-
ព្រឹកនេះ សម្តេចតេជោ ហ៊ុន សែន បន្តចុះជួបសួរសុខទុក្ខ និងចែកអំណោយជូនប្រជាពលរដ្ឋដែលរងគ្រោះដោយទឹកជំនន់ នៅស្រុកអូរជ្រៅ និងស្រុកម៉ាឡៃ ខេត្តបន្ទាយមានជ័យ
ភ្នំពេញ៖ នៅព្រឹកថ្ងៃទី២៣ ខែតុលា ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បន្តជួបប្រជាពលរដ្ឋ ដែលរងគ្រោះនៅស្រុកអូរជ្រៅ និងស្រុកម៉ាឡៃ ខេត្តបន្ទាយមានជ័យ ប្រមាណជាង១ម៉ឺនគ្រួសារ ។ សូមបញ្ជាក់ថា កាលពីថ្ងៃទី២១ និង២២ ខែតុលា ឆ្នាំ២០២០កន្លងទៅនេះ សម្តេចតេជោ ហ៊ុន សែន ក៏បានចុះជួបសួរសុខទុក្ខ និងចែកអំណោយដល់ប្រជាពលរដ្ឋខេត្តបន្ទាយ មានជ័យចំនួន៤ទីតាំងរួចទៅហើយ ក្នុងនោះមាននៅក្រុងប៉ោយប៉ែត ស្រុកសិរីសោភណ្ឌ ស្រុកថ្មពួក និងស្រុកមង្គលបុរីផងដែរ ៕
-
រូបវន្តបុគ្គល និងនីតិបុគ្គលចំនួន៣៣រូបទទួលបានប្រតិបត្តិល្អចំពោះបរិស្ថានក្នុងកម្មវិធី«លើកទឹកចិត្តមេត្រីភាពបរិស្ថានឆ្នាំ២០២០»
នៅរសៀលថ្ងៃសុក្រ ៧កើត ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៣ ខែតុលា ឆ្នាំ២០២០ នៅទីស្តីការក្រសួងបរិស្ថាន បានរៀបចំនូវ កម្មវិធីលើកទឹកចិត្ត«មេត្រីភាពបរិស្ថានឆ្នាំ២០២០»ជូនដល់រូបវន្តបុគ្គល និងនីតិបុគ្គលចំនួន៣៣ដែលបានប្រតិបត្តិល្អចំពោះបរិស្ថាន ។ឯកឧត្តម ជួប ប៉ារីស៌ អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថាន បានមានប្រសាសន៍ថា កម្មវិធី «លើកទឹកចិត្តមេត្រីភាពបរិស្ថាន» នេះរៀបចំឡើងក្នុងគោលបំណងដើម្បី លើកទឹក ចិត្ត ដល់រូបវន្តបុគ្គល និងនីតិបុគ្គលដែលបានចូលរួមប្រតិបត្តិសកម្មភាពមេត្រីភាពបរិស្ថានឆ្នើម និងបន្តផ្សព្វផ្សាយ និង ការចែករំលែកបទពិសោធន៍នៃការប្រតិបត្តិមេត្រីភាពបរិស្ថាន ដល់ រូបវន្តបុគ្គល និងនិតិបុគ្គល ផ្សេងៗ ទៀត បានយល់ដឹង និងប្រតិបត្តិតាម។ ការបញ្រ្ជាបការយល់ដឹង និងជំរុញការប្រតិបត្តិមេត្រីភាពបរិស្ថាន ដល់ស្រទាប់យុវជន ប្រជាសហគមន៍ សាធារណជន គឺជាសញ្ញាណវិជ្ជមានបំផុសឱ្យចូលរួមស្រលាញ់ធម្មជាតិ គាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ ការ រស់ នៅដោយចីរភាពសម្រាប់ជាឧត្តម ប្រយោជន៍ យូរ អង្វែង របស់ប្រជាជនកម្ពុជា។ក្នុងរយៈពេល១ឆ្នំកន្លងមកនេះ អគ្គនាយកដ្ឋានចំណេះដឹង និងព័ត៌មានបរិស្ថានបានផលិតវីដេអូផ្សព្វផ្សាយពីសក្តានុពល និងសំរស់…
