កាំភ្លើងធំ Arsenal បានបន្តឈ្នះ៧ប្រកួតជាប់ៗគ្នា បន្ទាប់ពីបង្ហាញទម្រង់លេងយ៉ាងល្អ រួមទាំងយកឈ្នះទៅលើ Leicester City ៣-១ កាលពីយប់មិញ ក្នុងការប្រកួតសប្ដាហ៍ទី៩ នៃក្របខ័ណ្ឌ  English Premier League នៅកីឡដ្ឋាន Emirate Stadium  ។ គ្រប់ការប្រកួតទាំងអស់របស់ Arsenal គឺចាញ់ពីរប្រកួតបើកឆាកដំបូង ចាញ់ Chelsea ៣-២ និងចាញ់ Man City ២-០ ។  បន្ទាប់២ចាញ់ប្រកួតខាងលើ សរុបទាំងឈ្នះយប់មិញផងនោះ គឺបន្តឈ្នះ៧ប្រកួតជាប់ៗគ្នា។ ក្រុមម្ចាស់ផ្ទះ  Arsenal ត្រូវភ្ញៀវនាំមុខមុន បន្ទាប់ពីកីឡាករ Hector Bellerin ធ្វើអោយចូលទីខ្លួនឯង ។ តែនៅនាទីទី៤៥ Mesut Özil តាមបានស្មើ ១-១ ។ ចូលតង់ទី២បានតែ២នាទីប៉ុណ្ណោះ Aubameyang រកបានគ្រាប់បាល់នាំមុខ ២-១ វិញនៅនាទីទី៦៣ និង៣នាទីបន្ទាប់ខ្សែប្រយុទ្ធរូបនេះដដែលរកបានគ្រាប់បាល់ទី២ នៅនាទីទី៦៦…

 ក្រុម Everton ២:0 Crystal Palace នៅសប្តាហ៍ទី៩ នៃលីគកំពូលអង់គ្លេស កាលពីយប់មិញ នៅកីឡដ្ឋាន Goodison Park ប្រទេសអង់គ្លេស ។ ២គ្រាប់របស់ Everton រកបានដោយកីឡាករ Dominic Lewin នៅនាទី៨៧ និងគ្រាប់ទី២ រកបានដោយកីឡាករ Cenk Tosun នៅនាទី៨៩ ។    សូមបញ្ជាក់ថា ៣ពិន្ទុរបស់ Everton កាលពីយប់មិញ ធ្វើក្រុមមួយនេះ លើងទៅឈរចំណាត់ថ្នាក់លេខ៨ ដោយមាន១៥ពិន្ទុ តាមពីក្រោយក្រុម Watford ឈរនៅលេខ៧ មាន១៦ពិន្ទុ ។ ចំពោះសប្តាហ៍ទី១០ ក្រុម Everton និងត្រូវជួបក្រុមម្ចាស់ផ្ទះ Man Utd  នៅថ្ងៃទី២៨ ខែតុលា ឆ្នាំ២០១៨ ៕      

 កីឡាករ Usian Bolt ទទួលបានកិច្ចសន្យា ជាមួយក្លិបបាល់ទាត់អាជីពអូស្ត្រាលី Central Coast Mariners នេះបើយោងតាមទីភ្នាក់ងាររបស់ខ្លួន Ricky Simms បានឲ្យដឹងកាលពីថ្ងៃអាទិត្យចុងសបា្តហ៍កន្លងទៅនេះ ។ ហើយបច្ចុប្បន្ន Bolt កំពុងធ្វើតេស្តសមត្ថភាព ដើម្បីប្រែក្លាយខ្លួន ទៅជាកីឡាករបាល់ទាត់អាជីព ។ ជាមួយគ្នានេះ ភ្នាក់ងាររបស់ Bolt លោក Ricky Simms បានបញ្ជាក់ថា Usian Bolt ពិតជាទទួលបានកិច្ចសន្យាពិតមែន ។    គួររំលឹកថា បុរសជនជាតិចាម៉ៃកា ឬហ្សាម៉ាអ៊ីក វ័យ៣២ឆ្នាំរូបនេះអតីតម្ចាស់មេដាយមាសរត់ប្រណាំងអូឡាំពិក៨ដង ហើយរូបគេបានចូលនិវត្តន៍ពីអាជីពរត់ប្រណាំង ក្នុងឆ្នាំ២០១៧ មិនបានចូលរួមប្រកួតថ្ងៃបើកលីគកំពូលអូស្ត្រាលីឲ្យ Mariners ប៉ះ ក្រុម Brisbane Roar កាលពីថ្ងៃអាទិត្យកន្លងទៅឡើយ ៕

