ក្រុមហ៊ុន Pfizer Inc រំពឹងថា ការលក់វ៉ាក់សាំងកូវីដ១៩ ដែលខ្លួនបានបង្កើតជាមួយដៃគូអាល្លឺម៉ង់ BioNTech ក្នុងឆ្នាំ២០២១ នេះនឹងឈានដល់ ៣៦ពាន់លានដុល្លារ ហើយនឹងកើនឡើងប្រមាណ ២៩ពាន់លានដុល្លារទៀតនៅឆ្នាំ ២០២២។ ក្រុមហ៊ុននេះកំពុងស្វែងរកការចុះហត្ថលេខាលើកិច្ចព្រមព្រៀងវ៉ាក់សាំងបន្ថែមទៀតជាមួយបណ្តាប្រទេសកំពុងអភិវឌ្ឍន៍នានា ដែលអាចជំរុញការលក់ឱ្យកើនឡើងកាន់តែខ្ពស់នៅឆ្នាំក្រោយ។ យ៉ាងណាក្ដី នាយកប្រតិបត្តិ Albert Bourla មានការព្រួយបារម្ភដល់ប្រទេសដែលមានប្រាក់ចំណូលទាប និងមធ្យម ចំពោះការបញ្ជាទិញវ៉ាក់សាំងនៅឆ្នាំក្រោយ ឬអាចនឹងទិញយឺតជាងប្រទេសអ្នកមាន។ ក្រុមហ៊ុន Pfizer រំពឹងថានឹងចែកចាយវ៉ាក់សាំងរបស់ខ្លួនយ៉ាងហោចណាស់ ១ពាន់លានដូសនៅប្រទេស ដែលមានប្រាក់ចំណូលទាប និងមធ្យមនៅឆ្នាំក្រោយ។ ប្រភព៖ Reuters

ឋបនីយជីវមណ្ឌលបឹងទន្លេសាប មានទំហំប្រមាណជា ១ ៤៨១ ២៥៧ ហិកតា ស្ថិតនៅក្នុងភូមិសាស្រ្តខេត្តកំពង់ធំ សៀមរាប បាត់ដំបង ពោធិ៍សាត់ និងកំពង់ឆ្នាំង។ ឋបនីយជីវមណ្ឌលបឹងទន្លេសាបមានតំបន់ស្នូល៣ គឺតំបន់រ៉ាមសារព្រែកទាល់ រ៉ាមសារបឹងទន្លេឆ្មារ និងរ៉ាមសារស្ទឹងសែន ព្រមទាំងមានប្រភេទសត្វស្លាបទឹកប្រមាណជាង ២២៥ប្រភេទ មច្ចាជាតិ១៧៥ ថនិកសត្វ៤៦ ល្មូន៤២ និងរុក្ខជាតិ២០០។ ប្រភព៖-ក្រសួងបរិស្ថាន

📷-វត្តរាជបូណ៌ ក្រុងសៀមរាប

៣ វិច្ឆិកា ២០២១

១. រាជរដ្ឋាភិបាលថៃបានយល់ស្របឱ្យកម្ពុជានាំយកវ៉ាក់សាំងចូលទៅថៃ ចំណែកការចាក់វ៉ាក់សាំងជាតួនាទីរបស់ភាគីថៃ ដោយមានខាងកម្ពុជាសង្កេតការណ៍ – AMS Central ២. ក្រុមគុនល្បុក្កតោកម្ពុជា បានឈ្នះ មេដាយមាសចំនួន ៣ និងប្រាក់ចំនួន ២ទៀត ពីការប្រកួតកីឡាយុទ្ធគុនចម្រុះពិភពលោក ដែលមានចំនួន ១២ប្រទេសចូលរួម – ភ្នំពេញបុស្តិ៍ ៣. រោងចក្រថាមពលពន្លឺព្រះអាទិត្យចំនួន ៧ ដែលមានកំលាំង ៤៩៥មេហ្គាវ៉ាត់ នឹងដំណើរការក្នុងឆ្នាំ២០២៣ ដោយបង្កើនការផ្គត់ផ្គង់ប្រភពថាមពលបានដល់ ២០% នៃសមត្ថភាពផលិតសរុបរបស់ខ្លួន – ខ្មែរថាមស៍ ៤. អគ្គរដ្ឋទូតបារាំងប្រចាំអូស្ត្រាលីលោក Jean-Pierre Thebault ថារដ្ឋាភិបាលអូស្ត្រាលីបានកុហក ពេលសម្រេចចិត្តលុបចោលភ្លាមៗនូវគម្រោងទិញនាវាមុជទឹកជាមួយទីក្រុងប៉ារីស ដើម្បីស្រវាយកនាវាមុជទឹកនុយក្លេអ៊ែរអាមេរិក – Reuters ៥. យ៉ាងហោចណាស់មនុស្ស ២៥នាក់បានស្លាប់ និងជាង ៥០នាក់បានរងរបួស ក្រោយខ្មាន់កាំភ្លើងបានវាយប្រហារមន្ទីរពេទ្យយោធាដ៏ធំបំផុតរបស់អាហ្វហ្កានីស្ថាន បន្ទាប់ពីការផ្ទុះដ៏ខ្លាំងចំនួន ២ នៅកណ្តាលទីក្រុងកាប៊ុល – BBC

