(ភ្នំពេញ)៖ ក្រុមការងាររាជរដ្ឋាភិបាលចុះមូលដ្ឋាន និងរដ្ឋបាលមូលដ្ឋានខេត្តព្រះសីហនុ កំពត និងកែប នៃក្រសួងរៀបចំដែនដី នគរូបនីយកម្ម និងសំណង់ រួមជាមួយអាជ្ញាធរមូលដ្ឋានគ្រប់ថ្នាក់បាននិងកំពុងអនុវត្ត នូវយុទ្ធសាស្ត្របញ្ចកោណ ដំណាក់កាលទី១ “មនុស្ស ផ្លូវ ទឹក ភ្លើង បច្ចេកវិទ្យា” គោលនយោបាយអាទិភាពទាំង ៦ និងវិធានការគន្លឹះទាំង ៥ របស់រាជរដ្ឋាភិបាលប្រកបដោយនវានុវត្តន៍ និងភាពប្រាកដនិយម។នេះបើតាមសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់២៦ វិច្ឆិកា ២០២៤។ ប្រភពខាងលើនេះបានឱ្យដឹងដែរថា ៖ តាមរយៈការអនុវត្តគោលនយោបាយនេះក៏បាននិងកំពុងទ្រទ្រង់ការអភិវឌ្ឍសេដ្ឋកិច្ច-សង្គមតំបន់ឆ្នេរ និងបែងចែកផ្លែផ្កានៃការអភិវឌ្ឍប្រកបដោយសមធម៌ដល់ប្រជាពលរដ្ឋនៅជាមួយគ្នានេះក្រុមការងារនឹងបន្តជ្រោងទង់សាមគ្គី ឯកភាពផ្ទៃក្នុងរឹងមាំ ក្នុងការជំរុញកសាងនូវសមិទ្ធផលថ្មីៗបន្ថែមទៀត ដើម្បីធានាថាប្រជាពលរដ្ឋនៅមូលដ្ឋាន មានជីវភាពរស់នៅកាន់តែប្រសើរឡើង និងជំរុញចក្ខុវិស័យក្នុងការប្រែក្លាយខេត្តនៃតំបន់ឆ្នេរជាតំបន់សេដ្ឋកិច្ចពិសេស I’mគំរូពហុបំណង ជារបៀងសេដ្ឋកិច្ចពិសេសពហុបំណងនិងប្រទាក់ក្រឡា៕ ដោយ ៖ ម៉ាដេប៉ូ

(ភ្នំពេញ)៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរា ជាណាចក្រកម្ពុជា បានអនុញ្ញាតឱ្យ ឯកឧត្តមនាយឧត្តមសេនីយ៍ ចាន់សាម៉ាន ចាន់យ៉ាឡាត់ (Chansamone Chanyalath) ឧបនាយករដ្ឋមន្ត្រី រដ្ឋមន្ត្រី ក្រសួងការពារប្រទេសនៃសាធារណរដ្ឋប្រជាធិបតេយ្យប្រជាមានិតឡាវ និងឯកឧត្តម នាយឧត្តមសេនីយ៍ ហ្វាន វ៉ាន់ហ្សាង (Phan Van Giang) រដ្ឋមន្ត្រីក្រសួងការពារប្រទេសនៃសាធារណរដ្ឋសង្គមនិយមវៀតណាម ចូលជួបសម្ដែងការគួរសម និងពិភាក្សាការងារ នៅវិមានសន្ដិភាព នាព្រឹកថ្ងៃទី២៦ ខែវិច្ឆិកា ឆ្នាំ២០២៤ ។ ក្នុងឱកាសនៃជំនួប ឯកឧត្តមរដ្ឋមន្ត្រីការពារប្រទេស ឡាវ និង វៀតណាម បានគោរពជម្រាបជូនសម្ដេចបវរធិបតី អំពីលទ្ធផលប្រកបដោយផ្លែផ្កា នៃកិច្ច ប្រជុំរដ្ឋមន្ត្រីការពារជាតិ កម្ពុជា ឡាវ និង វៀតណាម ក៏ដូចជាជោគជ័យ នៃលំហាត់ហ្វឹកហ្វឺនរួមគ្នា ក្រោមប្រធានបទ «ប្រតិបត្តិការជួយសង្គ្រោះ គ្រោះមហន្តរាយ បាក់រលំអគារ» ដែលកម្ពុជាធ្វើជាម្ចាស់ផ្ទះ នៅឆ្នាំ២០២៤ ផងដែរ។ ការណ៍នេះបានបង្ហាញពីទំនាក់ទំនង និង…

