កែប៖ដើម្បីអបអរសាទរពិធីបើកការដ្ឋានសាងសង់ព្រែកជីក​ហ្វូណន​តេជោនៅថ្ងៃទី៥ ខែសីហា​ ឆ្នាំ​២០២៤​ ខាងមុខនេះ រដ្ឋបាល​ខេត្តកែបបានត្រៀមរៀបចំកម្មវិធីជាច្រើនឱ្យបានអធិកអធម ។ជាពិសេសរុះរើស្លាកប៉ាណូគ្រឿងស្រវឹងចេញ ជំនួសវិញដោយរូបភាព​គាំទ្រ​និង​អបអរសាទរគម្រោង​ព្រែកជីក​ប្រវត្តិសាស្រ្តមួយនេះ។ ឯកឧត្តមបណ្ឌិត សោម ពិសិដ្ឋ អភិបាលខេត្តកែបនៅក្នុងកិច្ចប្រជុំ​បូកសរុបលទ្ធផលការងារប្រចាំខែកក្កដារបស់រដ្ឋបាលខេត្តកែប កាលពីព្រឹកថ្ងៃទី២៥ ខែកក្កដា ឆ្នាំ២០២៤ បានលើកឡើងថា ខេត្តកែបជាខេត្តមួយក្នុងចំណោមខេត្តបួន ដែលព្រែកជីកហ្វូណន តេជោឆ្លងកាត់ ។ដូច្នេះនៅថ្ងៃបើកការដ្ឋានសាងសង់ព្រែកជីកនៅថ្ងៃទី៥ ខែសីហាខាងមុខនេះរដ្ឋបាលខេត្តបានត្រៀមរៀបចំ​កម្មវិធីជា​ច្រើនដូចជា ការប្រគំតន្ត្រីនៅតាមតំបន់ឆ្នេរ បាញ់កាំជ្រួច ការដង្ហែក្បួន​ព្យុហយាត្រា ការតុបតែងលម្អសោភណភាពខេត្ត​ជាដើម ដែលនឹង​មានការចូលរួមពីមន្ត្រីរាជការ កងកម្លាំង យុវជន សិស្ស និស្សិត ប្រជាពលរដ្ឋប្រមាណបីពាន់នាក់ ។លោកបញ្ជាក់ថា ធ្វើយ៉ាង​ណាឱ្យកម្មវិធីអបអរសាទរប្រព្រឹត្តិទៅអធិកអធមបំផុត ។ ឯកឧត្តមអភិបាលខេត្តក៏​បានណែនាំដល់អាជ្ញាធរស្រុក​ដំណាក់​ចង្អើរដែលជាស្រុក គម្រោងព្រែកជីហ្វូណនឆ្លងកាត់នោះ គឺត្រូវធ្វើកម្ម​វិធី​អប​អរសាទរដាច់ដោយឡែកមួយផងដែរនៅឯឆ្នេរអង្កោល  ហើយ​ក្បួនព្យុហយាត្រារបស់រដ្ឋបាលខេត្តនឹងធ្វើដំណើរទៅជួបជុំគ្នា​នៅ​ទីនោះ។ បើតាមការបញ្ជាក់របស់ឯកឧត្តមអភិបាលខេត្ត​ការរៀបចំទង់ជាតិ ទង់ជ្វាលានៅតាមដងផ្លូវសំខាន់ៗ នឹងចាប់ផ្តើមធ្វើនៅថ្ងៃទី១ ខែ​សីហាខាងមុខ ខណៈដែលនៅតាមទីអារាម មណ្ឌលសាសនាផ្សេងៗ គេហដ្ឋានប្រជាពលរដ្ឋក្នុងខេត្ត ក៏បានត្រៀមឧបករណ៍បន្លឺ​សំឡេង​រួចរាល់ ដើម្បីអបអរសាទរថ្ងៃបើកការដ្ឋានសាងសង់ព្រែកជីកហ្វូណន​តេជោ៕ ដោយ៖ សិលា សារិន

(ភ្នំពេញ)៖ មន្ត្រីរាជការ ទូទាំងខណ្ឌច្បារអំពៅនៅព្រឹកថ្ងៃទី២៦ ខែកក្កដាឆ្នាំ២០២៤ បានធ្វើពិធីអបអរសាទរ ពិធីបើកការដ្ឋានព្រែកជីក ហ្វូណនតេជោ ដែលចាប់ផ្តើមបើកការដ្ឋាននៅថ្ងៃទី០៥ ខែសីហា ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់សម្តេច មហាមវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នឹងមានការចូលពីឥស្សរជនជាន់ខ្ពស់ជាច្រើនរូប