ខេត្តព្រះសីហនុ៖ សាខាកាកបាទក្រហមខេត្តព្រះសីហនុ បាននាំគ្រឿងឧបភោគ បរិភោគ និងថវិកាមួយចំនួនផង ដើម្បីរៀបចំចាត់ចែងជូនគ្រូសារពលរដ្ឋដែលបានទទួលរងគ្រោះនៃជំនន់ទឹកភ្លៀងនាពេលកន្លងទៅថ្មីៗនេះ។អភិបាលស្រុកព្រៃនប់ លោក សរ កក្កដា បានឲ្យដឹងថា នៅកំឡុងថ្ងៃ១៧ ដល់២០ ខែតុលា ឆ្នាំ២០២០ ស្រុកព្រៃនប់បានទទួលរងគ្រោះជំនន់ទឹកភ្លៀង ដោយឥទ្ធិពលព្យុះ និងបានបណ្តាលឲ្យឃុំចំនួន ៤ មានឃុំ ឃុំទួលទទឹង ឃុំអណ្តូងថ្ម និងឃុំសំរុង ព្រៃនប់ត្រូវបានជន់លិច។ ជំនន់នេះបានបណ្តាលឲ្យ ប៉ះពាល់ប្រជាជន ចំនួន ១,២៣៧គ្រួសារ ក្នុងនោះ ឃុំព្រៃនប់ ៤០២គ្រួសារ ឃុំទួលទទឹង ៣៤៣គ្រួសារ ឃុំអណ្តូងថ្ម ៣៥២គ្រួសារ និងឃុំសំរុង ១៤០គ្រួសារ ។ ថ្លែងក្នុងឱកាសនៃពិធីចែកអំណោយមនុស្សធម៌នេះ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ បានរំលឹកមន្ត្រីនៅតាមមូលដ្ឋានត្រូវបន្តយកចិត្តទុកដាក់មើលប្រជាជនងាយរងគ្រោះ និងទីទ័លក្រនៅតាមមូលដ្ឋានរបស់ខ្លួនដើម្បីលៃលកជួយពួកគាត់បានទាន់ពេលវេលា។​ ជាមួយគ្នានោះ ឯកឧត្តម អភិបាលខេត្តព្រះសីហនុ បានក្រើនរំលឹកដល់ប្រជាពលរដ្ឋទាំងអស់ត្រូវយកចិត្តទុកដាក់ថែរក្សាអនាម័យសុខភាពឲ្យបានខ្ជាប់ខ្ជួន ពិសេសត្រូវមានការប្រុងប្រយ័ត្ន និងអនុវត្តន៍តាមការណែនាំរបស់ក្រសួងសុខាភិបាល ការពារកុំអោយឆ្លង ជំងឺកូវីដ-១៩។ ឯកឧត្តម គួច…

កណ្តាល៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ចាការរងកងយោធពលខេមរភូមិន្ទ មេបញ្ចាការកងទ័ពជើងគោក បានឧបត្តម្ភនូវទឹកក្រូចចំនួន៣០០កេស ដល់តំបន់ប្រតិបត្តិការសឹករងកណ្តាល ដើម្បីផ្តល់ជូនដល់ផ្នែកសឹករងស្រុក ក្រុង វរៈ ដែលបានចូលរួមប្រតិបត្តិការចុះជួយប្រជាពលរដ្ឋរងគ្រោះទឹកជំនន់ទឹកភ្លៀងនៅក្នុងទឹកដីខេត្តកណ្តាល និងរាជធានីភ្នុំពេញ។ ពិធីប្រគល់ទទួលនិងទទួលអំណោយទឹកក្រូចនេះធ្វើឡើងនៅបញ្ជាការដ្ឋានតំបន់ប្រតិបត្តិការសឹករងកណ្តាល ដោយលោកវរៈសេនីយ៍ត្រី សុផាត សុក្រកម្សត់ និងងទទួលដោយឯកឧត្តម ឧត្តមសេនីយ៍ត្រី នៃ និយម មេបញ្ជាការតំបន់ប្រតិបត្តិការសឹករងកណ្តាល និងដោយមានការអញ្ជើញចូលរួមពីមេបញ្ជការរង នាយសេនាធិការ នាយទាហានទាហាន នាយទាហានរង ពលទាហាន នាយការិយាល័យ ផ្នែកស្រុកក្រុង ជាច្រើនរូប។ ក្នុងឱកាសនេះ ឯកឧត្តម ឧត្តមសេនីយ៍ត្រី នៃ និយម មេបញ្ចាការ បានថ្លែងអំណរគុណយ៉ាងជ្រាលជ្រៅជាទីបំផុតចំពោះការគិតគូរដ៏ខ្ពង់ខ្ពស់បំផុត ពីឯកឧត្តម មេបញ្ជាការកងទ័ពជើងគោក ចំពោះសុខួុក្ខ កងកម្លាំង គ្រប់ពេលវេលា។ ឯកឧត្តម មេបញ្ជាការ បានប្តេជ្ញាចិត្តបន្ត ដឹកនាំ កងកម្លាំង ក្រោមឱវាទទាំងអស់ អនុវត្តន៍ អោយបាននូវបទបញ្ជារបស់ថ្នាក់លើ ដែលបានប្រគល់ជូន ពិសេសការ ចូលរួមជួយសង្រ្គោះនូវគ្រោះមហន្តរាយនានា ដែលបានកើតឡើង…

ខេត្តបន្ទាយមានជ័យ៖ ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ បានឱ្យដឹងនៅរសៀលថ្ងៃទី២០ ខែតុលា ឆ្នាំ២០២០ ថា ប្រជាពលរដ្ឋរងគ្រោះដោយទឹកជំនន់ជាច្រើនគ្រួសារ ក្នុងក្រុងប៉ោយប៉ែត ខេត្តបន្ទាយមានជ័យ ត្រូវបានអាជ្ញាធរ និងកងកម្លាំងអន្តរាគមន៍ជម្លៀសទៅកាន់ទីទួលសុវត្ថិភាព ប្រកបដោយភាពជោគជ័យ។ ទឹកជំនន់បានវាយប្រហារនៅក្រុងប៉ោយប៉ែត នាព្រឹកថ្ងៃទី២០ ខែតុលា ឆ្នាំ២០២០ ដោយសារបាក់ទំនប់អូរខៃដន ធ្វើឲ្យលិចលង់ខ្លាំងជាងមុនផងដែរ។ ភ្លាមៗនោះ ឯកឧត្តម ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំក្រុមការងារគ្រប់ភាគីពាក់ព័ន្ធ ចុះទៅជួយជម្លៀសប្រជាពលរដ្ឋ ដើម្បីរកកន្លែងសុវត្ថិភាព ស្នាក់នៅបណ្តោះអាសន្ន។ ឯកឧត្តម ង៉ោ ម៉េងជ្រួន បានលើកឡើងថា ប្រជាពលរដ្ឋរងគ្រោះទាំងអស់ មានសុវត្ថិភាពហើយ ប៉ុន្តែចំនួនប្រជាពលរដ្ឋរងគ្រោះមិនទាន់ត្រូវបានកំណត់នោះទេ។ ឯកឧត្តមបានឲ្យដឹងទៀតថា ទឹកនេះបានហូរមកពីថៃតាំងពីថ្ងៃទី១៧ ខែតុលា ឆ្នាំ២០២០ម្ល៉េះ ប៉ុន្តែវាត្រូវបានស្តុកនៅអាងអូរខៃដន។ ដោយសារទំហំទឹកបុកមកខ្លាំងពេក ធ្វើឲ្យបាក់ទំនប់អូរខៃដននេះ និងហូរកាត់ផ្លូវជាតិលេខ៥ ចំណុចភូមិកូនដំរី ហើយបុកទៅភូមិសូរិយា។ ឯកឧត្តម ង៉ោ ម៉េងជ្រួន បានបញ្ជាក់ថា កម្លាំងអន្តរាគមន៍ទាំងអស់ បានដឹកប្រជាពលរដ្ឋរងគ្រោះ…

កំពង់ធំ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ នាព្រឹកថ្ងៃទី២០ ខែតុលា ឆ្នាំ២០២០នេះ បានដឹកនាំមន្ត្រីក្រសួង និងក្រុមការងារស្រុកចុះចែកអំណោយជាគ្រឿងឧបភោគ-បរិភោគ និងថវិកាមួយចំនួនជូនដល់ប្រជាពលរដ្ឋជាង ៥០គ្រួសារ នៅឃុំច្រនាង ស្រុកតាំងគោក ខេត្តកំពង់ធំ។ ជាមួយគ្នានោះ លោករដ្ឋមន្ត្រី ថោង ខុន ក៏បានពាំនាំនូវការផ្ដាំផ្ញើសួរសុខទុក្ខរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជម្រាបដល់ប្រជាពលរដ្ឋអ្នកឃុំច្រនាង ដែលសម្ដេចទាំងទ្វេតែងតែនឹករឭក