អតីតខ្សែបម្រើ Manchester United បានផ្ទេរចេញពី Borussia Dortmund មុនពេលទីផ្សារដោះដូរកីឡាករត្រូវបិទ បានបង្ហាញថ្វីជើងយ៉ាងល្អនៅក្លិបថ្មីរបស់ខ្លួននៅប្រទេសតួកគី។ រូបគេគ្រាន់តែជាកីឡាករបម្រុងហើយប្ដូរចូលនៅនាទី៨១ជំនួស Adem Ljajic ។ ប៉ុន្តែចូលនាទី៨២រូបគេរកបានគ្រាប់បាល់ទី១ ទៅហើយ។ វាគឺជាការស៊ុតតម្រង់ទីលើកទី១ហើយ២នាទីក្រោយមក កីឡាករជប៉ុនរូបនេះបន្ថែមគ្រាប់បាល់ទី២ សឹងតែមិនគួរឲ្យជឿ។ ចប់ការប្រកួត Besiktas ឈ្នះ Antalyaspor ៦ទល់២ ខណៈខ្លួនគេផ្ទាល់បានក្លាយជាកីឡាករជប៉ុនដំបូងគេដែលរកបានគ្រាប់បាល់ក្នុងលីគកំពូលតួកគី។ លទ្ធផលនេះ បានធ្វើឲ្យ Besiktasឡើងមកឈរលេខ៣ក្រោយឆ្លងកាត់២០ប្រកួតនឹងចាញ់១១ពិន្ទុពីក្រុមកំពូលតារាង Istanbul Basaksehir៕ម.ន

ក្រុម Sisophon FC “A” ក្លាយជាជើងឯកពានរង្វាន់ Tiger Street Football Festival 2019 ក្រោយយកឈ្នះ លើក្រុម Bun Koy FC ក្នុងលទ្ធផល ៣:២ នៅវគ្គផ្តាច់ព្រ័ត្រ នាយប់ថ្ងៃទី៣ ខែកុម្ភៈ ឆ្នាំ២០១៩នេះ នៅមណ្ឌលទី៥ ក្រុងប៉ោយប៉ែត នៅបរិវេន ផ្សាររាត្រី ជិតកាស៊ីណូផ្កាយ៥ ខណៈក្រុម Poi Pet Empire FC “A” ទទួលបានចំណាត់ថ្នាក់លេខ៣ បន្ទាប់ពីយកឈ្នះក្រុម Family FC “B” ៤:១  ជាមួយនឹងក្រុម៥ផ្សេងទៀតផងដែរ ។ សម្រាប់ទីក្រុងប៉ោយប៉ែត ដែលជាមណ្ឌលទី៥នេះ គណៈកម្មាធិការរៀបចំការប្រកួតយកតែ៦ក្រុម ដើម្បីទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ដល់១៧ ខែមីនា ២០១៩ ខាងមុខនេះ ជាពិសេសមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ គឺកីឡាករបាល់ទាត់ Ronaldinho ។…

