(ភ្នំពេញ)៖ដើម្បីពិនិត្យវឌ្ឍនភាពការងារ និងជាសាក្សី នៃកំណែសន្លឹកកិច្ចការបេក្ខជន ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការប្រឡងប្រជែង បានអញ្ជើញចុះពិនិត្យដំណើរការកែសន្លឹកកិច្ចការបេក្ខជន ដែលបានប្រឡងប្រជែងជ្រើសរើសគ្រូបង្រៀននៅបឋមសិក្សា(វិញ្ញាសាសរសេរលើកទី១) កន្លងទៅថ្មីៗនេះ។ ដំណើរការកែសន្លឹកកិច្ចការ សម្រាប់ការប្រឡងប្រជែងជ្រើសរើសគ្រូបង្រៀននៅបឋមសិក្សា (វិញ្ញាសាសរសេរលើកទី១) ដើម្បីសម្រាំងបេក្ខជន កំពុងដំណើរការនៅសាលាភូមិន្ទរដ្ឋបាល មានសន្លឹកកិច្ចការរហូតជិតបួនម៉ឺនច្បាប់ ហើយចូលរួមកែដោយគរុនិស្សិត ចំនួន ២៤៦នាក់ (ស្រី ១៨២នាក់)។ ក្នុងដំណើរការ កែសន្លឹកកិច្ចការបេក្ខជន មានការតាមដាន ឃ្លាំមើលពីអ្នកសង្កេតការណ៍មកពីសាកលវិទ្យាល័យ និងមហាជន ព្រមទាំងអនុគណៈកម្មការត្រួតពិនិត្យ និងវាយតម្លៃ លើសពីនេះ ក៏មានការពិនិត្យ ផ្ទៀងផ្ទាត់បន្ថែមលើសន្លឹកកិច្ចការដែលកែរួច ដោយអង្គភាពប្រឆាំងអំពើពុករលួយផងដែរ ៕ ដោយ ៖ ង៉ាន់ ទិត្យ

(កំពង់ឆ្នាំង)៖ ឯកឧត្តម រដ្ឋមន្រ្តីបរិស្ថាន បានជំរុញដល់មន្រ្តី នៃមន្ទីរបរិស្ថានខេត្តកំពង់ឆ្នាំង ត្រូវរួមសហការគ្នាបណ្តុះកូនត្នោតដែលជារុក្ខជាតិខ្មែរ សំរាប់យកទៅធ្វើការដាំដុះ នៅតាមតំបន់សំខាន់ៗ អាចបង្កើតជាសក្តានុពលរបស់ខេត្ត ដើម្បីទាក់ទាញភ្ញៀវទេសចរណ៍ បង្កើនតចំណូលចូលសហគមន៍ផងដែរ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានជំរុញបែបនេះ ខណៈជួបសំណេះសំណាល មន្រ្តីរាជការនៃមន្ទីរបរិស្ថានខេត្តកំពង់ឆ្នាំង នាព្រឹកថ្ងៃទី ២៤ ខែកក្កដា ឆ្នាំ ២០២៤នេះ និងដើម្បីរួមចំណែក ដោះស្រាយនូវបញ្ហាលំបាកនានារបស់មន្រ្តីរាជការក្រោមឱវាទ និងជាក្រុមគ្រួសារបរិស្ថាន ដែលមានយុទ្ធសាស្រ្តតែមួយ គោលដៅតែមួយ អនុវត្តយុទ្ធសាស្រ្តចក្រាវិស័យបរិស្ថាន ដែលផ្តោតលើសសរស្តមបី គឺស្អាត បៃតង និងចីរភាព និងសម្រេចបាននូវយុទ្ធសាស្រ្តបញ្ចកោណ ដំណាក់កាលទី១នៃរាជរដ្ឋាភិបាលកម្ពុជានីតិកាលទី៧ នៃរដ្ឋសភា។ ឯកឧត្តមបណ្ឌិត អ៊ាង សុផល្លែត ជំរុញឱ្យមន្រ្តីបន្តពង្រឹងសមត្ថភាព ធ្វើអ្វីឲ្យច្បាស់ ឲ្យល្អ មានគុណភាព ភាពរឹងមាំ និងត្រូវចូលរួមធ្វើការប្តជ្ញាចិត្ត អនុវត្តនូវការងារទទួលបានជោគជ័យ ពិសេសត្រូវចូលរួមផ្សព្វផ្សាយ ក៏ដូចជាលើកទឹកចិត្ត ឱ្យមានស្មារតីនៃអ្នកបរិស្ថាន ជំរុញឱ្យភាពស្អាតក្លាយជាចលនា កាត់បន្ថយប្លាស្ទិកបន្តិចម្តងៗឱ្យអស់នៅក្នុងពេលខាងមុខ និងជំរុញការបណ្តុះនិងចែកកូនឈើ តាមរយៈយុទ្ធនាការ ពន្លកបៃតង។ ឯកឧត្តម…

