ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបន្តផ្ញើសារពិសេសជូនបងប្អូនជនរួមជាតិ ពាក់ព័ន្ធករណីឆ្លងជំងឺកូវីដ១៩របស់ក្រុមគ្រួសារឯកឧត្តម ឆែម សាវុធ អគ្គនាយកពន្ធនាគារ នៅយប់ថ្ងៃទី២៩ ខែវិច្ឆិកា ឆ្នាំ២០២០ ។ សម្តេចតេជោ ហ៊ុន សែន បានហៅករណីឆ្លងជំងឺកូវីដ១៩របស់ក្រុមគ្រួសារអគ្គនាយកពន្ធនាគារគឺជារឿងធ្ងន់ធ្ងរណាស់ ហើយអំពាវនាវឲ្យអ្នកពាក់ព័ន្ធផ្ទាល់ និងប្រយោល ប្រញាប់ប្រញាល់ចូលខ្លួនមកធ្វើតេស្តដើម្បីស្វែងរកមេរោគកូវីដ១៩។ គិតត្រឹមម៉ោងនេះ មានមនុស្សចំនួន៨នាក់ហើយ នៃក្រុមគ្រួសាររបស់អគ្គនាយកពន្ធនាគារបានឆ្លងជំងឺកូវីដ១៩។ នៅក្នុងសាររបស់សម្តេចតេជោ ហ៊ុន សែន បន្តអំពាវនាវដល់បងប្អូនប្រជាពលរដ្ឋកុំឲ្យមានភ័យស្លន់ស្លោរ ពាក់ព័ន្ធករណីឆ្លងក្នុងសហគមន៍នេះ។ សម្តេចតេជោ ហ៊ុន សែន ក៏បានប្រកាសផ្តល់សិទ្ធិដល់រដ្ឋមន្រ្តី និងអភិបាលខេត្ត ក្នុងផ្អាកជាបណ្តោះអាសន្នផ្នែកខ្លះនៃក្រសួង ឬបិទភោជនីយដ្ឋានណា ដែលមានការពាក់ព័ន្ធករណីឆ្លងជំងឺកូវីដ១៩។ សម្តេចតេជោ ហ៊ុន សែន បានថ្លែងថា ថ្ងៃនេះ ក្រុមគ្រូពេទ្យបានធ្វើសំណាកលើមនុស្សជាង៣០០០នាក់ ៕

នារសៀលថ្ងៃទី២៩ វិច្ឆិកាឆ្នាំ២០២០នេះ សម្តេចពិជ័យសេនា ទៀ បាញ់ បានអញ្ជើញពិនិត្យមើលទីតាំងត្រៀមបើកការដ្ឋានសម្ភោធផ្លូវ៣៨ខ្សែនៅថ្ងៃស្អែកក្នុងក្រុងសៀមរាប ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

ឯកឧត្ដមបានបានថ្លែងដូចនេះក្នុងពិធីក្រុងពាលីរុះរើនិងសាងសង់អគារសិក្សា៣ខ្នង១៥បន្ទប់និងក្លោងទ្វារ១ក្នុងសាលាបឋមសិក្សាប៊ុនរ៉ានីហ៊ុនសែនពោធិព្រឹក្សឃុំរលាំងកែនស្រុកកណ្ដាលស្ទឹងខេត្តកណ្ដាលព្រឹកថ្ងៃទី២៨វិច្ឆិកា។ឯកឧត្ដម ណុប រ័ត្ននិមល បានលើកឡើងថា សម្ដេចតេជោហ៊ុនសែន ប្រមុខរាជរដ្ឋាភិបាលកម្ពុជាបានខិតខំស្វែងរកសុខសន្តិភាពជូនជាតិមាតុភូមិនិងប្រជាជនទូទាំងប្រទេសបានកសាងអគារសិក្សារាប់ពាន់ខ្នងបង្ខិតសាលារៀនមកជិតផ្ទៈប្រជាពលរដ្ឋបង្កើតវិទ្យាល័យឱ្យមានតាមឃុំកសាងហេដ្ឋារចនាសម្ពន្ធ័ផ្លូវថ្នល់ស្ពានខ្វែងខ្វាត់បានជម្រុញនូវការអភិវឌ្ឍលើគ្រប់វិស័យបានផ្ដល់ឱកាសឱ្យប្រជាជនរស់នៅយ៉ាងសុខសាន្តប្រកបមុខរបរដើរកំសាន្តដោយសេរីក្រោមម្លប់សន្តិភាពនិងបានធ្វើឱ្យយុវជនបានចូលសិក្សាគ្រប់ៗគ្នានៅតាមគ្រឹៈស្ថានសិក្សារដ្ឋឯកជននិងមានលទ្ធភាពអាចបន្តការសិក្សានៅក្រៅប្រទេស។ ឯកឧត្ដម ណុប រ័ត្ននិមល បានបន្តថាវិស័យអប់រំជាវិស័យមួយមានអទិភាពខ្ពស់ ដែល ប្រមុខរាជរដ្ឋាភិបាលបានផ្ដោតការយកចិត្តទុកដាក់ក្នុងយុទ្ធសាស្តចតុកោណដំណាក់កាលទី៤បានកំណត់គោលដៅយុទ្ធសាស្រ្តគឺបន្តអន្តវត្តផែនការយុទ្ធសាស្ត្រដោយផ្តោតលើការផ្តល់ឱកាសដល់កុមារ និងយុវជនកម្ពុជាទាំងអស់ ក្នុងការទទួលបានការអប់រំមូលដ្ឋាន ទាំងក្នុងប្រព័ន្ធ និងក្រៅប្រព័ន្ធ ព្រមទាំងបន្តយកចិត្តទុកដាក់លើការកែលម្អគុណភាពអប់រំ ដើម្បីឆ្លើយតបទៅនឹងសេចក្តីត្រូវការអភិវឌ្ឍប្រទេសជាតិ។ រាជរដ្ឋាភិបាលបានធ្វើការកែទម្រង់គុណភាពវិស័យអប់រំនៅកម្ពុជា សំដៅពង្រឹងគុណភាពអប់រំ អ្នកចេះគឺជាប់ដោយពឹងលើសមត្ថភាពខ្លួនឯង ដើម្បីប្រកួតប្រជែងការងារនិងដើរឱ្យទាន់ការវិវត្តន៍រីកចំរើនសាកលភាវូនីយកម្មនៅក្នុងតំបន់និងពិភពលោក។ ឯកឧត្ដម ណុប រ័ត្ននិមល បានផ្តាំផ្ញើដល់សិស្សានុសិស្សទាំងអស់ មិនត្រូវយកពេលទំនេរទៅដើរលេង សេពគបមិត្តភក្តិមិនល្អ ត្រូវជៀសវាងឱ្យផុតពីគ្រឿងញៀន និងល្បែងស៊ីសង ដែលសង្គមស្អប់ខ្ពើម។ គឺត្រូវខិតខំសិក្សារៀនសូត្រ ពង្រឹងសមត្ថភាព ដើម្បីធ្វើខ្លួនឱ្យសាកសមជាទំពាំងស្នងឫស្សី និងក្លាយជាធនធានមនុស្សដ៏សំខាន់ក្នុងការអភិវឌ្ឍប្រទេសជាតិនាពេលអនាគត។ ស្ថិតក្នុងស្ថានភាពការរាតត្បាតនៃជម្ងឺកូវីដ១៩ មិនទាន់ថមថយនោះ ឯកឧត្ដម ណុប រ័ត្ននិមល បានអំពាវនាវដល់ប្រជាពលរដ្ឋទាំងអស់ក្នុងមូលដ្ឋានបន្តគោរពតាមអនុសាសន៍ដ៍ខ្ពង់ខ្ពស់របស់ប្រមុខរាជរដ្ឋាភិបាលនិងក្រសួងសុខាភិបាលត្រូវ ធ្វើអនាម័យជាប្រចាំ លាងដៃនិងអាល់កុល សាប៊ូ ពាក់ម៉ាស់គ្រប់ពេលដែលយើងជួបជុំមនុស្សច្រើនដើម្បីការពារសុខភាពអាយុជីវិតខ្លួនឯង គ្រួសារ និងជនរួមជាតិ ជាការចូលរួមចំណែកការពារសុខមាលភាពសាធារណៈនិងការកំចាត់ជំងឺកូវីដ១៩នេះឱ្យអស់ពីកម្ពុជានិងពិភពលោក ។ ត្រូវ ប្រុងប្រយត្ន័ជានិច្ច យើងអាចភ្លេចជំងឺកូវីដ១៩បានក៍ប៉ុន្តែជំងឺកូវីដ១៩វាមិនភ្លេចយើងទេវាអាចចម្លងគ្រប់ពេលវេលា។តាមរបាយការណ៍ របស់លោកអភិបាលរង ស្រុកកណ្តាលស្ទឹង បានឲ្យដឹងថា…