ដានកាបូនសរុបរបស់ប្រជាជនទូទៅគឺប្រមាណ ៨តោនក្នុង១ឆ្នាំ ខណៈដានកាបូនដែលបញ្ចេញដោយយន្តហោះឯកជនចំនួន ៤០០គ្រឿងគឺសរុបប្រមាណ ១៣ ០០០តោន។ Monica Lennon អ្នកនាំពាក្យរបស់ Labour Net Zero បាននិយាយថា “ការហោះហើរដោយយន្តហោះឯកជន ខណៈពេលដែលអះអាងថាខ្លួនយកចិត្តទុកដាក់ខ្លាំងចំពោះការដោះស្រាយភាពអាសន្នផ្នែកអាកាសធាតុ គឺជាការលាក់ពុត។ នេះជាលើកទី២ហើយដែលលោក Biden រងការរិះគន់ដោយសារ COP26។ ឃ្លា “Sleepy Joe” កំពុងមានភាពល្បីល្បាញនៅលើ Twitter បន្ទាប់ពីអ្នកសារព័ត៌មានថតបានទិដ្ឋភាពលោក Biden ស្ទើរតែគេងលក់ក្នុងអំឡុងពេលសុន្ទរកថាបើក COP26 ។ លោក Biden បានរិះគន់រុស្ស៊ី និងចិនចំពោះការមិនចូលរួម COP26 ដោយផ្ទាល់ ដោយនិយាយថាពួកគេបានសាង “កំហុសដ៏ធំមួយ” ។ ចុះការគេងលក់ក្នុងពេលប្រជុំ មិនមែនជាកំហុសធំទេឬ? តើការប្រជុំតាមវីដេអូដែលអាចសន្សំសំចៃថាមពល និងការពារការឆ្លងជម្ងឺកូវីដពិតជា “កំហុស” មែនឬ? ប្រភព៖ PandaPaws 🐾

នាយកអង្គការស្បៀងអាហារពិភពលោក WFP របស់អង្គការសហប្រជាជាតិលោក David Beasley បានលើកឡើងថា ២% នៃទ្រព្យសម្បត្តិរបស់ Elon Musk នឹងជួយដោះស្រាយបញ្ហាកង្វះស្បៀងអាហារនៅទូទាំងពិភពលោក និងជួយសង្គ្រោះមនុស្សជាង ៤២លាននាក់ពីភាពអត់ឃ្លាន។ លោក Elon Musk ក៏បានតបថា គាត់នឹងលក់ភាគហ៊ុនរបស់ Tesla ហើយបរិច្ចាគលុយភ្លាមៗ បើអង្គការ WPF អាចពណ៌នាថាទឹកប្រាក់ ៦ពាន់លានដុល្លារ នឹងដោះស្រាយបញ្ហានេះដោយរបៀបណា ព្រមទាំងមានបញ្ជីចំណាយមួយមានតម្លាភាពជូនសាធារណជន។ អ្នកលេងអ៉ីនធឺណិតចិនជាច្រើនបានរិះគន់ចំពោះការពិភាក្សាអំពីបញ្ហាពិភពលោកនេះ។ គេថាលុយតែមួយមុខមិនអាចដោះស្រាយភាពអត់ឃ្លាន ឬភាពក្រីក្របានឡើយ ព្រោះការអប់រំ ហេដ្ឋារចនាសម្ព័ន្ធ និងការអភិវឌ្ឍន៍ជនបទទើបជាដំណោះស្រាយពិតប្រាកដ។ តើអ្នកគិតថា Elon Musk ចោទសួរត្រូវឬទេ? តើលុយ ២% របស់គាត់ពិតជាអាចដោះស្រាយបញ្ហាបានទាំងស្រុងឬ? ប្រភព៖ Panda Paws