កីឡាករអុំទូកប្រមាណ៣០០នាក់ ដែលជាចំណុះទូកចំនួន៣មកពីស្រុកបារាយណ៍ ខេត្តកំពង់ធំទទួលបានការឧបត្ថម្ភពីផលិតផលថ្នាំរឹតសាច់ដុំ និងសន្លាក់ STARBALM នៅព្រឹកថ្ងៃសុក្រ ទី២៣ ខែវិច្ឆិកា ឆ្នាំ ២០១៨ នៅស្តង់ស្នាក់នៅរបស់កីឡាករអុំទូក សង្កាត់ជ្រោយចង្វារ ខណ្ឌ ជ្រោយចង្វារ រាជធានភ្នំពេញ។ លោក ពៅ ហុក ប្រធានផ្នែកលក់ និងទីផ្សារបានឲ្យដឹងថា ការឧបត្ថម្ភនេះមានដូចជាផលិតផល STARBALM និងកាតាបស្ពាយ៣០០ កាបូបតូច-ធំជាច្រើនសម្រាប់ ដើម្បីជួយសម្រួលជូនដល់កីឡាករអុំទូក ទាំងនេះអាចយកទៅប្រើប្រាស់មុនពេល ឬក្រោយពេលពួកគាត់ចូលរួមប្រកួតទូក និងពេលមានបញ្ហាឈឺ សាច់ដុំ-សន្លាក់ជាដើម។ គោលបំណងនៃការឧបត្ថម្ភនេះ គឺដើម្បីផ្សព្វផ្សាយឲ្យពួកគាត់បានស្វែងយល់ពីសារប្រយោជន៍នៃផលិតផល STARBALM ដែលត្រូវបាននាំចូលពីប្រទេសហូឡង់ និងរួមចំណែកលើកស្ទួយវិស័យ កីឡានៅកម្ពុជាឲ្យកាន់តែរីកចម្រើនបន្ថែមទៀត ពីព្រោះ STARBALMគឺជាផលិតផលកីឡា ដែលអ្នកលេងកីឡា គ្រប់ៗគ្នាអាចប្រើប្រាស់មុនពេលលេងកីឡា ក្នុងពេលប្រកួតកីឡា ឬក្រោយពេលលេងកីឡាជាដើម។ លោក ហាក់ ម៉ុងហួត អភិបាលស្រុកបារាយណ៍ ដែលអញ្ជើញចូលរួមក្នុងពិធីចែកជូលផលិតផល STARBALM ដល់ចំណុះទូកបានសម្តែងនូវអំណរគុណដ៏ជ្រាលជ្រៅចំពោះតំណាងក្រុមហ៊ុន ដែលបាននាំយកនូវផលិតផលនេះបម្រើដល់ផលប្រយោជន៍ការពារការឈឺសម្លាក់ និងសាច់ដុំជូនដល់កីឡាករនានា ដែលស្ថិត…

ក្នុងនាមកម្ពុជាធ្វើជាម្ចាស់ផ្ទះកីឡាស៊ីហ្គេម លើកទី៣២ នៅឆ្នាំ២០១៣នាពេលខាងមុខ កម្ពុជាគ្រោងដាក់បញ្ចូលប្រភេទកីឡាប្រពៃណីចំនួន២ គឺកីឡាប្រណាំងទូក និងប្រដាល់គុនខ្មែរ ហើយការដាក់បញ្ចូលនេះ ឲ្យត្រូវនឹងច្បាប់កីឡាស៊ីហ្គេម គឺយើងត្រូវកៀងគរ ប្រទេស៣ ឬ៤ ចូលរួម និងកីឡាករចាប់ពី ១៥នាក់ឡើងទៅ ដើម្បីប្រកួតប្រជែងក្នុងព្រឹត្តិការណ៍ដ៏ធំថ្នាក់តំបន់អាស៊ីអាគ្នេយ៍នេះ។ នេះបើការបញ្ជាក់ពី ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា ថ្លែងនៅក្នុងសិក្ខាសាលាបណ្តុះបណ្តាលផ្សព្វផ្សាយការប្រណាំងទូក និងប្រដាល់គុនខ្មែរ កាលពីព្រឹកមិញនេះ នៅសណ្ឋាគារ Himawary។ ឯកឧត្តម ស សុខា មានប្រសាសន៍ពីខ្លឹមសារសំខាន់ក្នុងសិក្ខាសាលានេះថា គឺចង់បង្ហាញពីល្បែងប្រពៃណីរបស់កម្ពុជា ដូចជាកីឡាគុនខ្មែរ និងអុំទូក ហើយអុំទូកនេះ ជាពិធីបុណ្យប្រពៃណីដែលយើងជាយុវជនខ្មែរ មិនអាចបំភ្លេចបាន ក៏ប្រជាជនពលរដ្ឋខ្មែរទាំងមូលផងដែរ។ សម្រាប់ប្រភេទកីឡាគុនខ្មែរកំពុងតែមានការរីកចម្រើននៅទូទាំងតំបន់អាស៊ីយើងនេះ ហើយពួកកំពុងហ្វឹកហាត់ត្រៀមខ្លួនប្រជែងមេដាយ នៅស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ឯឧត្តមបន្ថែមថា ច្បាប់នៃព្រឹត្តិការណ៍កីឡាស៊ីហ្គេម ផ្តល់សិទ្ធិឲ្យម្ចាស់ផ្ទះ ដាក់ប្រភេទកីឡាចំនួន២នេះ ក្នុងគោលបំណង់ឲ្យម្ចាស់មានឱកាសច្រើនក្នុងការដណ្តើមមេដាយ ហើយប្រសិនបើកីឡាដែលដាក់ទៅមិនអាចឈ្នះមេដាយនោះ យើងក៏មិនគួរតែជម្រើសរើសកីឡាប្រពៃណីផ្សេងទៀត ក្នុងជំរុញធ្វើមិចឲ្យយើងមានឱកាសឈ្នះមេដាយច្រើន។ …

សហព័ន្ធកីឡាទូកក្តោងកម្ពុជា បានបញ្ជូនកីឡាករចំនួន២រូប គឺកីឡាករ សូត្រ មេសា អាយុ១៧ឆ្នាំ និងកីឡាករ ហៀង ស៊ុនហេង អាយុ១៧ឆ្នាំ ដែលដឹកនាំដោយ លោក សោម សុទ្ធរិទ្ធិពង្ស អគ្គលេខាធិការនៃសហព័ន្ធកីឡាទូកក្តោងកម្ពុជា ទៅចូលរួមក្នុងព្រឹត្តិការណ៍ប្រកួតកីឡាទូកក្តោង Asian Windsurfing Championship 2018 ដែលនឹងប្រព្រឹត្តទៅចាប់ពីថ្ងៃទី២៣ ដល់ថ្ងៃទី៣០ ខែវិច្ឆិកា ឆ្នាំ២០១៨ នៅទីក្រុង ហ្សូហៃ ប្រទេសចិន។ ព្រឹត្តិការណ៍ប្រកួតកីឡាទូកក្តោងដ៏សំខាន់នេះត្រូវបានរៀបចំឡើងដោយ សមាគមកីឡាទូកក្តោងនៃប្រទេសចិន នឹងត្រូវបានគាំទ្រដោយសហព័ន្ធកីឡាទូកក្តោងអាស៊ីផងដែរ។ ការប្រកួតដ៏ធំនេះ បានទាក់ទាញកីឡាករទូកក្តោង Windsurfer ជុំវិញតំបន់អាស៊ីមកចូលរួមប្រកួត។ មិនត្រឹមតែប៉ុណ្ណោះ កីឡាករទូកក្តោងរបស់ប្រទេសចិន ជាច្រើនដែលធ្លាប់ឈ្នះមេដាយ ក្នុងព្រឹត្តិការណ៍ប្រកួតកីឡាអូឡាំពិក និងកីឡាអាស៊ីហ្គេម នឹងចូលរួមប្រកួត