(ភ្នំពេញ)៖ បដិវត្តព៌ណ យើងឃើញហើយថា នៅតែមាន គ្រាន់តែគេមានវិធីសាស្រ្តក្នុងការធ្វើ ។ សម្រាប់វិធីសាស្រ្តរបស់គេ គឺរឿងអ្វីក៏ដោយមិនសំខាន់ទេ តួអង្គនយោបាអ្វីក៏ដោយមិនសំខាន់ដែរ អ្វីដែលសំខាន់គឺបញ្ហាអ្វីមួយដែលធ្វើហើយអាចបញ្ឆេះកំហឹងបាន។ ក្របខណ្ឌយុទ្ធសាស្រ្តទី៥របស់មហាអំណាចសហរដ្ឋអាមេរិក ផ្តួលរំលំបដិវត្ដព៌ណ គេប្រើប្រាស់បង្កើតឱ្យមានចលាចលសង្គម ។ នេះជាការថ្លែងបញ្ជាក់ពីសំណាក់ឯកឧត្តម នេត្រ ភក្រ្តា រដ្ឋមន្រ្តីក្រសួងព័ត៌មាន។ ក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ ២០២៥របស់ក្រសួងព័ត៌មាននាថ្ងៃទី២០ ខែ មករា ឆ្នាំ ២០២៥នេះ ឯកឧត្តម នេត្រ ភក្រ្តា បន្តថា ៖ ”ក្រុមនេះបើបង្កើតកន្លែងណាមួយបានគឺគេនឹងធ្វើភ្លាម ដូចជា តម្លៃស្រូវ ជាដើម ទាល់តែ ឯកឧត្តមរដ្ឋមន្រ្តីក្រសួងកសិកម្មចេញទៅពន្យល់ បកស្រាយ ហើយបើគេគិតតម្លៃស្រូវសព្វថ្ងៃប្រជាកសិករនៅតែចំណេញ គ្រាន់តែចំណេញមិនដូចអ្វីដែលគាត់រំពឹងទុកនៅពេលគាត់ចាប់ផ្តើមដាំដុះ ។ ចំណុចទាំងអស់នេះគឺជារឿងកើតឡើងពីការញុះញង់ ដូចជារឿង តំបន់អភិវឌ្ឍន៍ត្រីកោណ កម្ពុជា-ឡាវ-វៀតណាម (CLV-DTA) ដែលនៅសុខៗក្រុមប្រឆាំង ដើម្បីទាញចំណាប់អារម្មណ៍ពីប្រជាពលរដ្ឋដើម្បីកុំឱ្យប្រជាពលរដ្ឋ មូរខ្លាំងទៅលើការគាំទ្ររាជរដ្ឋាភិបាល ពិសេសព្រែកជីកហ្វូណនតេជោ ពួកគេក៏បង្កើតរឿងរាវផ្សាយព័ត៌មានមិនពិតថា កម្ពុជាកាត់ខេត្ត៤ទៅឱ្យវៀតណាមតាមគម្រោងCLVនេះឯង។ នៅពេលរាជរដ្ឋាភិបាលបានធ្វើការដឹកនាំប្រជាពលរដ្ឋឱ្យទៅពិនិត្យព្រំដែន គឺពលរដ្ឋគាត់បានរឹងមាំជឿជាក់ក្នុងចិត្ត ឈប់ជឿក្រុមប្រឆាំងទៀត ។…

(ពោធ៌សាត់)៖ សម្តេចធិបតី ហ៊ុន ម៉ាណែត បានថ្លែងថា ការបញ្ជូនឃាតកសម្លាប់លោក លឹម គីមយ៉ា ទៅសមត្ថកិច្ចថៃ ជាការបញ្ជាក់ភាពស្អាតស្អំរបស់រាជរដ្ឋាភិបាលកម្ពុជា ។ ទន្ទឹមនេះ រាជរដ្ឋាភិបាល សូមថ្កោលទោស ចំពោះការបាញ់សម្លាប់លោក លិម គិមយ៉ា ផងដែរ ។ សម្តេចមហាបវរធិបតី ហ៊ុន ម៉ាណែត បានថ្លែងបែបនេះ ក្នុងឱកាសអញ្ជើញជាអធិបតី ក្នុងពិធីសម្ពោធសមិទ្ធផលនានា ក្នុងភូមិប៊ុន រ៉ានីសែនជ័យ ដំណាក់ត្រយឹង ឃុំព្រងិល ស្រុកភ្នំក្រវ៉ាញ ខេត្តពោធិ៍សាត់ នៅព្រឹកថ្ងៃទី២០ ខែមករា ឆ្នាំ២០២៥ ។ សូមរំលឹកថា នៅរសៀលថ្ងៃទី១១ ខែមករា ឆ្នាំ២០២៥ ក្រុមសមត្ថកិច្ចកម្ពុជា បានបញ្ជូនឃាតកបាញ់សម្លាប់ លោក លិម គិមយ៉ា តំណាងរាស្ត្រ នៃអតីតគណបក្ស សង្គ្រោះជាតិ ឈ្មោះ «អេកាឡាក់ ភាណយ (Ekkalak Pheanou)» ទៅឱ្យភាគីថៃវិញ តាមនៅច្រកអន្តរជាតិប៉ោយប៉ែត ខេត្តបន្ទាយមានជ័យ…

