សូឡូ៖ ក្រុមប្រឹក្សាសហព័ន្ធកីឡាជនពិការអាស៊ីអាគ្នេយ៍បានសម្រេចជាផ្លូវការនូវចំនួនកីឡា១២ប្រភេទសម្រាប់ព្រឹត្តិការណ៍អាស៊ានប៉ារ៉ាហ្គេម លើកទី១២ ឆ្នាំ២០២៣ ដែលប្រទេសកម្ពុជាទទួលធ្វើជាម្ចាស់ផ្ទះ។

ព្រឹកថ្ងៃទី២៩ ខែកក្កដានេះ ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានធ្វើបទបង្ហាញស្តីពីការត្រៀមខ្លួនធ្វើម្ចាស់ផ្ទះរៀបចំការប្រកួតអាស៊ានប៉ារ៉ាហ្គេម លើកទី១២ ឆ្នាំ២០២៣ កិច្ចប្រជុំក្រុមប្រឹក្សាភិបាលនៃសហព័ន្ធកីឡាជនពិការអាស៊ីអាគ្នេយ៍ (APSF) នៅសណ្ឋាគារ Swiss Bel Hotel ក្នុងទីក្រុងសូឡូ ប្រទេសឥណ្ឌូនេស៊ី។

ឯកឧត្តម ស សុខា រដ្ឋលេខាធិការក្រសួងអប់រំយុវជននិងកីឡា និងជាប្រធានសហព័ន្ធកីឡាសិស្សនិស្សិតកម្ពុជា បានធ្វើដំណើរទៅដល់ប្រទេសថៃហើយ កាលពីល្ងាចថ្ងៃទី២៧ ខែ កក្តដា ម្សិលមិញនេះ ដើម្បីចូលរួមក្នុងពិធីបើកកីឡាសកលវិទ្យាល័យអាស៊ានលើកទី២០ នៅ ខេត្ត អូប៊ុន រ៉ាតចាថានី ប្រទេសថៃ។

សូឡូ៖ ក្រុមបាល់បោះជិះរទេះនារីពិការកម្ពុជាសង្ឃឹមខ្ពស់ឈ្នះមេដាយពីព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ ដែលនឹងចាប់ផ្តើមប្រកួតពីថ្ងៃទី៣០ ខែកក្កដា នៅទីក្រុងសូឡូ ប្រទេសឥណ្ឌូនេស៊ី។ លោក ម៉ៅ សុខជា គ្រូបង្វឹកក្រុមបាល់បោះជិះរទេះពិការកម្ពុជាទាំងផ្នែកបុរស និងនារី បានឲ្យដឹងថា សហព័ន្ធកីឡាបាល់បោះជនពិការកម្ពុជាបានបញ្ជូលទាំងក្រុមបុរស និងក្រុមនារីចូលរួមប្រកួត…

បាងកក៖ ព្រឹត្តិការណ៍ប្រកួតកីឡាសីដក់ជ្រេីសរេីសជេីងឯកពិភពលោក”ពានរង្វាន់ព្រះមហាក្សត្រថៃ”លេីកទី៣៥ ( The 35 King Cup Sepaktakraw world championships) នៅទីក្រុង បាងកក ប្រទេសថៃ គិតត្រឹមថ្ងៃទី២៧ ខែកក្កដា ឆ្នាំ២០២២ អត្តពលិកកីឡាសីដក់ និងឈិនឡូនកម្ពុជា ដណ្តើមបានមេដាយសរុប៣គ្រឿង ។

សូឡូ៖ អតីតកីឡាការិនីហែលទឹកជម្រើសជាតិកម្ពុជា ហែមថុន វិទីនី បានដឹកនាំក្រុមកីឡាករ កីឡាការិនីមានពិការភាពកម្ពុជាចូលរួមប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅទីក្រុងសូឡូ ប្រទេសឥណ្ឌូនេស៊ី ចាប់ពីថ្ងៃទី៣០ ខែកក្កដា ដល់ថ្ងៃទី៦ ខែសីហា។ នេះជាការងារថ្មីមួយទៀតសម្រាប់ ហែមថុន វិទីនី ដែលទទួលបានឱកាសបង្ហាត់ក្រុមអត្តពលិកជនមានពិការភាពកម្ពុជាដើម្បីប្រកួតក្នុងព្រឹត្តិការណ៍អន្តរជាតិ បន្ទាប់ពីធ្លាប់តែបង្ហាត់បង្រៀនកីឡាហែលទឹកធម្មតា។

សូឡូ៖ ក្រុមបាល់ទាត់ជនពិការជម្រើសជាតិកម្ពុជា (៧ម្ខាង ចលករខួរក្បាល) ត្រៀមខ្លួនបានល្អប្រសើរជាងលើកទី១សម្រាប់ការចូលរួមប្រកួតអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី ពីថ្ងៃទី៣០ ខែកក្កដា ដល់ថ្ងៃទី៦ ខែសីហា។

ឥណ្ឌូនេស៊ី ៖ ប្រតិភូ គ្រូបង្វឹក និងកីឡាករ-កីឡាការិនីជនពិការកម្ពុជា សរុបចំនួន ១៧៩នាក់ បានចេញដំណើរតាមជើងយន្ដហោះពិសេសដោយឥតគិតថ្លៃ ដើម្បីចូលរួមការប្រកួតកីឡាអាស៊ានប៉ារ៉ាហ្គេម លើកទី១១ ឆ្នាំ២០២២ បានមកដល់ទីក្រុងសូឡូ ប្រទេសឥណ្ឌូនេស៊ី ដោយសុវត្តិភាព បន្ទាប់ពីចាកចេញពីព្រះរាជាណាចក្រកម្ពុជា នារសៀលថ្ងៃទី២៦ ខែកក្កដា

នាព្រឹកថ្ងៃទី២៦ ខែ កក្តដា ឆ្នាំ២០២២នេះ អត្តពលិកកីឡាជនពិការកម្ពុជា១១ប្រភេទកីឡា ដឹកនាំដោយ ឯកឧត្តម យី វាសនា អគ្គលេខាធិការ គណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកម្ម បានចេញដំណើរពីព្រះរាជាណាចក្រកម្ពុជា ដោយមានការជូនដំណើរ ដោយ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា តំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយរដ្ឋមន្រ្តីនៃព្រះរាជាណចក្រកម្ពុជា ជាប្រធាន គណៈកម្មាធិការជាតិប៉ារ៉ាឡាំពិកកម្ពុជា។

(ភ្នំពេញ)៖ តាមរយៈជំនួបជាមួយថ្នាក់ដឹកនាំក្រសួងទេសចរណ៍កម្ពុជា ភាគីសិង្ហបុរីបានសន្យាបន្តជួយគាំទ្របច្ចេកទេស ហើយនឹងបញ្ជូនគ្រូមកបង្វឹកកីឡាករកម្ពុជាលើជំនាញកីឡាបាល់គប់ក្នុងទឹក (Water Polo) ដើម្បីត្រៀមខ្លួនក្នុងការចូលរួមប្រកួតក្នុងព្រឹត្តិការណ៍ស៉ីហ្គេម ឆ្នាំ២០២៣ នៅកម្ពុជា។