(ខេត្តស្ទឹងត្រែង)៖ ស្នងការនគរបាលថ្មី ខេត្តស្ទឹងត្រែង ត្រូវបន្តខិតខំពង្រឹងសន្តិសុខ សុវត្ថិភាពសាធារណៈ ទប់ស្កាត់ និងបង្ក្រាបបទល្មើសគ្រប់ប្រភេទ ពិសេសបទល្មើសគ្រឿងញៀនឆ្លងដែនខុសច្បាប់ ឲ្យមានប្រសិទ្ធភាព ។ ប្រសាសន៍ណែនាំរបស់ អគ្គស្នងការនគរបាលជាតិ នាយឧត្តមសេនីយ៍ ស ថេត តំណាងឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានធ្វើឡើងនៅថ្ងៃទី២២ ខែតុលា ឆ្នាំ២០២៥ ក្នុងពិធីប្រកាសផ្ទេរភារកិច្ច ស្នងការនគរបាលខេត្តស្ទឹងត្រែង ដោយមានការអញ្ជើញចូលរួមពី ឯកឧត្តម ឈាង ឡាក់ ប្រធានក្រុមប្រឹក្សាខេត្ត ឯកឧត្តម សរ សុពុត្រា អភិបាលខេត្តស្ទឹងត្រែង មន្ទីរ អង្គភាពពាក់ព័ន្ធជុំវិញខេត្ត និងកងកម្លាំងទាំង៣ ក៏បានចូលរួមផងដែរ ដែលពិធីនេះបានធ្វើឡើងនៅសាលាខេត្តស្ទឹងត្រែង។ យោងតាមសេចក្តីសម្រេចរបស់រាជរដ្ឋាភិបាល លោកឧត្តមសេនីយ៍ទោ សារី បុត្រសត្យា អតីតអនុប្រធានមន្ទីរប្រឆាំងគ្រឿងញៀន នៃស្នងការដ្ឋាននគរបាលជាតិ ចូលកាន់មុខតំណែង ជាស្នងការនគរបាលថ្មី ខេត្តស្ទឹងត្រែង ជំនួសលោកឧត្តមសេនីយ៍ទោ អ៊ូត ស៊ីវុត្ថា ដែលត្រូវទទួលភារកិច្ចថ្មី ក្នុងមុខតំណែងជា អគ្គនាយករង នៃអគ្គនាយកដ្ឋានអត្តសញ្ញាណកម្ម…

(ភ្នំពេញ)៖ សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា តាមរយៈបណ្ដាញសង្គមនាព្រឹកថ្ងៃទី២៣តុលា ឆ្នាំ២០២៥ បានប្រកាសអបអរសាទរខួបលើកទី៣៤ នៃកិច្ចព្រមព្រៀងសន្តិភាពទីក្រុងប៉ារីស(២៣ តុលា ១៩៩១ – ២៣ តុលា ២០២៥) ។ ៣៤ឆ្នាំមុន ពោលគឺនៅថ្ងៃទី ២៣ ខែតុលា ឆ្នាំ ១៩៩១ ភាគីទាំង ៤ របស់កម្ពុជារួមមាន៖ សម្តេចតេជោ ហ៊ុន សែន តំណាងឱ្យរដ្ឋាភិបាលកម្ពុជា ចលនាតស៊ូហ៊្វុនស៊ិនប៉ិច ដែលតំណាងដោយសម្តេចព្រះ នរោត្តម សីហនុ និងសម្តេចក្រុមព្រះ នរោត្តម រណឫទ្ធិ រណសិរ្សជាតិរំដោះប្រជាពលរដ្ឋខ្មែរ ដែលតំណាងដោយ លោក សឺន សាន និង ក្រុមចលនាកម្ពុជាប្រជាធិបតេយ្យ តំណាងដោយ លោក ខៀវ សំផន បានឈានទៅចុះហត្ថលេខា លើកិច្ចព្រមព្រៀងសន្តិភាព នៅទីក្រុងប៉ារីស ប្រទេសបារាំង ក្រោមវត្តមានសាក្សីមកពី ១៨ប្រទេស រួមទាំងអគ្គលេខាធិការអង្គការសហប្រជាជាតិ (UN)…

