(កាលីហ្វ័រនីញ៉ា)៖ កាលពីថ្ងៃទី២៣ ខែឧសភា ឆ្នាំ២០២៥ ឯកឧត្ដម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញដឹកនាំគណៈប្រតិភូ ជួបជាមួយតំណាងសាកលវិទ្យាល័យ UC Berkeley នៅរដ្ឋកាលីហ្វ័រនីញ៉ា សហរដ្ឋអាម៉េរិក។ កិច្ចប្រជុំនេះ មានគោលបំណងពិភាក្សាលើប្រធានបទសំខាន់ៗមួយចំនួន រួមមាន ទី១. ការរៀបចំកម្មវិធីបណ្តុះបណ្តាលធនធានមនុស្ស ការស្រាវជ្រាវរួមគ្នា និងការអភិវឌ្ឍកម្មវិធីអប់រំ លើជំនាញបច្ចេកវិទ្យាឌីជីថល ទី២.ការណែនាំអំពីថ្នាលផ្ទៀងផ្ទាត់ឯកសារ VERIFY.GOV ទី៣. ការសិក្សានិងស្វែងយល់ពីកម្មវិធីជំរុញធុរកិច្ចថ្មីឌីជីថល ។ លោកស្រី Susan Gieseck នាយិកាផ្នែកទំនាក់ទំនងសាកលនៃមជ្ឈមណ្ឌលសហគ្រិនភាពនិងបច្ចេកវិទ្យា បានលើកឡើងពីបទពិសោធនៃការរៀបចំកម្មវិធីបណ្តុះបណ្តាលជាមួយបណ្តាប្រទេសមួយចំនួន។ លោកស្រីបានកោតសរសើរ និងសម្តែងការចាប់អារម្មណ៍ចំពោះថ្នាលផ្ទៀងផ្ទាត់ឯកសារ VERIFY.GOV។ ជាមួយគ្នានេះ លោកស្រី Talyor Marcus ប្រធានផ្នែកការពង្រីកអាជីវកម្មនៅអឺរ៉ុបនិងសាកលនៃ Berkeley Skydeck បានលើកឡើងអំពីកម្មវិធីជំរុញធុរកិច្ចថ្មី តាមរយៈបណ្តាញនៃអ្នកប្រឹក្សាយោបល់ ដៃគូក្នុងឧស្សាហកម្ម និងវិនិយោគិត ដែលមានក្នុងប្រព័ន្ធអេកូឡូស៊ីរបស់ Berkeley Skydeck។ ឯកឧត្តមរដ្ឋមន្រ្តីបានបង្ហាញចំណាប់អារម្មណ៍ក្នុងការរៀបចំឱ្យធុរកិច្ចថ្មីឌីជីថល (Digital Startup) របស់កម្ពុជាចូលរួមក្នុងកម្មវិធីជំរុញនេះ ដើម្បីមានឱកាសពង្រឹងសមត្ថភាពនិងមានលទ្ធភាពចូលក្នុងទីផ្សារសហរដ្ឋអាម៉េរិក៕ ដោយ៖…

(ភ្នំពេញ)៖ ក្រុមការងារសុក្រឹត្យកម្មបរិស្ថានកិច្ច នៃអគ្គនាយដ្ឋានគាំពារបរិស្ថាន ក្រសួងបរិស្ថាន នៅថ្ងៃទី២២ ខែឧសភា ឆ្នាំ២០២៥នេះ បានបន្តរកឃើញ បញ្ហាបំពុលបរិស្ថាន របស់ក្រុមហ៊ុនចំនួនពីរ គឺក្រុមហ៊ុន Boeung Ket Planting & Industrial Co., Ltd.និងក្រុមហ៊ុន FOUR SEASONS FOOD TASTE Co., Ltd ។ ក្រុមហ៊ុនទាំង២ ផលិតដំណាប់ស្វាយ និងមានទីតាំង នៅភូមិសាស្រ្ត ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។ ក្រុមការងារក្រសួងបរិស្ថាន បានរកឃើញថា ក្រុមហ៊ុន Boeung Ket Planting & Industrial Co., Ltd.