កំពង់ស្ពឺ៖ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារ​សាធារណៈ និង​ជា​ប្រធាន​ក្រុមការងារ​រាជរដ្ឋាភិបាល​ចុះជួយខេត្ត​កំពង់ស្ពឺ បានមានប្រសាសន៍ថា ទិវា​ជ័យជម្នះ ៧មករា គឺជាថ្ងៃដែល​ប្រជា​ជាតិរស់រានមាន​ជីវិតឡើងវិញពី​ជ្រោះមរណៈនៃ​របបបន​ប្រល័យ​ពូជសាសន៍ ប៉ុល ពត។ ក្នុងពិធីអបអរសាទរខួបទី៤៦នៃទិវាជ័យជម្នះ៧មករាឆ្នាំ១៩៧៩ -៧ មករា ឆ្នាំ២០២៥នៅវិមានឯករាជ្យខេត្តកំពង់ស្ពឺ​កាលពីព្រឹកថ្ងៃទី៧ ខែមករា ឆ្នាំ២០២៥ ឯកឧត្តមឧបនាយករដ្ឋមន្ត្រី ហ៊ុន ម៉ានី បានរំឭកអំ​ពីគុណបំណាច់នៃថ្ងៃ៧មករា ឆ្នាំ១៩៧៩ ខណៈថ្ងៃនេះត្រូវបាន​ប្រជាពលរដ្ឋខ្មែរទូទាំងប្រទេសចងចាំមិនអាចបំភ្លេចបាន ហើយ​ថែម​ទាំង​ប្រសិទ្ធ​នាម​ថាជាថ្ងៃកំណើតទី២របស់ពួកគាត់ដែលបាន​រួច​ផុ​ត​ពី​របប​ដ៏​ខ្មៅ​ងងឹត​របស់​ខ្មែរ​ក្រហម​។ ឯកឧត្តម​បានលើកឡើងបន្ថែមថា៧មករា កើតចេញពីការងើបឡើង​តស៊ូរបស់យុទ្ធជន ដែល​មិន​អាច​ទ្រាំ​ឃើញ​ប្រជាជន​រងទុក្ខវេទនា ក្នុងសោកនាដកម្មអស់រយៈពេល៣ឆ្នាំ ៨ខែ និង២០ថ្ងៃ។ហើយបើ​គ្មាន​ការ​ចាក​ចេញទៅស្វែងរក​ការសង្រ្គោះ​ជាតិពីសំណាក់សម្តេចតេជោ នៅថ្ងៃទី២០ ខែមិថុនា ឆ្នាំ១៩៧៧ និង​ការប្រមូលផ្តុំនៃកម្លាំងពីទិស​នានា មុននឹងបង្កើតបានរណសិរ្ស​សាមគ្គី​សង្រ្គោះជាតិកម្ពុជា។ ជាមួយនោះឧបនាយករដ្ឋមន្រ្តីនិងជាប្រធានក្រុមការងារចុះជួយ ក៏បានបញ្ជាក់បន្ថែមទៀតថា នេះជាសច្ចធម៌​ប្រវត្តិសាស្រ្ត​មួយដែល​មិនអាចប្រកែកបាន។ក្នុងនាមយើង​ខ្ញុំ​ជា​យុ​វជនជំនាន់ក្រោយចងចាំ​ជានិច្ចគុណូបការៈដ៏ធំធេងនៃថ្ងៃ ៧មករា ដែលជា​ចំណុច​ផ្តើម​នៃ​ដំណើរ​ស្វែង​រកសន្តិភាព និងការអភិវឌ្ឍជាបន្តបន្ទាប់ រហូតមកដល់យើង​មានអ្វីៗ​ដូច​សព្វថ្ងៃ​នេះ​ហើយថ្ងៃ ៧មករា នឹងឋិតនៅក្នុងបេះដូងរបស់​យើងជារៀងរហូតតទៅ៕ ដោយ៖ម៉ុន សំអាត

