សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី០៣ កញ្ញា​ ២០២១

ភ្នំពេញ ៖ បុរសម្នាក់បានបោកក្បាលនិងថ្នល់ស្លាប់ភ្លាមៗនៅកន្លែងកើតហេតុ បន្ទាប់ពីជិះម៉ូតូមួយគ្រឿងក្នុងល្បឿនលឿនហេីយធ្លាក់ជង្ហុកដួលអូសជាង៥០ម៉ែត្រ សង្ស័យភ័យគេជិះម៉ូតូដេញពីក្រោយ បង្កការភ្ញាក់ផ្អេីលកាលពីវេលាម៉ោង ១០យប់ ថ្ងៃទី០២ ខែកញ្ញា ឆ្នាំ២០២១ នៅចំណុចស្តុបផ្សារមាន់អាំង តាមបណ្ដោយផ្លូវ៣១៥ កែងនឹង៥៩២ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។សពជនរងគ្រោះនៅមិនទាន់ស្គាល់អត្តសញ្ញាណនោះទេ ។យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញជនរងគ្រោះជិះម៉ូតូមួយគ្រឿងម៉ាក ហុងដាឌ្រីម ស៊េរីឆ្នាំ២០២០ ពណ៌ខ្មៅពាក់ស្លាកលេខ កំពង់ធំ1O-6876ធ្វើដំណើរតាមបណ្តោយផ្លូវ៣១៥ ទិសដៅពីត្បូងទៅជើង ក្នុងល្បឿនលឿន ខណៈនោះក៏មានជនសុីវិលក្រុមជិះម៉ូតូធំនិងតូចចំនួន២ទៅ៣គ្រឿងធ្វើដំណើរមកពីក្រោយ លុះមកដល់ចំណុចកើតហេតុខាងលើ ជនរងគ្រោះក៏បានរេចង្កូតធ្លាក់ជង្ហុកបណ្តាលឲ្យដួលអូសម៉ូតូជាង៥០ម៉ែត្រនិងធ្វេីឲ្យជនរងគ្រោះដួលបោកក្បាលនឹងថ្នល់ស្លាប់ភ្លាមៗនៅនឹងកន្លែងកើតហេតុ។ក្រោយកើតហេតុ សមត្ថកិច្ចមូលដ្ឋានបានចុះមកដល់ពិនិត្យនៅកន្លែងកើតហេតុក៏ប្រទះឃើញម្សៅសថ្នាចំនួន២កញ្ចប់តូចនៅក្បែរខ្លួនសពជនរងគ្រោះ ដោយមិនដឹងថាជារបស់ជនរងគ្រោះឬរបស់អ្នកផ្សេង ។ បន្ទាប់មកសមត្ថកិច្ចមូលដ្ឋានជំនាញចរាចរណ៍ខណ្ឌទួលគោក បានមកធ្វើការវាស់វែងយកម៉ូតូទៅរក្សាទុកបណ្ដោះអាសន្ន រីឯសពជនរងគ្រោះសមត្ថកិច្ចធ្វើកំណត់ហេតុរួចទំនាក់ទំនងរកសាច់ញាតិមកទទួលយកទៅធ្វើបុណ្យតាមប្រពៃណី៕ដោយ ៖ ជីម ភារ៉ា

ភ្នំពេញ ៖ មួយរយៈពេលពីរទៅបីថ្ងៃនេះ អាកាសធាតុនៃភ្លៀងធ្លាក់ក្នុងរាជធានីភ្នំពេញ ឬបណ្ដាលខេត្ត បានបង្កឲ្យទឹកដក់និងជំនន់ទឹកភ្លៀងលិចលំនៅដ្ឋាន ផ្លូវជាតិ ឬទីទំនាបដែលងាយនិងជន់លិច ។ ជាក់ស្ដែងនៅរសៀលថ្ងៃទី១ កញ្ញា ២០២១នេះ ក៏មានភ្លៀងធ្លាក់ខ្លាំងក្នុងរាជធានីនាតំបន់មួយចំនួន និងបានធ្វេីឲ្យផ្លូវក្រោមស្ពានអាកាសរង្វង់មូលចោមចៅបានលិច បង្កការកក់ស្ទះចរចារណ៍ដល់បងប្អូនប្រជាពលរដ្ឋផងដែរ ។