(ភ្នំពេញ)៖ កិច្ចប្រជុំពិសេសគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ ខេត្តចន្ទបុរី, ព្រះរាជាណាចក្រថៃ, ថ្ងៃទី២១-២២ ខែតុលា ឆ្នាំ២០២៥ ភាគីទាំងពីរឯកភាពគ្នាលើការប្រកាសព័ត៍មានរួមចំនួន៧សំខាន់រួមមាន៖ ១. កិច្ចប្រជុំពិសេសគណៈកម្មការចម្រុះខណ្ឌសីមាព្រំដែនគោក (JBC) កម្ពុជា-ថៃ បានធ្វើឡើងនៅខេត្តចន្ទបុរី នៅថ្ងៃទី២១-២២ ខែតុលា ឆ្នាំ២០២៥។ គណៈប្រតិភូកម្ពុជាដឹកនាំដោយ ឯកឧត្តម ឡាំ ជា រដ្ឋមន្ត្រី ទទួលបន្ទុករដ្ឋលេខាធិការដ្ឋានកិច្ចការព្រំដែននៃព្រះរាជាណាចក្រកម្ពុជា និងជាសហប្រធានគណៈកម្មការ ចម្រុះខណ្ឌសីមាព្រំដែនគោក (JBC) កម្ពុជា-ថៃ (ភាគីកម្ពុជា)។ គណៈប្រតិភូថៃដឹកនាំដោយឯកឧត្តម Prasas Prasasvinitchai ទីប្រឹក្សាក្រសួងការបរទេសនៃព្រះរាជាណាចក្រថៃ និងជាសហប្រធាន គណៈកម្មការចម្រុះខណ្ឌសីមាព្រំដែនគោក (JBC) ថៃ-កម្ពុជា (ភាគីថៃ)។ ២. កិច្ចប្រជុំបានធ្វើឡើងក្នុងបរិយាកាសមិត្តភាព និងស្និទ្ធស្នាល។ ៣. ភាគីទាំងពីរបានឯកភាពប្រគល់ភារកិច្ចជូនអនុគណៈកម្មការបច្ចេកទេសចម្រុះព្រំដែន (JTSC) កម្ពុជា-ថៃ ដើម្បីសាងសង់ឡើងវិញនូវបង្គោលព្រំដែនចំនួន ១៥ តាមគំរូដើមបង្គោលជំនាន់បារាំងនៅទីតាំងដែល ភាគីទាំងពីរបានឯកភាពគ្នាលើទីតាំងដើម។ ៤. ភាគីទាំងពីរបានឯកភាពសាងសង់ឡើងវិញនូវបង្គោលព្រំដែនលិចទឹកចំនួន ៣ នៅទីតាំងដែលភាគីទាំងពីរ នឹងឯកភាពគ្នា។ ៥.…

(ភ្នំពេញ)៖ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងប្រតិភូ នាព្រឹកថ្ងៃពុធទី២២ ខែតុលា ឆ្នាំ២០២៥ បាននិវត្តន៍មកដល់កម្ពុជាវិញប្រកបដោយសុវត្ថិភាព បន្ទាប់ពីបានចូលរួមកិច្ចប្រជុំលើកទី៧៦ របស់អង្គការសុខភាពពិភពលោក សម្រាប់តំបន់ប៉ាស៊ីហ្វិកខាងលិច នៅទីក្រុងណាឌី សាធារណរដ្ឋហ្វ៊ីជី ។ ឯកឧត្តមសាស្រ្តាចារ្យ រដ្ឋមន្ត្រី បាននាំមកនូវវឌ្ឍនភាព និងលទ្ធផលចម្បងៗនៃកិច្ចប្រជុំ ជូនដល់ថ្នាក់ដឹកនាំសុខាភិបាល និងដល់បណ្តាសារពត៌មាន ដែលក្នុងនោះ រួមមាន “ការរៀបចំគោលនយោបាយត្រួតពិនិត្យកម្មវិធី/គម្រោងកិច្ចពិភាក្សា ការសម្រេចនានាក្នុងតំបន់ របាយការណ៍វឌ្ឍនភាព ការពិចារណាការកែសម្រួល និងអនុម័តគំនិតផ្តួចផ្តើមថ្មីៗ ព្រមទាំងពិភាក្សាស្វែងរកកាលានុវត្តភាព សម្រាប់ដឹកនាំដោះស្រាយបញ្ហារួមគ្នា អនុម័តដំណោះស្រាយ ពិនិត្យនិងរៀបចំសេចក្ដីសម្រេច ដើម្បីផ្ដល់ការណែនាំការងារទៅការិយាល័យថ្នាក់តំបន់ និងការិយាល័យប្រចាំប្រទេសសម្រាប់ឆ្នាំបន្តបន្ទាប់ទៀត”។ ឯកឧត្តមសាស្ត្រាចារ្យ បញ្ជាក់ថា ប្រធានបទសំខាន់ៗ ដែលបានលើកមកពិនិត្យ និងពិភាក្សាមានលក្ខណៈ ប្រដំប្រសង និងស៊ីចង្វាក់ស្របផែនការយុទ្ធសាស្ត្រ និងទិសដៅអាទិភាពសុខាភិបាលរបស់កម្ពុជាយើងផងដែរ ហើយដែលកម្ពុជា បានចាប់ផ្តើម និងកំពុងបន្តអនុវត្តន៍។ ឯកឧត្តមសាស្រ្តាចារ្យរដ្ឋមន្រ្តី បានថ្លែងក្នុងសន្និសីទសារព័ត៌មាន ជម្រាបពីជំហរកម្ពុជា រួមទាំងការគាំទ្ររបស់ក្រសួង ជូនដល់ប្រតិភូជំនាញសុខាភិបាល ដែលនៅបន្តចូលរួម និងធ្វើបទអន្តរាគមន៍ ទៅលើប្រធានបទសំខាន់ៗ ជាអាទិភាពមួយចំនួនដូចខាងក្រោម៖…

(ភ្នំពេញ)៖ រាជរដ្ឋាភិបាលកម្ពុជា ចេញបទបញ្ជាស្តីពី ការដាក់ ចេញ វិធាន ការ ហាម ឃាត់ ការនាំចូល ការចែកចាយ ការលក់ ការផ្សាយពាណិជ្ជកម្ម ការ ប្រើប្រាស់ ការកាន់កាប់ ការផលិត និងការ ស្តុក ទុក ឧបករណ៍ អេឡិច ត្រូនិក និងសារធាតុគីមីសម្រាប់ជក់ និងស៊ីស្សា ។ នេះបើតាមបទបញ្ជា ចុះថ្ងៃទី២១ ខែតុលា ឆ្នាំ២០២៥ ។ អនុលោមតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧នៃរដ្ឋសភា ក្នុងការអភិវឌ្ឍមូលធនមនុស្សឱ្យមានគុណភាពខ្ពស់និងសុខភាពល្អ ដែលជាទ្រព្យសកម្មជាតិដ៏រឹងមាំសម្រាប់ បង្កើនតម្លៃសេដ្ឋកិច្ច លើកកម្ពស់តម្លៃវប្បធម៌ និងបង្កើតគំនិតថ្មីៗ សំដៅធានាចីរភាពកំណើនរយៈពេលវែង និង ជវភាពនៃការអភិវឌ្ឍសង្គម សេដ្ឋកិច្ច ។ ក្នុងរយៈពេលថ្មីៗនេះ រាជរដ្ឋាភិបាលបានសង្កេតឃើញថា មានការ រីករាលដាលការប្រើប្រាស់ឧបករណ៍អេឡិចត្រូនិកនិងសារធាតុគីមីសម្រាប់ជក់ និងស៊ីស្សា ក្នុងចំណោមកុមារនិង យុវជននៅក្នុងព្រះរាជាណាចក្រកម្ពុជា ដែលផ្តល់ផលប៉ះពាល់យ៉ាងខ្លាំងដល់សណ្តាប់ធ្នាប់សង្គម សុខភាព សាធារណៈ…