ដែលធ្វើឲ្យព្រឹត្តិការណ៍នេះ កាន់តែពិសេស នៅក្នុងការប្រកួតកីឡាទូកក្តោងរបស់ទ្វីបអាស៊ី។ កីឡាករទាំង២រូបរបស់កម្ពុជាយើងនឹងប្រើប្រាស់ព្រឹត្តិការណ៍នេះដើម្បីប្រកួតប្រជែងជាមួយក្រុមកីឡាករទូកក្តោង ជើងខ្លាំងនៃទ្វីបអាស៊ីដើម្បីទទួលបាននូវបទពិសោធន៍ដ៏មានតម្លៃក្នុងការអភិវឌ្ឍបច្ចេកទេសរបស់ពួកគេ។ ព្រឹត្តិការណ៍នេះគឺជាផ្នែកមួយនៃការត្រៀមសម្រាប់ព្រឹត្តិការណ៍ប្រកួតកីឡាស៊ីហ្គេម ឆ្នាំ២០១៩ នៅក្នុងប្រទេសហ្វីលីពីន៕

ល្ងាចនេះជាថ្ងៃចុងក្រោយនៃការប្រកួតប្រដាល់ក្បាច់គុនបុរាណខ្មែរ ប្រគុំតន្រ្តី និងការតាំងពិព័រលក់ផលិត ក្នុងព្រះរាជពិធី បុណ្យអុំទូក និងអកអំបុក សំពះព្រះខែដែលរៀបចំឡើងដោយស្ថានីយ៍វិទ្យុ និងទូរទស្សន៍អប្សរា

ព្រឹត្តិការណ៍កីឡាប្រណាំងម៉ូតូ Enduro Cross Cambodia គ្រោងនឹងចាប់ផ្តើមនាថ្ងៃទី១៥ -១៦ ខែធ្នូ ឆ្នាំ២០១៨ នៅទីលានតំបន់ភ្នំប្រសិទ្ធិ ក្រោមការឧបត្ថម្ភពីប្រេងរំអិ ល LIQUI MOLY បានប្រកាសការទទួលពាក្យចុះឈ្មោះចូលរួមប្រណាំចាប់ពេលនេះតទៅ។ ថ្លែងនៅក្នុងសន្និសីទសារពត៌មាន កាលពីល្ងាចថ្ងៃចន្ទ ម្សិលមិញ នៅទីស្នាក់ការក្រុមហ៊ុន លីឃ្វីម៉ូលី កម្ពុជា លោក ឃួន ពិឡុត អ្នករៀបចំការប្រកួត Enduro Cross Cambodia គូសបញ្ជាក់ថា ការប្រកួតនេះចែក ចេញជា៣កម្រិត គឺClass A, Class B និងClass C ដែលតម្រូវឲ្យកីឡាករគ្រប់កម្រិតទាំងអស់ត្រូវបង់សិទ្ធិការ ប្រកួតក្នុងម្នាក់ ចំនួន៣០ដល្លារអាមេរិក ដែលតម្លៃនេះមានជូនអាវប្រណាំងកម្រិតអាជីព១ និងប្រេងរំអិល LIQUI MOLY ១កំប៉ុងដោយឥតគិតថ្លៃ។ លោកបានសម្តែងការដឹងគុណចំពោះក្រុមហ៊ុន លីឃ្វីម៉ូលីកម្ពុជា ដែលបានជួយឧបត្ថម្ភរៀបចំដល់ការអភិវឌ្ឍវិស័យកីឡាជំនាញមួយនេះឲ្យកាន់តែល្អប្រសើរ។ លោក ចាន់ សុឃាំង អគ្គនាយកក្រុមហ៊ុន លីឃ្វីម៉ូលីកម្ពុជាបានបង្ហាញនូវឆន្ទៈរបស់ខ្លួនក្នុងការគាំទ្រ និងបន្តជួយឧបត្ថម្ភព្រឹត្តិការណ៍នេះជាបន្តទៀត…