តំណាងស្ថាប័នអប់រំកាយនិងកីឡារាជធានី-ខេត្ត តំណាងអង្គភាពទាំង៤ ចំណុះអគ្គនាយកដ្ឋានកីឡា នៃក្រសួងអប់រំយុវជននិងកីឡា សហព័ន្ធទាំង៤៧ និងស្ថាប័ន្ធពាក់ព័ន្ធ១ចំនួនទៀត  សរុបជាង៣ រយនាក់បានជួបជុំគ្នានាព្រឹកថ្ងៃទី០៤ ខែកុម្ភៈនេះ នៅភោជនីយដ្ឋានទន្លេបាសក់២ក្នុងរាជធានីភ្នំពេញ ដើម្បីស្ដាប់ពីរបាយការណ៍លទ្ធផលការងារអប់រំកាយនិងកីឡា ដែល សម្រេចបានក្នុងឆ្នាំ ២០១៨  និងចូលរួមពិភាក្សាដោះស្រាយបញ្ហាប្រឈម និង រៀបចំទិសដៅសម្រាប់អនុវត្តន៍បន្ដ ឆ្នាំ ២០១៩ពិសេសដំណើរឆ្ពោះទៅកាន់ស៊ីហ្គេមឆ្នាំ២០២៣ដែលធ្វើឡើងនៅកម្ពុជា ។ កិច្ចប្រជុំនេះធ្វើឡើងរយៈពេលពីរថ្ងៃ ដោយផ្ដោតសំខាន់ទៅលើប្រធានបទ២ រួមមាន៖ដំណើរឆ្ពោះទៅកីឡាស៊ីហ្គេមឆ្នាំ២០២៣ និង យុវជនម្នាក់មានកីឡា១ប្រភេទប្រចាំជីវិត ។ ឯកឧត្តម ស សុខា រដ្ឋលេខាធិការក្រសួងអប់រំយុវជននិងកីឡាបានថ្លែងថា គោលនយោបាយជាតិស្ដីពីការអភិវឌ្ឍអប់រំកាយនិងកីឡា ជាផែនទីចង្អុលផ្លូវ ក្នុងការអភិវឌ្ឍវិស័យកីឡាជាពិសេសការត្រៀមលក្ខណៈ ឆ្ពោះទៅការរៀបចំការប្រកួត កីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ឯកឧត្តមបញ្ជាក់ថា ក្រសួងអប់រំយុវជននិងកីឡា បានប្ដេជ្ញាចិត្តខ្ពស់ ក្នុងការអនុវត្តន៍គោលនយោបាយ កំណែទម្រង់១ក្នុងចំណោម១៥ របស់ខ្លួន ក្នុងអនុវិស័យអប់រំកាយនិងកីឡា ដោយផ្ដោតទៅលើ៣ចំណុចសំខាន់ក្នុងនោះមាន ការកសាងជួសជុល កែលម្អ ហេដ្ឋរចនាសម្ព័ន្ធកីឡា ការបណ្ដុះបណ្ដាលធនធានមនុស្ស និងកំណែទម្រង់ការប្រកួតកីឡាគ្រប់ប្រភេទ ដើម្បីពន្លឿនការអភិវឌ្ឍឆ្ពោះទៅស៊ីហ្គេមឆ្នាំ២០២៣ ។ ឯកឧត្តម…

ក្រុមបាល់ទាត់យុវជនក្រសួងបរិស្ថាន បានឈានដល់វគ្គ៨ក្រុមចុងក្រោយ នៃពានរង្វាន់មិត្តភាពយុវជនអន្តរក្រសួងស្ថាប័ន រដូវកាលថ្មី២០១៨ ក្រោយយកឈ្នះក្រុម ក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច។ មុនឡើងដល់វគ្គ៨ក្រុមចុងក្រោយ ប្រកួតដំបូងក្រុមយុវជនក្រសួងបរិស្ថាន ៣:១ ក្រុមទីស្តីការគណៈរដ្ឋមន្រ្តី ប្រកួតទី២ ក្រសួងរ៉ែ និងថាមពល ២:២ ក្រសួងបរិស្ថាន និងប្រកួតទី៣ យកឈ្នះ ក្រុមសាលារាជធានីភ្នំពេញ ៥:១ ហើយវគ្គ១៦ក្រុមយប់មិញក្រុមក្រសួងបរិស្ថាន បានយកឈ្នះ ក្រុមក្រសួងទំនាក់ទំនងព្រឹទ្ធសភា រដ្ឋសភា និងអធិការកិច្ច ដោយទាត់បាល់កាត់សេចក្តី១ម៉ែត្រ ៥:៣ បន្ទាប់ពី ១:១ នៅ៧០នាទី។ គួររំលឹកថា ពានរង្វាន់មិត្តភាពយុវជនអន្តរក្រសួងស្ថាប័ន គឺជាផ្នែកមួយ នៃសកម្មភាពរបស់សហភាពសហព័ន្ធយុវជនកម្ពុជា ដើម្បីរួមចំណែកជាមួយរាជរដ្ឋាភិបាល ក្នុងការកសាង និងការអភិវឌ្ឍសង្គមជាតិ ។ ជាមួយគ្នានោះតាមរយៈការប្រកួតកីឡាបាល់ទាត់នេះ ធ្វើឡើងក្នុងគោលបំណងពង្រឹងមិត្តភាព សាមគ្គីភាព និងកិច្ចសហប្រតិបត្តិការរវាងយុវជនពីក្រសួងស្ថាប័ននានា ឲ្យកាន់តែល្អប្រសើរឡើងបន្ថែមទៀត ជាពិសេសលេងកីឡា ដើម្បីសុខភាព។ សូមបញ្ជាក់ថា ការប្រកួតបាល់ទាត់ ពានរង្វាន់មិត្តភាពយុវជនអន្តរក្រសួងស្ថាប័ន រដូវកាលថ្មី ២០១៨…