ភ្នំពេញ៖ ខុសគ្នាតែមួយថ្ងៃ កាលពី៣៤ឆ្នាំមុន ថ្ងៃ២៣ តុលា ឆ្នាំ១៩៩១ គឺជាថ្ងៃពុធ ខណៈថ្ងៃ២៣ តុលា ឆ្នាំ​២០២៥​​​នេះជាថ្ងៃ ព្រហស្បតិ៍ ។ ថ្ងៃទីទី២៣ ខែតុលា ជាទិវាមួយដែលប្រជាជន កម្ពុជា ទាំងក្នុង និងក្រៅប្រទេស​ចងចាំ​បាន​យ៉ាង​ច្បាស់ថា ជាថ្ងៃប្រវត្តិសាស្រ្ត នៃការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីសដែលមានព្រះករុណា ព្រះបរម​រតនកោដ្ឋ និងសម្ដេចតេជោ ហ៊ុន សែន ជាស្ថាបនិក និងប្រទេសជាច្រើន ក្នុងនោះមាន​ប្រទេស​មហាអំណាច​ផង បានចូលរួមជាហត្ថលេខី។ ជាការកត់សម្គាល់ដល់ថ្ងៃ២៣តុលា តែងតែមានអ្នកនយោបាយ អ្នកវិភាគ”ក្បាលមិនជាប់មេឃ ជើងមិនជាប់ដី”ខ្លះ​ពិសេសដែល​កំពុងរស់នៅក្រៅប្រទេស ពីមុនក៏ដូចជាបច្ចុប្បន្នតែងតែធ្វើការ​បកស្រាយ ,វិភាគដោយសម្លឹងទៅរកជ្រុងជ្រោយអវិជ្ជមានជាជាង​និយាយពីភាពវិជ្ជមាន ការវិវឌ្ឍ វឌ្ឍនភាពទាំងឡាយនៅកម្ពុជា។ ពិតណាស់ជាសារវន្ត កិច្ចព្រមព្រៀងសន្តិភាពទីក្រុងប៉ារីស២៣តុលា​ជា​គ្រឹះសម្រាប់សន្តិភាព និងការអភិវឌ្ឍ ដោយសារ​តែបានបញ្ចប់​ជម្លោះរវាងក្រុមនយោបាយនៅកម្ពុជា បើទោះជាលទ្ធផលអាជ្ញាធរ​បណ្ដោះអាសន្នអង្គការ​សហប្រជាជាតិ​នៅកម្ពុជា ហៅកាត់ថា អ៊ុនតាក់ (UNTAC)ពុំបានបញ្ចប់សង្រ្គាមផ្ទៃក្នុងកម្ពុជាដូចអ្វីដែល​កិច្ចព្រមព្រៀង​សន្តិភាព​ប្រាថ្នា​ចង់បានក៏ដោយ ។ជាសច្ចធម៌ សន្តិភាពដ៏ពេញលេញបានកើតឡើងដោយនយោបាយ ឈ្នះឈ្នះ​របស់​សម្ដេចតេជោ ហ៊ុន សែន រយៈពេល៥ឆ្នាំក្រោយការ​បោះឆ្នោត​ឆ្នាំ១៩៩៣ដែលរៀបចំដោយអ៊ុនតាក់ ។ ដោយពុំចាំបាច់ពណ៌នាវែងឆ្ងាយយើងគ្រាន់សូមបង្ហាញនូវសមិទ្ធផលជ្រុងមួយតូចដែលសម្រេចបាន៣៤ឆ្នាំក្រោយកិច្ចព្រមព្រៀងសន្តិភាពទីក្រុងប៉ារីស ២៣តុលា។ ក្រោមដំបូលនៃរដ្ឋធម្មនុញ្ញបន្ទាប់ពីមានការបោះឆ្នោតសកលលើកដំបូងរៀបចំដោយអ៊ុនតាក់នាឆ្នាំ១៩៩៣ កម្ពុជា​បាន​រៀបចំ​ការបោះ​ឆ្នោត​ជ្រើស​រើសតំណាងរាស្ត្រយ៉ាងទៀងទាត់ក្នុងរយៈពេល៥ឆ្នាំម្តង…