ក្លិប Paris St-Germain  និងសេះបង្កង់ Juventus ឈ្នះ៧ប្រកួតជាប់ៗគ្នា នៅលីគរបស់ខ្លួន ខណៈក្លិប Barcelona និង Real Madrid ចាញ់ដូចគ្នា កាលពីយប់មិញ។ ក្លិប Paris St-Germain  យកឈ្នះ Reims ៤:១ ក្លាយជាក្រុមទី៤ ដែលឈ្នះបើករដូវកាល៧ប្រកួតជាប់គ្នាក្នុង Ligue 1។

អ្នកចាត់ការក្រុមតោកំណាចអង់គ្លេស លោក Gareth Southgate ដែលនាំអង់គ្លេស កាន់វគ្គពាក់កណ្តាលផ្តាច់ព្រ័ត្រ World Cup ជាលើកដំបូង ក្នុងរយៈពេល២៨ចុងក្រោយ  ត្រៀមចុះហត្ថលេខាបន្តកុងត្រារយៈពេល២ឆ្នាំទៀត ដឹកនាំក្រុមជម្រើសជាតិអង់គ្លេសឆ្ពោះទៅ World Cup ឆ្នាំ២០២២ នៅប្រទេសកាតា ស្របពេលកិច្ចសន្យារបស់នៅមានសុពលភាពដល់ឆ្នាំ២០២០។ អ្នកដឹកនាំវ័យ៤៨ឆ្នាំ បានយល់ព្រមលក្ខខណ្ឌដោយប្រាក់ខែ៣លានផោនក្នុងមួយឆ្នាំ។ កិច្ចសន្យានេះនឹងត្រូវពិភាក្សា នៅឯកិច្ចប្រជុំក្រុមប្រឹក្សាភិបាលបាល់ទាត់មួយ នៅថ្ងៃព្រហស្បតិ៍តទី២៧ ខែកញ្ញានេះ ។ ការប្រកួតបន្ទាប់ទៀតរបស់ក្រុមជម្រើសជាតិអង់គ្លេស គឺជួបផ្ទះក្រូអាស៊ីក្នុងក្របខណ្ឌ League Nations ថ្ងៃទី១២ ខែតុលាខាងមុខ។ គួររំលឹកថា លោក Southgate ដំបូងឡើយកាន់តំណែងបណ្ដោះអាសន្នពីលោក Sam Allardyce កាលពីខែកញ្ញា ឆ្នាំ២០១៦ បន្ទាប់មកបានចុះហត្ថលេខាលើកិច្ចព្រមព្រៀងរយៈពេល៤ឆ្នាំ ជាអ្នកចាត់ការអង់គ្លេស នៅខែវិច្ឆិកា ឆ្នាំ២០១៦។ Gareth Southgate ធ្លាប់ជាកីឡាករលេងនៅក្លិប Aston Villa និង Middlesbrough៕  

ព្រឹត្តិការណ៍ប្រកួតតេក្វាន់ដូស្ទីល WTFដណ្ដើម ពានរង្វាន់អគ្គរដ្ឋទូតសាធារណរដ្ឋកូរ៉េ ប្រចាំនៅ កម្ពុជា បានបញ្ចប់ដោយជោគជ័យ ក្រោមការសហការជាមួយខេមរសហព័ន្ធ តេក្វាន់ដូ និងបណ្ឌិត្យសភាតេក្វាន់ដូកម្ពុជា ដើម្បីអភិវឌ្ឍន៍វិស័យកីឡាតេក្វាន់ដូ ឲ្យកាន់តែមានសក្តានុពលនៅកម្ពុជា។

ភ្នំពេញ៖ ក្រុមហ៊ុនភេសជ្ជៈកម្ពុជា (កូកា-កូឡា) បានរកឃើញជើងខ្លាំងទាំង៤នៃពានរង្វាន់បាល់ទាត់អាឃ្វ័ររៀសប្រចាំឆ្នាំ (Aquarius Cup) ២០១៨ ដែលជាពានរង្វាន់បាល់ទាត់អាឃ្វ័ររៀសលើកដំបូងនៅក្នុងព្រះរាជាណាចក្រកម្ពុជា។ កីឡាករចំនួន៥៦ក្រុមបានចូលរួមការប្រកួតដណ្តើមពាននេះ ចាប់តាំងពីថ្ងៃទី១៦ ខែសីហា ឆ្នាំ២០១៨។ ជើងខ្លាំង៤ក្រុមបានឆ្លងមកដល់វគ្គពាក់កណ្តាលផ្តាច់ព្រ័ត្រ មានឈ្មោះដូចជា ក្រុមឱម៉ាល់ ក្រុមអាណាចក្របៃតង ក្រុមពាក់មី និងក្រុម Down Town Sport។

សកលវិទ្យាល័យ អាស៊ីអឺរ៉ុប នៅតែបន្តនាំមុខគេលើតារាងមេដាយនៃព្រឹត្តិការណ៍កីឡាឧត្តមសិក្សា និងមធ្យមសិក្សាបច្ចេកទេសជើងឯកថ្នាក់ជាតិ ប្រចាំឆ្នាំ២០១៨ ដោយឈ្នះមេដាយសរុប២៥គ្រឿង។គ្រូកីឡាសកលវិទ្យាល័យ អាស៊ីអឺរ៉ុប លោក ពៅ ហុក បានបញ្ជាក់ថា គិតត្រឹមព្រឹកថ្ងៃទី២៦នេះ អត្តពលិកអាស៊ីអឺរ៉ុប ដណ្តើមបានមេដាយសរុបចំនួន២៥ វិញ្ញាសារ ក្នុងនោះមេដាយមាស១៦ ប្រាក់៦ និងមេដាយសំរឹទ្ធ៣ លើ៤ប្រភេទកីឡាដែលសកលវិទ្យាល័យបញ្ជូនចូលរួម។

