ភ្នំពេញ៖ លេខាធិការដ្ឋានរៀបចំការបោះឆ្នោតរាជធានីភ្នំពេញ នៃគណៈកម្មាធិការជាតិរៀបចំការបោះឆ្នោត បានចេញសេចក្ដីបំភ្លឺចំពោះការចោទប្រកាន់របស់ តំណាងគណបក្សសម័្ពន្ធដើម្បីប្រជាធិបតេយ្យ (LDP) ដែលថាតំណាងគណៈកម្មការធិការជាតិរៀបចំការបោះឆ្នោត (គ.ជ.ប) និងអាជ្ញាធរសង្កាត់និរោធ បានឃុបឃិតគ្នាគំរាមកំហែងតំណាងគណបក្សសម័្ពន្ធដើម្បីប្រជាធិបតេយ្យ នៅក្នុងកិច្ចប្រជុំសម្រេចបណ្តឹងជំទាស់លេខ ០០១ ចុះថ្ងៃទី៣០ ខែវិច្ឆិកា ឆ្នាំ២០២០ ប្តឹងដោយលោក ស៊ិន ហ៊ី សុំប្តឹងឱ្យលុបឈ្មោះប្រជាពលរដ្ឋចំនួន ៩០ នាក់ចេញពីបញ្ជីបោះឆ្នោតដំបូង។ លេខាធិការដ្ឋានរៀបចំការបោះឆ្នោតរាជធានីភ្នំពេញ បានបង្ហាញសេចក្ដីបំភ្លឺ ៥ ចំណុចដូចខាងក្រោម៖ ១៖ នៅក្នុងកិច្ចប្រជុំសម្រេចរបស់ក្រុមប្រឹក្សាសង្កាត់និរោធ ពុំមានតំណាង គ.ជ.ប ឬមន្ត្រីលេខាធិការដ្ឋានរៀបចំការបោះឆ្នោតរាជធានីភ្នំពេញ ចូលរួមក្នុងកិច្ចប្រជុំនោះទេ។ ២៖ នៅក្នុងកិច្ចប្រជុំសម្រេចនេះ តំណាងគណបក្សសម័្ពន្ធដើម្បីប្រជាធិបតេយ្យមិនបានស្វែងរកភស្តុតាងមកបង្ហាញដល់អង្គប្រជុំទេ តែបែរជាសុំថតរាល់ឯកសាររបស់អ្នកចុះឈ្មោះបោះឆ្នោតទាំងអស់ពីក្រុមប្រឹក្សាប្រជុំសម្រេចវិញ។ ៣៖ នៅក្នុងកិច្ចប្រជុំសម្រេចនេះ តំណាងគណបក្សសម័្ពន្ធដើម្បីប្រជាធិបតេយ្យ មិនបានអនុវត្តតាមបទបញ្ហាផ្ទៃក្នុងនៃអង្គប្រជុំ ដូចជាការហាមថត ឬអាត់សំឡេង ការប្រើប្រាស់ទូរសព្ទដៃជាដើម។ ៤៖ ការចោទប្រកាន់លោក ឈុន ឃាង ថាជាតំណាង គ.ជ.ប គឺមិនពិតទេ។ សូមបញ្ជាក់ថា លោក ឈុន ឃាង ត្រូវបានបញ្ចប់កិច្ចសន្យាបម្រើការងារនៅលេខាធិការដ្ឋានរៀបចំការបោះឆ្នោតរាជធានីភ្នំពេញ ចាប់ពីថ្ងៃទី៣១…

០២​ ធ្នូ​ ជាព្រឹត្តការណ៍ប្រវត្តិសាស្ត្រដ៏សំខាន់​ និងជាចំណុចចាប់ផ្តេីមនៃការកសាងមូលដ្ឋានសន្តិភាពជូនកម្ពុជា​ ដែលបានបាត់បង់ជាង៥០០ឆ្នាំមកហេីយ។ រណសិរ្សមួយដែលត្រូវបានចារទុកជាប្រវត្តិសាស្ត្រ និងធ្វើឲ្យកុលបុត្រ កុលធិតាខ្មែរគ្រប់ជំនាន់តែងចងចាំមិនភ្លេចនូវគុណូបការដ៏អស្ចារ្យ​ និងធំធេងបំផុតកាលពី៤២ឆ្នាំមុន​ គឺថ្ងៃទី០២​ ខែធ្នូ​ ឆ្នាំ១៩៧៨​ ជាពេលវេលាដែលប្រជាជនខ្មែរ​ទទួលដំណឹងថា​ មានកងទ័ពអ្នកស្នេហាជាតិ​ ត្រូវបានបង្កើតឡើងជារណសិរ្សមួយ ដើម្បីសង្គ្រោះជាតិឲ្យចាកផុតពីទុកវេទនាក្នុងយុគសម័យដ៏ខ្មៅងងឹតបំផុតពុំធ្លាប់មាន។ ស្មារតី​ ២ធ្នូ​ ជាស្នាមប្រវត្តិសាស្រ្ត​ ប្រកបដោយការលះបង់​សាច់ស្រស់​ ឈាមស្រស់​ ពលីជីវិត​ ដេីម្បីប្តូរមកវិញនូវសន្តិភាព​ ដែលប្រជាពលរដ្ឋទូទាំងប្រទេសកម្ពុជាដឹងគុណដោយមិនអាចបំភ្លេចបានចំពោះរណសិរ្សសាមគ្គីសង្គ្រោះជាតិកម្ពុជា​ ហេីយបច្ចុប្បន្នដូរឈ្មោះជារណសិរ្សសាមគ្គីអភិវឌ្ឍន៍មាតុភូមិកម្ពុជា​ បានបង្កើតជាអង្គការចាត់តាំងឈានមុខ ហើយបដិសន្ធិឡើងនៅក្នុងតំបន់រំដោះស្ថិតក្នុងភូមិជើងឃ្លូ ឃុំ២ធ្នូ ស្រុកស្នួល ខេត្តក្រចេះ ក្នុងការផ្តួលរលំរបបកម្ពុជាប្រជាធិបតេយ្យ​ ហៅរបបខ្មែរក្រហម​ ដឹកនាំដោយ​ ប៉ុល ពត។ បន្ទាប់ពីផ្តួលរលំពីរបបខ្មែរក្រហម​ហើយ​ រណសិរ្សបានដឹកនាំប្រទេសចេញពីក្នុងស្ថានភាពដ៏លំបាកលំបិនកសាងប្រទេសឡើងវិញចេញពីចំណុចសូន្យដែលរបបប្រល័យពូជសាសន៍​ បានបន្សល់ទុក​ និងស្ថិតក្នុងកាលៈទេសៈ​ ដៃម្ខាងកសាងសន្តិភាព​ ហេីយដៃម្ខាងទៀត​ទប់ទល់នឹងសង្គ្រាមបង្កឡើងក្នុងមហិច្ឆតា​ ប៉ុងប៉ងឱ្យមានការវិលត្រលប់មកវិញនៃរបបខ្មែរក្រហម។ ជាមួយកាលទេសៈ​ដ៏លំបាកនេះ​ កម្ពុជា​បានពុះពារ​ តស៊ូ​ ជំនះ​ និងកសាងបានខឿនសេដ្ឋកិច្ច​ ក៏ដូចជាការអភិវឌ្ឍ ដឹកនាំដោយរាជរដ្ឋាភិបាលបច្ចុប្បន្ន​ ធ្វេីឱ្យប្រជាជនកម្ពុជា​ទទួលផល​ដោយផ្ទាល់​ និងប្រយោលពីសន្តិភាព ហេីយប្រជាជាតិ​ចាប់ផ្តេីមប្រែមុខមាត់ថ្មីលេីឆាកអន្តរជាតិ​ និងប្រទេសតំបន់៕ https://www.facebook.com/114489037099393/posts/142866897594940/?d=n

ភ្នំពេញ៖ នៅព្រឹកថ្ងៃទី០២ ខែធ្នូ ឆ្នាំ២០២០នេះ ម៉ាសរបស់កម្ពុជាចំនួន១លាន៥ម៉ឺន និងសម្ភារៈបរិក្ខារមួយចំនួនទៀត បានដឹកតាមយន្តហោះ ចាកចេញពីរាជធានីភ្នំពេញ ទៅប្រគល់ជូនរដ្ឋាភិបាលប្រទេសទីម័រខាងកើត (ទីម័រឡេស្ត)។ ការដឹកជញ្ជូនជំនួយរបស់កម្ពុជានេះ ដឹកនាំដោយ ឯកឧត្តម អ៊ុច បូររិទ្ធ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការក្រសួងការបរទេស និងសហប្រតិបត្តិការអន្តរជាតិ តំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អមដោយតំណាងក្រសួងសុខាភិបាល និងមន្រ្តីមួយចំនួនទៀត។ ជំនួយរបស់កម្ពុជាផ្តល់ជូនប្រទេសទីម័រឡេស្តនាពេលនេះ រួមមាន៖ ៖ ម៉ាសចំនួន១លាន, ម៉ាសក្រណាត់៥ពាន់, ម៉ាស N95 ចំនួន១ម៉ឺន, វែនតាសុវត្ថិភាព ចំនួន១ម៉ឺន, សំលៀកបំពាក់សុវត្ថិភាព សម្រាប់មន្ត្រីសុខាភិបាល (ជាឈុត) ចំនួន១ម៉ឺនឈុត, ឧបករណ៍វាស់កំដៅ ចំនួន២៥០, របាំងមុខចំនួន១ម៉ឺន, ម៉ាស៊ីនជំនួយដល់ការដកដង្ហើម សម្រាប់ប្រយោធនកម្ម ចំនួន១០, ទូរទស្សន៍តាមដានសុខភាពអ្នកជំងឺ និងសម្ភារបន្ទាប់បន្សំម៉ូឌែល Vista 120 ចំនួន១០, ម្សៅថ្នាំបាញ់សម្លាប់មេរោគ ២៥គីឡូក្រាមក្នុង១ធុង (ក្លរ៉ាមីនប្រភេទB) ២៥០កេស,…