ក្រោយបរាជ័យ ៤-០ របស់ Chelsea ទៅលើក្រុម Bournemouth កាលពីយប់ថ្ងៃពុធ បានធ្វើឲ្យបាត់តំណែងក្រុមកំពូលតារាងទាំង៤។ គ្រូបង្វឹកតោខៀវ លោក Maurizio Sarri ចង់បង្កើតរបៀបលេងផ្ទាល់ខ្លួនដូច Barcelona នៅ Chelsea។ ដោយប្រព័ន្ធប្រយុទ្ធ ដែលគ្រូបង្វឹកកំពូលៗ នៃក្របខណ្ឌ Premier League ចូលចិត្តប្រើ នឹងកម្រជោគជ័យណាស់ នៅអង់គ្លេស។ Goal បានរាយការណ៍ថា ក្រោយចប់ការប្រកួតដែលជាបរាជ័យដ៏អាក្រក់បំផុត ក្នុងប្រវត្តិសាស្ត្ររបស់ក្លិបសម្រាប់រយៈពេល២២ឆ្នាំចុងក្រោយ Sarri និងក្រុមកីឡាករ មានកិច្ចប្រជុំបន្ទាន់មួយ សូម្បីតែជំនួយការគ្រូបង្វឹក Gianfranco Zola ក៏ត្រូវបានគេបណ្តេញចេញក្នុងអំឡុងពេលកិច្ចប្រជុំហើយទ្វារត្រូវបានចាក់សោ ខណៈដែល កីឡាករទាំងអស់ត្រូវបាន Sarri សួរចម្លើយថា ហេតុអ្វីបានជាពួកគេលេងអត់ស៊ីសង្វាក់ក្រោយ Joshua King ស៊ុតចូល។ គ្រូបង្វឹកវ័យ៦០ឆ្នាំ បាននិយាយថា លោកកំពុងរងសម្ពាធ ព្រោះលោកកំពុងដឹកនាំក្រុមដែលប្តូរអ្នកចាត់ការ១៥នាក់ ក្នុងរយៈពេល១៦ឆ្នាំ ចាប់តាំងពីពេលដែល Roman Abramovich…

កាតាក្លាយជាម្ចាស់ពានរង្វាន់ AFC Asian Cup 2019 ក្រោយយកឈ្នះជម្រើសជាតិជប៉ុន ក្នុងវគ្គផ្ដាច់ព្រ័ត្រ ៣:១ កាលពីយប់មិញ។ ៣គ្រាប់របស់ក្រុមមកពីតំបន់អារ៉ាប់ រកបានដោយកីឡាករ Almoez Ali នាទី១២, Abdulaziz Hatem នាទី២៧ និងគ្រាប់ទីបាល់ពិន័យ១១ម៉ែត្រ ដោយកីឡាករ Akram Afif នាទី៨៣។ ចំណែកឯ ជប៉ុនរកបានដោយកីឡាករ Takumi Minamino នាទី៦៩។ ទាក់ទងនឹងការលើកពានរបស់កាតា ក្រោយផ្តួលម្ចាស់ជើងឯក៤សម័យកាល សាំម៉ូរ៉ៃ ជប៉ុន គួរឲ្យភ្ញាក់ផ្ញើល នៅវគ្គផ្ដាច់ព្រ័ត្រឆ្នាំនេះ។ មិនមានមនុស្សច្រើន ដែលគិតថាកាតាអាចលើកពានដ៏ធំប្រចាំទ្វីបអាស៊ីនេះបាន ត្បិតមានក្រុមខ្លាំងៗជាច្រើនប្រកួតប្រជែងគ្នា ដូចជា ជប៉ុន អូស្ត្រាលី កូរ៉េខាងត្បូង អារ៉ាប៊ីសាអូឌីត អ៊ីរ៉ង់ និងអារ៉ាប់រួម ជាដើម។ យ៉ាងណា Xavi ជាវីរបុរសរបស់ Barcelona បានទាយទុកមុនថា កាតានឹងលើកពានយ៉ាងគួរឲ្យភ្ញាក់ផ្អើល។ ក្នុងនោះខ្សែបម្រើសញ្ជាតិអេស្ប៉ាញ…

