(ភ្នំពេញ)៖ លទ្ធផលនៃដំណើរទស្សនកិច្ចការងាររបស់ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ នៃព្រះរាជាណាចក្រកម្ពុជា ក្នុងឱកាសចូលរួមសន្និសីទអង្គការសហប្រជាជាតិស្តីពីមហាសមុទ្រ លើកទី៣ នៅប្រទេសបារាំង ដែលចេញផ្សាយនារសៀលថ្ងៃទី២៣ ខែមិថុនា ឆ្នាំ២០២៥នេះ ដោយក្រសួងការបរទេស និង សហប្រតិបត្តិការអន្តរជាតិ ៕ ដោយ ៖ វណ្ណលុក

(សៀមរាប)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងនៅក្នុងពិធីបិទកិច្ចប្រជុំគណៈកម្មាធិការកណ្ដាលសហភាពសហព័ន្ធយុវជនកម្ពុជា (ស.ស.យ.ក.) នាព្រឹកថ្ងៃទី២៣ ខែមិថុនា ឆ្នាំ២០២៥ ថា ស្មារតីសាមគ្គីជាតិ ឯកភាពជាតិ ទើបធ្វើឱ្យប្រទេសយើងខ្លាំង ហើយកម្ពុជាប្ដូរផ្ដាច់ក្នុងការការពារទឹកដី និងអធិបតេយ្យភាពជាតិ ។ ជាមួយគ្នានេះ, សូមអរគុណដល់ ស.ស.យ.ក. ដែលបានរៀបចំព្រឹត្តិការណ៍ដើរថ្មើរជើងរួមគ្នា បានបង្ហាញពីការចូលរួមក្នុងស្មារតីស្នេហាជាតិ និងសាមគ្គីភាពជាតិ ក្នុងការគាំទ្ររាជរដ្ឋាភិបាល និងកងទ័ពកម្ពុជា ដែលបានធ្វើត្រូវ ក្នុងការការពារអធិបតេយ្យ, បូរណភាពទឹកដី និងកិត្តិយសជាតិរបស់យើង។ សម្ដេចធិបតី បន្ថែមថា ស្មារតីជាតិនិយម និងស្មារតីស្នេហាជាតិទាំងនេះ គឺជាស្មារតីត្រឹមត្រូវ និងពិតប្រាកដ របស់ប្រជាជនកម្ពុជា ដែលក្នុងកាលៈទេសៈនេះ ប្រជាជនកម្ពុជា មានស្មារតីជាតិនិយម និងស្មារតីស្នេហាជាតិខ្ពស់បំផុត និងមិនមានអ្នកណា អាចបំបែកបំបាក់ស្មារតីទាំងនេះបានឡើយ ទោះបីជាកម្ពុជា ជាប្រទេសតូចក៏ដោយ ។ បន្ថែមពីនេះ, យុវជន នៅតែជាធនធានដ៏សំខាន់ក្នុងការចូលការពារ និងកសាងជាតិ គ្រប់កាលៈទេសៈ តាំងពីអតីតកាល មកដល់បច្ចុប្បន្ន និងបន្តទៅអនាគត ។…

(សៀមរាប)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កំពុងពិចារណាលើកទឹកចិត្តដល់កងទ័ពណា ដែលបាញ់ដ្រូនហោះរបស់ថៃហោះចូលដីខ្មែរ និងថា នេះមិនមែនជាការប្រមាថឡើយ ។ សម្តេចធិបតី ហ៊ុន ម៉ាណែត ថ្លែងដូច្នេះ ក្នុងឱកាសអញ្ជើញ ជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាល សហភាពសហព័ន្ធយុវជកម្ពុជា (ស.ស.យ.ក.) នាព្រឹកថ្ងៃទី២៣ ខែមិថុនា ឆ្នាំ២០២៥ នៅសណ្ឋាគារសុខា ខេត្តសៀមរាប ។ សម្តេចធិបតី បានថ្លែងថា អាហោះ (ដ្រូន) អាស្អីៗហ្នឹង បង្ហាញមកនឹង បើសិនបងប្អូនណា ដាក់ឆេះ តើលើកទឹកចិត្ត គាត់ប៉ុន្មាន គិតអាហ្នឹងទៅវិញ កំពុងតែពិចារណា មិនមែនជាការប្រមាថ ប៉ុន្ដែ អ្នកបញ្ចេញបែបនេះ ហើយគំរាមមកយើង ។ ទ័ពគេមកបាញ់ទ័ពខ្មែរធ្វើជី ធ្វើអី អ្នកឯងថាចុះរឿងតាមហ្វេសប៊ុក ។ ប៉ុន្ដែ សូមកុំប្រមាថឱ្យសោះ ។ សម្ដេចនាយករដ្ឋមន្ដ្រី មានប្រសាសន៍ថា កម្ពុជា មិនចង់ធ្វើសង្គ្រាមនោះទេ យើងឆ្អែតហើយ ប៉ុន្ដែបើសិនជាមានការបំពាន…