-
រដ្ឋមន្រ្តីក្រសួងបរិស្ថាន៖ការប្រឡងប្រណាំងអង្គភាពគំរូនាំឱ្យការងារល្អដែលជួយបម្រើដល់ ប្រទេសជាតិ
ដោយ៖ម៉ាដេប៉ូ រាជធានីភ្នំពេញ៖រដ្ឋមន្រ្តីក្រសួងបរិស្ថាន ឯកឧត្តម សាយ សំអាល់ បានថ្លែងថា ការប្រឡងប្រណាំងស្ថាប័នគំរូប្រចាំក្រសួងបរិស្ថានមិនត្រឹមតែជួយបង្កើនសមត្ថភាពដល់មន្រ្តីប្រចាំតាមអង្គភាពទេ ប៉ុន្តែវាក៏ជាផ្នែកមួយសំខាន់ដែលជួយឱ្យកិច្ចការងាររីកចម្រើនដែលបម្រើដល់ប្រទេសជាតិថែមទៀត។ ការមានប្រសាសន៍របស់ ឯកឧត្តម សាយ សំអាល់ បែបនេះធ្វើឡើងក្នុងពេលដែលឯកឧត្តមអញ្ជើញជាអធិបតីភាពក្នុងការប្រកាសជ័យលាភីនៃអង្គភាពគំរូក្នុងវិស័យបរិស្ថានប្រចាំឆ្នាំ២០២០នៅថ្ងៃទី២៣ខែតុលាឆ្នាំ២០២០នាទីស្តីការក្រសួងបរិស្ថាន។ មានប្រសាសន៍ក្នុងពិធីនេះ ឯកឧត្តមរដ្ឋមន្រ្តីបានលើកឡើងថា ក្នុងការបង្កើនសមត្ថភាពមន្រ្តីនិងពិសេសការរៀបចំឱ្យមានការប្រឡងប្រណាំងតាមអង្គភាពបានធ្វើឱ្យកិច្ចការងារជាច្រើនបានមានសន្ទុះនិងផ្លែផ្កាគួរកត់សម្គាល់។ជាមួយគ្នាវាក៏ជាផ្នែកសំខាន់ក្នុងការជំរុញលើសមត្ថភាព និងប្រសិទ្ធភាពការងារកាន់តែល្អប្រសើរឡើង។ ក្នុងពិធីនេះដែរឯកឧត្តមសាយសំអាល់បានជំរុញដល់មន្រ្តីតាមស្ថាប័ននីមួយៗត្រូវខិតខំបំពេញការងារនិងបម្រើដល់កិច្ចការងារសង្គម ប្រជាពលរដ្ឋនិងពិសេសជួយលើកស្ទួយប្រទេសជាតិឱ្យកាន់តែរីកចម្រើនបន្ថែមទៀត។ បញ្ជាក់ក្នុងពិធីនេះដែរ ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថានបានឱ្យដឹងថាដើម្បីជំរុញការធ្វើទំនើបកម្មស្ថាប័នចំណុះក្រសួងបរិស្ថាន និងពង្រឹងការងារអធិការកិច្ច ក្រសួងបរិស្ថានបានរៀបចំកម្មវិធីប្រកួតប្រជែងជ្រើសរើសស្ថាប័នគំរូក្នុងវិស័យបរិស្ថានប្រចាំឆ្នាំ២០២០ ដោយលើកទឹកចិត្តឱ្យអង្គភាពចំណុះក្រសួងបរិស្ថានទាំងអស់ចូលរួមក្នុងការប្រកួតប្រជែងជាជ័យលាភីអង្គភាពគំរូក្នុងវិស័យបរិស្ថានតាមរយៈការរៀបចំពង្រឹង និងកែសម្រួលលក្ខណៈវិនិច្ឆ័យគោលរបស់ខ្លួនរួមមាន៖ ១.គុណភាព ប្រសិទ្ធភាព និងទទួលសេវារដ្ឋបាល ២.ការងារជំនាញរបស់អង្គភាព ៣.ការគ្រប់គ្រងហិរញ្ញវត្ថុនៅក្នុងអង្គភាព ៥.ការរៀបចំ និងកែល្អបរិស្ថានក្នុងអង្គភាព ៦. ការទំនាក់ទំនងល្អជាមួយប្រជាពលរដ្ឋ សហគមន៍ អាជ្ញាធរ និងដៃគូអភិវឌ្ឍ ៧.