លោក Ole Gunnar Solskjaer នឹងក្លាយជាគ្រូពេញសិទ្ធិ ប្រសិនអាចយកឈ្នះ PSG នៅ Champions League នេះជាការយល់ឃើញពីកីឡាករ និងបុគ្គលិកក្នុងក្លិប Manchester United ។ ការមកដល់របស់ Solskjaer ពិតជាធ្វើឲ្យ Man Utd មានការប្រែប្រួលខ្លាំងស្ទើរមិនជឿ ពោល៩ប្រកួតឈ្នះ៨ ស្មើ១ចាប់តាំងពីលោកចូលដឹកនាំ ។ អ្នកចាត់ការសញ្ជាតិន័រវែស សឹងនឹងបាត់បង់ពិន្ទុកាលពីសប្ដាហ៍មុន ដោយលេងបានត្រឹមស្មើគ្នា ២-២ ជាមួយ Burnley នៅក្នុងដីខ្លួនឯងពាន  Premier League ។ កាលពីសប្ដាហ៍មុនប្រធានក្លិបបិសាចក្រហមលោក Ed Woodward បានធ្វើការនិយាយជាមួយ Solskjaer នៅឯ Carrington ទីលានហ្វឹកហាត់របស់ក្លិប។ ដោយសង្កេត ឃើញ ពីការពិភាក្សាដ៏ស្និទ្ធស្នាលទាំងក្រុមកីឡាករ និងបុគ្គលិករបស់ក្លិបយល់ថា Solskjaer ជាប់ក្នុងដំណាក់កាលក្លិបពេញចិត្ត ហើយប្រសិនអាចយកឈ្នះ PSG ទៀត…

មណ្ដលទី៥ នៃការប្រកួត Tiger Street Football Festival 2019 ក្រុងប៉ោយប៉ែត មានក្រុមចូលរួមច្រើនលើសពីការរំពឹងទុក នេះបើតាមការបញ្ជាក់ឲ្យដឹង នៅក្នុងសន្និសីទសារព័ត៌មាន នៅបរិវេណផ្សាររាត្រី ជិតកាស៊ីណូផ្កាយ៥។ គណៈកម្មការរៀបចំការប្រកួត បានឲ្យដឹងថា សម្រាប់មណ្ឌលប៉ោយប៉ែតនេះ មានក្រុមចូលរួមរហូតដល់៦៨ក្រុម លើសការរំពឹងទុក ។ ចំពោះមណ្ឌលទី៥នេះ ធ្វើការជ្រើសរើសយក៦ក្រុម ឡើងការប្រកួតផ្តាច់ព្រាត់ នៅថ្ងៃទី១៦ដល់១៧ ខែមករា ឆ្នាំ២០១៩ ជាពិសេសមានឱកាសជួបជាមួយនឹងតារាបាល់ទាត់អន្តរជាតិ Ronaldinho ផងដែរ។ លោក ទុយ វិច្ឆិកា ប្រធានគណៈបច្ចេកទេស និងតំណាងឲ្យសហព័ន្ធកីឡាបាល់ទាត់ បានប្រាប់ឲ្យដឹងថា ការប្រកួត Tiger Street ឆ្នាំនេះ បង្កើតឡើងក្នុងគោលបំណងជួយបង្កើនប្រសិទ្ធភាព នៃវិស័យកីឡាបាល់ទាត់នៅកម្ពុជា ឲ្យមានការរីកចម្រើន ក្នុងន័យជួយសហព័ន្ធកីឡាបាល់ទាត់ធ្វើការបណ្តុះបណ្តាលវ័យក្មេង និងថ្នាលយុវជន ដើម្បីក្លាយជាកីឡាករឆ្នើមត្រៀមប្រកួតតំណាងឲ្យជាតិ នៅស៊ីហ្គេម ឆ្នាំ២០២៣ នៅកម្ពុជា។ គួរបញ្ជាក់ថា ក្រៅពីការប្រកួតបាលទាត់ដ៏អស្ចារ្យ នារាត្រីថ្ងៃសៅរ៍ យើងក៏មានកម្មវិធីប្រគំតន្រ្តីកាន់តែធំជាងមុន…