បានធ្វើការបង្ហូរសំណល់រាវ មិនបានសម្អាតត្រឹមត្រូវ ចូលអូរពាមទុង ដោយផ្ទាល់ ដែលបានបង្កឱ្យមានបញ្ហាក្លិនស្អុយ ធ្វើឲ្យខូចប្រភពទឹក ប៉ះពាល់ដល់ការប្រើប្រាស់ របស់ប្រជាពលរដ្ឋនៅក្នុងមូលដ្ឋាន ជាង១០០គ្រួសារ។ ដោយឡែកក្រុមហ៊ុន FOUR SEASONS FOOD TASTE…

(ព្រះវិហារ)៖ អាវភ្លៀងដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានព្រឹទ្ធសភា និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា, សម្ដេចបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបាននាំយកទៅចែកជូនដល់កងកម្លាំងប្រដាប់អាវុធចំណុះសមូរភូមិទិសទីស១ ប្រាសាទព្រះវិហារ យោធភូមិភាគទី៤។ ពិធីនេះធ្វើឡើងនៅទីបញ្ជាការកងពលតូចអន្តរាគមន៍លេខ៩ នាព្រឹកថ្ងៃទី២២ ខែឧសភា ឆ្នាំ២០២៥។ អំណោយជាអាវភ្លៀងទាំងនេះត្រូវបានឯកឧត្តម ឧត្តមសេនីយ៍ឯក ហ៊ុន ម៉ានិត អគ្គនាយក អគ្គនាយកដ្ឋានស្រាវជ្រាវ-ចារកិច្ច ក្រសួងការពារជាតិ មេបញ្ជាការរង កងទ័ពជើងគោក តំណាងដ៏ខ្ពង់ខ្ពស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដោយមានការចូលរួមពីឯកឧត្តម ឧត្តមសេនីយ៍ឯក ស្រី ឌឹក មេបញ្ជាការរងកងទ័ពជើងគោក និងជាមេបញ្ជាការកងពលធំអន្តរាគមន៍លេខ៣…

(កំពង់ធំ )៖ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម អនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទោង អញ្ជើញចែកប័ណ្ណកម្មសិទ្ធដីធ្លីចំនួន ៣,៣៥៧បណ្ណ ដល់ប្រជាពលរដ្ឋចំនួន ១,៣៤០គ្រួសារ ពីភូមិនាងនយ និងភូមិជីអាប់ ក្នុងឃុំចំណារក្រោម ស្រុកស្ទោង ខេត្តកំពង់ធំ នាព្រឹកថ្ងៃទី ២២ ខែឧសភា ឆ្នាំ២០២៥ ។ ឯកឧត្តម នួន ផារ័ត្ន អភិបាលខេត្តកំពង់ធំ បានថ្លែងថា៖ “លទ្ធផលនៃការចុះបញ្ជីដីធ្លីនេះ មានការចូលរួមយ៉ាងសកម្មក្នុងការពង្រឹងទីផ្សារដីធ្លី ការកំណត់សិទ្ធិជាលាយលក្ខណ៍អក្សរ និងបង្កើនចំណូលថវិការដ្ឋតាមរយៈពន្ធប្រថាប់ត្រា និងពន្ធអចលនទ្រព្យប្រចាំឆ្នាំ”។ ឯកឧត្តម