ក្រុមអាណាចក្របៃតងក្លាយជាម្ចាស់ពានរង្វាន់សម្តេចអគ្គមហាពញាចក្រី ហេង សំរិន លើកទី២ ក្រោយយកឈ្នះក្រុម ធី អ៊ិន កណ្តាល ក្នុងលទ្ធផល១ទល់០ នៅវគ្គផ្តាច់ព្រ័ត្រកាលពីចុងសប្តាហ៍កន្លងទៅ នៅពហុកីឡដ្ឋានជាតិ ក្រោយមអធិបតីភាព ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុវជន និងយុវនិតិសម្បទា។ ឯកឧត្តម បានមានប្រសាសន៍ថា ការប្រកួតកីឡានាពេលនេះ បានបង្ហាញពីសាមគ្គីភាព មិត្តភាព រវាងស្ថាប័នមួយទៅស្ថាប័នមួយ ទាំងក្របខណ្ឌរដ្ឋ ក៏ដូចជាឯកជន ដែលធ្វើឲ្យព្រឹត្តិការណ៍ប្រកួតនេះ ប្រព្រឹត្តទៅដោយជោគជ័យ។ ឯកឧត្តមបន្តថា ការចូលរួមពីក្រុមទាំង២១ បានផ្តល់ឱកាសឲ្យកីឡាករទាំងអស់ បានបង្កើតមិត្តភាព សាមគ្គីភាព ភាតរភាពពីក្រុមមួយទៅក្រុមមួយទៀត និងបានបណ្តុះគំនិតឲ្យក្មួយៗ ចេះស្រឡាញ់វិស័យកីឡា។ ជាមួយគ្នានេះ ឯ កឧត្តម វង សូត បានលើកទឹកចិត្តកីឡាករ ដែលទទួលបានចំណាត់ថ្នាក់ល្អ ត្រូវខិតខំហ្វឹកហាត់បន្តទៀត ដើម្បីបង្កើនសមត្ថភាព ទេពកោសល្យ និងបច្ចេកទេស ដើម្បីស្វែងរកចំណាត់ល្អ ក៏ប្រជែងពានឲ្យបាននៅឆ្នាំក្រោយ។ ចំពោះក្រុមដែលឈ្នះពាន ត្រូវហ្វឹកហាត់បង្កើនបច្ចេកទេស ធ្វើយ៉ាងណាការពារតំណែងជើងឯក នៅឆ្នាំក្រោយៗទៀត។ ឯកឧត្តមរដ្ឋមន្រ្តី បញ្ជាក់ទៀតថា…

កម្មវិធីក្តីសុបិនបានរៀបចំសម្រាប់កុមារ ដើម្បីបណ្តុះឆន្ទៈ សេចក្តីប៉ងប្រាថ្នា សីលធម៌ ក្តីសង្ឃឹម និងការយកចិត្តទុកដាក់ពីគ្រប់ៗគ្នា ដែលរៀបចំដោយសហភាពសហព័ន្ធយុវជនកម្ពុជា រាជធានីភ្នំពេញ សហការជាមួយក្រសួងបរិស្ថាន និងដៃគូរសប្បុរសជន វិស័យឯកជនមួយចំនួន ដើម្បីលើកទឹកចិត្ត ដល់កុមារចំនួនជាង៦០០នាក់ មកពីមណ្ឌល/អង្គការកុមារកំព្រាចំនួន៨ ស្ថិតនៅរាជធានីភ្នំពេញ និង អង្គការកុមារកំព្រាចំនួន០១ មកពីខេត្តកណ្តាល គឺមានកុមារតូចៗ ប្រមាណជា៨០% ដែលមកចូលរួមមានការចាប់អារម្មណ៍ខ្លាំង ទៅលើវិស័យកីឡាយានយន្ត ក្នុងឱកាសដាក់តាំងបង្ហាញ កាលពីចុងសប្តាហ៍កន្លងទៅ។ ស្ថាបនិកក្រុម KARAកម្ពុជា លោក ហូ សិទ្ធិគុណ បានបញ្ជាក់ថា នេះជាលើកទី១ហើយ ដែល ក្រុម KARA កម្ពុជា បាននាំយករថយន្តដែលធ្លាប់ប្រណាំងទៅដាក់តាំងក្នុងកម្មវិធីសង្គម ក្នុងគោលបំណងបំផុសផ្នត់គំនិតមហាជន យុវជន និងកុមារតូចៗ ឲ្យស្គាល់ពីវិស័យកីឡាយានយន្ត ក៏ជាវិស័យកីឡាមួយរួមចំណែក និងអភិវឌ្ឍន៍ធនធានមនុស្ស ឈានទៅរកឧត្តមភាពកិត្យានុភាពជាតិ ជាពិសេសនោះ ក្លាយជាកីឡាករអាជីពផងដែរ។ ស្ថាបនិករូបនេះ អះអាងថា ការដាក់តាំងបង្ហាញលើកដំបូងនេះ មានកុមារា និងកុមារី បានចូលរួមសាកល្បង ព្រមទាំងបានសាកសួរព័ត៌មានជាច្រើនការប្រណាំងរថយន្ត និងពួកគេបានចាប់អារម្មណ៍អំពីបច្ចេកទេសកែច្នៃរថយន្ត ប្រមាណជា៨០% នៃក្មេង…

ប្រធានសហព័ន្ធកីឡាវាយសីកម្ពុជា ឯកឧត្តម លី កុសល បានចាត់ទុកមេដាយមាសដែលកីឡាករវ័យក្មេង វ៉ាត់ វណ្ណធន ឈ្នះពីកីឡាអូឡាំពិកយុវជន លើកទី៣ នៅប្រទេសអាហ្សង់ទីន លើវិញ្ញាសារប្រកួតចម្រុះជាតិសាសន៍ ដែលមាន៨នាក់មកពី៨ប្រទេស បានសហការគ្នានោះ គឺជាសមិទ្ធផលថ្មីៗ ក្នុងការជំរុញលើកទឹកចិត្តដល់អត្តពលិកកីឡាករការិនីវ័យក្មេងផ្សេងៗទៀត បន្តខិតខំប្រែងប្រែងហ្វឹកហាត់ និងពង្រឹងសមត្ថភាពឈានឆ្ពោះទៅដណ្តើមមេដាយពីការប្រកួតលើឆាកអន្តរជាតិ មកជូនកម្ពុជា នៅពេលខាងមុន។ ការលើកឡើងនេះ ធ្វើក្នុងពិធីប្រគល់ប្រាក់រង្វាន់លើកទឹកដល់កីឡាករ គ្រូបង្វឹក និងនាយបេសកម្ម នាព្រឹកថ្ងៃទី២២នេះ នៅអគារគណៈកម្មាធិការជាតិអូឡាំពិកម្ពុជា។ ឯកឧត្តមបន្តថា មេដាយមាសកម្រិតពិភពលោកនេះ ទោះបីជាមេដាយមិនបានដាក់ទៅក្នុងតារាងផ្លូវការរបស់កីឡាអូឡាំពិកយុវជនពិភពលោក លើកទី៣នេះក្តី ប៉ុន្តែវាជាមេដាយកម្រិតពិភពលោកមួយ ដែលសហព័ន្ធកីឡាវាយសីអន្តរជាតិអន្តរជាតិ រៀបចំឲ្យមានក្នុងព្រឹត្តិការណ៍ប្រកួតដោយកីឡាករម្នាក់ប្រឹងប្រែងប្រកួតអស់ពីសមត្ថភាពទើបប្រជែងបានមេដាយនេះ។  ឯកឧត្តម លី កុសល អះអាងថា មេដាយមាសដែលកីឡាករ វ៉ាត់ វណ្ណធន ដណ្តើមបានលើកនេះ គឺជាប្រវត្តិសាស្រ្តថ្មីមួយទៀត របស់សហព័ន្ធកីឡាវាយសីកម្ពុជា ទទួលបានពីការប្រកួតលក្ខណៈអន្តរជាតិ បន្ទាប់ពីព្រឹត្តិការណ៍មេគង្គហ្គេម ក្នុងឆ្នាំ២០១៦ នៅខេត្តឈាងរ៉ៃ ប្រទេសថៃ ដោយប្រជែងបានមេដាយមាស៤ និងប្រាក់១។ តាមរយៈសមិទ្ធផល ដែលកីឡាករការិនីឈ្នះ ពីការប្រកួតលក្ខណៈអន្តរជាតិជាបន្តបន្ទាប់នេះ គឺជាសញ្ញាវិជ្ជមានមួយបង្ហាញថា កីឡាវាយសីកម្ពុជាកំពុងតែមានសក្តានុពល ត្រៀមប្រជែងដណ្តើមមេដាយជូនកម្ពុជា…