រាជការគ្រប់លំដាប់ថ្នាក់ ។ ក្រោមសំឡេងស្រែកជយឃោសព្រមៗគ្នា « យើងខ្ញុំសូមអបអរសាទរនិងគាំទ្រ ពិធីបើកការដ្ឋានព្រែកជីកហូណូនតេជោថ្ងៃទី០៥ ខែសីហាឆ្នាំ២០២៤ » ដែលជាសំឡេង របស់មន្ត្រីរាជការខណ្ឌច្បារអំពៅដឹកនាំដោយ លោក ​ចេង មុនីរ៉ា អភិបាលនៃគណៈអភិបាលខណ្ឌហើយជាសំឡេងចេញ​ពីទឹកចិត្តបេះ​ដូង​ពិតប្រាកដក្នុងការគាំទ្រគម្រោង ព្រែកជីកជាប្រវត្តិសាស្ត្រ​និងមានតម្លៃ​មហាសាលសម្រាប់​ប្រទេសជាតិនិងប្រជាជនជំនាន់​ក្រោយដើម្បីទ្រទ្រង់ សេដ្ឋកិច្ចជាតិ និងជា ពិសេសគឺធ្វើឲ្យប្រទេសជាតិយើងមានការរីក​ចម្រើនកាន់តែទ្វេដង ។ សូមជម្រាបថាព្រែកជីកហ្វូណនតេជោគឺជាព្រែកជីក ដ៏មានសារៈសំខាន់សម្រាប់ ទ្រទ្រង់សេដ្ឋកិច្ចជាតិ និងជំរុញឲ្យប្រទេសជាតិយើងមានការអភិវឌ្ឍរីកចម្រើន ថែមទៀត លើសពីនេះទៀត ប្រទេសជាតិយើង លែងខ្ចីដង្ហើមគេដកទៀតហើយ ។ព្រែកជីកហ្វូណនតេជោនេះ គឺតភ្ជាប់ពីសមុទ្រនៅក្នុងខេត្តកែប ភ្ជាប់មកទន្លេមេគង្គក្រោម នៅចំនុចស្រុកកៀនស្វាយ ខេត្តកណ្តាល មានប្រវែងជាង១០០គីឡូម៉ែត្រ ហើយចំណាយទឹកប្រាក់អស់ជាង ១០០០លានដុល្លា គម្រោងសាងសង់ព្រែកជីកហ្វូណនតេជោនិងបើកការដ្ឋាន​នាពេលដ៏ខ្លីខាងមុខនេះ ៕ ដោយ ៖…

(ខេត្តកណ្តាល)៖ ក្រុមការងាររាជរដ្ឋាភិបាលចុះមូលដ្ឋានស្រុកពញាឮ ខេត្តកណ្តាល អាជ្ញាធរមូលដ្ឋាន ព្រះសង្ឃ ប្រជាពលរដ្ឋ បានបង្ហាញពីសក្ខីភាពគាំទ្រសាទរ ពិធីបើកការដ្ឋានព្រែកជីកហ្វូណនតេជោ និង ការគោរពថ្លែងអំណរអរគុណ យ៉ាងជ្រាលជ្រៅបំផុត ចំពោះអគ្គមគ្គុទេសក៍បិតាស្ថាបនិកសន្តិភាពកម្ពុជា សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាព្រះមហាក្សត្រ ដែលបានផ្តួចផ្តើមគំនិតប្រកបដោយចក្ខុវិស័យវែងឆ្ងាយ ក្នុងការសាងសង់ ព្រែកជីហ្វូណនតេជោ ហើយដែលបន្តជំរុញការអនុវត្តដោយសម្ដេចធិបតី ហ៊ុន ម៉ាណែត ឲ្យលេចចេញជារូបរាង ក្នុងពេលដ៏ខ្លីខាងមុខនេះ ។ ព្រែកជីហ្វូណនតេជោ ជាព្រែកជីកប្រវត្តិសាស្ត្រលើកទី១ នៅកម្ពុជា និងបន្តពូនជ្រុំអនុវត្តន៍យ៉ាងសស្រាក់សស្រាំ ឲ្យចេញជាសមិទ្ធិផល ពិតប្រាកដ ទុកជាកេរមតកដ៏មហាសាលសម្រាប់ប្រជាពលរដ្ឋ និងប្រទេសកម្ពុជាទាំងមូល ។ សក្ខីភាពគាំទ្រសាទរ ពិធីបើកការដ្ឋានព្រែកជីកហ្វូណនតេជោនេះ ធ្វើឡើងក្នុងឱកាសដែល ឯកឧត្តម កែវ បេងវឌ្ឍន៍ អនុប្រធានក្រុមការងាររាជរដ្ឋាភិបាលចុះមូលដ្ឋានស្រុកពញាឮ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំវិហារលួងឃុំផ្សារដែក និង ឃុំភ្នំបាត រួមទាំងសហការី បានប្រគេន ទៀន ព្រះវស្សា ទេយ្យទាន និងបច្ច័យ ដល់ព្រះសង្ឃគង់ចាំព្រះវស្សាក្នុងពុទ្ធមណ្ឌលវិបស្សនាធុរៈ និង វត្តចំនួន ២៤…