បានរំលឹកដល់មន្ត្រីជំនាញឲ្យបន្តសហការជាមួយអាជ្ញាធរ ដើម្បីពន្លឿនការចុះបញ្ជីដីនៅភូមិ និងឃុំដែលមិនទាន់បានវាស់វែង តាមរយៈការជូនដំណឹងដល់ម្ចាស់ដី ឲ្យចូលរួមកំណត់ព្រំដីផ្លូវ ត្រពាំង ប្រឡាយទឹក និងដោះស្រាយវិវាទព្រំដី ប្រកបដោយសន្តិភាព។ ការចុះបញ្ជីដីធ្លី គឺជាជំហានសំខាន់មួយសម្រាប់ការកំណត់ព្រំដីរវាងដីរដ្ឋ និង ដីឯកជន ដើម្បីជៀសវាងការឈ្លានព្រំ និងបង្កើនសុវត្ថិភាពនៃកិច្ចសាងសង់ ឬប្រើប្រាស់ដីក្នុងគោលបំណងអភិវឌ្ឍជីវភាព។ ឯកឧត្តមបានផ្តល់អនុសាសន៍ដល់ប្រជាពលរដ្ឋឱ្យសុំអនុញ្ញាតសាងសង់ជាមុន មុននឹងធ្វើសកម្មភាពណាមួយលើដី ដើម្បីជៀសវាងវិវាទ និងការលំបាកផ្នែកច្បាប់ក្រោយមក ។…

(បន្ទាយមានជ័យ)៖ ថ្នាក់ដឹកនាំមន្ត្រីរាជការ កងកម្លាំង និងនិស្សិត សិស្សានុសិស្សរួមទាំងមហាជន បានស្ម័គ្រចិត្តចូលរួមយ៉ាងផុលផុសយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ សម្រាប់កុមារកម្ពុជា បន្ទាប់ពីមានសេចក្ដីអំពាវនាវ របស់ ឯកឧត្តមអភិបាលខេត្ត ក្នុងកិច្ចប្រជុំគណៈ បញ្ជាការឯកភាពរដ្ឋបាលខេត្តបន្ទាយមានជ័យ នៅឯសាលប្រជុំសាលាខេត្ត។ លោក ហ៊ីល រ៉ាយ៉ា អភិបាលរងខេត្តបន្ទាយមានជ័យ បានឲ្យដឹងកាលពីរសៀថ្ងៃទី២៣ ខែឧសភា ឆ្នាំ២០២៥នេះថា ថ្នាក់ដឹកនាំមន្ត្រីរាជការ កងកម្លាំងនិងនិស្សិត សិស្សានុសិស្សរួមទាំងមហាជន ក្នុងនោះក៏មានក្រុមជិះកង់ក្រុងប៉ោយប៉ែត និងក្រុមជិះកង់ខេត្តបន្ទាយមានជ័យបានស្ម័គ្រចិត្តចូលរួមយ៉ាងផុលផុសយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ សម្រាប់កុមារកម្ពុជា ។ បើយោងបណ្ដាញសង្គមក៏ដូចអ្នកគ្រប់គ្រងគ្រុបតេលេក្រាមតាមរដ្ឋបាលក្រុងស្រុក មន្ទីរ អង្គភាព និងស្ថាប័ននានាជុំវិញខេត្តបន្ទាយមានជ័យ បានបរិចាកថវិកាម្នាក់ ១ម៉ឺនរៀល តាមរយៈ QR Code របស់មូលនិធិគន្ធបុប្ផាកម្ពុជា ដែលមានភ្ជាប់ជាមួយសេចក្ដីអំពាវនាវរបស់រដ្ឋបាលខេត្តបន្ទាយមានជ័យផងដែរ ។ ឯកឧត្តម អ៊ុ រាត្រី អភិបាលខេត្តបន្ទាយមានជ័យ បានបញ្ជាក់ថា យុទ្ធនាការ “១ម៉ឺនរៀល ១ម៉ឺននាក់” សម្រាប់កុមារកម្ពុជា ជាយុទ្ធនាការប្រចាំឆ្នាំរបស់មូលនិធិ…