(ភ្នំពេញ)៖ ក្នុងគោលដៅរួម នៅព្រឹកថ្ងៃទី២៤ ខែកក្កដា ឆ្នាំ២០២៤ គណៈបញ្ជាការឯកភាពរដ្ឋបាល ស្រុកកៀនស្វាយ និងខណ្ឌច្បារអំពៅបានបើកកិច្ចប្រជុំរួមគ្នាជាលើកទីពីរដើម្បីពង្រឹងសន្តិសុខសុវត្ថិភាពនៅមូលដ្ឋានស្រុកនិងខណ្ឌនិយាយរួម បើកកិច្ចសហការប្រតិបត្តិរួមគ្នា អនុវត្តគោលនយោបាយ ភូមិ ឃុំ សង្កាត់ មានសុវត្ថិភាពឲ្យមានប្រសិទ្ធភាព ។ កិច្ចប្រជុំ រួមជាលើកទីពីរនេះបានធ្វើឡើងក្រោមវត្តមានលោកអ៊ូឈាង ប្រធានក្រុមប្រឹក្សាស្រុក លោកឡូវ សុខសាន្ត អភិបាលស្រុកកៀនស្វាយ , លោកអ៊ុ ម៉ារ៉េត ប្រធានក្រុមប្រឹក្សាខណ្ឌ លោកចេង មុនីរ៉ា អភិបាលខណ្ឌ ច្បារអំពៅនឹងមានការចូលរួមពី លោកអធិការនគរបាលខណ្ឌ-ស្រុក , លោកមេបញ្ជាការកងរាជអាវុធហត្ថខណ្ឌ-ស្រុក , លោកនាយប៉ុស្តិ៍នគរបាលរដ្ឋបាលដែលមានព្រំប្រទល់ជាប់គ្នា និងលោក-លោកស្រីដែលជាមេឃុំចៅសង្កាត់មានព្រំប្រទល់ជាប់គ្នា ។ ថ្លែងនៅក្នុងកិច្ចប្រជុំលោកចេង មុនីរ៉ាអភិបាលខណ្ឌច្បារអំពៅ និងលោក ឡូវសុខសាន្ត អភិបាលស្រុកកៀនស្វាយបានដាក់ចេញនូវគោលដៅរួមគ្នា គឺអនុវត្តគោលនយោបាយ ភូមិ ឃុំ-សង្កាត់មានសុវត្ថិភាព ឲ្យមានប្រសិទ្ធភាព សំដៅធ្វើយ៉ាងណាផ្ដល់សេចក្ដីសុខដល់ប្រជាពលរដ្ឋនៅក្នុងមូលដ្ឋាន ខណ្ឌនិងស្រុក កិច្ចការចម្បងគឺ បង្ក្រាបក្រុមក្មេងទំនើង បង្ក្រាបល្បែងស៊ីសងគ្រប់ប្រភេទមិនឲ្យមាននៅក្នុងមូលដ្ឋានទាំងពីរ បង្ក្រាបមុខសញ្ញាគ្រឿងញៀន និងបង្ក្រាបក្រុមមុខសញ្ញាដែលប្រព្រឹត្តបទល្មើស នៅក្នុងមូលដ្ឋានទាំងពីរ ។ ដោយឡែក…

(ភ្នំពេញ)៖ កិច្ចព្រមព្រៀងផ្តល់ជំនួយសម្រាប់វគ្គបណ្តុះបណ្តាល “ការស្រាវជ្រាវផ្អែកលើការស្ទង់មតិ (Survey-based Research Training)” រវាងក្រសួងអធិការកិច្ច និងអង្គការមូលនិធិអាស៊ី ដោយមានលោកបណ្ឌិត សោម បូរ៉ាន់ នាយកវិទ្យាស្ថានជាតិអធិការកិច្ច និងលោក ចូហាន រីបឺត (Johann Rebert) តំណាងអង្គការមូលនិធិអាស៊ីប្រចាំនៅកម្ពុជា បានរៀបចំពិធីចុះហត្ថាលេខា ក្រោមអធិបតីភាព ឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច នាថ្ងៃទី២៣ ខែកក្កដា ឆ្នាំ២០២៣ នៅទីស្តីការក្រសួងអធិការកិច្ច ។ កិច្ចព្រមព្រៀងនេះ ផ្តោតសំខាន់ទៅលើការជួយរៀបចំវគ្គបណ្តុះបណ្តាល ការស្រាវជ្រាវផ្អែកលើការស្ទង់មតិ ដែលមានរយៈពេលសិក្សាជាង ១៦៨ម៉ោង សម្រាប់មន្រ្តីរាជការនៃក្រសួងអធិការកិច្ច ហើយវគ្គបណ្តុះបណ្តាលនេះនឹងចាប់ផ្តើមនៅចុងខែសីហា ហើយនឹងបញ្ចប់នៅចុងខែធ្នូ ឆ្នាំ២០២៤ ដែលថ្លៃចំណាយមានទំហំ ២៦.០២០ ដុល្លារអាមេរិក (ពីរម៉ឺនប្រាំមួយពាន់ និងម្ភៃដុល្លារអាមេរិក)។ ឯកឧត្តមរដ្ឋមន្ត្រី បានសម្តែងនូវក្ដីសោមនស្សរីករាយស្វាគមន៍ លោក ចូហាន រីបឺត (Johann Rebert) នាយករង និងជាតំណាងអង្គការមូលនិធិអាស៊ីប្រចាំនៅកម្ពុជា និងសហការី មកកាន់ទីស្ដីការក្រសួង ដើម្បីចុះហត្ថលេខាលើកិច្ចព្រមព្រៀងផ្តល់ជំនួយនាថ្ងៃនេះ…