ឯកឧត្តមបណ្ឌិត ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាមានប្រសាសន៍ថា ក្រសួងបានរៀបចំគោលនយោបាយកីឡាជាតិ ស្តីពីការអភិវឌ្ឍវិស័យអប់រំកាយ និងកីឡា និងបានធ្វើកំណែទម្រង់ស៊ីជម្រៅការងារអប់រំកាយ និងកីឡា ៤ចំណុច ដើម្បីលើកកម្ពស់វិស័យកីឡាឆ្ពោះទៅធ្វើម្ចាស់ផ្ទះ ស៊ីហ្គេម លើកទី៣២ឆ្នាំ២០២៣។

ភ្នំពេញ៖ គណៈកម្មាធិការជាតិអូឡាំពិកកម្ពុជា (NOCC) បានរៀបចំទិវាអូឡាំពិក នៅខេត្តកែប នាថ្ងៃទី២២ ខែមិថុនា ឆ្នាំ២០២២នេះដើម្បីបញ្ជា្របគុណតម្លៃអូឡាំពិក និងបានបន្តការផ្សព្វផ្សាយពីគោលដៅឆ្ពោះទៅទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ជូនដល់សិស្សានុសិស្សដែលចូលរួម។

សហព័ន្ធកីឡាវាយកូនគោលកម្ពុជា នាព្រឹកថ្ងៃទី២២ ខែ មិថុនា ឆ្នាំ២០២២ បានធ្វើស្និបាតបូកសរុបលទ្ធផលការងារឆ្នាំ២០២០-២០២១ និងឆមាសទី១ និងអនុវត្តឆមាសទី២ឆ្នាំ២០២២និងឆ្នាំ២០២៣ នៅអាគារគណៈកម្មាធិការជាតិអូឡាំពិកកម្ពុជា ក្រោមវត្តមាន ឯកឧត្តម ជា បូរ៉ា អគ្គលេខាធិការ សហព័ន្ធកីឡាវាយកូនគោលកម្ពុជា ឯកឧត្តម វ៉ាត់ ចំរើន

ភ្នំពេញ៖ ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) នាព្រឹកថ្ងៃទី២២ ខែមិថុនា ឆ្នាំ២០២២ បានអញ្ជើញដឹកនាំកិច្ចប្រជុំ ជាមួយប្រតិភូប៉ារ៉ាឡាំពិកកម្ពុជា ដែលមានការអញ្ជើញចូលរួមដោយ ឯកឧត្តម យី វាសនា អគ្គលេខាធិការប៉ារ៉ាឡាំពិកកម្ពុជា និងជានាយបេសកកម្ម រួមជាមួយសហការី ស្តីពីព្រឹត្តិការណ៍អាស៊ានប៉ារ៉ាហ្គេម លើកទី១១ នៅប្រទេសឥណ្ឌូនេស៊ី ឆ្នាំ២០២២។

ភ្នំពេញ៖ កញ្ញា សួង ចាន់តូរ៉ាទី អគ្គលេខាធិការស្តីទី សហព័ន្ធកីឡាសីដក់ និងឈិនឡូនកម្ពុជា បានបញ្ជាក់ថា នាយកដ្ឋានរៀបចំការប្រកួត និងគ្រប់គ្រងព្រឹត្តការណ៍កីឡា បានដាក់បញ្ចូលប្រភេទកីឡាសីដក់ ការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ប្រចាំឆ្នាំ២០២២នេះ គឺជាចំនុចវិជ្ជមានមួយសម្រាប់សហព័ន្ធ ។

ឯកឧត្តម អ៊ុក សិទ្ធិជាតិ អគ្គនាយក អគ្គនាយកដ្ឋានកីឡានៃក្រសួងអប់រំ យុវជន និងកីឡាអញ្ជើញដឹកនាំកិច្ចប្រជុំបច្ចេកទេស នៅល្ងាចថ្ងៃទី២១ ខែមិថុនា ឆ្នាំ២០២២ នៅមជ្ឈមណ្ឌលជាតិហ្វឹកហ្វឺនកីឡា ដើម្បីត្រៀមរៀបចំការប្រកួតកីឡានិស្សិតឧត្តមសិក្សា និងមធ្យមសិក្សាបច្ចេកទេស ប្រចាំឆ្នាំ២០២២ ដែលនឹងដំណើរការជ្លូវការពីថ្ងៃទី២២ ដល់ថ្ងៃទី៣០ ខែមិថុនា ឆ្នាំ២០២២ នៅរាជធានីភ្នំពេញ ដោយដំណើរការដោយរលូន និងទទួលបានជោគជ័យ។

ឯកឧត្តម លី កុសល ប្រធានសហព័ន្ធកីឡាវាយសីកម្ពុជា បានជួបសំណេះសំណាលជាមួយ គ្រូបង្វឹក កីឡាករកីឡាការិនីជម្រើសជាតិ និងសមាជិកប្រតិបត្តិសហព័ន្ធ នាព្រឹកថ្ងៃទី២១ ខែ មិថុនា នៅអាគារគណៈកម្មាធិការជាតិអូឡាំពិកកម្ពុជា ដើម្បីផ្តល់អនុសាសន៍ ជម្រុញឲ្យការហ្វឹកហាត់អោយកាន់តែមានសក្តានុពលត្រៀម ស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

ភ្នំពេញ៖ លោក សោម សុទ្ធរិទ្ធិពង្ស អគ្គលេខាធិការសហព័ន្ធកីឡាទូកក្តោងកម្ពុជា បានបញ្ជាក់ថា សហព័ន្ធត្រៀមខ្លួនរួចជាស្រេច ដើម្បីដណ្តើមមេដាយជូនកម្ពុជា ក្នុងព្រឹត្តការណ៍កីឡាស៊ីហ្គេម លើកទី៣២ នាឆ្នាំ២០២៣ ។ ការបង្ហាញភាពជឿជាក់យ៉ាងដូច្នេះ ដោយសារសហព័ន្ធ មាន ផែនការច្បាស់លាស់ ដូចជា បង្កើនការហ្វឹកហាត់ជូនអត្តពលិក បញ្ជូនទៅចូលរួមប្រកួតកម្រិតអន្តរជាតិ

ក្រុមបាល់ទាត់ស្រុកល្វាឯមបានក្លាយជាម្ចាស់ជើងឯកការប្រកួតកីឡាមហាជនជ្រើសរើសជើងឯក ខេត្តកណ្តាលប្រចាំឆ្នាំ២០២២ បន្ទាប់ពីយកឈ្នះក្រុមសមាគមបាល់ទាត់យុវជនខេត្តកណ្តាល ដោយ ការទាត់បាល់១១ម៉ែត្រកាត់សេចក្តី ក្នុងលទ្ធផល៥ទល់៤វគ្គផ្តាច់ព្រ័ត្រ កាលពីចុងសប្តាហ៍ នៅកីឡដ្ឋានខេត្តកណ្តាល។

ការប្រកួតកីឡាមហាជនជ្រើសរើសជើងឯក រាជធានីភ្នំពេញ ឆ្នាំ២០២២ ដែលដំណើរការប្រកួតលើ៤ប្រភេទកីឡា មានដូចជា កីឡាប៊ូលនិងប៉េតង់ បាល់ទះ បាល់ទាត់និងបាល់បោះ បានបញ្ចប់ការប្រកួតផ្លូវការហើយ កាលពីថ្ងៃទី១៨ នៅវិទ្យាល័យជាស៊ីមសាគ្គី ។