ភ្នំពេញ៖ កម្លាំងនគរបាលនាយកដ្ឋានព្រហ្មទណ្ឌ ក្រសួងមហាផ្ទៃ នាព្រឹកថ្ងៃទី១៣ ខែវិច្ឆិកា ឆ្នាំ២០២០នេះបានចាប់ខ្លួនអ្នកលក់ផលិតផលតាមអនឡាញ ម្នាក់ឈ្មោះ ទ្រី សុផានិត អាយុ៣៩ឆ្នាំ ស្ថិតនៅតាមផ្លូវ១៨២ ក្នុងសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ ការចាប់ខ្លួននេះ បានធ្វើឡើងតាមដីកាបង្គាប់ឲ្យចាប់ខ្លួនរបស់លោក ហម ម៉េងសែ អនុប្រធាន និងជាចៅក្រមស៊ើបសួរសាលាដំបូងរាជធានីភ្នំពេញ។ កម្លាំងនគរបាលបានបង្ហាញថា ឈ្មោះ ទ្រី សុផានិត ត្រូវបានចោទប្រកាន់ពីបទ «បរិហារកេរ្តិ៍ជាសាធារណៈ, ញុះញង់ឲ្យមានការរើសអើង និងអំពើនៃការប្រកួតប្រជែងមិនស្មោះត្រង់ ប្រព្រឹត្តទៅនៅរាជធានីភ្នំពេញ កាលពីឆ្នាំ២០១៨ រហូតដល់ឆ្នាំ២០២០»។ តាមដីកាដដែលបានបន្តទៀតថា ជនត្រូវចោទរូបនេះត្រូវបានតុលាការបង្គាប់ឲ្យចូលទៅបំភ្លឺកាលពីថ្ងៃទី១២ ខែវិច្ឆិកា ឆ្នាំ២០២០ ប៉ុន្តែជនត្រូវចោទយកលេសថា មិនអាចចូលទៅបង្ហាញខ្លួន បានដោយសារបញ្ហាសុខភាព «ផ្តាសាយធំ» ប៉ុន្តែធាតុពិតជនត្រូវចោទរូបនេះ បានបង្ហោះលក់ផលិតផលតាមហ្វេសប៊ុកជាបន្តបន្ទាប់។ ក្រោយការចាប់ខ្លួនជនត្រូវចោទ ទ្រី សុផានិត ត្រូវបានកម្លាំងនគរបាលបញ្ជូនបន្តទៅកាន់នាយកដ្ឋានព្រហ្មទណ្ឌ ដើម្បីចាត់ការបន្តទៀត៕ ដោយ ៖ បញ្ញា

ភ្នំពេញ៖ កម្លាំងសមត្ថកិច្ចនគរបាលប៉ុស្តិ៍ព្រែកថ្មី នៃអធិការច្បារអំពៅ បានឃាត់ខ្លួនជនសង្ស័យចំនួន ០២ នាក់ នៅវេលាម៉ោង១៥ និង០០ នាទី ថ្ងៃទី១២ ខែតុលា ឆ្នាំ២០២០ ត្រង់ចំណុចមុខដីឡូត៍គ្មានលេខ ផ្លូវលំ ភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ពីបទ ៖ ជួញដូរដោយខុសច្បាប់នូវសារធាតុញៀន។ សមត្ថកិច្ចបានឲ្យដឹងថា ជនសង្ស័យទី១ ឈ្មោះ សុវណ្ណ ណារិទ្ធ ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ សិស្ស ស្នាក់នៅភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។ ទី២- ឈ្មោះ ប៉ក់ ពុទ្ធារ៉ា ភេទ ស្រី អាយុ ១៥ ឆ្នាំ ជនជាតិ ខ្មែរ មុខរបរ សិស្ស ស្នាក់នៅភូមិកោះក្របី១ សង្កាត់ព្រែកថ្មី១ ខណ្ឌច្បារអំពៅ…