ខ្សែប្រយុទ្ធ Karim Benzema បានបង្កើតប្រវត្តិសាស្រ្តជាមួយក្លិប Real Madrid ក្លាយជាកីឡាកររកគ្រាប់បាល់បានច្រើនបំផុតលំដាប់ទី៦ ដោយស៊ុតបាន២០៩ គ្រាប់ឲ្យក្លិប បូករួមទាំង២ គ្រាប់ម្នាក់ឯងកាលពីយប់មិញ ក្នុងជំនួប Real Madrid ទល់ Girona នៅកីឡដ្ឋាន Estadi Montilivi នៃពានរង្វាន់ Copa del Rey បន្ទាប់ពីការចាកចេញរបស់ Cristiano Ronaldo ។ គួររំលឹកថា គ្រាប់បាល់ចំនួន២០៩ គ្រាប់របស់ Karim Benzema នេះបានមកពីការស៊ុតបញ្ចូលទីចំនួន១៣៦ គ្រាប់ក្នុងក្របខណ្ឌ La Liga Santander , ៤៧ គ្រាប់ក្នុងក្របខ័ណ្ឌ Champions League ,២០ គ្រាប់ក្នុងពានរង្វាន់ Copa del Rey , ៣ គ្រាប់ក្នុងពានរង្វាន់ Club World Cup , ២…

កីឡាការិនីវាយសីស្រស់ស្អាតមានស្រុកកំណើតនៅបាត់ដំបង កែវ ពេជ្រ លីឌីនេត តែងតែបង្ហាញវត្តមានស្ទើរតែគ្រប់ការប្រកួតធំៗដែលរៀបចំ ដោយសហព័ន្ធកីឡាវាយសីកម្ពុជា បានបង្ហាញជំហរថា ទោះបីជាប់រវល់ធ្វើអាជីវកម្មក្តី ក៏នាងនៅតែឆ្លៀតពេលចូលរួមប្រកួតប្រជែង ដើម្បីបំពេញក្តីស្រម៉ៃពីកុមារភាព ចង់ក្លាយជាកីឡាការិនីអាជីព។ កែវ ពេជ្រលីឌីនេត អះអាងទៀតថា បច្ចុប្បន្ននាងពុំទាន់ក្លាយជាកីឡាការិនីឆ្លើម ផ្នែកកីឡាវាយសី នៅឡើយទេ ប៉ុន្តែនាងនៅតែបន្តការហ្វឹកហាត់ ឆ្ពោះទៅចាប់យកជាកីឡាការិនីអាជីព ដើម្បីត្រៀមការប្រកួតតំណាងឲ្យជាតិ នៅព្រឹត្តិការណ៍អន្តជាតិនានា ជាពិសេស ស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ បើទោះបីជារវល់ជួយដល់អាជីវកម្មរបស់គ្រួសារនាងក៏ដោយ។ កីឡាការិនីរូបស្រស់ ដែលជាម្ចាស់មេដាយមាស កីឡាជាតិលើកទី១ តំណាងឲ្យខេត្តបាត់ដំបង បានបញ្ជាក់ទៀតថា នាថ្ងៃអនាគត ដាច់ខាតមិនបោះបង់ចោលកីឡាវាយសីនោះទេ ទោះមិនអាចសម្រេចបំណងចង់ក្លាយជាកីឡាការិនីជម្រើសជាតិក្តី។ នាងបន្តថា បើមិនអាចក្លាយជាកីឡាការិនីជម្រើសជាតិ នាចង់ក្លាយជាគ្រូបង្វឹក ដើម្បីផ្តល់ចំណេះដឹង បទពិសោធន៍ ដែលនាងធ្លាប់ហ្វឹកហាត់ ចែកជូនដល់កូនៗ និងក្មេងៗនៅខេត្តបាត់ដំបង ដើម្បីបំផុសវិស័យកីឡាវាយសី នៅខេត្តមួយនេះឲ្យកាន់តែមានសកម្មភាពផុសផុល និងមានសក្តានុពលត្រៀមការប្រកួតតំណាងឲ្យខេត្ត ជាពិសេសតំណាងឲ្យកម្ពុជានាថ្ងៃអនាគត។ សូមបញ្ជាក់ថា កីឡាការិនីវាយសី កែវ ពេជ្រឌីនេត បច្ចុប្បន្នមានអាយុ២៣ឆ្នាំ មកពីខេត្តបាត់ដំបង ធ្លាប់ប្រជែងបានមេដាយមាសកីឡាជាតិ លើកទី១ កាលពីឆ្នាំ២០១៦ ជូនខេត្តបាត់ដំបង…