ភ្នំពេញ៖ ក្រសួងបរិស្ថាន ស្ថានទូតឥណ្ឌាប្រចាំកម្ពុជា និងអង្គការសម្ព័ន្ធមិត្តសត្វព្រៃ ហៅកាត់ W.A បានរៀបចំប្រារព្ធទិវាសត្វខ្លាធំដើម្បីបង្ហាញការយល់ដឹងដល់សាធារណជនពីគម្រោងស្តារប្រភេទសត្វនេះឡើងវិញ បន្ទាប់ពីត្រូវបានអ្នកជំនាញវាយតម្លៃថា បានដាននៅក្នុងព្រៃធម្មជាតិនៃប្រទេសកម្ពុជានៅឆ្នាំ២០០៧។ទិវាសត្វខ្លាធំ ដែលធ្វើឡើងនៅក្នុងរាជធានីភ្នំពេញ កាលពីល្ងាចថ្ងៃទី២៨ ខែកក្កដា ឆ្នាំ២០២៤ ធ្វើមុនពេលការមកដល់នៃសត្វខ្លាធំ ដែលជាអំណោយពីប្រទេសឥណ្ឌាដល់រាជរដ្ឋាភិបាលកម្ពុជា នៅចុងរដូលម្ហើយខាងមុខនេះ។ លោក Jorge Saavedra តំណាងអង្គការសម្ព័ន្ធមិត្តសត្វព្រៃ(W.A) បានថ្លែងថា ក្រោមកិច្ចសហការ ក្រសួងបរិស្ថាន និងអង្គការសម្ព័ន្ធមិត្តសត្វព្រៃ បានធ្វើការជាមួយគ្នាក្នុងការការពារតំបន់ព្រៃជួរភ្នំក្រវាញខាងត្បូង សម្រាប់គម្រោងស្តារសត្វខ្លាធំជាលើកដំបូងឡើងវិញ។ ខ្លាធំចំនួន៤ក្បាល ដែលក្នុងនោះមានខ្លាធំញីចំនួន៣ក្បាល នឹងត្រូវដឹកចេញពីតំបន់មួយនៃប្រទេសឥណ្ឌាមកកាន់ប្រទេសកម្ពុជា។ លោកជំទាវបណ្ឌិត Devyani Khobragade ឯកអគ្គរដ្ឋទូតសាធារណរដ្ឋឥណ្ឌាប្រចាំកម្ពុជា បានបញ្ជាក់ថា សត្វខ្លាធំទាំង៤ក្បាលនោះ នឹងមកដល់កម្ពុជានៅចុងឆ្នាំ២០២៤នេះ ឬដើមឆ្នាំ២០២៥។ នៅពេលមកដល់នឹងលែងក្នុងតំបន់ស្នូលនៃជួរភ្នំក្រវាញ ហើយត្រូវតាមដានដោយការត្បាតរបស់មន្ត្រីឧទ្យានុរក្ស ការបំពាក់វិទ្យុទាក់ទង(GPS)លើ ក សត្វខ្លា ការតាមដានដំណើរសត្វខ្លាពីផ្កាយរណប ជាដើម។ ឯកឧត្តម ជា សំអាង រដ្ឋលេខាធិការក្រសួងបរិស្ថាន មានប្រសាសន៍ថា រាជរដ្ឋាភិបាលកម្ពុជា បានសម្រេចស្តារសត្វខ្លាធំជំហានដំបូងនៅតំបន់ជួរភ្នំក្រវាញ និងបន្ទាប់មកនៅតំបន់ខ្ពង់រាបភាគខាងកើត បន្ទាប់ពីត្រូវបានអន្តរជាតិចាត់ជាប្រទេស ដែលមានទីជម្រកសមស្របសម្រាប់ការស្តារសត្វខ្លាធំឡើងវិញ។ ឯកឧត្តម…

កំពង់ចាម៖ ក្នុងកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារបន្តឆមាសទី២ ឆ្នាំ២០២៤ របស់ក្រុមការងារគណបក្សចុះមូលដ្ឋានស្រុកស្ទឹងត្រង់ ខេត្តកំពង់ចាម នាថ្ងៃទី២៧ ខែកក្កដា ឆ្នាំ២០២៤ នៅទីស្នាក់ការគណបក្សស្រុកស្ទឹងត្រង់ ខេត្តកំពង់ចាម ឯកឧត្តម ហួត ហាក់ ប្រធានក្រុមការងារគណបក្សចុះមូលដ្ឋានស្រុកស្ទឹងត្រង់ បានថ្លែងអំណរគុណដល់ក្រុមការងារទាំងអស់ដែលនៅក្នុងឆមាសទី១ បានធ្វើសកម្មភាពជាច្រើន និងជំរុញឱ្យបន្តការអនុវត្តការងារឱ្យកាន់តែមានប្រសិទ្ធភាព និងសម្រេចបានស្របតាមទិសដៅការងារដែលបានដាក់ចេញដោយគណបក្សស្រុក និងបាន ស្នើឱ្យក្រុមការងារគ្រប់លំដាប់ថ្នាក់ យកចិត្តទុកដាក់បន្ថែមលើ ថែរក្សាសន្តិភាព សមិទ្ធផលដែលមាននាពេលកន្លងមក និងពូនជ្រុំ កសាងសមិទ្ធផលថ្មីៗបន្ថែមទៀត។ បន្តការចុះសាកសួរសុខទុក្ខ និងដោះស្រាយបញ្ហាប្រឈមជាក់ស្ដែង និងឱ្យចំតម្រូវការចាំបាច់របស់ប្រជាពលរដ្ឋនៅតាមមូលដ្ឋានខ្លួន ។ ឯកឧត្តម ហួត ហាក់ ស្នើអាជ្ញាធរគ្រប់លំដាប់ថ្នាក់យកចិត្តទុកដាក់ដល់ការពង្រឹងសន្តិសុខ សណ្តាប់ធ្នាប់សាធារណៈ ឱ្យបានល្អនៅមូលដ្ឋាន និងជាប់ជាប្រចាំ ក្តាប់ឱ្យបាននិន្នាការប្រឆាំងនៅក្នុងមូលដ្ឋានរបស់ខ្លួន និងវាយបកឱ្យបានទាន់ពេលវេលាចំពោះការចោទប្រកាន់នានាពីក្រុមអគតិនានា ជាពិសេសការប្រឆាំងដាច់ខាតនឹងបដិវត្តន៍ពណ៌ និងនយោបាយជ្រុលនិយម ។ ឯកឧត្តមប្រធានក្រុមការងារ សូមឱ្យគណៈកម្មាធិការគណបក្សស្រុក ក្រុមការងារគណបក្សចុះមូលដ្ឋានឃុំទាំង១២ សហការជាមួយគណៈកម្មាធិការគណបក្សមូលដ្ឋានឃុំទាំង ១២ ចូលរួម និងជំរុញឱ្យបានផុសផុលក្នុងការទូងស្គរ បាញ់កាំជ្រួច នៅគ្រប់ទីកន្លែងដែលអាចធ្វើបាន (ទីវត្តអារាម និងទីកន្លែងផ្សេងៗ) ដើម្បីបង្ហាញការគាំទ្រចលនាជាតិនៃការអនុវត្តគម្រោងព្រែកជីកហ្វូណនតេជោ នៅថ្ងៃទី៥…

ភ្នំពេញ៖ ឯកឧត្តម ចាយ បូរិន ប្រធានផ្នែកឃោសនាអប់រំ នៃយុវជនគណបក្សថ្នាក់កណ្តាល ដឹកនាំប្រតិភូអញ្ជើញសួរសុខទុក្ខ និងនាំយកវត្ថុអនុស្សាវរីយ៍របស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល ជូនឯកឧត្តម សេង លឹមនៅ ទីប្រឹក្សារាជរដ្ឋាភិបាល ដល់គេហដ្ឋានស្ថិតនៅសង្កាត់ឃ្មួញ ខណ្ឌសែន សុខ រាជធានីភ្នំពេញ នារសៀលថ្ងៃទី២៨ ខែកក្កដា ឆ្នាំ២០២៤ ។ ឯកឧត្តម ចាយ បូរិន មានប្រសាសន៍ ពាំនាំនូវការផ្តាំផ្ញើសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តមសេង លឹមនៅ និងក្រុមគ្រួសារ ។ ឯកឧត្តម សេង លឹមនៅ ដឹងគុណយ៉ាងជ្រាលជ្រៅ ចំពោះសកម្មភាពចុះសួរសុខទុក្ខរបស់ក្រុមការងារយុវជនគណបក្សថ្នាក់កណ្ដាល…