សហព័ន្ធកីឡាម៉ូតូទឹកកម្ពុជាបានប្រកាសឲ្យដឹងថា ខ្លួននឹងរៀបចំការប្រកួតកីឡាម៉ូតូទឹក ដើម្បីចូលរួមអបអរសាទរពិធីបុណ្យសមុទ្រ លើកទី៧ ឆ្នំា២០១៨ នៅខេត្តកោះកុង នាខែធ្នូខាងមុខ ដោយ ម្ចាស់មេ ដាយមាសកីឡាអាស៊ី និងមេដាយប្រាក់ជើងឯកពិភពលោករបស់កម្ពុជា កីឡាករ សាលី អ៊ូមើត នឹងត្រូវកីឡា ករម្ចាស់មេដាយមាសប្រចាំទ្វីបអាស៊ី មកពីប្រទេសឥណ្ឌូណេស៊ី និងម្ចាស់មេដាយមកពី ប្រទេសថៃជាដើម។ ឯកឧត្តម ណុះ ស្លេះ ប្រធានសហព័ន្ធម៉ូតូទឹកកម្ពុជាបានឲ្យដឹងថា ដើម្បីជាភាពទាក់ទាញភ្ញៀវទេសចរ និងចង់បង្ហាញអំពីសក្តានុពលកីឡាម៉ូតូទឹកកម្ពុជាឲ្យមហាជនបានស្គាល់ផងនោះសហព័ន្ធនឹងរៀបចំការប្រកួតមិត្តភាពអន្តរជាតិមួយ នៅក្នុងពិធីបុណ្យសមុទ្រ រយៈពេល៣ថ្ងៃ។ ម្ចាស់មេដាយមាសទាំង៣ប្រទេស មានកម្ពុជា ឥណ្ឌូណេស៊ី និងថៃនឹងត្រូវបង្ហាញសមត្ថភាពដ៏ទាក់ទាញលើវិញ្ញាសារមួយ ខណៈ២វិញ្ញាសារទៀត សម្រាប់អ្នកមានសមត្ថភាពបង្គួរ និងអ្នកមានសមត្ថភាពខ្ពស់។ ឯកឧត្តមបញ្ជាក់ថា ក្រៅពីប្រទេសទាំងពីរ នេះតាមការគ្រោងទុកនឹងមានកីឡាករខ្លាំងៗមួយចំនួនទៀតបានសន្យាចូលរួមប្រកួត ក្នុងព្រឹត្តិការណ៍មិត្តភាពអន្តរជាតិនៅកម្ពុជាផងដែរ ដូចជា ហ្វីលីពីន ម៉ាឡេស៊ី និងឥណ្ឌា។ សូមបញ្ជាក់ថា ពិធីបុណ្យសមុទ្រ លើកទី៧ ឆ្នាំ២០១៨ គ្រោងនឹងធ្វើឡើងនាពាក់កណ្តាលខែធ្នូ នៅខេត្តកោះកុង ហើយក៏មានការប្រកួតកីឡាច្រើនប្រភេទទៀត ដើម្បីចូលរួមអបអរពិធីបុណ្យសមុទ្រឲ្យកាន់តែមានភាពទាក់កាន់តែខ្លាំងសម្រាប់ភ្ញៀវទេសចរណ៍ទាំងជាតិ និងអន្តរជាតិ៕ម.ន