(ភ្នំពេញ)៖ ក្រសួងព័ត៌មាន គឺជាសេនាធិការរួមរបស់រាជរដ្ឋាភិបាលដែលការគ្រប់គ្រងក្នុងវិស័យព័ត៌មាន និងសោតទស្សន៍ ទោះបីយ៉ាងណានៅក្នុងក្របខណ្ឌនេះក្រសួងស្ថាប័ននីមួយៗក៏មានផ្នែករបស់ខ្លួនដែលគេហៅថាអង្គភាពអ្នកនាំពាក្យរាជរដ្ឋាភិបាល យើងមានអ្នកនាំពាក្យ អង្គភាពព័ត៌មាន និងប្រតិកម្មរហ័ស ហើយយើងក៏មានក្នុងក្របខណ្ឌឆ័ត្ររួមមួយ គឺគណៈកម្មាធិការជាតិមួយសម្របសម្រួលកិច្ចការព័ត៌មាន និងកិច្ចការសាធារណៈមតិ ដែលជាយន្តការជាតិមួយ ឬ ដែលយើងហៅសាមញ្ញថា ជាបញ្ជាការដ្ឋានព័ត៌មាន របស់រាជរដ្ឋាភិបាល ដែលគ្រប់គ្រងផ្សព្វផ្សាយ ក៏ដូចជាគ្រប់គ្រងសាធារណៈមតិ របស់រាជរដ្ឋាភិបាល ។ ថ្លែងក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ ២០២៥របស់ក្រសួងព័ត៌មាននាថ្ងៃទី២០ ខែ មករា ឆ្នាំ ២០២៥នេះឯកឧត្តម នេត្រ ភក្រ្តា បានមានប្រសាសន៍ថា ៖ យើងគួរដឹងថា មានការប្រែប្រួលផ្លាស់ប្តូរនៃនិន្នាការ ទទួលព័ត៌មានរបស់ប្រជាពលរដ្ឋ ពីការទទួលព័ត៌មានបុរាណពីទូរទស្សន៍ កាសែត វិទ្យុ ទស្សនាវដ្ថី ដែលគាត់អង្គុយទស្សនា អាន ហើយព័ត៌មានដែលគាត់ទទួលបាននោះគឺអ្វីដែលយើងតម្រូវឬរៀបចំជូនគាត់ ដើម្បីឱ្យគាត់ដឹង ។ ប៉ុន្តែបច្ចុប្បន្ននេះបានផ្លាស់ប្តូរពោលគឺពីប្រព័ន្ធផ្សព្វផ្សាយបុរាណមកជាប្រព័ន្ធផ្សព្វផ្សាយទំនើប។ ឯកឧត្តមបញ្ជាក់បន្ថែមថា ៖ ក្រោយពីធ្វើបច្ចុប្បន្នភាពនៅក្នុងឆ្នាំ២០២៣យើងមានប្រព័ន្ធផ្សព្វផ្សាយបុរាណ ក្នុងនេះមានវិទ្យុ ទូរទស្សន៍ កាសែត និងប្រព័ន្ធផ្សព្វផ្សាយផ្សេងៗទៀតដែលជាប្រព័ន្ធផ្សព្វផ្សាយបុរាណ និង រួមទាំងប្រព័ន្ធផ្សព្វផ្សាយថ្មីមានជាង ២០០០ស្ថាប័ន ប៉ុន្តែក្រោយពីធ្វើបច្ចុប្បន្នភាពនៅចុងឆ្នាំ២០២៤នេះ…