(សៀមរាប)៖ សម្តេចធិបតី ហ៊ុន ម៉ាណែត បានគូសបញ្ជាក់ថា ហេតុដែលធ្វើឲ្យកម្ពុជា ឆ្លើយតប គឺដោយសារមានការបញ្ឆេះស្មារតីជាតិនិយមរបស់ប្រទេសថៃ ខណៈកម្ពុជា ធ្វើចលនាជាតិនិយម គឺដើម្បីការពារបូរណភាពទឹកដីតែប៉ុណ្ណោះ។ កម្ពុជា មិនឈ្លានពានប្រទេសណានោះទេ ។ រាជរដ្ឋាភិបាលកម្ពុជា មិនបានបង្កើតព័ត៌មានក្លែងក្លាយ ដើម្បីដុតប្រទេសនោះទេ ។ សម្តេចបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងដូច្នេះ ក្នុងឱកាសអញ្ជើញជាអធិបតីក្នុងពិធីបិទកិច្ចប្រជុំគណៈកម្មាធិការកណ្តាលសហភាពសហព័ន្ធយុវជកម្ពុជា (ស.ស.យ.ក.) នាព្រឹកថ្ងៃទី២៣ ខែមិថុនា ឆ្នាំ២០២៥ នៅសណ្ឋាគារសុខា ខេត្តសៀមរាប ។ សម្តេចធិបតី បានថ្លែងថា ថៃប្រើស្មារតីជាតិនិយម ៣ចំណុច ដើម្បីនយោបាយរបស់ខ្លួន ទី១ បំផុសស្មារតីជាតិនិយម ពីបញ្ហាព្រំដែន, ទី២ ស្មារតីជាតិនិយមសេដ្ឋកិច្ច និងទី៣ ស្មារតីជាតិនិយមដោយប្រើយោធា ។ សម្តេច ថា ស្មារតីជាតិនិយមរបស់ថៃ បង្កបញ្ឆេះទំនាស់ព្រំដែន បានហៀរមកដល់ប្រទេសកម្ពុជា ដែលស្មារតីជាតិនិយមរបស់កម្ពុជា ត្រូវតែកើតមានឡើងដែរ ដោយក្ដីឈឺចាប់ ដើម្បីទប់ទល់ ។…

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អនុញ្ញាតឱ្យឯកឧត្តម នាយឧត្តមសេនីយ៍ MORISHITA Yasunori មេបញ្ជាការកងស្វ័យការពារជើងគោកជប៉ុន ចូលជួបសម្តែងការគួរសម និងពិភាក្សាការងារ នាខេត្តសៀមរាប ព្រឹកថ្ងៃចន្ទ ទី២៣ មិថុនា ២០២៥ ។ ដោយ ៖ វណ្ណលុក

(សៀមរាប)៖ សម្តេចធិបតី ហ៊ុន ម៉ាណែត បានថ្លែងថា កម្លាំងយុវជន នៃ សហភាពសហព័ន្ធយុវជកម្ពុជា (ស.ស.យ.ក.) គឺជាចលនាយុវជន នៅក្នុងបុព្វហេតុជាតិ មាតុភូមិ, មានអត្ថិភាពតាំងពីយុវជនជំនាន់មុន រហូតដល់យុវជនជំនាន់បច្ចុប្បន្ន និងមិនធ្លាប់ កាត់ផ្តាច់ពីសង្គមខ្មែរនោះទេ ទាំងក្នុងដំណាក់កាលសង្គ្រាម, ដំណាក់កាលកសាងប្រទេស ដំណាក់កាលអភិវឌ្ឍសង្គមសេដ្ឋកិច្ចជាតិ និង ដំណាក់កាលទាមទារមកវិញនូវមោទនភាពជាតិ នាពេលអនាគត”។ សម្តេចបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងដូច្នេះក្នុងឱកាសអញ្ជើញជាអធិបតីក្នុងពិ ធីបិទកិច្ចប្រជុំគណៈកម្មាធិការកណ្តាលសហភាពសហព័ន្ធយុវជកម្ពុជា (ស.ស.យ.ក.) នាព្រឹកថ្ងៃទី២៣ ខែមិថុនា ឆ្នាំ២០២៥ នៅសណ្ឋាគារសុខា ខេត្តសៀមរាប ។ សម្តេចធិបតី បានបញ្ជាក់ថា បច្ចុប្បន្ន កម្លាំងយុវជន នៃ ស.ស.យ.ក. បាន និងកំពុងរួបរួមគ្នា ជាធ្លុងមួយ ពួតដៃពូនជ្រំ, ដោយឈរលើគោលការណ៍ស្ម័គ្រចិត្ត ឯកភាពជាតិ សាមគ្គីភាព និង ការបំប្លែង កម្លាំងស្ម័គ្រចិត្តទៅជាចលនាជាតិ ក្នុងស្មារតីខ្មែរតែមួយ ដើម្បីចូលរួមជាមួយ រាជរដ្ឋាភិបាល…