កម្មវិធីជួបជុំមហាគ្រួសារ OFF ROAD ឬហៅថា OFF ROAD FESTIVAL ដែលបានប្រារព្ធធ្វើឡើងជាលើកទី២នៅលើកំពូលភ្នំគិរីរម្យរយៈពេល២ថ្ងៃនោះគឺបានបញ្ចប់ដោយជោគជ័យ និងត្រូវបានអ្នករៀបចំព្រឹត្តិការណ៍ លោក ព្រុំ រស្មី បញ្ជាក់ថា ទាក់ទាញបានអ្នកចូលរួមច្រើនជាងលើកទី១ដែលចំនួននេះគឺច្រើនលើសការរំពឹងទុកបានធ្វើឲ្យកម្មវិធីប្រព្រឹត្តិទៅដោយភាពសប្បាយរីករាយ។ លោកអះអាងថា កម្មវិធីជួបជុំមហាគ្រួសារ OFF ROAD ដែលដំណើររយៈពេល២នេះ គឺមានកម្មវិធីសប្បាយជាច្រើន ដូចជា ការប្រកួតប្រណាំងម៉ូតូច្នៃ ប្រណាំងរថយន្ត OFF ROAD និងកម្មវិធីបោះជំរុំស្នាក់នៅជុំគ្នាជាមហាគ្រួសារOFF ROAD។ លោក បញ្ជាក់ថា កម្មវិធីខាងលើនេះ គឺបានបង្កើតឡើងមានគោលដៅបំផុសវិស័យកីឡាប្រណាំងម៉ូតូ និងរថយន្ត OFF ROAD ពិសេសផ្សព្វផ្សាយពីតំបន់ទេសចរណ៍ដ៍ស្រស់ស្អាតនៅលើកំពូលភ្នំគិរីរម្យដល់ប្រជាពលរដ្ឋកម្ពុជា និងភ្ញៀវអន្តរជាតិដែលមកចូលរួមប្រណាំង។ សូមបញ្ជាក់ថា  កម្មវិធីជួបជុំមហាគ្រួសារ OFF ROADលើកទី២នេះ ថវិកាដែលទទួលបានពីការចុះឈ្មោះចូលរួមពីកីឡាករម៉ូតូ និងរថយន្តព្រមទាំងការចូលរួមបរិច្ចាគពីសប្បុរសជននិងយកទៅចូលក្នុងមូនិធិអាវរងារដែលគ្រូសាOFF ROAD និងនាំយកទៅចែកជូនប្រជាពលរដ្ឋខ្វះខាតនៅតំបន់ឆាយរៀប ខេត្តកោះកុង នាអំឡុងខែ ធ្នូ ឆ្នាំ២០១៨ខាងមុខនេះ ៕ម.ន

ប្រធានសហព័ន្ធកីឡាតេក្វាន់ដូ WT F ឯកឧត្តម ហង់ជួន ណារ៉ុន គ្រោងបង្កើតនាយកដ្ឋានតេក្វាន់ដូមួយ នៅវិទ្យាស្ថានជាតិអប់រំកាយ និងកីឡា ដើម្បីឲ្យប្រភេទកីឡាមួយកាន់តែមានការរីកចម្រើន ព្រមទាំងទទួលបានប្រជាប្រិយភាពខ្លាំង ពិសេសនោះមានអ្នកចូលរួមហ្វឹកហាត់ច្រើន និងមានធនធានកីឡាករ កីឡាការិនីវ័យក្មេងច្រើន ដើម្បីត្រៀម ស៊ីហ្គេម ឆ្នាំ២០២៣ នៅកម្ពុជា ការថ្លែងបែបនេះ នៅក្នុងពិធីបើកសន្និបាតបូកសរុបលទ្ធផលការងារ តាក្វាន់ដូ ឆ្នាំ២០១៧-២០១៨ នៅទីស្នាក់ការគណៈកម្មាធិ ការជាតិអូឡាំពិកកម្ពុជា។ ឯកឧត្តមរដ្ឋមន្ត្រី បន្តថា ដើម្បីធ្វើឲ្យវិស័យកីឡាតេក្វាន់ដូ កាន់តែរីកចម្រើន