(ភ្នំពេញ)៖ មន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ បាននិងកំពុងឆ្លើយតបទៅនឹងគោលនយោបាយរបស់ក្រសួងរៀបចំដែនដី នគរូបនីយកម្ម និងសំណង់ ក្នុងការបញ្ចប់បញ្ហាចម្រូងចម្រាសក្នុងសង្គម តាមរយៈការចុះបញ្ជីដីធ្លីបង្ហើយ បង្កើតបរិយាកាសគ្មានវិវាទ និងសេវាគាប់ចិត្ត ។ សូមគូសបញ្ជាក់ថា ក្រៅពីការចុះបញ្ជីដីនៅរាជធានីភ្នំពេញ ចាប់ពីថ្ងៃទី០១ ខែវិចិ្ឆកា ឆ្នាំ២០២៣ មកដល់បច្ចុប្បន្ន មន្ទីរ ដ.ន.ស.ស. រាជធានីភ្នំពេញ បានចូលរួមក្នុងការចុះបញ្ជីដីធ្លីបង្ហើយនៅខេត្តកំពង់ស្ពឺ និងសម្រេចបានការវាស់វែង និងបញ្ចូលទិន្នន័យបាន ២៧០ ០០០ក្បាលដី បិទផ្សាយទិន្នន័យបាន ២៦០ ០០០ក្បាលដី ចេញបណ្ណបាន ២២០ ០០០បណ្ណ និងចែកបណ្ណដល់ដៃប្រជាពលរដ្ឋបានចំនួន ១៤៣ ០០០បណ្ណ ។ ការបញ្ជាក់នេះ គឺក្នុងសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី២៦ ខែវិច្ឆិកា ឆ្នាំ២០២៤ ។ ដោយឡែក មន្ទីរ ដ.ន.ស.ស. រាជធានីភ្នំពេញ បានចូលរួមក្នុងការចុះបញ្ជីតាមប្រព័ន្ធអនឡាញនូវមុខសេវាចាំបាច់មួយចំនួនដូចជា លក់ផ្តាច់ អំណោយផ្តាច់…

(ភ្នំពេញ)៖ គណៈស្ថាបត្យករកម្ពុជា នៃក្រសួងរៀបចំដែនដី នគរូបនីយកម្ម និងសំណង់ បាននិងកំពុងអនុវត្តតាមគោលនយោបាយរបស់រាជរដ្ឋាភិបាល គោលនយោបាយរបស់ក្រសួងរៀបចំដែនដី នគរូបនីយកម្ម និងសំណង់ និងគោលនយោបាយជាតិស្ដីពីស្ថាបត្យកម្មកម្ពុជា ក្នុងគោលដៅសម្រេចឱ្យបាននូវចក្ខុវិស័យគោលគឺ អត្តសញ្ញាណជាតិ កិត្យានុភាពជាតិ ឆ្ពោះទៅស្ថាបត្យកម្មខ្មែរនាសហសម័យកម្ពុជា និងសម្រេចចក្ខុវិស័យស្ថាបត្យកម្មឌីជីថលឆ្នាំ២០៣០-២០៥០ ឱ្យទទួលបានជោគជ័យ ។ ការបង្ហាញពីចក្ខុវិស័យរបស់គណៈស្ថាបត្យករកម្ពុជា បានធ្វើឡើងក្នុងសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី២៦ ខែវិច្ឆិកា ឆ្នាំ២០២៤ ។ សូមគូសបញ្ជាក់ថា គណៈស្ថាបត្យករកម្ពុជាបានរៀបចំគោលនយោបាយជាតិស្ដីពីស្ថាបត្យកម្មកម្ពុជា ដែលមានចំនួន ៦ ផែនការយុទ្ធសាស្ដ្រ រួមមាន៖១. ការគ្រប់គ្រង និងការលើកកម្ពស់សមត្ថភាពវិជ្ជាជីវៈវិស័យស្ថាបត្យកម្ម២. ជំរុញការស្រាវជ្រាវ នវានុវត្ដន៍ និងការប្រកួតប្រជែងស្នាដៃស្ថាបត្យកម្ម៣. ពង្រឹងគុណភាពអប់រំ ដើម្បីទទួលបានជំនឿទុកចិត្ត៤. ជំរុញការផ្សព្វផ្សាយសាធារណៈពីរបកគំហើញថ្មីៗ នៃវិស័យស្ថាបត្យកម្ម៥. ការលើកកម្ពស់ការយល់ដឹងពីតម្លៃវប្បធម៌សំណង់បេតិកភណ្ឌ៦. ការធ្វើសមាហរណកម្មវិស័យស្ថាបត្យកម្មចូលក្នុងសហគមន៍អាស៊ាន និងពិភពលោក ៕ ដោយ / គ្រី សម្បត្តិ

