ដោយ៖ម៉ាដេប៉ូ រាជធានីភ្នំពេញ៖អង្គភាពប្រឆាំងអំពុករលួយបានឱ្យដឹងថានៅក្នុងខែតុលាឆ្នាំ២០២០នេះអង្គភាពរបស់ខ្លួនមួយនេះបានទទួលពាក្យបណ្តឹងសរុបចំនួន៧៥(អនាមិក ៣១ពាក្យប្តឹង)ហើយក្នុងនេះបានធ្វើលិខិតឱ្យសាមីស្ថាប័ន សាមីខ្លួនបំភ្លឺចំពោះការចោទប្រកាន់ ចំនួន ៥៥លិខិត សាមីខ្លួន សាមីស្ថាប័ន បានបំភ្លឺ និងភ្ជាប់ឯកសារបង្អែក ចំនួន ៣៥លិខិត។           បើយោងតាមសេចក្តីជួនដំណឹងរបស់ក្រុមប្រឹក្សាជាតិប្រឆាំងអំពើពុករលួយដែល បានបើកកិច្ចប្រជុំលើកទី៤ នារសៀលថ្ងៃទី២៨ ខែតុលា ឆ្នាំ ២០២០នេះបានឱ្យដឹងថា ក្នុងកិច្ចប្រជុំនេះ ឯកឧត្តមទេសរដ្ឋមន្ត្រី ឱម យិនទៀង ប្រធានអង្គភាពប្រឆាំង អំពើពុករលួយបានឱ្យដឹងថាក្នុងពាក្យបណ្តឹងទាំងអស់ដែលអង្គភាពប្រឆាំងអំពុករលួយទទួលបានមួយចំនួនក៏មានតម្រុយបញ្ជាក់ពីអំពើពុករលួយហើយករណីខ្លះទៀតពុំមែនជាបទល្មើសអំពើពុករលួយនោះទេ។ចំពោះបទល្មើសអំពើពុករលួយអង្គភាពនឹងចាត់ការ ឯករណីខ្លះទៀតនឹងរាយការណ៍ជូនដល់ម្ចាស់បណ្តឹងវិញបើកវាពុំមែនជាករណីអំពើពុករលួយ។         ប្រភព្វខាងលើនេះបញ្ជាក់ដែរថាចំពោះសកម្មភាពការងាររបស់អង្គភាពប្រឆាំងអំពើពុករលួយ ទាក់ទិនទៅនឹងការប្រកាសទ្រព្យសម្បត្តិ និងបំណុលក្នុងអំឡុងខែតុលានេះដែរគឺមានមន្ត្រីចំនួន ១៧៧នាក់ ដែលទើបទទួលការតែងតាំងថ្មី ចូលមកប្រកាស ទ្រព្យសម្បត្តិ និងបំណុល ,មានមន្ត្រីចំនួន ៨២នាក់ បានធ្វើការប្រកាសទ្រព្យសម្បត្តិ និងបំណុលជាលើក ចុងក្រោយ បន្ទាប់ពីត្រូវបានដាក់ឱ្យចូលនិវត្តន៍ លាឈប់ពីការងារចប់អាណត្តិ និងត្រូវបញ្ឈប់ពីការងារ។ក្រៅពីនេះអង្គភាពប្រឆាំងអំពើពុករលួយបានត្រៀមលក្ខណៈរួចរាល់សម្រាប់ការប្រកាសទ្រព្យសម្បត្តិ និងបំណុល តាមរបប២ឆ្នាំ នៅខែមករាខាងមុខនេះ ៕

ដោយ៖ម៉ាដេប៉ូ រាជធានីភ្នំពេញ៖ក្នុងកិច្ចប្រជុំមួយរវាង រដ្ឋមន្ត្រីការងារអាស៊ានទាំង១០ប្រទេស រួមនិងរដ្ឋមន្ត្រីការងារអាស៊ានបូកបី (សាធារណរដ្ឋប្រជាមានិតចិន ប្រទេសជប៉ុន និងសាធារណរដ្ឋកូរ៉េ) ដែលក្រោមប្រធានបទ “ការលើកកម្ពស់កម្មករនិយោជិតអាស៊ាន ដើម្បីភាពប្រកួតប្រជែង ភាពធន់ និងភាពបត់បែន សម្រាប់អនាគតនៃការងារ” ដោយក្នុងនេះឯកសារសំខាន់ៗ ចំនួន៩ត្រូវបានអនុម័ត។ កិច្ចប្រជុំនេះរៀបចំឡើងដោយប្រទេសឥណ្ឌូណេស៊ីក្នុងអាណត្តិ ជាប្រធានប្តូរវេនអាស៊ាន តាមរយៈប្រព័ន្ធវីដេអូ នៅ២៨ ខែតុលា ឆ្នាំ២០២០នេះ។           