចប់វគ្គ សិក្ខាកាមទទួលបាននិទ្ទេសល្អណាស់ចំនួន ២១រូប និទ្ទេសល្អចំនួន ៣៤រូប និទ្ទេសល្អមធ្យមចំនួន ៣១រូប និង និទ្ទេសមធ្យម…