ភ្នំពេញ ៖ បុរសម្នាក់ បើកបររថយន្តក្រឡុកស៊ីម៉ង់ត៍មួយគ្រឿង ក្នុងល្បឿនលឿន ខ្វះការប្រុងប្រយ័ត្ន បានវ៉ាប្រជែងរថយន្តមួយគ្រឿងទៀត ក៏ជ្រុលចង្កូតទៅបុករះឡើងសួនច្បារខណ្ឌពុះចែកទ្រូងផ្លូវជាតិលេខ៦ បណ្តាលឱ្យបែកផើងកូនឈើ២ផើង និងបង្គោលភ្លើង១ដើមរលើងទាំងគ្រឹះបាក់រាបដល់ដី តែសំណាងល្អ មិនបណ្ដាលឱ្យមានមនុស្សរងរបួសនោះទេ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២ និង១៥រសៀល ថ្ងៃទី០១ ខែកញ្ញា ឆ្នាំ២០២១ ស្ថិតនៅតាមបណ្តោយផ្លូវជាតិ៦ ក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។ តៃកុងរថយន្តបង្កមាន ឈ្មោះ ឈឹង សាល ភេទប្រុស អាយុ ២៦ឆ្នាំ ស្នាក់នៅភូមិក្រងស្វាយ ឃុំស្វាយអំពារ ស្រុកមុខកំពូល ខេត្តកណ្តាល។ តាមប្រភពព័ត៌មាននៅកន្លែងកើតហេតុ បានឱ្យដឹងថា នៅមុនពេលកើតហេតុ គេឃើញរថយន្តតក្រឡុកស៊ីម៉ង់តិ៍មួយគ្រឿង ម៉ាក HINO ពណ៌ស ស្លាក់លេខ ភ្នំពេញ 5A-3327 បើកបរដោយបុរម្នាក់ បានធ្វើដំណើរតាមផ្លូវជាតិលេខ៦ ទិសដៅពីជើងទៅត្បូង ក្នុងល្បឿនលឿន ខ្វះការប្រុងប្រយ័ត្ន ក៏បានវ៉ាប្រជែងគ្នាជាមួយរថយន្តមួយគ្រឿងទៀត ដែលកំពុងតែធ្វើដំណើរស្របទិសគ្នា ក៏ស្រាប់តែជ្រុលចង្កូតទៅឆ្វេងដៃបុករះឡើងសួនច្បារខណ្ឌពុះចែកទ្រូងផ្លូវ បណ្តាលឱ្យបែកផើងកូនឈើអស់២ផើង និងបាក់បង្គោលភ្លើងបំភ្លឺផ្លូវអស់១ដើមរលើងទាំងគ្រឹះបាក់រាបដល់ដី រីឯរថយន្តវិញរងការខូចខាតត្រង់កាងបន្តិចបន្តួចប៉ុណ្ណោះ។…

គ្រឿងញៀនចំនួន៨៦៤គ្រាប់ ត្រូវបានលោក វុធ សាវី ព្រះរាជអាជ្ញារង អមសាលាដំបូងខេត្តព្រះវិហារ សហការជាមួយកម្លាំងនគរបាលប្រឆាំងគ្រឿងញៀន នៃស្នងការនគរបាលខេត្ត ធ្វើការបង្រ្កាបបាន នៅផ្ទះជនសង្សយ័ ឈ្មោះ អ៊ិត ណាងណយ ជនជាតិគួយ ភេទស្រី អាយុ២៧ឆ្នាំ ស្ថិតនៅភូមិកំពង់សាមី ឃុំកំពង់ស្រឡៅ២ ស្រុកឆែប ។ប្រតិបត្តិការនេះ បានធ្វើឡើងកាលពីថ្ងៃទី៣១ ខែសីហា ឆ្នាំ២០២១ ។ លោក វុធ សាវី បានអោយដឹងថា ក្រោយពីមានការចង្អុលបង្ហាញពីសំណាក់ឯកឧត្តម ទី សុវណ្ណថាល់ ព្រះរាជអាជ្ញា អមសាលាដំបូងខេត្តព្រះវិហារ អោយដឹកនាំកម្លាំជំនាញ នគរបាលប្រឆាំងគ្រឿងញៀន នៃស្នងការដ្ឋានខេត្ត នឹងយោងតាមសេចក្តីរាយការណ៍របស់ភ្នាក់ងារសម្ងាត់ផងនោះ កម្លាំងរបស់យើង បានចុះទៅដល់ទីតាំងផ្ទះជនសង្សយ័ខាងលើ ឆែកឆេររកវត្ថុតាង ឃើញមានគ្រឿងញៀនដែលជនសង្សយ័ខាងលើបានលាក់ទុក ឈានទៅដល់ឃាត់ខ្លួនជនសង្សយ័ នឹងវត្ថុតាង នាំយកមកស្នងការនគរបាលខេត្ត ដើម្បីហែកកញ្ចប់ពិនិត្យមើល ឃើញមានគ្រឿងញៀនចំនួន៨៦៤ ប្រភេទមេតំហ្វេតាមីន ជនសង្សយ័ ត្រូវបានក៍សាងសំណុំរឿងបញ្ជូនទៅសាលាដំបូង ដើម្បីចាត់ការបន្តទៅតាមនិតិវិធី ៕ ដោយ ឈឿង ចាន់

សន្តិសុខមាតុភូមិ៖​ របាយការណ៍ទូទាំងប្រទេស ប្រចាំថ្ងៃទី០១ កញ្ញា​ ២០២១