(ភ្នំពេញ)៖ លោកស្រី ផៃថងថាន ស៊ីណាវ៉ាត់ នាយករដ្ឋមន្ត្រីរបស់ប្រទេសថៃ បានធ្វើការបង្ហោះនៅលើបណ្តាញសង្គមហ្វេស៊ប៊ុកផ្ទាល់ខ្លួន ថា ប្រទេសថៃបើកទូលាយ និងស្វាគមន៍ ពលករបរទេសគ្រប់ជាតិសាសន៍ដែលចូលទៅធ្វើការនៅក្នុងប្រទេសថៃដោយស្របច្បាប់ដើម្បីធ្វើការស្របតាមសិទ្ធិរបស់ពួកគេ ហើយតែងតែប្រកាន់ខ្ជាប់នូវគោលការណ៍សិទ្ធិមនុស្ស។ នាយករដ្ឋមន្រ្តីរូបនេះបានអះអាងថា រដ្ឋាភិបាលថៃ មិនដែលមានគំនិត បណ្តេញពលករបរទេសពីប្រទេសណាចេញពីប្រទេសនោះទេ។ ទោះជាយ៉ាងណាក៏ដោយ ប្រសិនបើមានប្រទេសណាដែលចេញវិធានការហៅកម្មករត្រឡប់មកស្រុកវិញ និងផ្តល់ការងារធ្វើនោះ វាជាសិទ្ធិ និងសេរីភាពសម្រាប់កម្មករនៅក្នុងប្រទេសនីមួយៗក្នុងការសម្រេចចិត្ត ហើយវាស្ថិតនៅក្រោមការទទួលខុសត្រូវរបស់រដ្ឋាភិបាលរបស់ប្រទេសនោះ ។ លោកស្រី ផៃថងថាន ស៊ីណាវ៉ាត់ បានលើកឡើងថា”ខ្ញុំសន្យាថានឹងមិនធ្វើឱ្យទំនាក់ទំនងអន្តរជាតិក្លាយជាបញ្ហានយោបាយទេ ហើយខ្ញុំសូមទាមទារថា រាល់វិធានការអន្តរជាតិដែលកើតឡើងត្រូវតែផ្តល់អាទិភាពដល់ផលប្រយោជន៍ប្រទេស និងប្រជាជនជាងផលប្រយោជន៍នយោបាយរបស់ប្រទេសខ្លួន ដោយមិនមានឥទ្ធិពលវិជ្ជមានលើស្ថានភាពនោះទេ”។ គួរបញ្ជាក់ថា ការលើកឡើងពីសំណាក់ នាយករដ្ឋមន្ត្រីថៃនេះធ្វើឡើងស្របពេលដែលកម្ពុជាបានហៅឱ្យពលករកម្ពុជាត្រឡប់មកធ្វើការក្នុងប្រទេសវិញ បន្ទាប់ពីមានជម្លោះព្រំដែនជាមួយប្រទេសថៃយ៉ាងក្តៅគគុករួចមក ។ ការហៅពលករត្រឡប់មកប្រទេសវិញនេះដែរបន្ទាប់ពីអ្នកជាតិនិយមថៃ និងយោធាថៃតែងធ្វើ ទុក្ខបុកម្នេញពលករកម្ពុជា ហើយតំបន់ខ្លះថែមទាំងប្រមាថពលករកម្ពុជាថែមទៀត។ សូមរំលឹកថា មុននេះអ្នកជំនាញថៃមួយចំនួនបានលើកឡើងពីតម្រូវការចាំបាច់ពីពលករបរទេសធ្វើការនៅប្រទេសថៃ ដែលក្នុងនោះមានពលករកម្ពុជា ដែលជាកម្លាំងដ៏សំខាន់សម្រាប់ទ្រទ្រង់វិស័យសំណង់ វិស័យកាត់ដេរ និងសហគ្រាសនៅប្រទេសថៃ។ការហៅត្រឡប់ពលករខ្មែរវាគឺជាផ្នែកមួយធ្វើឱ្យវិស័យទាំងនេះនឹងជួបវិបត្តិនៅប្រទេសថៃ ៕ ដោយ ៖ ម៉ាដេប៉ូ

