(ភ្នំពេញ)៖ ក្រុមកីឡាហុកគីនារីកម្ពុជា កំពុងសម្រុកហ្វឹកហាត់ នៅទីលានសាលដំរី នៃពហុកីឡដ្ឋានជាតិមរតកតេជោ យ៉ាងសកម្ម ក្នុងការពង្រឹងសត្ថភាពត្រៀមខ្លួនឲ្យកាន់តែប្រសើរ ដើម្បីចូលរួមប្រកួតក្នុងព្រឹត្តិការណ៍ កីឡាអាស៊ី (ASIAN Games) លើកទី១៩ ដែលគ្រោងនឹង ធ្វើឡើងនៅទីក្រុង Hangshou សាធារណរដ្ឋប្រជាមានិតចិន ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា ឆ្នាំ២០២៣ ក្រោយពីបានពន្យារពេលក្នុងឆ្នាំ២០២២ ដោយសារវិបត្តិ ជំងឺ កូវីដ-១៩ ។ លោក កាំង សុធា អគ្គលេខាធិការសហព័ន្ធកីឡាហុកគីកម្ពុជា បញ្ជាក់ថា ក្រុមជម្រើសជាតិ ហុកគីនារីកម្ពុជា បានក្លាយជាបេក្ខភាពមួយក្នុងចំណោមបេក្ខភាពជាច្រើនទៀត ក្នុងអាស៊ីទាំង មូល សម្រាប់ការប្រកួតកីឡាអាស៊ី ឆ្នាំ២០២៣ ។ លោកថា មូលហេតុក្រុមហុកគីនារីកម្ពុជា ទទួលបានកៅអីចូលរួម(ASIAN Games) លើកទី១៩ នៅចិននេះ ដោយសារតែក្រុមហុគីនារីកម្ពុជា បានឆ្លងកាត់ ការប្រកួតអន្តរជាតិនានា កន្លងមក បូករួម ទាំង ការទទួលធ្វើម្ចាស់ផ្ទះ កីឡាស៊ីហ្គេម លើកទី៣២ ពីថ្ងៃទី…

កំពង់ស្ពឺ៖ ព្រឹត្តិការណ៍ Cambodia Elephant Trail 2023 បានបញ្ចប់ដោយជោគជ័យ នឹងទទួលបានការគាំទ្រ យ៉ាងផុសផុលដោយមានអត្តពលិកចូលរួមរត់ប្រណាំងចំនួន៤៣៨នាក់ មកពី២៦ប្រទេសផ្សេងគ្នា លើពិភពលោក នៅឧទ្យានជាតិព្រះសុរាម្រិតកុសុមៈគិរីរម្យ។ ព្រឹត្តិការណ៍ Cambodia Elephant Trail 2023 បានរៀបចំ ឡើងដោយក្លឹបអ្នករត់ KKRC និងទទួលបានការគាំទ្រពីរដ្ឋបាលខេត្តកំពង់ស្ពឺ និងសហព័ន្ធកីឡាឧបសគ្គកម្ពុជា ។ ព្រឹត្តិការណ៍រត់ប្រណាំង Cambodia Elephant Trail ឆ្នាំទី៣ បានរៀបចំឡើងក្នុងគោលបំណងបំផុសស្មារតីដល់សាធារណជនក្នុងការចូលរួមលេងកីឡា និងចូលរួមផ្សព្វផ្សាយមេត្រីភាពបរិស្ថាន អំពីតំបន់ទេសចរណ៍ធម្មជាតិដោយផ្សារភ្ជាប់កីឡាជាមួយការស្រលាញ់បរិស្ថាន។ លោក ឃី សុភា តំណាងក្រុមការងាររៀបចំព្រឹត្តការណ៍ បានបញ្ជាក់ថា ព្រឹត្តិការណ៍រត់ប្រណាំងឆ្នាំនេះ ទទួលបានការគាំទ្រ និងមានអ្នកចូលរួមកើនឡើងទ្វេដង បើធៀបនឹងឆ្នាំមុនៗ។ លោកបន្តថា អ្នកចូលរួម ភាគច្រើនបង្ហាញក្តីសប្បាយរីករាយជាមួយបទពិសោធន៍ថ្មីក្នុងការរត់ប្រណាំងបែបធម្មជាតិៗឡើងភ្នំ ចុះភ្នំ កាត់ឧបសគ្គផ្លូដី គ្រួស ថ្ម រអិល ឆ្លងស្ពាន ឆ្លងអូរ និងព្រៃព្រឹក្សា ខុសពីព្រឹត្តការណ៍រត់ប្រណាំងបែបម៉ារ៉ាតុង ផ្សេងៗដែល ពួកគាត់លោកធ្លាប់បានចូលរួមកន្លងមក។ ចំពោះវិញ្ញាសារត់ប្រណាំងឆ្នាំនេះមានចំនួន…

(ភ្នំពេញ)៖ ក្រុមបាល់ទាត់យុវជនវិទ្យាល័យ ហ៊ុន សែន ច្បារអំពៅបានក្លាយជាម្ចាស់ជើងឯកការប្រកួតបាល់ទាត់យុវជនក្រមអាយុ១៨ឆ្នាំ រាជធានីភ្នំ ឆ្នាំ២០២៣ ដោយយកឈ្នះក្រុមបាល់ទាត់វិទ្យាល័យជាស៊ីម សាមគ្គី នៅវគ្គផ្តាច់ព្រ័ត្រ ក្នុងលទ្ធផលបច្ចេកទេស២ទល់១ នាព្រឹកថ្ងៃទី៣០ ខែ មិថុនា ឆ្នាំ២០២៣ នៅទីលានកីឡាបាល់ទាត់វិទ្យាល័យជាស៊ីជ្រោចង្វារ រាជធានីភ្នំពេញ។ លោក ស្រេង សេង ប្រធានការិយាល័យកីឡានៃមន្ទីរអបរំយុវជននិងកីឡារាជធានីភ្នំពេញ មានប្រសាសន៍ ឲ្យដឹងថា ការប្រកួតបាល់ទាត់យុវជនអាយុ១៨ឆ្នាំ ជើងឯករាធានីភ្នពេញ ឆ្នាំ២០២៣ មានក្រុមចូលរួមចំនួន៧ ។ចែកចេញជាពីពូល រួចប្រកួតវិលជុំក្នុងពូល បន្តយកចំណាត់ថ្នាក់លេខ១និងលេខ២នៃពូលនីមួយៗមកប្រកួតខ្វែងពាក់កណ្តាលផ្តាច់ព្រ័ត្រ និងផ្តាច់ព្រ័ត្រតែម្តង។ លោក ប្រធានការរិយាល័យកីឡារាជធានីភ្នំពេញ បានគូសបញ្ជាក់ថា សម្រាប់ការប្រកួតយុវជនអាយុ១៨ឆ្នាំ ជើងឯក រាជធានីភ្នំពេញ ឆ្នាំ២០២៣នេះ គឺជាផែនការប្រចាំឆ្នាំដែលរៀបចំដោយការរិយាល័យកីឡាក្រោមការគាំទ្រពីមន្ទីរអប់រំយុវជននិងកីឡារាជធានីភ្នំពេញ ក្នុងគោលបំណងអភិវឌ្ឍនិងលើកកម្ពស់វិស័យបាល់ទាត់នៅរាជធានីភ្នំពេញ ហើយក៏ដើម្បីចំរាញ់ជ្រើសរើសយកក្រុមបាល់ទាត់យុវជនឆ្នើមអាយុ១៨ ត្រៀមសម្រាប់ចូលរួមជើងឯកទូទាំងប្រទេសនៅពេលខាងមុខ ដែលរៀបចំដោយក្រសួងអប់រំយុវជននិងកីឡា។ លោក អ៊ុក ចន្ថា អនុប្រធានមន្ទីរអប់រំយុវជន និងកីឡារាជធានីភ្នំពេញ បានកោតសសើរនិងវាយតម្លៃខ្ពស់ចំពោះប្រតិភូដឹកនាំក្រុម ដែលបានខិតខំកសាងនិងបង្កើតក្រុមបាល់ទាត់ ដើម្បីចូលរួមប្រកួតក្នុងជើងឯកនាពេលនេះ ដែលជាកាយការ និងការចូលរួមដោយស្មោះក្នុងការកសាសងអភិវឌ្ឍវិស័យកីឡាបាល់ទាត់ក្នុងរាជធានីភ្នំពេញ និងជំរុញដល់យុវជន ឲ្យចូលហាត់…

ភ្នំពេញ ៖ ក្រុមខ្លាំងចំនួនពីរក្រុមដែលត្រូវឡើងទៅកាន់វគ្គផ្តាច់ព្រ័ត្រដណ្តើមតំណែងជើងឯកការប្រកួតកីឡាបាល់ទាត់យុវជនរាធានីភ្នំពេញ ក្រោមអាយុ ១៨ឆ្នាំ ប្រចាំឆ្នាំ២០២៣ បានរកឃើញហើយ គឺក្រុមបាល់ទាត់វិទ្យាល័យជាស៊ីមសាមគ្គី និងក្រុមបាល់ទាត់វិទ្យាល័យ ហ៊ុន សែន ប៊ុន រ៉ានី ច្បារអំពៅ ។ ក្រុមខ្លាំងទាំងពីរនេះ នៅវគ្គពាក់កណ្តាលផ្តាច់ព្រ័ត្រ ដែលធ្វើឡើងនៅទីលានបាល់ទាត់វិទ្យាល័យ ជា ស៊ីម ជ្រោយង្វារ នាព្រឹកថ្ងៃទី២៩ ខែ មិថុនា ឆ្នាំ២០២៣ គឺក្រុមបាល់ទាត់វិទ្យាល័យ ហ៊ុន សែន ប៊ុន រ៉ានី ច្បារអំពៅ បានប្រកួតយកឈ្នះក្រុមបាល់ទាត់វិទ្យាល័យជាស៊ីមជ្រោចង្វារក្នុងលទ្ធផល៥ទល់០ ខណៈដែលក្រុមបាល់ទាត់វិទ្យាល័យជា ស៊ីម សាមគ្គី បានប្រកួតយកឈ្នះក្រុមបាល់ទាត់វិទ្យាល័យបាក់ទូក ក្នុងលទ្ធផល ៤ ទល់ ១ ។ ដូច្នោះការប្រកួតវគ្គផ្តាច់ ដណ្តើមតំណែងជើងឯកដែលធ្វើឡើងនៅថ្ងៃទី៣០ ខែមិថុនា ស្អែកនេះ ក្រុមវិទ្យាល័យជាស៊ីមសាមគ្គីប្រកួតជាមួយវិទ្យាល័យស្តេច ហ៊ុន សែន ប៊ុន រ៉ានី ច្បារអំពៅ រីឯក្រុមបាល់ទាត់វិទ្យាល័យជាស៊ីមជ្រោចង្វារ ជួបប្រកួតជាមួយក្រុមបាល់ទាត់វិទ្យាល័យបាក់ទូកដណ្តើមចំណាត់លេខ៣។ លោក ស្រេង…

