កម្ពុជាបានបិទបញ្ចប់ព្រះរាជពិធីទិវាបុណ្យឯករាជ្យជាតិ៩វិច្ឆិកាដោយមានការយាងរបស់ព្រះករុណាព្រះមហា ក្សត្រពន្លត់ភ្លើងជ័យនៅក្នុងព្រះរាជពិធីប្រព្រឹត្តទៅនៅបរិវេណ វិមានឯករាជ្យ។ ទិវាជាតិ៩វិច្ឆិកា គឺជាទិវាប្រវត្តិ សាស្ត្រមួយដែលរំលឹកខួប៦៧ឆ្នាំ ដែលកម្ពុជាបានរើបំរះចេញរួចពីនឹមអាណានិគមនិយមបារាំង ក្រោយការ ត្រួតត្រាអស់រយៈ ពេល៩០ឆ្នាំ។ ព្រះមហាវីរក្សត្រសម្តេចព្រះនរោត្តម សីហនុ គឺជា អតីតព្រះប្រមុខរដ្ឋតែ មួយ អង្គគត់ ដែលបានធ្វើព្រះរាជបូជនីយកិច្ចដឹកនាំចលនាទាមទារបានឯក រាជ្យនេះមកវិញ ពីបារាំងដោយគ្មានការ បង្ហូរឈាម និងពលរដ្ឋខ្មែរបានថ្វាយព្រះនាមដល់ព្រះអង្គថា សម្តេចព្រះ បិតាឯករាជ្យ ជាតិ។ព្រះរាជពិធីបិទបញ្ចប់ទិវាបុណ្យឯករាជ្យជាតិនៅថ្ងៃទី១១វិច្ឆិកានេះ បានយាងនិមន្តចូលរួមពីសម្ដេចព្រះ អគ្គមហា សង្ឃរាជទាំងពីរគណៈ និងវត្តមានសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា, សម្ដេចអគ្គមហា ពញា ចក្រី ហេងសំរិន ប្រធានរដ្ឋសភា, សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ, សម្ដេចពិជ័យ សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ, សមាជិកសមាជិកា ព្រឹទ្ធសភា រដ្ឋសភា រាជរដ្ឋាភិបាល អង្គទូត និងតំណាងស្ថានទូតបណ្ដាប្រទេសជាមិត្តនានាប្រចាំនៅកម្ពុជា ព្រះរាជវង្សានុ វង្ស នាម៉ឺនសព្វមុខមន្ត្រី…

យោងតាមក្រសួងការបទេស នៅថ្ងៃ១១វិច្ឆិកាឆ្នាំ២០២០ បានចេញផ្សាយសារលិខិតរបស់ឯកឧត្តម ដូណាល់ ជេ. ត្រាំ ( Donald J. Trump) ប្រធានាធិបតីសហរដ្ឋអាមេរិក ថ្វាយចំពោះព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងជូនប្រជាជនកម្ពុជា ក្នុងឱកាសខួបលើកទី៦៧ នៃទិវាបុណ្យឯករាជ្យជាតិកម្ពុជា។ សារលិខិតបានសរសេរថា តាងនាមឲ្យសហរដ្ឋអាមេរិក ខ្ញុំសូមថ្លែងនូវអំណរសារទរជូនចំពោះព្រះរាជាណាចក្រកម្ពុជា ក្នុងឱកាសនៃទិវាបុណ្យឯករាជ្យជាតិកម្ពុជា ខួបលើកទី៦៧ថ្ងៃទី៩ខែវិច្ឆិកា។ លិខិតបានបន្តថា យើងនៅតែប្ដេជ្ញាចិត្តក្នុងការលើកកម្ពុជសសន្តិភាព និងវិបុលភាពដើម្បីប្រជាជនកម្ពុជា។ ជាមួយគ្នានោះ លោកប្រធានាធិបតីសហរដ្ឋអាមេរិក បានថ្វាយព្រះពរ ព្រះករុណាព្រះមហាក្សត្រ និងប្រជាជនកម្ពុជា ឲ្យមានសុខភាពល្អបរិបូរណ៍ នាពេលអនាគត៕

ភ្នំពេញ៖ គណៈកម្មាធិការអចិន្រ្តៃយ៍ព្រឹទ្ធសភាបានប្រជុំ ក្រោមអធិបតីភាពដ៏ខ្ពង់ខ្ពស់របស់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា នាព្រឹកថ្ងៃទី១០ ខែវិច្ឆិកា ឆ្នាំ២០២០ ។ បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃព្រហស្បតិ៍ ទី១២ ខែវិច្ឆិកា ឆ្នាំ២០២០ វេលាម៉ោង០៨:០០នាទីព្រឹក ដើម្បីបន្តសម័យប្រជុំលើកទី៦ព្រឹទ្ធសភានីតិកាលទី៤ ដោយមានរបៀបវារៈដូចខាងក្រោម ៖ ១-ពិនិត្យ និងឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារខណ្ឌសីមា និងបោះបង្គោលព្រំដែនគោក រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ។ ២-ពិនិត្យ និងឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើសន្ធិសញ្ញាស្តីពីការហាមឃាត់អាវុធនុយក្លេអ៊ែរ។ ៣-ពិនិត្យ និងឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីមួយ ធ្វើវិសោធនកម្មកិច្ចព្រមព្រៀងស្តីពី ភាពជាដៃគូសេដ្ឋកិច្ចទូលំទូលាយ រវាងរដ្ឋជាសមាជិកសមាគមប្រជាជាតិអាស៊ីអាគ្នេយ៍ និងជប៉ុន ។ ៤-ពិនិត្យ និងឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារអនុវត្តន៍កញ្ចប់សន្យាទី១០ ក្រោមកិច្ចព្រមព្រៀងក្របខ័ណ្ឌអាស៊ានស្តីពីសេវាកម្ម ។ ៥-ពិនិត្យ និងឲ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀង ស្តីពីការវិនិយោគក្រោមកិច្ចព្រមព្រៀងក្របខ័ណ្ឌ ស្តីពីកិច្ចសហប្រតិបត្តិការ សេដ្ឋកិច្ចទូលំទូលាយ រវាងសមាគមប្រជាជាតិអាស៊ីអាគ្នេយ៍ និងសាធារណរដ្ឋឥណ្ឌា។ ៦-ពិនិត្យ…