ត្រូវទាមទារឲ្យសមាជិក ប្រតិបត្តិ និងគ្រប់ភាគីពាក់ព័ន្ធទាំងអស់ ត្រូវយកចិត្តទុកដាក់បណ្តុះបណ្តាលយុវជនថ្នាល ក្រុមជម្រើសជាតិ គ្រូបង្វឹក ចៅក្រម អាជ្ញាកណ្ដាល ទាំងក្នុង និងក្រៅប្រទេស។ ឯកឧត្តមក៏គ្រោងបង្កើតឲ្យមានបរិញ្ញាប័ត្រសម្រាប់តេក្វាន់ដូដំបូង និងត្រូវចាប់ផ្ដើមពីវិទ្យាស្ថានជាតិអប់រំកាយ និងកីឡា សម្រាប់គរុសិស្ស ដែលចូលសិក្សារយៈពេល២ឆ្នាំ។  ជាមួយគ្នានេះ ឯកឧត្តម ហង់ ជូនណារ៉ុង  នឹងស្នើសុំឲ្យស្ថាប័នកំពូលរបស់តេក្វាន់ដូ គឺ  Kukkiwon និងសហព័ន្ធតេក្វាន់ដូពិភពលោកជួយលើគម្រោងទាំងនេះ ជាពិសេសស្នើឲ្យសាធារណរដ្ឋកូរ៉េជួយ ពីព្រោះគេមានសាកលវិទ្យាល័យតេក្វាន់ដូស្រាប់ …

ការប្រកួតកីឡាបាល់បោះដណ្តើមពានរង្វាន់មិត្តភាពកម្ពុជា-ចិន លើកទី៣ ដែលរៀបចំដោយសហព័ន្ធបាល់បោះកម្ពុជា ក្រោមការឧបត្ថម្ភពីសមាគមនចិន នៅកម្ពុជា ដែលចាប់ផ្តើមការប្រកួតផ្លូវ ការពីថ្ងៃទី៤ ខែវិច្ឆិកា ឆ្នាំ២០១៨មកនោះ ឥលូវឈានដល់សប្តាហ៍ទី២ហើយ។ តាមការបញ្ជាក់ពីលោក កៅ កាន់ណាលី អគ្គលេខាធិការសហព័ន្ធកីឡាបាល់បោះកម្ពុជា បានឲ្យដឹងថា ពានរង្វាន់មិត្តភាពកម្ពុជា-ចិន ឆ្នាំនេះមាន៨ក្រុមចូលរួម ក្នុងនោះមានក្រុម UYFC Siem Reap , Anhui Shanghui , Cambodia Country Club , Grassroot Team , Haojie , Guangan XD , Liaoning Shanghui និង ក្រុម Shengda Chaoyue  ដោយធ្វើការប្រកួតសន្សំពិន្ទុ ស្វែងរកក្រុមដែលមានពិន្ទុខ្ពស់ជាងគេ ៤ក្រុមយកទៅប្រកួតខ្វែង ដើម្បីរក២ក្រុមយកមកប្រកួតវគ្គផ្តាច់ព្រាត់ដណ្តើមពានតែម្តង។ ចំពោះលទ្ធផលទាំង២សប្តាហ៍វិញ ក្រុម UYFC Siem Reap ,…

 វិទ្យាស្ថាន CamEd Business School បង្កើនវិញ្ញាសារថ្មី បាល់បោះ៣ទល់៣ ដើម្បីពង្រឹងអត្តពលិករបស់ខ្លួន ត្រៀមការប្រកួតនានា ដោយមាន១៣ក្រុមចូលរួម ចែកចេញជា២ពូល ធ្វើការប្រកួតជម្រុះសន្សំពិន្ទុយក៤ក្រុមដែលមានពិន្ទុខ្ពស់ជាងគេ ក្នុងពូលនីមួយៗ ឡើងប្រកួតខ្វែងរហូត ឈានទៅដល់វគ្គផ្តាច់ព្រាត់ ដើម្បីស្វែងរកជើងឯកតែម្តង។ តាមការបញ្ជាក់ពីគណៈកម្មការរៀបចំការប្រកួត បានអោយដឹងថា ការប្រកួតបាល់បោះ ៣ទល់៣ ដណ្តើមពានរង្វាន់ វិទ្យាស្ថាន CamEd Business School ឆ្នាំ២០១៨នេះ មាន ១៣ក្រុមចូលរួម ចែកចេញជា២ពូល ក្នុងនោះពូលA មាន៦ក្រុម Young Force , De Carnage , Bumble Bee , Black Hawk , Cam Ed United និង ក្រុម Zone រីឯពូល B មាន៧ក្រុម Generals , The Red…

ប្រធានខេមរៈសហព័ន្ធកីឡាយូដូ អះអាងថា ជើងឯកថ្នាក់ជាតិឆ្នាំនេះ កើនឡើងទាំងសមត្ថភាព និងកីឡាករ កីឡាការិនី ការប្រកួតកីឡាយូដូជ្រើសរើសជើងឯកថ្នាក់ជាតិឆ្នាំ២០១៨ បានបញ្ចប់ដោយជោគជ័យជាមួយនឹងមោទនភាព បន្ទាប់ពីមានកើនឡើងទាំងសមត្ថភាព និងចំនួនកីឡាករការិនីចូលរួមជាងបណ្តាឆ្នាំកន្លងទៅ។ ប្រធានខេមរៈសហព័ន្ធកីឡាយូដូ លោក ហេង លី បានថ្លែងលើកឡើងដូច្នោះ ក្រោយបញ្ចប់ពិធីបិទការប្រកួតកីឡាយូដូជ្រើសរើសជើងឯកថ្នាក់ជាតិ កាលពីល្ងាចម្សិលមិញ ។ លោកថា បន្ទាប់ពីមើលឃើញនូវកំណើនការចូលរួមយ៉ាងផុសផុសបែបនេះ ខេមរៈសហព័ន្ធកីឡាយូដូ មានទិសដៅពង្រីកក្លិប សមាគមឲ្យកាន់តែច្រើន នៅតាមបណ្តាលខេត្ត ដើម្បីចម្រាញ់រកធនធនកីឡាករការិនី ដែលមានសមត្ថភាពពិតប្រាកដឲ្យបានកាន់តែច្រើន។ ប្រធានរូបនេះ បន្ថែមទៀតថា ការប្រកួតឆ្នាំនេះខេមរៈសហព័ន្ធបានកាត់បន្ថយ វិញ្ញាសារប្រយុទ្ធ ទម្ងន់ធ្ងន់បុរសដោយបន្ថែមមកវិញនូវវិញ្ញាសារប្រយុទ្ធនារី ដោយហេតុថា ចំនួនកីឡាការិនីហ្វឹកហាត់ កីឡាជំនាញមួយនេះពុំទាន់មាននារីចូលហ្វឹកហាត់ផុសផុលដូចកីឡាដទៃទៀត។ លោក អះអាងថា ការ ដែលសហព័ន្ធយកចិត្តទុកដាក់លើការបំផុសឲ្យមានចំនួនកីឡាការនី ចូលហ្វឹកហាត់លើប្រភេទ កីឡាយូដូនេះ ក៏ព្រោះយើងមើលឃើញថា នារីមានអទិភាពខ្ពស់ ក្នុងការស្វែងរកមេដាយពីការប្រកួត នៅអន្តរជាតិ។ លោក បញ្ជាក់ថា កីឡាករការិនីដែលចូលរួមប្រជែងជើងឯកនេះ អ្នកដែលមានសមត្ថភាព និងត្រូវជ្រើសរើសជាកីឡាករការិនីថ្នាល និងជម្រើសជាតិរបស់ខេមរៈសហព័ន្ធដើម្បី ទទួល បានការបំប៉ន…