ភ្នំពេញ ៖ ក្រុមកីឡាចំបាប់កម្ពុជាអាយុក្រោម ១៧ឆ្នាំ ដណ្ដើមបានមេដាយ ៣គ្រឿង ពីការប្រកួតជើងឯកយុវជនអាស៊ីអាគ្នេយ៍ ឆ្នាំ២០២៣ នៅប្រទេសថៃ កាលពីថ្ងៃទី២៨ ខែមិថុនា ឆ្នាំ២០២៣ ។ លោក កាង ដែនពិសិដ្ឋ គ្រូបង្វឹកកីឡាចំបាប់ ដែលដឹកនាំអត្តពលិកចំបាប់កម្ពុជា ក្នុងបេសកកម្មនេះបានបញ្ជាក់ពីប្រទេសថៃមកថា មេដាយ៣គ្រឿងនេះ គឺមេដាយប្រាក់ ២គ្រឿង ដណ្ដើមបានដោយកីឡាករ ស៊ីម ប្រសើ លើវិញ្ញាសាទម្ងន់ ៤៥គីឡូក្រាម និងកីឡាការិនី នក់ ស៊ីណាត់ ទម្ងន់ ៥៣គីឡូក្រាម និងមេដាយសំរឹទ្ធ ១គ្រឿង ដណ្ដើមបានដោយកីឡាការិនី ស៊ីម ស៊ីធឺន ទម្ងន់ ៥៣គីឡូក្រាម។ ក្រុមកីឡាចំបាប់កម្ពុជា នៅសល់ការប្រកួតអាយុក្រោម ២០ឆ្នាំទៀត ដែលត្រូវ ប្រកួតនាថ្ងៃទី២៩ ខែមិថុនានេះ ដោយកីឡាករ អ៊ុល សៅហេង វិញ្ញាសាចំបាប់សេរីទម្ងន់ ៧៤គីឡូក្រាម, ស៊ីម គាថា ៥០គីឡូក្រាម, សម្បត្តិ វណ្ណៈ…

ភ្នំពេញ ៖ សម្តេចពិជ័យសេនា ទៀ បាញ់ ប្រធាន គណៈ កម្មាធិការជាតិ CAMSOC-CAMAPGOC បានថ្លែងនៅ ក្នុង ពិធីបូកស រុបការងារ ស៊ីហ្គេម-អាស៊ានប៉ារ៉ាហ្គេម និង ប្រគល់ប្រាក់រង្វាន់លើកទឹកចិត្តជូនគ្រូបង្វឹក គ្រូជំនួយ កីឡាករ កីឡាការិនី ទទួលបានជ័យលាភីក្នុងព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅទីស្តីការក្រសួងការពារជាតិ កាលពីថ្ងៃទី២៧ ខែ មិថុនាម្សិលមិញនេះថា ព្រឹត្តិការណ៍ SEA Games-ASEAN Para Games 2023 ដែលកម្ពុជាធ្វើជាម្ចាស់ផ្ទះ កម្ពុជាទទួលបានលទ្ធផលលើសពីការរំពឹងទុក ដែលប្រជាជនកម្ពុជាទាំងក្នុង និង ក្រៅប្រទេសមានអារម្មណ៍ភ្ញាក់ផ្អើលពីសមត្ថភាពដ៏ខ្លាំងចំពោះទេពកោសល្យដ៏ប៉ិនប្រសព្វនិងជំនាញវិជ្ជាជីវៈកីឡាដ៏គត់មត់ រួមជាមួយការបង្ហាញនូវអត្តចរិតសមរម្យ ឥរិយាបថ ថ្លៃថ្នូរ គោរពបទបញ្ជាការប្រកួត ក្រមសីលធម៌កីឡា គោលការណ៍លេងដោយយុត្តិធម៌របស់អត្តពលិកជាតិ។ សកម្មភាពទាំង នេះហើយ ទើបធ្វើឲ្យអត្តពលិកកម្ពុជា ដណ្តើមបានមេដាយមាស៨១ ប្រាក់ ៧៤ និងសំរឹទ្ធ១២៧ សរុបចំនួន២៨២គ្រឿង ដែលជាកំណត់ត្រាប្រវត្តិសាស្ត្រខ្ពស់ជាងគេបំផុតសម្រាប់កម្ពុជា ដោយបានឈរចំណាត់ថ្នាក់ទី៤ ក្នុងចំណោម១១ប្រទេស។ បើធៀបជាមួយលទ្ធផលបច្ចេកទេសនៅក្នុងស៊ីហ្គេមលើកទី៣១ ឆ្នាំ២០២២…