(ភ្នំពេញ)៖ ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ នៃព្រះរាជាណាចក្រកម្ពុជា បានអញ្ជើញចូលរួមកិច្ចប្រជុំរដ្ឋមន្ត្រី ការបរទេសអាស៊ានលើកទី៥៧ ដឹកនាំដោយ ឯកឧត្តម សាលើមសៃ គុំម៉ាស៊ីដ ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសនៃសាធារណរដ្ឋប្រជាធិបតេយ្យប្រជាមានិតឡាវ នៅទីក្រុងវៀងចន្ទន៍ នៅថ្ងៃទី២៥ ខែកក្កដា ឆ្នាំ២០២៤។ កិច្ចប្រជុំបានពិភាក្សាអំពីកិច្ចខិតខំប្រឹងប្រែងកសាងសហគមន៍អាស៊ាន និងវឌ្ឍនភាពក្នុង ការសម្រេចបាននូវអាទិភាពនិងសមិទ្ធផលសំខាន់ៗរបស់អាស៊ានសម្រាប់ឆ្នាំ២០២៤ ស្របតាម មូលបទនៃភាពជាប្រធានអាស៊ានរបស់ឡាវ “អាស៊ាន៖ ការពង្រឹងការតភ្ជាប់ និងភាពធន់” ដើម្បី ធានាថា អាស៊ាននៅតែអាចឆ្លើយតបទៅនឹងការផ្លាស់ប្តូរ និងត្រៀមខ្លួនជាស្រេចសម្រាប់ពេលអនាគត ហើយនៅតែបន្តដើរតួនាទីជាមជ្ឈមណ្ឌលនៃកំណើនសាកល។ ក្នុងបរិបទនេះ កិច្ចប្រជុំក៏បានផ្តោត កិច្ចពិភាក្សាលើវិស័យនៃកិច្ចសហប្រតិបត្តិការមួយចំនួន រួមមាន អន្តរកាលបៃតង សេដ្ឋកិច្ចពណ៌ខៀវ ការប្រែប្រួលអាកាសធាតុ សន្តិសុខថាមពលនិងស្បៀង បរិវត្តកម្មឌីជីថល ភាពធន់នៃខ្សែច្រវ៉ាក់ ផ្គត់ផ្គង់។ល។ ឯកឧត្តមឧបនាយករដ្ឋមន្ត្រី បានបញ្ជាក់សាជាថ្មីនូវការប្តេជ្ញាចិត្តក្នុងការអនុវត្តឱ្យបាន ពេញលេញ និងប្រកបដោយប្រសិទ្ធភាពនូវចក្ខុវិស័យសហគមន៍អាស៊ានឆ្នាំ២០២៥ ក្នុងគោលបំណង ពង្រឹងសហគមន៍អាស៊ាន ក៏ដូចជាមជ្ឈភាពនិងឯកភាពអាស៊ាន តាមរយៈការពង្រឹងកិច្ចសហ ប្រតិបត្តិការឆ្លងសសរស្តម្ភសហគមន៍ទាំងបី។ ឯកឧត្តមឧបនាយករដ្ឋមន្ត្រី…

(ខេត្តឧត្តមានជ័យ)៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានអញ្ជើញចូលរួមដាំកូនឈើចំនួន ១ ៥០០០ដើម នៅដែនជម្រកសត្វព្រៃសង្ឃរុក្ខាវ័ន ក្នុងភូមិសាស្រ្តខេត្តឧត្តរមានជ័យ ជាមួយប្រតិភូថ្នាក់ដឹកនាំ និងមន្រ្តីក្រសួងបរិស្ថាន រដ្ឋបាលខេត្តឧត្តរមានជ័យ ដឺកនាំដោយ ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ មន្រ្តីនៃមន្ទីរអង្គភាពជុំវិញខេត្ត កងកម្លាំងប្រដាប់អាវុធគ្រប់ប្រភេទ យុវជន សិស្ស និស្សិត ព្រះសង្ឃ និងប្រជាពលរដ្ឋជាច្រើននាក់ នៅទី២៥ ខែកក្កដា ឆ្នាំ២០២៤។ យុទ្ធនាការនេះ បានបង្ហាញពីគោលបំណងក្នុងស្មារតីបណ្តុះគំនិត «ពន្លកបៃតង» ឱ្យមានការចូលរួមការពារ និងអភិរក្សធនធានធម្មជាតិ ដែលមានតម្លៃសម្រាប់សង្គម បរិស្ថាន និងជីវភាពសហគមន៍សម្រាប់អនាគតកូនចៅជំនាន់ក្រោយ។ ឯកឧត្តមបណ្ឌិត អ៊ាង សុផល្លែត បានថ្លែងថា យុទ្ធនាការដាំដើមឈើ គឺជាការចូលរួមចំណែកក្នុងការការពារ ថែរក្សា បរិស្ថានល្អបរិសុទ្ធ សម្រាប់ជីវិតមនុស្ស សត្វ ជីវៈចម្រុះ ជាពិសេសការអភិវឌ្ឍទេសចរណ៍ធម្មជាតិ នាពេលអនាគត ដែលរួមចំណែកលើកកម្ពស់ជីវភាពប្រជាពលរដ្ឋ និងទប់ស្កាត់ការបំផ្លាញធនធានធម្មជាតិ។ ឯកឧត្តមបណ្ឌិត អ៊ាង សុផល្លែត បានថ្លែងអំណរគុណ…

(ភ្នំពេញ​)៖ ក្នុងជំនួបពិភាក្សាការងារ នៅវិមានព្រឹទ្ធសភា រាជធានីភ្នំពេញ នាថ្ងៃ​ទី​២៥ ខែកក្កដា ឆ្នាំ២០២៤ ឯកឧត្តម ប្រាក់ សុខុន អនុប្រធានទី១ ព្រឹទ្ធសភា និង ឯកឧត្តម Salman Ahmed នាយកទទួលបន្ទុករៀបចំផែនការ​គោល​នយោ​បាយនៃ ក្រសួងការបរទេសសហរដ្ឋអាមេរិក បានសម្រេចបន្តកិច្ច​ពិភាក្សាពិនិត្យលទ្ធភាពក្នុងការពង្រីកកិច្ចសហប្រតិបត្តិការបន្ថែមទៀត ក្នុងការប្រយុទ្ធប្រឆាំងឧក្រិដ្ឋកម្មតាមអ៊ីនធឺណិត និងការយកចិត្តទុកដាក់​ចំពោះជនពិការ ។ នៅក្នុងជំនួនេះ ឯកឧត្តម ប្រាក់ សុខុន បានការស្វាគមន៍ចំពោះដំណើរ​ទស្សន​កិច្ច របស់ឯកឧត្តម Salman Ahmed មកកាន់ព្រះរាជាណាចក្រកម្ពុជា និង​បានរំលេចអំពីអតីតភាព ការងាររបស់ ឯកឧត្តម Ahmed ដែលធ្លាប់បម្រើ​ការងារក្នុងក្របខ័ណ្ឌនៃកងកម្លាំងរក្សាសន្តិភាពរបស់ អង្គការសហប្រជាជាតិ (អ.ស.ប) នៅប្រទេសជាច្រើនរួមទាំងកម្ពុជាផងដែរ។ ឯកឧត្តមអនុប្រធានទី១ ព្រឹទ្ធសភា ក៏បានរំលឹកអំពីកិច្ចពិភាក្សាប្រកបដោយ​ផ្លែផ្កាក្នុងដំណើរ ទស្សនកិច្ចរបស់ ឯកឧត្តម Lloyds J. Austin III រដ្ឋមន្ត្រី​ការ​ពារជាតិសហរដ្ឋអាមេរិក ក្នុងជំនួបជាមួយ សម្តេចតេជោ ប្រធានព្រឹទ្ធសភា កាល​ពីខែមិថុនាកន្លងទៅនេះ ដែលផ្តោតជាពិសេសទៅលើ ការពង្រឹងទំនាក់​ទំនងទ្វេភាគីនិងការពង្រីកកិច្ចសហប្រតិបត្តិការក្នុងយន្តការនានាបន្ថែមទៀត។…