កំពង់ធំ៖ សហភាពសហព័ន្ធយុវជនកម្ពុជាខេត្តកំពង់ធំ(ស.ស.យ.ក)​រដ្ឋបាលស្រុកស្ទោង និងផ្សារស្ទោងអភិវឌ្ឍន៍បានរួមគ្នាបង្កើត​ព្រឹត្តិការណ៍​ប្រកួតប្រជែងកម្មវិធីចម្អិនម្ហូបខ្មែរ “ចុងភៅឆ្នើមយុវជន​ឆ្នើមស្រុកស្ទោង” ។ពិធីបានប្រព្រឹត្តទៅនៅថ្ងៃទី២៨ ខែកក្កដាឆ្នាំ ២០២៤ នៅផ្សារស្ទោងអភិវឌ្ឍន៍ ភូមិលាបទង ឃុំកំពង់ចិនត្បូង ស្រុកស្ទោង ។ ក្នុងឱកាសអញ្ជើញចូលរួមបើកកម្មវិធីប្រកួតប្រជែងលោក ជា វ៉ាន់ចាន់ អភិបាលរងខេត្ត និងជាប្រធានសហភាពសហព័ន្ធ​យុវជន​កម្ពុជាខេត្ត​កំពង់ធំ លើសពីនេះទៀតឯកឧត្តមអភិបាលរងខេត្តកំពង់ធំ បានកោត​សរសើរលោក សាយ គឹមឡម អភិបាលស្រុក​និងជាប្រធានសហភាព​សហព័ន្ធយុវជនកម្ពុជាស្រុកស្ទោងដែលបានចលនាយុវជនស្រុកស្ទោងបំពេញការងារសង្គមនិងមនុស្សធម៌។លោកក៏បានថ្លែងអំណរគុណផងដែរចំពោះលោក ប៉ា ពិសុទ្ធ សមាជិក​ស.ស.យ.ក ខេត្តកំពង់ធំ និងជាគណៈគ្រប់គ្រង​ផ្សារស្ទោង​អភិវឌ្ឍន៍​ដែលបានឧបត្ថម្ភទាំងស្រុងក្នុងការបង្កើតនូវព្រឹត្តិការណ៍ប្រកួតប្រជែង”ចុងភៅឆ្នើមយុវជនឆ្នើមស្រុកស្ទោង”​នៅក្នុងឱកាសនេះ។ សូមជម្រាបថា ព្រឹត្តិការណ៍នេះមានរយៈពេលប្រាំសប្តាហ៍។ជ័យ​លាភីលេខ១ នឹងទទួលបាន មេដាយមាសមួយនិង​ទឹកប្រាក់លើក​ទឹកចិត្តមួយចំនួន ។ជ័យលាភីលេខ២ ទទួលបានមេដាយប្រាក់មួយនិង​ទឹក​ប្រាក់លើកទឹកចិត្តមួយចំនួន។ចំណែកជ័យលាភីលេខ៣ នឹង​ទទួលបានមេដាយសំរឹទ្ធមួយនិងទឹកប្រាក់លើកទឹកចិត្តចំនួនចំនួន៕ដោយ៖ប៊ុន រដ្ឋា

កំពង់ធំ៖ ខេត្តកំពង់ធំនៃព្រះរាជាណាចក្រកម្ពុជា និងខេត្តឃ្យុងសាង ប៊ុកដូនៃសាធារណរដ្ឋកូរ៉េកាលពីរសៀលថ្ងៃទី២៧ ខែកក្កដា ឆ្នាំ២០២៤ បានចុះអនុស្ស​រណៈ​នៅសាលាខេត្តកំពង់ធំក្រោមអធិបតីភាពឯកឧត្តម នួន ផារ័ត្ន អភិបាលខេត្តកំពង់ធំនិងឯកឧត្តម លី ចេល វូ(Lee Cheol Woo) អភិបាលខេត្តឃ្យុងសាងប៊ុកដូ ។  អនុស្សរណៈយោគយល់គ្នានេះធ្វើឡើងដើម្បីពង្រឹងបន្ថែមទៀតនូវការទំនាក់ទំនងជាដៃគូ។អនុស្សរណៈមាន ៩ចំណុច ។ក្នុងនេះ ១. ភាគីទាំង ពីរ បានឯកភាពនឹងខិតខំប្រឹងប្រែងអស់ពីសមត្ថភាព ដើម្បី ជំរុញការផ្លាស់ប្តូរ និងកិច្ចសហប្រតិបត្តិការរវាងរដ្ឋបាលនៃ​ខេត្តទាំងពីរ ដោយស្មោះត្រង់, ដោយអនុលោមតាមច្បាប់ និងបទប្បញ្ញត្តិ នៃប្រទេស រៀងៗខ្លួន។ ២. ដើម្បីជំរុញកំណើន និងវិបុល​ភាព​ទៅវិញទៅមក ភាគីទាំងពីរ បានព្រមព្រៀងគ្នាក្នុងការស្វែង រកឱកាសសម្រាប់ការផ្លាស់ ប្តូរ និងកិច្ចសហប្រតិបត្តិការលើ​វិស័យ​ផ្សេងៗ ដែលរួមមាន៖ ពាណិជ្ជកម្ម និងការ វិនិយោគ, ការអប់រំ, វប្បធម៌, ទេសចរណ៍, ការថែទាំសុខភាព និងកសិកម្មប្រើប្រាស់​បច្ចេកវិទ្យាទំនើប។ ៣. ដើម្បីជំរុញការផ្លាស់ប្តូរ និងកិច្ចសហប្រតិបត្តិការសេដ្ឋកិច្ច ភាគីទាំងពីរ នឹងខិតខំប្រឹងប្រែង កសាងបរិយា​កាសអំណោយផលសម្រាប់…