(ភ្នំពេញ)៖ អាជ្ញាធរជាតិប្រយុទ្ធប្រឆាំងគ្រឿងញៀន និងក្រុមហ៊ុនផ្សព្វផ្សាយឯកជនមួយ ដែលបានឈ្មោះថា ក្រុមហ៊ុនប៊ីខេអិល មេឌា ប្រូដាក់សិន ឯ.ក នៅរសៀលថ្ងៃទី២៣ ខែឧសភា ឆ្នាំ២០២៥ បានសម្រេចចុះហត្ថលេខាលើអនុស្សរណៈនៃការយោគយល់គ្នា(MoU) ស្តីពីកិច្ចសហការពង្រឹង និងលើកកម្ពស់ប្រសិទ្ធភាពការងារផ្សព្វផ្សាយអប់រំពីផលប៉ះពាល់ និងគ្រោះថ្នាក់នៃគ្រឿងញៀន។ លោក ស៊ូ នីង (XU NING) នាយកប្រតិបត្តិក្រុមហ៊ុនប៊ីខេអិល មេឌា ប្រូដាក់សិន បានឱ្យដឹងថា អនុស្សរណៈនៃការយោគយល់នេះ ត្រូវអនុវត្តក្នុងគោលបំណងពង្រឹងកិច្ចសហការនិងលើកកម្ពស់ប្រសិទ្ធភាព នៃការងារផ្សព្វផ្សាយអប់រំពីផលប៉ះពាល់និងគ្រោះថ្នាក់នៃគ្រឿងញៀន ដើម្បីរួមចំណែកសម្រេចនូវឆន្ទៈដ៏មុតស្រួចរបស់រាជរដ្ឋាភិបាលកម្ពុជា ក្នុងការកាត់បន្ថយនិងឈានទៅលុបបំបាត់បញ្ហាគ្រឿងញៀនពីកម្ពុជា និងផលិតព្រមទាំងផ្សព្វ​ផ្សាយ​ព័ត៌មានសកម្មភាពថ្នាក់ដឹកនាំ។ អនុស្សរណៈនៃការយោគយល់នេះ នឹងជួយគាំទ្រ និងសម្របសម្រួលផ្តល់ខ្លឹមសារ ឬសម្ភារប្រើប្រាស់ ​រួមទាំងនិមិត្តសញ្ញា(Logo) របស់​អាជ្ញាធរ​ជាតិ​ប្រយុទ្ធ​ប្រឆាំងគ្រឿង​ញៀន​ ក្នុងការផ្សព្វផ្សាយអប់រំពីបញ្ហាគ្រឿងញៀន ព្រមទាំងផ្ដល់ការបណ្ដុះបណ្តាលជនបង្គោលទទួលខុសត្រូវការងារផ្សព្វផ្សាយអប់រំបញ្ហាគ្រឿងញៀនដល់អ្នកពាក់ព័ន្ធ។ ឯកឧត្តមនាយឧត្តមសេនីយ៍ មាស វិរិទ្ធ អគ្គលេខាធិការអាជ្ញាធរជាតិប្រយុទ្ធប្រឆាំងគ្រឿងញៀន បានលើកទឹកចិត្តដល់អ្នកផលិត អ្នកគ្រប់គ្រងកម្មវិធីឱ្យបញ្ជ្រាបខ្លឹមសារអប់រំពីបញ្ហាគ្រឿងញៀននៅតាមកម្មវិធីផ្សាយនានា ផលិតមាតិកាអប់រំ ព្រមទាំងជួយសម្របសម្រួលរៀបចំវគ្គបណ្តុះបណ្តាលដល់អ្នកពាក់ព័ន្ធ មានលទ្ធភាពបញ្ជ្រាបខ្លឹមសារអប់រំពីបញ្ហាគ្រឿងញៀន។ ឯកឧត្តម បានឲ្យដឹងថា ក្រោមកិច្ចសហប្រតិបត្តិការជាមួយភាគីពាក់ព័ន្ធ ក៏ដូចជាវិស័យឯកជននិងប្រព័ន្ធផ្សព្វផ្សាយព័ត៌មាន បានធ្វើឲ្យការប្រើប្រាស់គ្រឿងញៀន ក៏ដូចជាបទល្មើសគ្រឿងញៀននៅក្នុងមូលដ្ឋានទូទាំងប្រទេសមានការថយចុះគួរឲ្យកត់សម្គាល់ ក្នុងនោះការកែច្នៃគ្រឿងញៀន ក៏មានការថយចុះផងដែរ។ …