កែប៖នៅបរិវេណវិមានឯករាជ្យ រដ្ឋបាលខេត្តកែប កាលពីព្រឹកថ្ងៃទី៧ ខែមករា ឆ្នាំ២០២៥ បានប្រារព្ធពិធី រំលឹកខួប​អនុស្សា​វរីយ៍លើកទី៤៦ ទិវាជ័យជម្នហ ៧មករា ១៩៧៩- ៧មករា ២០២៥ ក្រោមអធិបតីភាពឯកឧត្តម អ៊ុក ថា ប្រធានក្រុម​ប្រឹក្សាខេត្ត និងឯកឧត្ដមបណ្ឌិត សោម ពិសិដ្ឋ អភិបាលខេត្តកែប ។ ​ក្នុងឱកាសនោះ ឯកឧត្តមបណ្ឌិត សោម ពិសិដ្ឋ បានអានសុន្ទរកថា សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភានៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ថ្លែងក្នុងពិធីរំលឹកខួបអនុស្សាវរីយ៍លើកទី៤៦ នៃទិវាជ័យជម្នះ៧មករា ដែលមានខ្លឹមសារយ៉ាងជ្រាលជ្រៅថា “ថ្ងៃនេះជាថ្ងៃដ៏ឱឡារិក របស់ប្រជាជនកម្ពុជាទូទាំងប្រទេស ដើម្បីអបអរសាទរខួបអនុស្សាវរីយ លើកទី៤៦ ទិវាជ័យជម្នះជាប្រវត្តិសាស្ត្រ នាថ្ងៃ ៧ មករា ១៩៧៩ ដែលបានផ្តួលរំលំ​របបប្រល័យពូជ សាសន៍ ប៉ុល ពត ធ្វើឱ្យប្រជាជនកម្ពុជាបានរស់ឡើងវិញ ហើយបានស្ថិតស្ថេរគង់វង្ស និងរីកចម្រើន​រហូតសព្វថ្ងៃនេះ។​  សូមរំលឹកថា ក្នុងរយៈពេល ៤៦ឆ្នាំចុងក្រោយនេះ កម្ពុជា បានប្រែក្លាយទៅជាទឹកដីដ៏ស្រស់បំព្រងប្រកបដោយសន្តិភាព សេរីភាព…

ស្វាយរៀង៖ឯកឧត្តម ម៉ែន​ វិបុល ប្រធានក្រុម ប្រឹក្សាខេត្ត ,ឯកឧត្តម​ ប៉េង​ ពោធិ៍សា អភិបាលខេត្តស្វាយរៀង​នាព្រឹកថ្ងៃទី៧​ ខែមករា ឆ្នាំ២០២៥​​ បានអញ្ជើញជាអធិបតីក្នុងពិធីមីទ្ទីងរំឭកខួបអនុស្សា​វរីយ៍លើកទី៤៦ នៃទិវាជ័យជម្នះ ៧មករា (០៧ មករា ១៩៧៩-០៧ មករា ២០២៥) នៅបរិវេណសាលាខេត្ត។ នាឱកាសនេះ ឯកឧត្តម ប៉េង ពោធិ៍សា បានរំលឹកពី អត្ថន័យដ៏​ជ្រាលជ្រៅនៃកម្លាំងមហាសាមគ្គីជាតិក្រោមការដឹកនាំ​របស់សម្ដេច​​អគ្គមហាធម្មពោធិសាល ជា ស៊ីម សម្ដេចអគ្គមហាពញាចក្រី ហេង សំរិន និងសម្ដេចអគ្គមហា​សេនាបតីតេជោ ហ៊ុន សែន ប្រទេស​កម្ពុជាទាំងមូល ត្រូវបានរំដោះឲ្យរួចចាកផុតពីរបបកម្ពុជា​ប្រជាធិប​តេយ្យ ប្រល័យពូជសាសន៍ពួក ប៉ុល ពត ដ៏សាហាវយង់ឃ្នង និងបាននាំមកនូវសុខសន្តិភាព សិទ្ធិសេរីភាព សេចក្ដីថ្លៃថ្នូរ វឌ្ឍនភាពសង្គម នៅថ្ងៃទី០៧ ខែមករា ឆ្នាំ១៩៧៩។ ដោយឡែក​ខេត្តស្វាយរៀង ត្រូវបានរំដោះនៅថ្ងៃទី៤ ខែមករា ឆ្នាំ១៩៧៩ ដែលប្រជាជនកម្ពុជាទូទាំង​ប្រទេសចាត់ទុកជាថ្ងៃកំណើតលើកទី២ និងចងចាំជានិច្ចមិនអាចបំភ្លេចបានជារៀងដរាប ។ ឯកឧត្តម ក៏បានគូសរំលេចពីសមិទ្ធផលដែលកសាងពីបាតដៃទទេ…