សិក្ខាកាមដែលជាមន្ត្រីអនុវត្តច្បាប់ជួរមុខ មកពីខេត្តចំនួន០២(ខេត្តបាត់ដំបងនិងប៉ៃលិន) ចំនួន៤០រូបដែលទទួលបាននូវការបណ្តុះបណ្តាលស្តីពីការពង្រឹងនូវសមត្ថភាពដល់មន្ត្រីជួរមុខក្នុងការប្រយុទ្ធប្រឆាំងគ្រឿងញៀន រយៈពេល០២ថ្ងៃ ចាប់ពីថ្ងៃទី២៦ដល់២៧ខែវិច្ឆិកា២០២០នេះត្រូវបានប្រារព្វពិធីបិទវគ្គដើម្បីបញ្ចប់កម្មវិធីរបស់ខ្លួននិងបានផ្តល់នូវវិញ្ញាបនប័ត្រដល់សិក្ខាកាម ក្រោយពីបញ្ចប់វគ្គ។ ពិធីនេះបានប្រព្រឹត្តទៅ នៅស្នងការដ្ឋាននគរបាលខេត្តបាត់ដំបង ក្រោមអធិបតីឯកឧត្តម ណុបដារ៉ា អភិបាលរងខេត្ត តំណាងឯកឧត្តម  ងួន រតនៈ អភិបាលខេត្តបាត់ដំបង និងឯកឧត្តម ឧត្តមសេនីយ៍ឯក នាក់ យុទ្ធា អគ្គលេខាធិការរង នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងវត្តមានកិត្តិយស របស់ ឯកឧត្តមឧត្តមសេនីយ៍ត្រី  សាត គឹមសាន ស្នងការនគរបាល ខេត្តបាត់ដំបង រួមជាមួយថ្នាក់ដឹកនាំសំខាន់ៗជាច្រើនទៀត។      វគ្គបណ្តុះបណ្តាលរយៈពេលខ្លី០២ថ្ងៃនេះ មានមន្ត្រីមកពីស្ថាប័នសមត្ថកិច្ចពាក់ព័ន្ធនៅក្នុងខេត្តទាំង២ សរុប៤០រូប។ ដោយឡែក ខេត្តបាត់ដំបង សិក្ខាកាមជាកងកម្លាំងនិងមកពីបណ្តាស្ថាប័ននិងអង្គភាពទាំង៩ សរុប២៩រូប។     តាមរយៈអ្នកសម្របសម្រួលទទួលខុសត្រូវរៀបចំក្នុងវគ្គបណ្តុះបណ្តាលនេះក៏បានផ្តោតការរំពឹងទុកក្រោយពីបញ្ចប់វគ្តសិក្ខាកាមដែលជាមន្ក្រីក្នុងការអនុវត្តច្បាប៎ជួរមុខ មកពីខេត្តបាត់ដំបង និង ខេត្តប៉ៃលិននិងទទួលបាននូវចំណេះដឹងនិងបទពិសោធន៍និងព័ត៌មានសំខាន់ៗពាក់ព័ន្ធទៅនឹងការត្រួតពិនិត្យ និងការងាស៊ើបអង្កេតបទល្មើសគ្រឿងញៀននិងកាន់តែមានការយល៎ដឹងបន្ថែម ពីសារសំខាន់នៃកិច្ចសហការប្រតិបត្តិការផ្លាស់ប្តូរព័ត៌មាន របស់មន្ត្រីអនុវត្តច្បាប់ ដើម្បីឲ្យឈានទៅសម្រេចការងារបង្ការនិងការបង្ក្រាបគ្រឿងញៀន ឲ្យកាន់តែមានប្រសិទ្ធភាពខ្ពស់។ជាពិសេស កាន់តែយល់ដឹងពីយន្តការ នៃ ការគ្រប់គ្រង ការត្រួតពិនិត្យ ការទប់ស្កាត់និងការបង្ក្រាបការជួញដូរ ការធ្វើចរាចរគ្រឿងញៀន និងសារធាតុគីមីផ្សំខុសច្បាប់ របស់…