ភ្នំពេញ៖ បុរសម្នាក់បើកម៉ូតូកង់បីខ្មែរមួយគ្រឿងមកឈប់អែបចិញ្ចើមផ្លូវត្រូវរថយន្តតូយ៉ូតាព្រូសមួយគ្រឿងបុកពីក្រោយបណ្តោយឲ្យខ្ទាត និងដាច់ចេញពីគ្នា បណ្តាលឲ្យអ្នកបើកកង់បី រងរបួសស្រាលរួចបើករត់គេចខ្លួនបាត់។ហេតុការណ៍នេះកើតឡើងកាលពីវេលាម៉ោង១០ និង៣០នាទីយប់ថ្ងៃទី១២ ខែវិច្ឆិកាឆ្នាំ២០២០ នៅចំណុចមុខផ្ទះលេខ61B EoE ផ្លូវលេខ ២៦១ ក្នុងសង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ។ តាមការរៀបរាប់ពីបុរសជាម្ចាស់ម៉ូតូកង់បីបានប្រាប់ឲ្យដឹងថាមុនកើតហេតុរូបគាត់បើកម៉ូតូកង់បី ធ្វើដំណើរទិសដៅពីត្បូងទៅជើងលុះមកដល់ចំណុចកើតហេតុខាងលើបានឈប់អែបនឹងចិញ្ចើមផ្លូវមួយភ្លែតខណៈនោះស្រាប់តែមានរថយន្ត តូយូតា ព្រូស មួយគ្រឿងពាក់ស្លាកលេខភ្នំពេញ 2AB-9638 មកពីក្រោយក៏បុកពេញទំហឹងបណ្ដាលឲ្យកង់បីដាច់ចេញពីគ្នា និងគាត់រងរបួសដៃជើងស្រាល។ ភ្លាមៗនោះរថយន្តបង្កមិនបានឈប់ទទួលខុសត្រូវនោះទេបានបន្ថែមល្បឿនទៅមុខទៀតគេចខ្លួនបាត់។ ក្រោយកើតហេតុសមត្ថកិច្ចមូលដ្ឋានបានចុះទៅពិនិត្យ និងបានឲ្យជនរងគ្រោះឲ្យទៅដាក់ពាក្យបណ្ដឹងនៅអធិការខណ្ឌទួលគោកដើម្បីសមត្ថកិច្ចធ្វើការស្រាវជ្រាវតាមចាប់រថយន្តបង្កយកមកដោះស្រាយគ្នាទៅតាមផ្លូវច្បាប់៕ ដោយ៖ ជីម ភារ៉ា

ភ្នំពេញ ៖ សមត្ថកិច្ចនៃអធិការដ្ឋាននគរបាលខណ្ឌដង្កោ នៅព្រឹកថ្ងៃទី១២ ខែវិច្ឆិកា ឆ្នាំ២០២០នេះបានបញ្ជូនខ្លួនបុរសជនជាតិនីហ្សេរីយ៉ាម្នាក់ពាក់ព័ន្ធករណី ប្រើប្រាស់ប្រាក់ដុល្លាក្លែងក្លាយ និងរក្សាទុកនូវរុក្ខជាតិញៀន(កញ្ឆា) ទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធីច្បាប់ ។ សមត្ថកិច្ចបានឲ្យដឹងថា ជនសង្ស័យជាជនបរទេសមានឈ្មោះ ម៉ៃខល អ៊ីរូហ្គោអ៊ិនវ៉ាននីណាយ៉ា (ERUGO NWANN ENAYA) ភេទប្រុស អាយុ៥៤ឆ្នាំ ជនជាតិ នីហ្សេរីយ៉ា ស្នាក់នៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។ សូមជម្រាបថា កាលពីថ្ងៃទី០៩ ខែវិច្ឆិកា ឆ្នាំ២០២០ វេលាម៉ោង១០ និង៥០នាទី ត្រង់ចំណុចគល់ស្ពានដែកផ្លូវ ៣៧១ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ កម្លាំងសមត្ថកិច្ចចរាចរប្រចាំការគោលដៅស្តុបអតីតស្ពានដែក បានឃាត់ខ្លួនបុរសជនជាតិនីហ្សេរីយ៉ាម្នាក់ប្រគល់ឲ្យកម្លាំងនគរបាលនៃអធិការដ្ឋាននគរបាលខណ្ឌដង្កោ បន្ទាប់ ពីជនរូបនោះបានប្រេីប្រាស់លុយដុល្លារក្លែងក្លាយបង់ថ្លៃផាកពិន័យចរាចរបើកបរបញ្ច្រាសផ្លូវ ៕ ដោយ ៖ បញ្ញា