(ខេត្តណ្តាល)៖ ប្រជាជនខេត្តកណ្ដាលចាត់ទុក ថ្ងៃ៧មករាជាថ្ងៃកំណើតទី២ និងបានធ្វើឱ្យគ្រួសារខ្មែរ និងប្រទេសជាតិទាំងមូល មានជីវិតរស់រានឡើងវិញ ចេញពីការកាប់សម្លាប់ និងភាពងងឹតសូន្យសុង នៃរបបវាលពិឃាត របស់បនប្រល័យពូជសាសន៍ ប៉ុល ពត ហើយបានចាប់ផ្តើមអភិវឌ្ឍន៍ប្រទេសពីចំណុចក្រោមសូន្យ ឱ្យទទួលបានការរីកចម្រើនលើគ្រប់វិស័យ ក្រោមម្លប់សុខសន្តិភាព និងវឌ្ឍនភាពសង្គម។ រដ្ឋបាលខេត្តកណ្ដាល នៅព្រឹកថ្ងៃទី០៧ ខែមករា ឆ្នាំ២០២៥ បានរៀបចំពិធីអបអរសាទរខួបលើកទី៤៦ នៃទិវាជ័យជម្នះ ៧មករា (៧ មករា ១៩៧៩ – ៧ មករា ២០២៥) ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្ដាល ដែលពិធីនេះប្រារព្ធធ្វើនៅសួនច្បារមាត់ទន្លេបាសាក់ ក្រុងតាខ្មៅ ខេត្តកណ្តាល ដោយមានការអញ្ជើញចូលរួមពីឯកឧត្ដម នូ សាខន ប្រធានក្រុមប្រឹក្សាខេត្តកណ្ដាល និងឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល ឯកឧត្ដម លោកជំទាវ ក្រុមការងាររាជរដ្ឋាភិបាលចុះមូលដ្ឋានខេត្តកណ្ដាល កងកម្លាំងទាំង៣ មន្ត្រីរាជការ…

(ភ្នំពេញ)៖ អង្គភាពប្រឆាំងអំពើពុករលួយបានឱ្យដឹងថា៖បើទោះបីថ្ងៃរម្លឹកខួប ៤៦ឆ្នាំ ទិវាជ័យជម្នះលើរបបប្រល័យពូជសាសន៍ ៧ មករា (១៩៧៩-២០២៥) ការទទួលឯកសារប្រកាសទ្រព្យសម្បត្តិ និងបំណុលនៅតែបន្តជាធម្មតា និងមានរយៈពេលពេញមួយខែ រហូតដល់ថ្ងៃទី៣១ ខែមករា ឆ្នាំ២០២៥។ ប្រភពខាងលើនេះបានឱ្យដឹងថា៖បើតាមនាយកដ្ឋានប្រកាសទ្រព្យសម្បត្តិ និងបំណុល ចាប់ពីម៉ោង ៨ព្រឹក ដល់ ម៉ោង១២ថ្ងៃត្រង់នេះ នាយកដ្ឋានបានទទួលឯកសារពីអ្នកជាប់កាតព្វកិច្ចត្រូវប្រកាសទ្រព្យសម្បត្តិ និងបំណុល បានចំនួន ១២៤ រូប ធ្វើឲ្យឯកសារប្រកាសទ្រព្យសម្បត្តិ និងបំណុលបានកើនទៅដល់ ចំនួន ១៣,៩៧៩ រូប ស្មើនឹង ៦១.