គំនិតផ្តួចផ្តើមថ្មីៗ ដើម្បីអង្គភាពមានដំណើរការកាន់តែប្រសើរ និងការប្តេជ្ញាចិត្តក្នុងការកែល្អបន្ត។ ឯកឧត្តមបានមានប្រសាសន៍ឱ្យដឹងដែរថា ក្នុងឆ្នាំ២០២០នេះ ក្រសួងបរិស្ថានបានរៀបចំជ្រើសរើសអង្គភាពគំរូក្នុងវិស័យបរិស្ថានទៅលើ៤ អនុវិស័យនិងមានបេក្ខភាពដែលត្រូវជ្រើសរើសដូចតទៅ ១.អង្គភាពគំរូក្នុងអនុវិស័យនាយកដ្នាន៖ នាយកដ្ឋានអភិរក្សតំបន់ដីសើមទឹកសាប នាយកដ្ឋានប្រែប្រួលអាកាសធាតុ អគ្គាធិការដ្ឋាន…
-
ដំណើរកសាងសន្តិភាពនៅកម្ពុជា ដោយយុទ្ធសាស្រ្ត ឌីហ្វីដ (DIFID)
ថ្ងៃនេះ ២៣ តុលា កិច្ចព្រមព្រៀងទីក្រុងបារីស៍ ដែលអ្នកជំនាន់ក្រោយតែងតែនិយាយ វាពិតជាមានទំនាក់ទំនងជាមួយនឹងភាពម្ចាស់ការរបស់កម្ពុជា ក្នុងការកសាងសន្តិភាព។ កម្ពុជា ទំរាំដណ្តេីមបាននូវសន្តិភាពពេញលេញដេញពីកណ្តាប់ដៃរបស់ប៉ុល ពត និងកម្លាំងខ្មែរក្រហម ត្រូវប្រើប្រាស់គោលនយោបាយ និងយុទ្ធសាស្ត្រជាច្រេីន ក្នុងនោះមានយុទ្ធសាស្រ្ត ឌីហ្វីដ DIFID ។ តេី ឌីហ្វីដ DIFID មានអត្ថន័យដូចម្តេច? ឌីហ្វីដ មានអត្ថន័យ ដូចខាងក្រោម៖ D: បំបែក(divide) ធ្វើការបំបែក ឬញែកកម្លាំងរបស់ភាគីខ្មែរក្រហម។ I: ឯកោ(isolate) ធ្វើឱ្យកម្លាំងរបស់ខ្មែរក្រហមឯកោ ដោយជំរុញខ្មែរក្រហម ដេីរចេញពីកិច្ចព្រមព្រៀងទីក្រុងបារីស ដែលវាជាកំហុសរបស់ខ្មែរក្រហម។ F: បញ្ចប់(finish) បញ្ចប់សកម្មភាព និងអង្គការចាត់តាំងរបស់ខ្មែរក្រហម តាមរយៈការដាក់ខ្មែរក្រហមក្រៅច្បាប់ និងស្នេីបង្កេីតតុលាការខ្មែរក្រហម ដេីម្បីកាត់ទោសស្វែងរកយុត្តិធម៌ជូនមនុស្សជាតិ។ I: សមាហរណកម្ម(integration) ធ្វើសមាហរណកម្មកម្លាំង ដែលព្រមចូលរួមជាមួយរដ្ឋាភិបាល ដែលអនុវត្តតាមគោលការណ៍០៣៖ ធានាអាយុជីវិត ទ្រព្យសម្បត្តិ និងរក្សាតួនាទីឋានន្តរសក្ក័។ D: អភិវឌ្ឍន៍(develop) ធ្វើការអភិវឌ្ឍន៍ទីតាំងដែលបានធ្វើសមាហរណកម្មហើយ។
-
សម្ដេចប្រធានរដ្ឋសភា អបអរសាទរខួប ២៩ឆ្នាំ នៃកិច្ចព្រមព្រៀងសន្តិភាពក្រុងប៉ារីស
សម្ដេចពញាចរក្រីហេង សំរិន ប្រធានរដ្ឋសភានៅថ្ងៃ២៣តុលាឆ្នាំ២០២០នេះ តាមរយៈទំព័រហ្វេសប៊ុករបស់សម្ដេចបានសរសេរអបអរសាទរខួប ២៩ឆ្នាំ នៃកិច្ចព្រមព្រៀងសន្តិភាពក្រុងប៉ារីស។ សម្ដេចបានរំលឹកថា កាលពី២៩ ឆ្នាំមុន គឺនៅថ្ងៃទី២៣ តុលា ឆ្នាំ១៩៩១ ភាគីខ្មែរទាំង៤ បានឈានដល់ការចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ដើម្បីបញ្ចប់សង្រ្គាមនៅកម្ពុជា ក្រោមវត្តមានអង្គការសហប្រជាជាតិ និង ប្រទេសជាមិត្តចំនួន ១៨ ប្រទេសជាសាក្សី។ កិច្ចព្រមព្រៀងសន្តិភាពទីក្រុងប៉ារីស នាំមកនូវការរៀបចំការបោះឆ្នោតជាសាកលនៅឆ្នាំ១៩៩៣ ប៉ុន្តែ ភាគីកម្ពុជាប្រជាធិបតេយ្យបានបន្តធ្វើជាក្រុមឧទ្ទាមក្នុងព្រៃ គ្រប់គ្រងតំបន់មួយចំនួននៅក្នុងប្រទេសយើងដដែល។ ក្រោមនយោបាយ ឈ្នះ-ឈ្នះ របស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា បានធ្វើការបង្រួបបង្រួមខ្មែរ បានទូទាំងប្រទេស សង្រ្គាមបានបញ្ចប់ទំាងស្រុងនៅឆ្នាំ១៩៩៨ ហើយបានផ្តល់លទ្ធភាពដល់រាជរដ្ឋាភិបាលកសាង និងអភិវឌ្ឍប្រទេសឱ្យមានការរីកចម្រើនរហូតមកដល់ពេលបច្ចុប្បន្ន។ សម្ដេចប្រធានរដ្ឋសភាបានបញ្ជាក់ថា សន្តិភាពជាកក្តាសំខាន់បំផុត និងមិនអាចខ្វះបានសម្រាប់ការកសាង និងអភិវឌ្ឍសង្គម។ ដូច្នេះ សម្ដេចបានអំពាវនាវឲ្យជនរួមជាតិរួមគ្នាការពារសុខសន្តិភាព ដែលយើងទទួលបានដោយលំបាកនេះ ឱ្យបានស្ថិតស្ថេរ ដើម្បីជំរុញការអភិវឌ្ឍ ប្រទេសជាតិយើង ឱ្យកាន់តែរីកចម្រើនឆាប់រហ័សឡើងថែមទៀត។ ជាមួយគ្នានោះ សម្ដេចអគ្គពញាចក្រីហេង សំរិន បានរំលឹកដល់ជនរួមជាតិ បន្តអនុវត្តវិធានការការពារខ្លួនពីជំងឺកូវីដ១៩ និងយកចិត្តទុកដាក់ថែរក្សាសុខភាព និងសុវត្ថិភាពឱ្យបានខ្ជាប់ខ្ជួន ក្នុងកំឡុងគ្រោះធម្មជាតិជំនន់ទឹកភ្លៀងនេះ។…
-
សេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២១ ត្រូវបានគណៈរដ្ឋមន្រ្តីសម្រេចអនុម័តហើយ
ភ្នំពេញ៖ គណៈរដ្ឋមន្រ្តីសម្រេចអនុម័តទាំងស្រុង លើសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២១ ដែលច្បាប់សម្រាប់ការចាយវាយរបស់រដ្ឋក្នុងឆ្នាំ២០២១ នៅក្នុងកិច្ចប្រជុំពេញអង្គ ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្រ្តីកម្ពុជា នាព្រឹកថ្ងៃទី២៣ ខែតុលា ឆ្នាំ២០២០នេះ។ បើតាមការប្រកាសរបស់ឯកឧត្តម ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា តាមបណ្តាញសង្គម Facebook បានឱ្យដឹងថា សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២១ ត្រូវបានរៀបចំឡើងនៅក្នុងបរិការណ៍ដែលជំងឺកូវីដ-១៩ ដ៏កាចសាហាវបាននិងកំពុងយាយី ហើយនាំមកនូវផលប៉ះពាល់ អវិជ្ជមានបញ្ហាប្រឈម និងហានិភ័យជាច្រើន ដែលមិនធ្លាប់មានពីមុនមកចំពោះតំបន់ និងពិភពលោកទាំងមូលដោយគ្មានការលើកលែងចំពោះប្រទេសណាមួយឡើយ ព្រមទាំងបានធ្វើឱ្យមនុស្សរាប់លាននាក់បាត់បង់ការងារធ្លាក់ចុះនូវប្រាក់ចំណូលហើយ ប្រជាជនមួយចំនួនធំនៅលើពិភពលោកធ្លា ក់ចូលទៅក្នុងភាពក្រីក្រវិញ។ តាមការវាយតម្លៃពាក់កណ្តាលឆ្នាំកន្លងមក សេដ្ឋកិច្ចកម្ពុជានៅឆ្នាំ២០២០ ត្រូវបានប៉ាន់ស្មានថា នឹងមានកំណើនអវិជ្ជមានក្នុងអត្រា-១,៩% ក្នុងពេលដែលការវាយតម្លៃឡើងវិញរបស់ស្ថាប័នហិរញ្ញវត្ថុអន្តរជាតិធំៗនាពេលថ្មីៗនេះ បានខិតមកគៀកនឹងកម្រិតអវិជ្ជមានជាង-២%។ ដោយឡែកសេដ្ឋកិច្ចកម្ពុជានៅឆ្នាំ២០២១ ត្រូវបានព្យាករថា នឹងងើបឡើងវិញ ហើយរំពឹងថានឹងសម្រេចបានកំណើនក្នុងរង្វង់ ៣,៥%ដែលធ្វើឱ្យ ផ.ស.ស. ថ្លៃបច្ចុប្បន្ន ស្ថិតក្នុងរង្វង់ ១១៧ ៩៣៩ ប៊ីលានរៀល សមមូលនឹងប្រមាណ២៩ ០១៣លានដុល្លារអាមេរិក ស្របពេលដែល ផ.ស.ស. សម្រាប់មនុស្សម្នាក់ត្រូវបានរំពឹងថានឹងកើនឡើងដល់១ ៧៧១ដុល្លារអាមេរិក បើប្រៀបធៀបនឹង១…
-
ថ្ងៃនេះ ជាខួប២៩ឆ្នាំ នៃកិច្ចព្រមព្រៀងសន្តិភាពក្រុងប៉ារីស ២៣ តុលា សម្តេចតេជោ ហ៊ុន សែន បានរំលឹកពីព្រឹត្តិការណ៍ប្រវត្តិសាស្ត្រមួយចំនួន នៃការចរចារបស់សម្តេច ទម្រាំឈានដល់មានកិច្ចព្រមព្រៀងនេះ
ភ្នំពេញ៖ នៅលើទំព័រ Facebook ផ្លូវការនៅព្រឹកថ្ងៃទី២៣ ខែតុលា ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានផ្ញើសារចូលរួមអបអរសាទរខួប២៩ឆ្នាំ នៃកិច្ចព្រមព្រៀងសន្តិភាពក្រុងប៉ារីស ២៣ តុលា។ ក្នុងសារអបអរសាទរនេះ សម្តេចតេជោ ហ៊ុន សែន បានរំលឹកពីព្រឹត្តិការណ៍ប្រវត្តិសាស្ត្រមួយចំនួន នៃការចរចារបស់សម្តេចទម្រាំឈាន ដល់មានកិច្ចព្រមព្រៀងទីក្រុងប៉ារីស ២៣ តុលា ដែលមានភាគីហត្ថាលេខី៤ភាគី គឺសម្តេចតេជោ តំណាងឱ្យរដ្ឋាភិបាលកម្ពុជា, ចលនាតស៊ូហ៊្វុនស៊ីនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណប្ញទ្ឋិ, រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ (ប៉ុលពត) តំណាងដោយ លោក ខៀវ សំផន ។ សម្តេចតេជោ ហ៊ុន សែន បានសរសេរក្នុង Facebook ទាំងស្រុងថា៖ ថ្ងៃទី២៣ ខែតុលា ឆ្នាំ២០២០នេះ…
-