(ភ្នំពេញ)៖ បេសកជនពិសេសរដ្ឋាភិបាលជប៉ុន បានថ្លែងអំណរគុណសម្តេចតេជោ និងប្រទេសកម្ពុជា ដែលបានធ្វើឱ្យប្រទេសជប៉ុន មានមុខមានមាត់ ក្នុងឆាកអន្តរជាតិ ពាក់ព័ន្ធនឹងការបញ្ជូនកម្លាំងប្រតិបត្តិការ រក្សាសន្តិភាព (PKO) ទៅក្រៅប្រទេស ដោយសម្តេច យល់ព្រមឱ្យមាន កម្លាំងប្រតិបត្តិការ រក្សាសន្តិភាព របស់ជប៉ុន នៅកម្ពុជា ក្រោមឆ័ត្រអ៊ុនតាក់ ។ លោក Masaharu KOHNO បេសកជនពិសេស រដ្ឋាភិបាលជប៉ុន បានថ្លែងដូច្នេះ ក្នុងឱកាសដែល សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា អនុញាតិឱ្យចូលជួប សម្ដែងការគួរសម កាលពីថ្ងៃទី២៥ ខែវិច្ឆិកា ឆ្នាំ២០២៤ នៅវិមាន៧មករា រាជធានីភ្នំពេញ ។ ក្នុងឱកាសនៃជំនួប លោក Masaharu KOHNO បានជម្រាបជូនសម្ដេចថា លោកពិតជាកោតសរសើរ ដោយស្មោះអស់ពីដួងចិត្តចំពោះសម្តេចតេជោ ដែលជាអ្នកឈ្នះនៅក្នុងដំណើរស្វែងរកសន្តិភាព ដល់ប្រទេសកម្ពុជាយ៉ាងពិតប្រាកដ។ បេសកជនពិសេសរដ្ឋាភិបាលជប៉ុនរូបនេះ ក៏ថ្លែងអំណរគុណ សម្តេច និងប្រទេសកម្ពុជា ដែលបានធ្វើឱ្យប្រទេសជប៉ុន មានមុខមានមាត់ ក្នុងឆាកអន្តរជាតិពាក់ព័ន្ធនឹងការបញ្ជូនកម្លាំងប្រតិបត្តិការរក្សាសន្តិភាព (PKO)…

(ភ្នំពេញ)៖ ក្នុងសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី២៦ ខែវិច្ឆិកា ឆ្នាំ២០២៤ អគ្គនាយកដ្ឋានសំណង់ នៃក្រសួងរៀបចំដែនដី នគរូបនីយកម្ម និងសំណង់ បានអនុវត្តការងារតាមតួនាទីនិងភារកិច្ច ដើម្បីឆ្លើយតបទៅនឹងយុទ្ធសាស្រ្តបញ្ចកោណរបស់រាជរដ្ឋាភិបាល ដែលក្នុងនោះ រួមមាន៖ ១. ការបង្កើនសមត្ថភាពមន្ត្រី៖ ដោយបានធ្វើការបណ្តុះបណ្តាលផ្ទៃក្នុងដល់មន្ត្រីរាជការនៅទីស្ដីការក្រសួង និងមន្ទីរ ដ.ន.ស.ស.រាជធានី ខេត្ត និងការផ្សព្វផ្យាយអំពីនីតិវិធីនៃការធ្វើអធិការកិច្ចសំណង់ និងបទប្បញ្ញត្តិពាក់ព័ន្ធក្នុងវិស័យសំណង់។ ២. ការកសាងរដ្ឋបាលទំនើប៖ ដោយបានធ្វើការកសាងបទដ្ឋានបច្ចេកទេស និងបទប្បញ្ញាត្តិបច្ចេកទេសក្នុងវិស័យសំណង់ និងការធ្វើឌីជីថលូបនីយកម្មក្នុងវិស័យសំណង់។ ៣. ការកសាងលិខិតបទដ្ឋានគតិយុត្ត៖ ដើម្បីគាំទ្រការអនុវត្តច្បាប់ស្ដីពីសំណង់ក្នុងគោលដៅពង្រឹងគុណភាព និងសុវត្ថិភាពសំណង់ ការលើកកម្ពស់សោភណភាពសំណង់និងបរិស្ថាន និងការលើកតម្កើងស្ថាបត្យកម្មខ្មែរសហសម័យ និងរចនាបថខ្មែរទំនើប។ ៤. ការគ្រប់គ្រងអ្នកប្រកបវិជ្ជាជីវៈ និងអ្នកប្រកបអាជីវកម្ម៖ ដោយបានធ្វើការពិនិត្យសមត្ថភាពវិជ្ជាជីវៈក្នុងការផ្ដល់អាជ្ញាបណ្ណប្រកបអាជីវកម្មក្នុងវិស័យសំណង់ ស្ថាបត្យករនិងវិស្វករ និងការបណ្តុះបណ្តាលវិជ្ជាជីវៈជាបន្តបន្ទាប់ដល់អ្នកវិជ្ជាជីវៈ និងអ្នកសេដ្ឋកិច្ចក្រៅប្រព័ន្ធក្នុងការងារសំណង់។ ៥. ការផ្តល់សេវាសាធារណៈក្រោមបរិយាកាសនៃការផ្តល់សេវាគាប់ចិត្ត៖ ដោយបានផ្ដល់លិខិតអនុញ្ញាតសាងសង់សរុបចំនួន ២ ៦២២គម្រោង ការចុះត្រួតពិនិត្យការដ្ឋានសរុបចំនួន ១ ៨៧១ការដ្ឋាន រួមទាំងការដោះស្រាយវិវាទសំណង់ ៕ ដោយ…