ភ្នំពញ ៖ កម្លាំងសមត្ថកិច្ចនគរបាលមន្ទីរ ប្រឆាំងគឿងញៀននៅព្រឹកថ្ងៃទី១២ ខែវិច្ឆិកា ឆ្នាំ២០២០នេះ បានបញ្ជូនខ្លួនជនសង្ស័យម្នាក់ទៅសាលាដំបូងរាជធានីភំ្នពេញ ពាក់ព័ន្ធករណី រក្សាទុក ដឹកជញ្ជូន និង ជួញដូរគឿងញៀនដោយយខុសច្បាប់ ។ ជនសង្ស័យឈ្មោះ ស្រ៊ាន គឹម ស្រួច អាយុ ២៧ឆ្នាំ ភេទប្រុស ជនជាតិ ខ្មែរ មុខរបរ កម្មកររោងចក្រ មានអស័យដ្ឋាន ភូមិ ឃុំកងតានង ស្រុកកងមាសខេត្តកំពុងចាម ។ សូមជម្រាបថា កាលពីថ្ងៃទី ០៨ខែ វិច្ឆិកា ឆ្នាំ២០២០វេលាម៉ោង០១:១០នាទីយប់ កម្លាំងជំនាញ(ក១១) របស់មន្ទីរប្រឆាំង បទល្មើសគ្រឿងញៀន ដឹកនាំចុះផ្ទាល់ដោយលោកនាយករង អាំ សុជាតិ និងលោកនាយករង យា ប៊ុន ណារត្ន័ន៍ និង មានការសម្របសម្រួលពីលោក គុជ គឹមឡុង ព្រះរាជអាជ្ញារង អមអយ្យការសាលាដំបូងរាជធានីភ្នំពេញ បានបើកការស៊ើបអង្កេត ស្រាវជ្រាវបង្ក្រាប នៅចណុច បន្ទប់ផ្ទះជួលលេខ៦ ភូមិដំណាក់ធំ២…

ភ្នំពេញ៖ បុរសម្នាក់ជិះម៉ូតូក្នុងល្បឿនលឿនខ្វះការប្រុងប្រយ័ត្ន រអិលដីខ្សាច់បណ្តាលឲ្យដួលនៅមុខរថយន្ត ធុនធំកិនបែកក្បាលស្លាប់នៅនឹងកន្លែងកើតហេតុភ្លាមៗ។ ហេតុការណ៍នេះ បានកេីតឡេីងនៅវេលាម៉ោង៣ និង៣០នាទីរសៀល ថ្ងៃទី១១ ខែវិច្ឆិកា ឆ្នាំ២០២០ ស្ថិតតាមបណ្ដោយមហាវិថីវិមានឈ្នះ ឈ្នះ ក្នុងសង្កាត់គោករការខណ្ឌព្រែកព្នៅ រាជធានីភ្នំពេញ។ ជនរងគ្រោះដែលស្លាប់មានឈ្មោះ ហេង វិបុល អាយុ២៨ឆ្នាំ មានស្រុកកំណេីត នៅភូមិអំពិលទឹក ស្រុកកំពង់ត្រឡាច ខេត្តកំពងឆ្នាំង។ តាមប្រភពព័ត៌មានពីកន្លែងកេីតហេតុ បានប្រាប់ឲ្យដឹងថា នៅមុនពេលកេីតហេតុ គេឃេីញជនរងគ្រោះជិះម៉ូតូមួយគ្រឿងម៉ាក ហុងដាឌ្រីម សេ១២៥ ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ ភ្នំពេញ 1GA-2754 ធ្វើដំណើតាមបណ្តោយមហាវិថី ឈ្នះឈ្នះ ក្នុងទិសដៅពីកេីតទៅលិច ក្នុងល្បឿនលឿន លុះមកដល់ត្រង់ចំណុចកេីតហេតុខាងលើក៏រអិលដីខ្សាច់បណ្ដាលឲ្យដួលបោកទៅនឹងថ្នល់ ស្របពេលជនរងគ្រោះដួល ក៏មានរថយន្តធុនធំដឹកដីមួយគ្រឿងមិនចាំម៉ាក និងមិនចាំស្លាក់លេខ បើកស្រប់ទិសគ្នាមកពីក្រោយកិនចំក្បាល បណ្ដាលឲ្យបែកក្បាលធ្លាយខួរស្លាប់ភ្លាមៗ តែម្តង។ ចំណែកឯរថយន្តក៏បន្តដំណេីរទៅមុខទៀតគេចខ្លួនបាត់។ ក្រោយពេលកេីតហេតុ សមត្ថកិច្ចមូលដ្ឋានក៏បានចុះមកដល់កន្លែងកើតហេតុ រួមទាំងកម្លាំងសមត្ថកិច្ចជំនាញមកធ្វើការវាស់វែងយកម៉ូតូទៅរក្សាទុក និងទំនាក់ទំនងទៅសាច់ញាតិមកទទួលយកសពទៅធ្វេីបុណ្យតាមប្រពៃណី៕