ភ្នំពេញ៖ក្រោមកិច្ចដឹកនាំដ៏ឈ្លាសវៃរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងនីតិកាលទី៧ នៃរដ្ឋសភា វិស័យ​ព័ត៌មាន សោតទស្សន៍ និងការគ្រប់គ្រងសាធារណ:មតិ ដែលមានក្រសួង​ព័ត៌មាន​​ជា​សេនាធិការ បានដំណើរការទៅបានយ៉ាងល្អ ប្រកបដោយប្រសិទ្ធភាព ខណៈ មានកំណើនកើនច្រើនឡើងៗនៃចំនួន​អ្នកសារព័ត៌មានប្រជាជន ដែលបាននិងកំពុងប្រើប្រាស់ឧបករណ៍បច្ចេកវិទ្យាព័ត៌មាន និងគមនាគមន៍​វៃឆ្លាតធ្វើជា​មធ្យោបាយ​ផ្សព្វផ្សាយ តាមបណ្តាញព័ត៌មានសង្គម មានដូចជា ហ្វេសប៊ុក (Facebook),តិក តុក( Tik Tok),តេឡេក្រាម​​(Telegram) និង​បណ្តាញទំនាក់ទំនងសង្គមផ្សេងទៀត។នេះជាអ្វីដែលត្រូវបានគូសរំលេច​នៅក្នុងសន្និបាត​បូកសរុបលទ្ធផលការងារឆ្នាំ២០២៤ និងលើកទិសដៅការងារ​ឆ្នាំ២០២៥ កាលពីព្រឹកថ្ងៃទី២០ ខែមករា ឆ្នាំ២០២៥នាទីស្តីការក្រសួង​ព័ត៌មាន ។ សន្និបាតរយៈពេលបីថ្ងៃ (ថ្ងៃទី២០-២២ខែមករា)បានប្រារព្ធបើកក្រោមអធិ​បតីភាព ឯកឧត្តម នេត្រ ភក្រ្តា រដ្ឋមន្រ្តី​ក្រសួងព័ត៌មាន​និងមានវត្តមានចូល​រួមផ្ទាល់ និងតាមប្រព័ន្ធវីដេអូ ខុនហ្វឺរ៉េន ជាង៧០០នាក់នោះ បានចាប់ផ្តើមក្នុង​របាយការណ៍​មួយឆ្នាំរបស់ខ្លួនដោយបញ្ជាក់ថា អគ្គនាយកដ្ឋានជំនាញទាំង​៥ និងអង្គភាពចំណុះរបស់ក្រសួងព័ត៌មាន បានពង្រឹងតួនាទីក្នុងនាមជាអ្នក​បម្រើក្នុងវិស័យសាធារណៈ​ប្រកបដោយ​វិជ្ជាជីវ:​ខ្ពស់ក្នុងវិស័យព័ត៌មាន និងសោតទស្សន៍​ក្នុងបរិបទបរិវត្តកម្មឌីជីថល។ ពិសេសជាងនេះ ដោយមានការចង្អុលបង្ហាញច្បាស់លាស់ប្រកបដោយ​វិធីសាស្រ្ត យុទ្ធសាស្ត្រ និងទស្សនវិស័យថ្មីរបស់ ឯកឧត្តមរដ្ឋមន្រ្តី នេត្រ ភក្រ្តា ក្រសួងព័ត៌មានបានធ្វើទំនើបកម្មស្ថាប័ន ជាមួយឥរិយាបថប្រតិបត្តិករគ្រប់តួអង្គ ដោយប្រកាន់​យក នវានុវត្តន៍ឌីជីថលូបនីយកម្ម ដើម្បីដើរឱ្យស្របទៅនឹង​កំណើន​នៃប្រព័ន្ធផ្សព្វផ្សាយបែបថ្មី…

(ពោធ៌សាត់)៖ សម្ដេចនាយករដ្ឋមន្ត្រី បានគូបញ្ជាក់ថា រាជរដ្ឋាភិបាល យកចិត្តទុកដាក់ខ្ពស់ណាស់លើវិស័យកសិកម្ម និងសន្ដិសុខស្បៀង ក្នុងនោះយកចិត្តទុកដាក់ខ្ពស់បំផុតចំពោះបងប្អូនកសិករ ។ សម្តេចមហាបវរធិបតី ហ៊ុន ម៉ាណែត បានថ្លែងបែបនេះ ក្នុងឱកាសអញ្ជើញជាអធិបតី ក្នុងពិធីសម្ពោធសមិទ្ធផលនានា ក្នុងភូមិប៊ុន រ៉ានីសែនជ័យ ដំណាក់ត្រយឹង ឃុំព្រងិល ស្រុកភ្នំក្រវ៉ាញ ខេត្តពោធិ៍សាត់ នៅព្រឹកថ្ងៃទី២០ ខែមករា ឆ្នាំ២០២៥ ។ ក្នុងឱកាសនេះ សម្តេចធិបតី ហ៊ុន ម៉ាណែត បានថ្លែងថា ក្រុមជ្រុលនិយមមួយក្ដាប់តូចនៅក្រៅស្រុក បានចាក់សាំងដុតកម្ពុជារាល់ថ្ងៃ ជាពិសេសញុះញង់ប្រជាពលរដ្ឋឱ្យមានកំហឹង មកលើការងារផ្សេងៗរបស់រាជរដ្ឋាភិបាល