និងគិតគូរយកចិត្តទុកដាក់ពីសុខទុក្ខរបស់ប្រជាពលរដ្ឋគ្រប់កាលៈទេសៈ «ទីណាមានពលរដ្ឋជួបទុក្ខ ទីនោះមានមុខសម្ដេចតេជោ និងសម្ដេចកិត្តិព្រឹទ្ធបណ្ឌិត»។ ដោយសារតំបន់នេះជាតំបន់ដែលជំនន់ទឹកភ្លៀងទើបតែស្រកចុះ លោករដ្ឋមន្ត្រីក៏បានសន្យាកសាងលូចំនួន ២កន្លែងបន្ថែម និងជួសជុលផ្លូវមួយចំនួនដែលខូចខាតដោយសារទឹកជំនន់កាលពីពេលកន្លងទៅ។ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បានណែនាំឲ្យប្រជាពលរដ្ឋត្រៀមទប់ទឹកទុកសម្រាប់ប្រើប្រាស់ទៅថ្ងៃមុខ និងទុកក្នុងស្រែដើម្បីឱ្យស្រូវមានការលូតលាស់ល្អ។ លោកបានក្រើនរំឭកបន្ថែមដល់ប្រជាពលរដ្ឋត្រូវចូលរួមថែរក្សាសុខភាពឱ្យបានល្អ តាមរយៈការហូបស្អាត ផឹកស្អាត រស់នៅស្អាត និងប្រកបដោយអនាម័យខ្ពស់។ ម្យ៉ាងទៀត ក៏ត្រូវប្រកាន់ខ្ជាប់នូវការអនុវត្តវិធានសុវត្តិភាព គោលការណ៍ណែនាំរបស់ក្រសួងសុខាភិបាលក្នុងការប្រយុទ្ធប្រឆាំងនឹងជំងឺកូវីដ១៩ឱ្យបានល្អ។ បើតាមរបាយការណ៍របស់លោក ហាក់ ម៉ុងហួត អភិបាលស្រុកតាំងគោក បានឱ្យដឹងថា គ្រោះជំនន់ទឹកភ្លៀងនេះបានបង្កផលប៉ះពាល់ដល់លំនៅដ្ឋានចំនួន…

ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះជួយរាជធានីភ្នំពេញ បាននាំយកអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ចែកជូនប្រជាពលរដ្ឋជាង ៥០០គ្រួសារ ដែលរងគ្រោះដោយសាទឹកជំនន់ទឹកភ្លៀង នៅសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ដែលពិធីបានរៀបចំនៅវត្តគោកបញ្ជាន់ នាព្រឹកថ្ងៃអង្គារ ៤កើត ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២០ ខែតុលា ឆ្នាំ២០២០ ។ ថ្លែងក្នុងឱកាសនោះ លោកជំទាវខ្ញុំក៏បានពាំនាំនូវការផ្តាំផ្ញើរសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធីនូវក្តីនឹករលឹក និងការគិតគូរយកចិត្តទុក្ខដាក់អំពីសុខទុក្ខរបស់ប្រជាពលរដ្ឋ ។ ជាពិសេស សម្តេចតេជោ និងសម្តេចកិត្តិព្រឹទ្ធបណ្ឌិត ក៏បានចុះជួបនិងចែកអំណោយដោយផ្ទាល់ដល់ប្រជាពលរដ្ឋ ដែលរងគ្រោះនៅក្នុងខណ្ឌដង្កោកាលពីពេលថ្មីៗនេះ និងព្រឹកនេះសម្តេចតេជោក៏បានបន្តដំណើរទៅជួបប្រជាពលរដ្ឋដែលរងគ្រោះដោយសាទឹកជំនន់ នៅខេត្តបន្ទាយមានជ័យផងដែរ ។ លោកជំទាវបានមានប្រសាសន៍ថា រាជរដ្ឋាភិបាលពុំបានទុក្ខប្រជាពលរដ្ឋណាម្នាក់ចោលដោយអត់អាហារ និងពុំបានដោះស្រាយជូនពួកគាត់នោះទេ…