 ថ្លៃពលកម្ម១៥ម៉ឺនផោនក្នុងមួយសបា្តហ៍បានទាក់ទាញចិត្ត ខ្សែការពារកណ្តាល Luke Shaw ឲ្យយល់ព្រមចុះកិច្ចសន្យាថ្មីបន្ថែម៥ឆ្នាំទៀតជាមួយក្លិបបិសាចក្រហម Manchester United។ ដោយសារកិច្ចសន្យាចាស់របស់ Shaw នឹងត្រូវអស់សុពលភាពនៅរដូវក្តៅខាងមុខនេះ។ មួយរយៈចុងក្រោយនេះទម្រង់លេងរបស់ Luke Shaw មានការធ្លាក់ចុះគួរឲ្យសម្គាល់ដោយសារបញ្ហាសុខភាពទើបធ្វើឲ្យរូបគេបង្ហាញខ្លួនបានតែ៧៥ប្រកួតប៉ុណ្ណោះ និងរកបាន១គ្រាប់ចាប់តាំងពីមកដល់ទឹកដី Old Trafford ក្នុងឆ្នាំ២០១៤។ សូមបញ្ជាក់ថា កីឡាករវ័យ២៣ឆ្នាំ Luke Shaw បានចូលរួមជាមួយក្រុមជើងឯក English Premier League ២០សម័យកាល Manchester United ក្នុងឆ្នាំ២០១៤ ដោយផ្លាស់ចេញពីក្រុម Southampton ក្នុងតម្លៃខ្លួន២៧លានផោន និងរួមចំណែកឲ្យ Man Utd ឈ្នះជើងឯក FA Community Shield ឆ្នាំ២០១៦ និងជើងឯក UEFA Europa League ២០១៦-២០១៧៕ម.ន

 ក្លិបតោខៀវ Chelsea មានបំណងចង់នាំយកខ្សែប្រយុទ្ធរបស់ក្លិប Inter Milan កីឡាករ Mauro Icardi មកជំនួសកន្លែង  Alvaro Morata នៅទីផ្សារដោះដូរកីឡាករខែមករាខាងមុខនេះ។ ក្រោយកីឡាករសញ្ជាតិអេស្ប៉ាញ Morata បានបង្ហាញទម្រង់លេងមិនសូវល្អជាហេតុដែលធ្វើឲ្យ Chelseaចង់នាំខ្សែប្រយុទ្ធថ្មី Icardi មកជំនួសក្នុងតម្លៃទឹកប្រាក់៩០លានផោនដើម្បីយកគេមកអង់គ្លេស។ សូមបញ្ជាក់ថា Morata បានផ្ទេរមកពី Stamford Bridge កាលពីឆ្នាំ២០១៧ ក្នុងតម្លៃ៦៥លានផោន៕ម.ន

យោងតាម Celebrity Net Worth សមតុល្យធនាគាររបស់កំពូលកីឡាករបាល់បោះអាម៉េរិកវ័យ៣៣ឆ្នាំ LeBron James ត្រូវបានប៉ាន់ប្រមាណថាប្រហែល៤៤០លានដុល្លារ។ បើយោងតាម Google បា្រក់បៀវត្សរ៍របស់គេគឺ ៣៥.៦៥លានដុល្លារ មានន័យថា គេមានទ្រព្យច្រើនជាង កីឡាករបាល់ទាត់Lionel Messi ដែលមាន៤០០លានដុល្លារ ។ លើសពីនេះ LeBron James  មានទ្រព្យច្រើនជាង Drake និង Eminem ដល់ទៅ៤ដង ដោយអ្នកទាំងពីរត្រូវបាន Forbes ផ្សាយថាមានទ្រព្យម្នាក់១០០លានដុល្លារ។ សូមបញ្ជាក់ថា កីឡាករបាល់បោះ LeBron James  ធ្លាប់ឈ្នះពានរង្វាន់ជាច្រើនក្នុងអាជីពបាល់បោះដូចជា ៖NBA Championships: ៣ដង NBA Season MVP: ៤ដង NBA Finals MVP: ៣ដង NBA All-Star selections: ១៤ដង៕ម.ន