៤៦% នៃចំនួនត្រូវប្រកាសសរុប ២២,៧៧៦ រូប។ គួរបញ្ជាក់ថា ៖ ពេញមួយខែមករា ឆ្នាំ២០២៥ ក្រុមការងារនាយកដ្ឋានប្រកាសទ្រព្យសម្បត្តិ និងបំណុល សូមអញ្ជើញអ្នកជាប់កាតព្វកិច្ចប្រកាសទ្រព្យសម្បត្តិ និងបំណុលមកធ្វើការប្រកាសស្របតាមច្បាប់កំណត់ឱ្យបានរួសរាន់ នៅថ្ងៃណាក៏បាន ៧ថ្ងៃក្នុងមួយសប្តាហ៍ចាប់ពីម៉ោង ៨ ព្រឹក ដល់ ម៉ោង ៥ល្ងាច ដោយមិនឈប់សម្រាកថ្ងៃសៅរ៍អាទិត្យ និងថ្ងៃបុណ្យឡើយ៕ ដោយ ៖ ម៉ាដេប៉ូ

(ភ្នំពេញ)៖ កម្ពុជា និងឥណ្ឌូនេស៊ី ស្វាគមន៍កិច្ចខិតខំប្រឹងប្រែង ដើម្បីបង្កើនពាណិជ្ជកម្មអង្ករ និងសហប្រតិបត្តិការក្នុងឧស្សាហកម្មអាហារហាឡាល់ ។ នេះបើតាមលទ្ធផលនៃជំនួបដែល ឯកឧត្តម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានទទួលការចូលជួបសម្តែងការគួរសមរបស់ឯកឧត្តម Santo Darmosumarto ឯកអគ្គរដ្ឋទូតនៃសាធារណរដ្ឋឥណ្ឌូណេស៊ីប្រចាំកម្ពុជា នៅទីស្តីការក្រសួងការបរទេស នៅថ្ងៃទី៦ ខែមករា ឆ្នាំ២០២៥ ។ ឯកឧត្តម ឧបនាយករដ្ឋមន្ត្រី បានរំលឹកពីការគាំទ្ររបស់ ប្រទេសឥណ្ឌូណេស៊ីចំពោះដំណើរការសន្តិភាពនៅកម្ពុជា និងបានកោតសរសើរចំពោះទំនាក់ទំនង ទ្វេភាគីដ៏រឹងមាំរវាងប្រជាជាតិទាំងពីរ លើវិស័យនយោបាយ សេដ្ឋកិច្ច និងកិច្ចសហប្រតិបត្តិការលើវិស័យការពារជាតិ។ ឯកឧត្តម ឧបនាយករដ្ឋមន្ត្រី និង ឯកឧត្តមឯកអគ្គរដ្ឋទូត មានសេចក្តីសោមនស្សរីករាយ ចំពោះការផ្លាស់ប្តូរកម្រិតខ្ពស់ដ៏កក់ក្តៅ និងប្រកបដោយមិត្តភាពរវាងថ្នាក់ដឹកនាំនៃប្រទេសទាំងពីរ និងជោគជ័យនៃកិច្ចប្រជុំលើកទី៥ នៃគណៈកម្មការចម្រុះកម្ពុជា-ឥណ្ឌូណេស៊ី សម្រាប់កិច្ចសហប្រតិបត្តិការទ្វេភាគី (The 5th JCBC) ដែលបានប្រព្រឹត្តទៅកាលពីខែសីហា ឆ្នាំ២០២៤ ដោយបាន ពង្រឹងទំនាក់ទំនងទ្វេភាគីឱ្យកាន់តែរឹងមាំថែមទៀត ។ ឯកឧត្តម ឧបនាយករដ្ឋមន្ត្រី និងឯកឧត្តម ឯកអគ្គរដ្ឋទូត មានទស្សនៈរួមគ្នាថា…