(ភ្នំពេញ)៖ ថ្ងៃទី១៥ មិថុនា នេះ គឺជាខួបរំលឹក ៦៣ឆ្នាំ នៃការសម្រេចរបស់តុលាការអន្តរជាតិ ICJ នាទីក្រុងឡាអេ ប្រទេសហូឡង់ ដែលបានប្រគល់ប្រាសាទព្រះវិហារមកប្រទេសកម្ពុជាកាន់កាប់វិញ ដោយថៃបានចាញ់ក្តីកម្ពុជាដោយក្តីអាម៉ាស់បំផុត។ ក្នុងអតីតកាលនោះ ប្រាសាទព្រះវិហាររបស់ខ្មែរ បានរងការឈ្លានពានពីអតីតទាហានថៃនៅក្នុងឆ្នាំ១៩៥៤ គឺច្រើនខែបន្ទាប់ពីកម្ពុជាទើបទទួលបានឯករាជ្យភាពពីបារាំង ដែលបានដាក់នឹមអាណានិគមនិយមមកលើកម្ពុជាក្នុងជំនាន់នោះ។ ជំនាន់នោះ បើគ្មានព្រះរាជបូជនីយកិច្ចរបស់ អតីតព្រះមហាក្សត្រខ្មែរសម្តេចព្រះនរោត្តមសីហនុនោះទេ ម្ល៉េះប្រាសាទព្រះវិហារខ្មែរ នឹងត្រូវធ្លាក់ចូលក្នុង កណ្តាប់ដៃប្រទេសថៃជាមិនខានឡើយ។ ប្រវត្តិសាស្រ្តបានសរសេរថា ជម្លោះទាក់ទងនឹងប្រាសាទព្រះវិហារបានចាប់ផ្ទុះឡើងខ្លាំង នៅឆ្នាំ១៩៥៤ ថៃបានបញ្ជូនកងកម្លាំងប្រដាប់អាវុធជាច្រើន ចូលមកកាន់កាប់ប្រាសាទព្រះវិហារ ។ សម្តេចព្រះមហាវីរក្សត្រខ្មែរ ព្រះបរមរតនកោដ្ឋ ព្រះករុណា ព្រះបាទ សម្តេចព្រះ នរោត្តម សីហនុ បានបំពេញព្រះរាជបូជនីយកិច្ចយ៉ាងស្វិតស្វាញបំផុត ដើម្បីទាមទារប្រាសាទព្រះវិហារ និងដេញកងកម្លាំងប្រដាប់អាវុធរបស់ថៃ ឱ្យចាកចេញពីប្រាសាទព្រះវិហារ។ក្រោយពីដំណើរការតាមផ្លូវទូតត្រូវទទួលបរាជ័យ កម្ពុជាបានដាក់ពាក្យបណ្តឹងទៅតុលាការយុត្តិធម៌អន្តរជាតិ ក្រុងឡាអេ នៅថ្ងៃទី៦ តុលា ឆ្នាំ១៩៥៩ ដើម្បីស្នើសុំឱ្យតុលាការប្រគល់អធិបតេយ្យដែនដីលើប្រាសាទព្រះវិហារមកឱ្យកម្ពុជា និងទាមទារឱ្យថៃដកកងកម្លាំងប្រដាប់អាវុធទាំងអស់ចេញពីប្រាសាទព្រះវិហារ។ នៅក្នុងការជំនុំជម្រះលើអង្គសេចក្ដីនោះ កម្ពុជា និងថៃ បានលើកបង្ហាញទឡ្ហីកររៀងៗខ្លួន ដើម្បីទាមទារជាម្ចាស់កម្មសិទ្ធិលើប្រាសាទព្រះវិហារ។ កម្ពុជា បានលើកយកផែនទីដងរែក ជាផែនទីឧបសម្ព័ន្ធទី១…

ភ្នំពេញ៖ អ្នកសារព័ត៌មានជាតិ និងអន្តរជាតិ បន្តរង់ចាំលទ្ធផលកិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា-ថៃ (JBC) រាជរដ្ឋាភិបាលកម្ពុជា បានប្រកាសថា កម្ពុជាពេលនេះ បានបញ្ជូនលិខិតជាផ្លូវការ ទៅតុលាការយុត្តិធម៌អន្តរជាតិ (ICJ) ហើយ ការបញ្ជូននេះ ស្របនឹងខួប៦៣ឆ្នាំ ដែលតុលាការយុត្តិធម៌អន្តរជាតិ កាត់សេចក្តី ឱ្យកម្ពុជាឈ្នះថៃ នៅក្នុងសំណុំរឿងប្រាសាទព្រះវិហារ។ នេះបើតាមបណ្ដាញសង្គមសម្តេចធិបតី ហ៊ុន ម៉ាណែត នៅថ្ងៃនេះ។គិតត្រឹមម៉ោង១០:៣០ព្រឹកនេះ កិច្ចប្រជុំចង្អៀតនៅតែបន្ត