ថ្ងៃនេះ គឺជាថ្ងៃដែលប្រទេសកម្ពុជា ត្រូវប្រារព្ធខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ៩ វិច្ឆិកា(៩ វិច្ឆិកា ១៩៥៣-៩ វិច្ឆិកា ២០២១)ដែលកម្ពុជាទទួលបានឯករាជ្យ ពីអាណានិគមនិយមបារាំង ស្របជាមួយនឹងខួប៦៨ឆ្នាំ នៃការបង្កើតកងយោធពលខេមរភូមិន្ទផងដែរ។ ទិវាបុណ្យឯករាជ្យជាតិ ៩ វិច្ឆិកា បានរំលឹកឱ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែររបស់ព្រះករុណាព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុតធ្វើការតស៊ូក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា៕ ប្រភព៖ SPM 

១. ៩ខែ ឆ្នាំ២០២១ ចំណូលពីឧស្សាហកម្មយានយន្ត និងគ្រឿងចក្រនៅកម្ពុជាមាន ២ ៨៨២លានរៀល គ្របដណ្ដប់ ៤១,៩% នៃចំណូលពន្ធគយសរុប ខណៈការវិនិយោគពីក្រុមហ៊ុននាំចូល និងចែកចាយរថយន្តកើនឡើង – ថ្មីៗ ២. គម្រោងសាងសង់ទីលានតេជោ ទំហំជាងពីរម៉ឺនម៉ែត្រក្រឡា នៅតាមឆ្នេរសមុទ្រក្រុងព្រះសីហនុ គ្រោងបញ្ចប់ត្រឹមថ្ងៃទី២០ វិច្ឆិកាខាងមុខនេះ – រស្មីកម្ពុជា ៣. ក្រៅពីចិន និងកូរ៉េខាងត្បូង កម្ពុជាមានទិសដៅបន្តចរចាបង្កើតកិច្ចព្រមព្រៀងពាណិជ្ជកម្មសេរីទ្វេភាគីជាមួយសហភាពសេដ្ឋកិច្ចអឺរ៉ុបអាស៊ី រុស្សី អង់គ្លេស អាមេរិក ជប៉ុន ម៉ុងហ្គោលី និងឥណ្ឌា- កោះសន្តិភាព ៤. ក្រុមតាលីបង់ បានតែងតាំងសមាជិកចំនួន៤៤នាក់របស់ខ្លួននៅក្នុងមុខនាទីសំខាន់ៗជាអភិបាលខេត្ត និងមេប៉ូលិសនៅទូទាំងប្រទេស ខណៈបញ្ហាសន្តិសុខ និងវិបត្តិសេដ្ឋកិច្ចកំពុងកើនឡើង – Reuters ៥. រូបភាពផ្កាយរណប៖ យោធាចិនកំពុងប្រើរូបក្លែងក្លាយនៃនាវាផ្ទុកយន្តហោះអាមេរិក នៅកន្លែងសាកល្បងអាវុធលើវាលខ្សាច់ភាគខាងលិចដាច់ស្រយាលមួយ – Bloomberg

“រដ្ឋាភិបាលអូស្ត្រាលីបានសម្រេចផ្ដល់ជូនកម្ពុជានៅវ៉ាក់ចាក់សាំងប្រឆាំងកូវីដ១៩ ចំនួន៣លាន២សែន៥ម៉ឺនដូសដែលក្នុងនោះចំនួន១លានដូស នឹងត្រូវប្រគល់ជូនកម្ពុជាមុនបំណាច់ឆ្នាំនេះ។” ប្រភព៖ SPM

បន្ទាប់ពីបាត់មួយរយៈ មហាសេដ្ឋីចិន Jack Ma ផ្លាស់ប្ដូរពីពាណិជ្ជកម្មអេឡិចត្រូនិក ទៅកសិកម្មវិញ ដោយនៅពាក់កណ្ដាលខែមករាឆ្នាំនេះ លោក Jack Ma បានបង្ហាញខ្លួនជាសាធារណៈសារជាថ្មី ក្នុងការថ្លែងសុន្ទរកថាទៅកាន់គ្រូបង្រៀន ១០០នាក់នៅតំបន់ដាច់ស្រយាលនៃប្រទេសចិន។ ក្នុងសុន្ទរកថានោះលោកម៉ានិយាយថា៖ “សព្វថ្ងៃនេះ ប្រទេសចិនបានលុបបំបាត់ភាពក្រីក្រ និងកំពុងជំរុញយុទ្ធសាស្ត្រអភិវឌ្ឍន៍ជនបទរបស់ខ្លួន ហើយឈានចូលដំណាក់កាលថ្មីមួយនៃវិបុលភាពរួម។ ការគាំទ្រគ្រូបង្រៀននៅតាមជនបទ ការបំពេញបន្ថែមក្រសួងអប់រំក្នុងការអភិវឌ្ឍវិស័យអប់រំជនបទ ការធ្វើការឆ្ពោះទៅរកភាពរស់រវើករបស់ភូមិ-ឃុំ និងការសម្រេចបាននូវវិបុលភាពរួម ខ្ញុំគិតថាទាំងនេះជាទំនួលខុសត្រូវ និងកាតព្វកិច្ចរបស់ម្ចាស់អាជីវកម្មជំនាន់នេះ”។ អ្នកវិភាគមួយចំនួនគិតថា សំដីនេះបង្ហាញថាលោក Jack Ma នឹងងាកទៅរកសកម្មភាពសប្បុរសធម៌ និងបង្ហាញពីការចុះចាញ់របស់លោកចំពោះសម្ពាធពីរដ្ឋាភិបាលក្រុងប៉េកាំង ដែលថ្មីៗនេះបានជំរុញឱ្យក្រុមមហាសេដ្ឋីចិនជួយរួមចំណែកក្នុងការលុបបំបាត់ភាពក្រីក្រ។ កាលពីដើមខែកញ្ញា លោក Jack Ma បានទៅកសិដ្ឋានមួយនៅខេត្តជឺជាំង។ ក្រុមហ៊ុន Alibaba ក៏បានប្រកាសប្ដេជ្ញាវិនិយោគប្រាក់ជាង ១៥ពាន់លានដុល្លារត្រឹមឆ្នាំ២០២៥ លើបច្ចេកវិទ្យា និងឧស្សាហូបនីយកម្មកសិកម្ម។ កំឡុងខែតុលា មានការរាយការណ៍ថា លោក Jack Ma បំពេញទស្សនកិច្ចលើផ្នែកកសិកម្ម និងបច្ចេកវិទ្យាឧស្សាហកម្មនៅអេស្ប៉ាញ និងហូឡង់។ លោក Jack Ma នឹងបន្តដំណើរនៅទ្វីបអឺរ៉ុប ដើម្បីទស្សនាក្រុមហ៊ុន…