នាឱកាសកិច្ចប្រជុំថ្នាក់រដ្ឋមន្ត្រីការងារអាស៊ានលើកទី២៦ និងកិច្ចប្រជុំថ្នាក់រដ្ឋមន្ត្រីការងារអាស៊ាន+៣ លើកទី១១នេះដែរឯកឧត្តមក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានចែករំលែកនូវទស្សនៈ ឧត្តមានុវត្តល្អ និងការយកចិត្តទុកដាក់របស់រាជរដ្ឋាភិបាលកម្ពុជា តាមរយៈក្រសួងការងារ និងបណ្តុះបណ្តាលវិជ្ជជីវៈ ក្នុងការកសាង និងអភិវឌ្ឍន៍ធនធានមនុស្ស និងកម្លាំងពលកម្មប្រកបដោយគុណភាព ដើម្បីឆ្លើយតបទៅនឹងនិន្នាកាសកល និងតំបន់ រួមមានការជឿនលឿននៃបច្ចេកវិទ្យា ការប្រែប្រួលប្រជាសាស្ត្រ និងការកើនឡើងនៃសេដ្ឋកិច្ចបៃតង និងផលប៉ះពាល់ពីជំងឺកូវីដ-១៩។ ចំពោះជាលទ្ធផល រដ្ឋមន្ត្រីការងារអាស៊ាន បានអនុម័តលើឯកសារសំខាន់ៗ ចំនួន៩ រួមមាន៖  ១)  កម្មវិធីការងាររដ្ឋមន្ត្រីការងារអាស៊ានឆ្នាំ២០២១-២០២៥, ២)  ផែនការការងារ របស់ក្រុមការងារឧត្តមមន្ត្រីការងារអាស៊ាន ឆ្នាំ២០២១-២០២៥, ៣)…

ការជំរុញមធ្យោបាយដឹកជញ្ជូនបៃតងតាមរយៈការប្រើប្រាស់ទោចក្រយានយន្តអគ្គិសនីនៅកម្ពុជាកាលពីព្រឹកថ្ងៃទី២៣ ខែតុលា ឆ្នាំ២០២០ នៅសណ្ឋាគារកាំបូឌីយ៉ាណា នាយកដ្ឋានវិទ្យាសាស្រ្ត និងបច្ចេកវិទ្យាបានសហការជាមួយវិទ្យាសា្ថនអភិវឌ្ឍន៍បៃតងសកល(GGGI) ក្រោមអធិបតីភាព ឯកឧត្តម ប្រាក់ ថាវអមិដា អគ្គលេខាធិការរង ក.ជ.អ.ច. តំណាងឯកឧត្តម វ៉ាន់ មុនីនាថ អគ្គលេខាធិការ នៃក.ជ.អ.ច. និងលោកស្រី Karoline Casaer តំណាងប្រចាំប្រទេសកម្ពុជានៃវិទ្យាស្ថានអភិវឌ្ឍន៍បៃតងសកល បានអញ្ជើញជាអធិបតីក្នុងសិក្ខាសាលាស្តីពី «ការជំរុញមធ្យោបាយដឹកជញ្ជូនបៃតងតាមរយៈការប្រើប្រាស់ទោចក្រយានយន្តអគ្គិសនី»។ សិក្ខាសាលានេះមានការចូលរួមពីតំណាងក្រសួង-ស្ថាប័នរដ្ឋ រដ្ឋបាលរាជធានីភ្នំពេញ រដ្ឋបាលខេត្ត-ក្រុងសៀមរាប វិស័យឯកជន និងអ្នកជំនាញជាតិ និងអន្តរជាតិ សរុបប្រមាណ៥០ រូប។សិក្ខាសាលានេះមានគោលបំណងពិនិត្យ និងពិភាក្សាលើ ១) ការវិភាគស្ថានភាពបច្ចុប្បន្ន នៃវិស័យដឹកជញ្ជូននៅក្នុងប្រទេសកម្ពុជា និង ២) ការវិភាគអំពីតម្រូវការទីផ្សារ បច្ចេកទេស អប់រំ-ផ្សព្វផ្សាយ សេដ្ឋកិច្ច បរិស្ថាន សង្គម និងគោលនយោបាយ សម្រាប់ជំរុញការប្រើប្រាស់ទោចក្រយានយន្តអគ្គិសនីនៅប្រទេសកម្ពុជា៕ ប្រភព៖ ទំព័រហ្វេសប៊ុករបស់ក្រសួងបរិស្ថាន