ដូចជាករណីរឿងកសិកម្មនាពេលនេះ ខណៈពេលដែលពួកគេមិនដែលជួយអ្វីសោះ មានតែទៅស្នើឱ្យបរទេសកាត់ជំនួយ និងកុំឱ្យគេមកវិនិយោគនៅកម្ពុជា ។ សម្តេចធិបតី បានបញ្ជាក់ថា រាជរដ្ឋាភិបាល យកចិត្តទុកដាក់ខ្ពស់ណាស់លើវិស័យកសិកម្ម និងសន្ដិសុខស្បៀង ក្នុងនោះយកចិត្តទុកដាក់ខ្ពស់បំផុតចំពោះបងប្អូនកសិករ ដូចជា វិធីសាស្រ្តដាំដុះ ការបែងចែកដីធ្វើស្រែ និងការស្វែងរកទីផ្សារនៅក្រៅប្រទេសផងដែរ ។ សម្តេច បន្តថា សម្ដេច បានផ្ដល់គោលការណ៍ឱ្យក្រសួងស្ថាប័នពាក់ព័ន្ធ និងបណ្ដាខេត្តពិនិត្យ និងត្រៀមអនុវត្តឱ្យបានទាន់ពេលវេលាជួយប្រជាពលរដ្ឋដែលអាចប្រឈមនឹងបញ្ហាខ្វះខាតទឹកក្នុងការធ្វើស្រែនារដូវប្រាំងនេះ…

(ពោធ៌សាត់)៖ ក្នុងពិធីសម្ពោធដាក់ឱ្យប្រើប្រាស់ សមិទ្ធផលនានានៅក្នុង​ភូមិប៊ុនរ៉ានីសែនជ័យដំណាក់ត្រយឹង ឃុំព្រងិល ស្រុកភ្នំក្រវាញ ខេត្ត​ពោធិ៍​សាត់ នាព្រឹកថ្ងៃទី២០ ខែមករា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា ការយកចិត្តទុកជាសំខាន់​ចំពោះអតីតយុទ្ធជន គឺផ្ដោតការយកចិត្តទុកដាក់សំខាន់ ២ចំណុចជាប្រចាំ ក្នុងនោះមាន៖ ទី១ គឺជីវភាពរបស់អតីតយុទ្ធជន តាមរយៈការដំឡើងប្រាក់ខែ និងប្រាក់​ឧបត្ថម្ភនានាទៅតាមកម្រិតនៃការរីកចម្រើនរបស់សេដ្ឋកិច្ចជាតិ ដូចមន្ត្រី​រាជការទូទៅដែរ រួមទាំងការផ្ដល់សេវាព្យាបាល និងសេវាតម្រូវការនានា​ជាច្រើនទៀត។ ការយកចិត្តទុកដាក់ទី២ គឺកិត្តិយស តាមរយៈការកំណត់​យកថ្ងៃទី២១ មិថុនា ដើម្បីប្រារព្ធទិវាអតីតយុទ្ធជនជារៀងរាល់ឆ្នាំ ។ សម្តេចធិបតី ហ៊ុន ម៉ាណែត បានបន្តថា រាជរដ្ឋាភិបាល មិនដែលទុកបងប្អូន​អតីតយុទ្ធជនចោលឡើយរាប់ចាប់តាំងពីកម្ពុជាងើបចេញមកពីបាតដៃទទេរហូតមកដល់ពេលនេះ គឺរាជរដ្ឋាភិបាលតែងតែគិតរឿងពីរយ៉ាងដល់​បងប្អូនអតីតយុទ្ធជន ក្នុងនោះគឺជីវភាព និងកិត្តិយស ទៅដល់បងប្អូនអតីតយុទ្ធជន ។ សម្តេចធិបតី ក៏បានអះអាងជាថ្មីម្តងទៀតថា រាជរដ្ឋាភិបាលកម្ពុជា​ដឹកនាំ​ដោយ​​គណបក្សប្រជាជនកម្ពុជា នឹងធ្វើឲ្យប្រទេសមានការរីក​ចម្រើនពីមួយ​ឆ្នាំទៅមួយឆ្នាំ ជាក់ស្តែងដូច ភូមិប៊ុនរ៉ានីសែនជ័យ ដំណាក់​ទ្រយឹងយ៉ាង​ដូច្នេះដែរ បានប្រែក្លាយពីតំបន់គ្មានមនុស្សនៅ តំបន់សង្រ្គាម មកជាតំបន់​មានមនុស្សច្រើនមានមន្ទីរពេទ្យ មានសាលារៀន និងផ្លូវថ្នល់ជាដើម ។…