រវាងប្រតិភូកម្ពុជា និងថៃ ពលរដ្ឋទាំងសងខាងកំពុងរង់ចាំលទ្ធផលនៃកិច្ចប្រជុំនេះ។ នៅថ្ងៃទី១៤ ខែ មិថុនា ឆ្នាំ២០២៥ ម្សិលមិញ កិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា-ថៃ (JBC) បានប្រព្រឹត្តទៅដោយរលូន»។ ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋាន កិច្ចការព្រំដែនកម្ពុជា បានផ្តល់អត្ថាធិប្បាយខ្លី ក្រោយបញ្ចប់កិច្ចប្រជុំ នៅម៉ោងជិត៤រសៀល ថ្ងៃដដែល ថាភាគីទាំងពីរបានពិភាក្សាក្នុងបរិយាកាសល្អ យោគយល់គ្នាខ្ពស់។ជាមួយគ្នានេះ កិច្ចប្រជុំគណៈកម្មការ JBC កម្ពុជា-ថៃ ។ទោះជាកិច្ចប្រជុំ JBC មិនទាន់មានលទ្ធផលក៏ដោយសម្រាប់ថ្ងៃទី២នេះ ប៉ុន្តែសម្រាប់កម្ពុជានៅតែទៅមុខ មិនថយក្រោយត្រង់ថា…

កិច្ចប្រជុំគណៈកម្មការព្រំដែនចម្រុះ (JBC) កម្ពុជា-ថៃ បានចាប់ផ្តើមដំណើរការជាផ្លូវការនៅព្រឹក ថ្ងៃទី១៥ ខែមិថុនា ឆ្នាំ២០២៥ នៅរាជធានីភ្នំពេញ។ ប្រតិភូកម្ពុជាដឹកនាំដោយឯកឧត្តម ឡាំជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន និងប្រតិភូថៃ ដឹកនាំឯកឧត្តម ប្រាសាស ប្រាសាសវិនិច្ឆ័យ។ នៅមុនកិច្ចប្រជុំចាប់ផ្តើម ដែលគ្រោងចាប់ពីវេលាម៉ោង១០ព្រឹក អ្នកសារព័ត៌មានជាតិ និងអន្តរជាតិ បានមកជួបជុំគ្នា និងបានរៀបចំសេចក្តីរាយការណ៍ជុំវិញព្រឹត្តិការណ៍ នៃជម្លោះព្រំដែនរវាងព្រះរាជាណាចក្រកម្ពុជា និងព្រះរាជាណាចក្រថៃ ។ សូមបញ្ជាក់ថា នៅថ្ងៃទី១៤ ខែ មិថុនា ឆ្នាំ២០២៥ ម្សិលមិញ កិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោកកម្ពុជា-ថៃ (JBC) បានប្រព្រឹត្តទៅដោយរលូន»។ ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋាន កិច្ចការព្រំដែនកម្ពុជា បានផ្តល់អត្ថាធិប្បាយខ្លី ក្រោយបញ្ចប់កិច្ចប្រជុំ នៅម៉ោងជិត៤រសៀល ថ្ងៃដដែល ថាភាគីទាំងពីរបានពិភាក្សាក្នុងបរិយាកាសល្អ យោគយល់គ្នាខ្ពស់។ជាមួយគ្នានេះ កិច្ចប្រជុំគណៈកម្មការ JBC កម្ពុជា-ថៃ បានរៀបចំឡើងបន្ទាប់ពីមានកិច្ចប្រជុំចង្អៀតរវាងភាគីទាំងពីរផងដែរ។ កិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) កម្ពុជា-ថៃដែលបានរៀបចំឡើងនៅក្នុងថ្ងៃនេះ បានធ្វើឡើងបន្ទាប់ពីមានភាពតានតឹងនៅតាមព្រំដែនគោក រវាងប្រទេសកម្ពុជានិងប្រទេសថៃ…