នៅព្រឹកថ្ងៃទី២៧ ខែតុលា ឆ្នាំ២០២០ ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានចូលរួម និងដឹកនាំ “យុទ្ធនាការដាំកូនឈើនៅក្នុងមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន” នៃឧទ្យានជាតិព្រះជ័យវរ្ម័ននរោត្តម “ភ្នំគូលែន” ខេត្តសៀមរាប។ យុទ្ធនាការនេះមានគោលបំណង ស្តារព្រៃនៅតាមព្រំប្រទល់ និងក្នុងបរិវេណនៃមជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន និងចូលរួមចំណែកជួយសម្រួលដល់ជីវភាពប្រជាពលរដ្ឋដែលរស់នៅជំវិញមជ្ឈមណ្ឌល ដែលបាន និងកំពុងរងគ្រោះដោយសារជម្ងឺកូវីដ១៩ (Covid-19) តាមរយៈការផ្តល់ថវិកាមួយចំនួនដល់ពួកគាត់ ដែលបានចូលរួមដាំ​ និងថែរក្សាកូនឈើនៅក្នុងយុទ្ធនាការនេះ។ ជាលទ្ធផល យុទ្ធនាការនេះបានប្រព្រឹត្តទៅយ៉ាងរលូនដោយមានកិច្ចសហការ និងចូលរួមពី ឯកឧត្តម ង៉ាន់ ភិរុណ​ អភិបាលរង​ នៃគណអភិបាលខេត្តសៀមរាប ថ្នាក់ដឹកនាំក្រសួងបរិស្ថាន តំណាង អង្គការ UNDP អគ្គលេខាធិការដ្ឋាន អ.ក.អ.ច. រដ្ឋបាលខេត្តសៀមរាប រដ្ឋបាលស្រុកបន្ទាយស្រី មេឃុំ មេភូមិ ប្រជាការពារ កងកម្លាំងប្រដាប់អាវុធ និងប្រជាពលរដ្ឋដែលបាន និងកំពុងរងគ្រោះដោយជំងឺកូវី១៩ ប្រមាណជា៤០០នាក់។នៅចុងបញ្ចប់ឯកឧត្តម សៅ…

បរិស្ថានកែប ៖ នាយកដ្ឋានសេដ្ឋកិច្ចបៃតងនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍដោយចីរភាព សហការជាមួយនាយកដ្ឋានរង្វាន់ និងលើកទឹកចិត្ត នៃអគ្គនាយកដ្ឋានចំណេះដឹង និងព័ត៌មានបរិស្ថាន រដ្ឋបាលខេត្តកែប និងមន្ទីរបរិស្ថានខេត្តកែប នាព្រឹកថ្ងៃទី២៧ ខែតុលា ឆ្នាំ២០២០ បានធ្វើការផ្សព្វផ្សាយនិងប្រគល់បណ្ណសរសើរមេត្រីភាពបរិស្ថានជូនសណ្ឋាគារ ដែលបានប្រតិបត្តមេត្រីភាពបរិស្ថានឆ្នើមនៅក្នុងខេត្តកែប ចំនួន ០៤ រួមមាន សណ្ឋាគារថ្ងៃបាំងឆត្រ សណ្ឋាគារផាមហៅស៍ សណ្ឋាគារនិងរម្មណីយដ្ឋានអាម៉ាណេអា និងសណ្ឋាគារនិងរម្មណីយដ្ឋានខូមិនស៊ាឡូត ក្នុងគោលបំណងដើម្បីជំរុញការអនុវត្តសេដ្ឋកិច្ចចក្រា តាមរយៈការលើកទឹកចិត្តប្រតិបត្តិមេត្រីភាពបរិស្ថាន ។ លោក ខ្វៃ អាទិត្យា អគ្គនាយករង នៃអគ្គនាយកដ្ឋានចំណេះដឹង និងព័ត៌មានបរិស្ថាន នៃក្រសួងបរិស្ថាន បានមានប្រសាសន៍ថា ការផ្សព្វផ្សាយ និងផ្ដល់បណ្ណសរសើមេត្រីភាពបរិស្ថាន ដល់វិស័យឯកជនក្នុងខេត្តកែបនេះ រៀបចំឡើងក្នុងគោលបំណង ដើម្បីចែករំលែកបទពិសោធន៍នៃការចូលរួមរបស់វិស័យឯកជនក្នុងការប្រតិបត្តិមេត្រីភាពបរិស្ថាន ក៏ដូចជាការចូលរួមអនុវត្តសេដ្ឋកិច្ចចក្រា