ភ្នំពេញ ៖ កម្លាំងនគរបាលប៉ុស្តិ៍រដ្ឋបាលទឹកថ្លា នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យ០២នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។ នេះបេីយោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ១១ ខែវិច្ឆិកា ឆ្នាំ ២០២០នេះ ។ ជនសង្ស័យខាងលេីមានឈ្មោះ សឿន រាជ ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅការដ្ឋានសំណង់ សង្កាត់ទន្លេរបាសាក់ ខណ្ឌចំកាមន , ២-ឈ្មោះ អឿន អ៊ីន ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅការដ្ឋានសំណង់ សង្កាត់ទន្លេរបាសាក់ ខណ្ឌចំកាមន (ពិនិត្យទឹកនោម) ។ បច្ចុប្បន្ននេះ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី ៕ ដោយ ៖ ភារ៉ា និងប៊ុនធី

ភ្នំពេញ៖ បើយោងតាមរបាយការណ៍ ច្បាស់ការរបស់សមត្ថកិច្ច បានឲ្យដឹងនៅព្រឹកថ្ងៃទី១០ ខែវិច្ឆិកានេះថា ជនជាតិបរទេសដែល បើករថយន្តខុសច្បាប់ចរាចរណ៍ ហើយយកលុយដុល្លារ (លុយក្លែងក្លាយ) បង់ថ្លៃផាកពិន័យនោះ ក្រោយឃាត់ខ្លួនសមត្ថកិច្ចរកឃើញ មានរក្សាទុកសារធាតុញៀន (កញ្ឆា) ថែម ទៀត។ សមត្ថកិច្ចបានឲ្យដឹងថា ជនសង្ស័យជាជនបរទេសមានឈ្មោះ ម៉ៃខល អ៊ីរូហ្គោអ៊ិនវ៉ាននីណាយ៉ា (ERUGO NWANN ENAYA) ភេទប្រុស អាយុ៥៤ឆ្នាំ ជនជាតិ នីហ្សេរីយ៉ា ស្នាក់នៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។ សូមជម្រាបថា កាលពីថ្ងៃទី០៩ ខែវិច្ឆិកា ឆ្នាំ២០២០ វេលាម៉ោង១០ និង ៥០នាទី ត្រង់ចំណុចគល់ស្ពានដែកផ្លូវ ៣៧១ ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ កម្លាំងសមត្ថកិច្ចចរាចរណ៍ប្រចាំការគោលដៅស្តុបអតីតស្ពានដែក បានឃាត់ខ្លួនបុរសជនជាតិនីហ្សេរីយ៉ាម្នាក់ប្រគល់ឲ្យកម្លាំងនគរបាលនៃអធិការដ្ឋាននគរបាលខណ្ឌដង្កោ បន្ទាប់ ពីជនរូបនោះបានប្រើប្រាស់លុយដុល្លារក្លែងក្លាយបង់ថ្លៃផាកពិន័យចរាចរណ៍ បើកបរបញ្ច្រាសផ្លូវ ។ ប្រភពព័ត៌មានកន្លែងកើតហេតុបាន បញ្ជាក់ថា កម្លាំងសមត្ថកិច្ចនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ កំពុងសម្រួលចរាចរណ៍លើផ្លូវ៣៧១ និងផ្លូវ២១៧…