សម្តេចតេជោ ហ៊ុន សែន ដឹកនាំកិច្ចប្រជុំពេញអង្គគណៈរដ្ឋមន្ត្រី ដើម្បីពិភាក្សាលើសេចក្តីព្រាងច្បាប់សំខាន់ៗមួយចំនួននៅព្រឹកនេះ
ភ្នំពេញ៖ នៅព្រឹកថ្ងៃសុក្រ ទី២៣ ខែតុលា ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដឹកនាំកិច្ចប្រជុំពេញអង្គគណៈរដ្ឋមន្រ្តី ដើម្បីពិនិត្យ និងពិភាក្សាលើ សេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២១ និងរបៀបវារៈមួយចំនួនទៀត។ យោងតាមសេចក្តីជូនដំណឹងរបស់ទីស្តីការគណៈរដ្ឋមន្ត្រីបានឱ្យដឹងថា កិច្ចប្រជុំនេះ ធ្វើឡើងនៅវិមានសន្តិភាព ដើម្បីពិភាក្សាបន្ថែមនូវរបៀបវារៈថ្មីមួយ និងពិភាក្សាលើសេចក្តីព្រាងច្បាប់ចំនួន២ ដែលមានដូចជា៖ ១៖ បន្ថែមនូវរបៀបវារៈថ្មីមួយទៀតស្តីពី ការអភិវឌ្ឍន៍គម្រោងវារីអគ្គិសនីស្ទឹងតាតៃ លើអានុភាព ១៥០មេហ្គាវ៉ាត់ នៅស្រុកថ្មបាំង ខេត្តកោះកុង និងគម្រោងវិនិយោគ សាងសង់ខ្សែបណ្តាញបញ្ជូនអគ្គិសនី ៥០០គីឡូវ៉ុល ពីរាជធានីភ្នំពេញទៅព្រំដែនកម្ពុជា-ឡាវ និងពីបាត់ដំបងទៅព្រំដែនកម្ពុជា-ថៃ។២៖ ពិនិត្យ និងពិភាក្សាលើសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២១។៣៖ ពិនិត្យនិងពិភាក្សាលើសេចក្តីព្រាងច្បាប់ស្តីពី ការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០១៩។៤៖ ពិនិត្យនិងពិភាក្សាលើបញ្ហាផ្សេងៗ មួយចំនួនទៀត។ សូមបញ្ជាក់ថា បន្ទាប់ពីបញ្ចប់កិច្ចប្រជុំគណៈរដ្ឋមន្រ្តី សម្តេចតេជោ ហ៊ុន សែន នឹងអញ្ជើញទៅកាន់ខេត្តបន្ទាយមានជ័យសារជាថ្មី ដោយស្នាក់នៅខេត្តសៀមរាបម១យប់ ព្រឹកថ្ងៃសៅរ៍ចុងសប្តាហ៍នេះ នឹងបន្តចុះទៅជួបជាមួយប្រជាពលរដ្ឋ ដែលរងគ្រោះដោយទឹកជំនន់។ សម្តេចតេជោ ហ៊ុន សែន បានប្រកាសថា ទីណាដែលប្រជាជនជួបការលំបាក…
-
អាជ្ញាធរខណ្ឌចំការមន ដាក់បទបញ្ជាដល់កងកម្លាំងទាំងអស់ ការពារសន្តិសុខសុវត្ថិភាព ជូនពលរដ្ឋនៅក្នុងមូលដ្ឋាន និងនៅជុំវិញស្ថានទូតចិន
ភ្នំពេញ ៖ ថ្លែងក្នុងកិច្ចប្រជុំគណៈបញ្ជាការឯកភាពខណ្ឌចំការមន នៅថ្ងៃទី២២ ខែតុលាឆ្នាំ២០២០ លោក ថេង សុថុល អភិបាលខណ្ឌចំការមន បានដាក់បទបញ្ជាដល់កងកម្លាំងត្រៀមល្បាត និងការពារសន្តិសុខ សុវត្ថិភាព នៅជុំវិញស្ថានទូតចិន។ ការចេញបញ្ជានេះ បានធ្វើឡើងបន្ទាប់ពីទទួលបានការណែនាំពីរដ្ឋបាលរាជធានីភ្នំពេញ ដែលបានជំរុញឲ្យរដ្ឋបាលខណ្ឌទំាង១៤ ត្រូវបង្កើនកម្លាំងឲ្យបានម៉ឹងម៉ាត់ ក្នុងការថែរក្សាការពារសន្តិសុខ សណ្តាប់ធ្នាប់ក្នុងរាជធានីភ្នំពេញ ខណៈក្រុមជនមួយក្តាប់តូច ត្រូវគេដឹងថា មានចេតនាចង់ធ្វើការប្រមូលផ្តុំតវ៉ា នៅទល់មុខស្ថានទូតចិន នៅថ្ងៃទី២៣ តុលានេះ ដែលជាថ្ងៃទិវារំលឹកខួបនៃសន្តិភាពទីក្រុងប៉ារីស ដើម្បីការធ្វើសកម្មភាពតវ៉ា ក្រោមលេសថា នឹងធ្វើយ៉ាងណា ដេញកងទ័ពចិន ចេញពីទឹកដីកម្ពុជា។ នៅក្នុងកិច្ចប្រជុំនេះ លោក ថេង សុថុល បានថ្លែងទៅកាន់មន្ត្រីខណ្ឌ និងកងកម្លាំងខណ្ឌទំាងអស់ ត្រូវត្រៀមចេញប្រតិបត្តិការថែរក្សាសន្តិភាព សុវត្ថិភាព ចាប់ពីល្ងាចថ្ងៃទី២២ តុលាតទៅ។ លោកបានបញ្ជាកងកម្លាំង ត្រូវធ្វើរដ្ឋបាល និងធ្វើការចេញល្បាតជាលក្ខណៈចំហរ នៅតាមតំបន់គោលដៅមួយចំនួន ដែលជាតំបន់សង្ស័យអាចមានការប្រមូលផ្តុំ ជាពិសេស ភូមិសាស្ត្រនានាដែលមានទីតំាងអង្គការសង្គមស៊ីវិលមាននិន្នាការនយោបាយ ប្រឆំាងរាជរដ្ឋាភិបាល។ លោកអភិបាលខណ្ឌ បានជម្រុញដល់កងកម្លាំង ត្រូវក្តាប់សភាពការណ៍ឲ្យបាន និងតាមដានយ៉ាងយកចិត្តទុកដាក់ កុំឲ្យមានការប្រមូលផ្តុំណាមួយកើតឡើង។ គួររំលឹកថា…
-
ខ្លឹមសារសំខាន់ៗ នៃ កិច្ចព្រមព្រៀងទីក្រុងប៉ារីស
កិច្ចព្រមព្រៀង ២៣ តុលា ធ្វើឲ្យកម្ពុជាមានលទ្ធភាពកសាងនូវរបបមួយថ្មី តាមរយៈការបោះឆ្នោត មានរដ្ឋធម្មនុញ្ញ ជាពិសេសបានយាងព្រះមហាក្សត្រខ្មែរ ព្រះករុណា ព្រះបាទសម្តេចព្រះនរោត្តម សីហនុ ចូលមាតុកម្ពុជាវិញ និង បង្កើតព្រះរាជាណាចក្រកម្ពុជាទី២ គឺជារបប រាជាធិបតេយ្យ អាស្រ័យរដ្ឋធម្មនុញ្ញ រហូតមកដល់សព្វថ្ងៃ ។ ស្មារតីនៃកិច្ចព្រមព្រៀង ២៣ តុលា ត្រូវបានបញ្ចូលក្នុងរដ្ឋធម្មនុញ្ញ នៃព្រះរាជាណាចក្រកម្ពុជា ដែលកំពុងប្រើប្រាស់ សព្វថ្ងៃនេះដែរ ។ កិច្ចព្រមព្រៀង ២៣ តុលា បានផ្តល់ឱកាសឲ្យកម្ពុជា ស្គាល់ការវិវឌ្ឍដូចសព្វថ្ងៃ ។ គួររំលឹកថា៖ ជម្លោះ ឬសង្គ្រាមនៅកម្ពុជា គឺជាការជះឥទ្ធិពលពីសង្គ្រាមនៅឥណ្ឌូចិន ដែលមានមេលទ្ធិកុម្មុយនិស្ត និងលទ្ធិសេរី ពោលគឺមហាអំណាចពិភពលោក និងប្រទេសសម្ព័ន្ធមិត្តរបស់ពួកគេ ជាប្រភព ។ រដ្ឋប្រហារ ដឹកនាំដោយលោកសេនាប្រមុខ លន់ នល់ ទម្លាក់ព្រះករុណា ព្រះបាទសម្តេចព្រះ នរោត្តម សីហនុ ពីព្រះប្រមុខរដ្ឋ កាលពីថ្ងៃពុធ ទី១៨ ខែ មីនា…