ក៏ដូចជាការផ្សព្វផ្សាយដល់អ្នកគ្រប់គ្រងសណ្ឋាគារនៅក្នុងខេត្តកែប ដាក់ពាក្យស្នើសុំវាយតម្លៃការប្រតិបត្តិមេត្រីភាពបរិស្ថាន សម្រាប់សណ្ឋាគារមេត្រីភាពបរិស្ថាននៅឆ្នាំ២០២១។ ជាងនេះទៀត គឺបញ្រ្ជាបការយល់ដឹង និងជំរុញការប្រតិបត្តិមេត្រីភាពបរិស្ថានដល់យុវជន ប្រជាសហគមន៍ សាធារណជន ឱ្យចូលរួមស្រលាញ់ធម្មជាតិ គាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ ការរស់នៅដោយចីរភាពសម្រាប់ជាឧត្តមប្រយោជន៍យូរអង្វែងរបស់ប្រជាជនកម្ពុជា ។ លោកអគ្គនាយករង បានបន្ថែមថា ក្រសួងបរិស្ថានមានគោលនយោបាយលើកទឹកចិត្តមេត្រីភាពបរិស្ថាន…

កាលពី​ថ្ងៃអង្គារ ១១កើត ខែកត្តិក ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៧ ខែតុលា ឆ្នាំ២០២០ នៅសណ្ឋាគារហ៊ីម៉ាវ៉ារី រាជធានីភ្នំពេញ នាយកដ្ឋាន​ប្រែប្រួលអាកាសធាតុ នៃ​អគ្គលេខាធិការដ្ឋានក្រុមប្រឹក្សា ជាតិអភិវឌ្ឍន៍ដោយចីរភាព បាន​រៀបចំសិក្ខាសាលាស្តីពី«ការចូលរួមរបស់វិស័យឯកជនក្នុងការឆ្លើយតប​នឹងការប្រែប្រួលអាកាសធាតុក្នុងបរិបទការចូលរួមចំណែករបស់ជាតិដើម្បីអនុវត្ដអនុសញ្ញាក្របខ័ណ្ឌសហប្រជាជាតិ​ស្ដីពីការប្រែប្រួលអាកាសធាតុ» ក្រោមអធិបតីភាព ឯកឧត្តម ជា ចន្ទន៍ធូ អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព ដោយមានការអញ្ជើញចូលរួមពីតំណាងក្រសួង ស្ថាប័នពាក់ព័ន្ធ លោក លោកស្រី ជាសមាជិកក្រុមការងារ​បច្ចេកទេសប្រែប្រួលអាកាសធាតុ តំណាងអង្គទូត ដៃគូអភិវឌ្ឍន៍ វិស័យឯកជន និងអ្នកពាក់ព័ន្ធផ្សេងៗចំនួនប្រមាណ ៦០នាក់ (ស្រី ១៩នាក់)។ សិក្ខាសាលានេះរៀបចំឡើងក្នុងគោលបំណង៖ ១) ជូនដំណឹងដល់វិស័យឯកជនពីដំណើរការរៀបចំរបាយការណ៍រួមចំណែករបស់ជាតិដើម្បីអនុវត្ដអនុសញ្ញាក្របខ័ណ្ឌសហប្រជាជាតិស្ដីពីការប្រែប្រួលអាកាសធាតុរបស់កម្ពុជា ២) បង្ហាញពីកិច្ចសហការ និងការចូលរួមរបស់វិស័យឯកជនក្នុងការអនុវត្តសកម្មភាពនៃការចូលរួមចំណែករបស់ជាតិដើម្បីអនុវត្ដអនុសញ្ញាក្របខ័ណ្ឌសហប្រជាជាតិស្ដីពី ការប្រែប្រួលអាកាសធាតុរបស់កម្ពុជា ៣)បង្កើតគំនិតផ្តួចផ្តើមជាមូលដ្ឋានសម្រាប់ភាពជាដៃគូក្នុងវិស័យសារធារណៈ និងវិស័យឯកជនសម្រាប់ការអភិវឌ្ឍដោយបញ្ចេញកាបូនតិច និងធន់នឹងអាកាសធាតុ និង៤) បញ្ជ្រាបមេរៀន និងបទពិសោធន៍ដែលមានទៅក្នុងសេចក្តីព្រាងផែនការកិច្ចសហការជាមួយវិស័យឯកជន៕ ប្រភព៖ ទំព័រហ្វេសប៊ុកក្រសួងបរិស្ថាន