(ភ្នំពេញ)៖ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហ​ប្រ​តិ​បត្តិ ការអន្តរជាតិ បានដឹកនាំកិច្ចប្រជុំលើកដំបូងរបស់ គណៈកម្មការរៀបចំ​ឯក​សារ ដើម្បីបញ្ជូនទៅ តុលាការយុត្តិធម៌អន្តរជាតិ (ICJ) ពាក់ព័ន្ធករណីតំបន់មុំបី ប្រា​សាទ​តាមាន់ធំ ប្រាសាទតាមាន់តូច និងប្រាសាទ តាក្របី នាព្រឹកថ្ងៃទី ២៣ ខែមិថុនា ឆ្នាំ​២០២៥ ។ កិច្ចប្រជុំបានធ្វើការពិភាក្សាពាក់ព័ន្ធករណីជំលោះព្រំដែនជាមួយប្រទេសថៃ នៅ តំបន់មុំបី ប្រាសាទ តាមាន់ធំ ប្រាសាទតាមាន់តូច និងប្រាសាទតាក្របី។ កិច្ចប្រជុំ​ក៏បានពិនិត្យ និងពិភាក្សាផងដែរ អំពី បច្ចុប្បន្នភាពការងាររបស់គណៈ​កម្មការដែល​បាននិងកំពុងបន្តអនុវត្ត ព្រមទាំងយុទ្ធសាស្រ្ត និងផែន ការការងារ ដើម្បីសម្រេច​គោល​ដៅសំខាន់ៗ ដែលបានដាក់ចេញ៕ ដោយ ៖ សួង ពិសិដ្ឋ

ភ្នំពេញ៖សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា​បាន​ថ្លែងថា កម្ពុជាមិនឱនក្បាលឱ្យថៃ ប្រមាថ ជាន់​ឈ្លីស្រេចតែអំពើ​ចិត្ត ។មិនឱនដើម្បីតែប្រយោជន៍សេដ្ឋកិច្ចឡើយ ព្រោះបើកម្ពុជា មិនទិញ​ទំនិញ​ថៃ ថៃទេជា​អ្នក​ខាត។ សម្ដេចធិបតីបញ្ជាក់ច្បាស់ៗដូច្នេះ បន្ទាប់​ពីបិទការនាំចូលប្រេង បន្លែ ផ្លែឈើ អ៊ិនធឺណិត និងអគ្គិសនីពីថៃ ។ ថ្លែងក្នុងពិធីបិទកិច្ចប្រជុំគណៈកម្មាធិការកណ្ដាលសហភាពសហព័ន្ធយុវជនកម្ពុជា នៅសណ្ឋាគារ សុខាសៀមរាប កាលពីព្រឹកថ្ងៃទី២៣ ខែមិថុនា ឆ្នាំ២០២៥ សម្ដេចធិបតី ហ៊ុន ម៉ាណែត បន្តថាកុំមើលងាយ និងកុំភ្លេចថា កម្ពុជាងើបពីចំណុចសូន្យ ពីបាតដៃទទេ បាតដៃរងរបួស តែកម្ពុជានៅតែអាចរស់បានរីកចម្រើនមានទំហំសេដ្ឋកិច្ចធំ​ជាងមុន​ឆ្ងាយ​​ណាស់ បើធៀបនឹងអំឡុងជាង៤០ឆ្នាំមុន ៕ ដោយ៖វណ្ណលុក