សហព័ន្ធកីឡាបាល់ទាត់អាល្លឺម៉ង់ សង្ឃឹមទទួលបានសិទ្ធិធ្វើម្ចាស់ផ្ទះ Euro 2024 ដែលនឹង ប្រកាសនៅថ្ងៃព្រហស្បតិ៍តខាងមុខនេះ ខណៈពួកគេកំពុងមានប្រៀបលើគូប្រជែង ប្រទេសតួកគី។ អតីតប្រធានក្រុមជម្រើសជាតិអាល្លឺម៉ង់ Philipp Lahm ក្នុងនាមជាទូត និងប្រធានក្រុមដេញថ្លៃរបស់អាល្លឺម៉ង់ Markus Stenger នៃការដេញថ្លៃ បាននិយាយ នៅទីក្រុងឡុងដ៍ ដើមសប្ដាហ៍នេះថា អាល្លឺម៉ង់ជាជម្រើសល្អឥតខ្ចោះ ហើយព្រឹត្តិការណ៍ Euro 2024 នឹងនាំអាល្លឺម៉ង់ និងអឺរ៉ុប ឱ្យរួបរួមគ្នា។ អាល្លឺម៉ង់មានហេដ្ឋារចនាសម្ព័ន្ធ និងកីឡដ្ឋានប្រសើរជាងប្រទេសតួកគី ស្របពេលប្រទេស នេះក៏មានកំណត់ត្រាខាងសិទ្ធិមនុស្ស ស្ថិតក្នុងក្ដីបារម្ភរបស់ UEFA។ ក្នុងលក្ខខណ្ឌដេញថ្លៃ Euro 2024 UEFA បានបញ្ចូលគោលការណ៍គោរពសិទ្ធិមនុស្សជាចំណុចមួយ ដើម្បីវាយតម្លៃជ្រើសរើសជ័យលាភីដេញថ្លៃ។ គួរឲ្យដឹងថា ក្រុមបាល់ទាត់អាល្លឺម៉ង់ បានក្លាយជាក្រុមបារម្ភខ្លាំង ក្រោយធ្លាក់ពី FIFA World Cup 2018 ត្រឹមវគ្គចែកពូល ក្នុងនាមជាក្រុមការពារជើងឯក៕

ប្រធានក្លិបរង Manchester United ដាក់តម្លៃខ្លួន Paul Pogba ២០០លានផោន ប្រសិនក្លិបណាចង់បាន ក្រោយពីមានបញ្ហាជាមួយលោក Jose Mourinho ។ ខ្សែបម្រើសញ្ជាតិបារាំងរូបនេះ នៅសល់កុងត្រារយៈពេល៣ឆ្នាំទៀតនៅ Old Trafford ដូច្នេះបិសាចក្រហមអាចដាក់តម្លៃខ្លួនខ្ពស់លើកីឡាកររូបនេះ។ សមាជិកឈ្នះ World Cup បារាំង មានចិត្តចង់ចេញពីក្លិបនៅរដូវក្ដៅក្រោយ ខណៈក្លឹបអ្នកមានបុណ្យ Barcelona PSG និង  Juventus កំពុងតែចង់បាន។ ស្របពេលដែលប្រភពសារព័ត៌មានធំៗធ្លាប់ចុះផ្សាយថា Pogba បានស្នើទៅកាន់ Mourinho សុំចេញពីក្លិប។ គួររំលឹកថា យប់មិញនេះ ក្លឹប Man Utd ចាញ់ Derby នៅលើទឹកដី  Old Trafford ពាន League Cup  ហើយ  Pogba ក៏មិនមានវត្តមានដែរ៕

ក្រុមសីដក់កម្ពុជា ឈ្នះមេដាយមាសពានរង្វាន់ King’s Cup លើកទី៣៣ នៅប្រទេសថៃ  លើប្រភេទវិញ្ញាសារ ៣:៣ ផ្នែកបុរស បន្ទាប់ពីយកឈ្នះអូស្រ្តាលី នៅវគ្គផ្ដាច់ព្រ័ត្រ មុននេះបន្តិច ២-០ ក្នុងលទ្ធផល ២១:១៨ , ២៥:២៤។ មុននឹងឡើងដល់ដណ្តើមមេដាយមាសនេះ ប្រកួតទី១ កម្ពុជា ឈ្នះ បង់ក្លាដេស ២:១ ប្រកួតទី២ កម្ពុជាឈ្នះបារាំង កម្ពុជា ២:១  ប្រកួតទី៣ កម្ពុជាឈ្នះអាល្លីម៉ង់ ២:១  រីឯវគ្គពាក់កណ្តាលផ្តាច់ព្រាត់ កម្ពុជាឈ្នះអូម៉ង់ ២:១ ក្នុងលទ្ធផល ១៤-២១ ២១-៧ និង២១-១០ ។ លុះដល់វគ្គផ្តាច់ព្រាត់ កម្ពុជាឈ្នះអូស្រ្តាលី ២សិត០ ក្នុងលទ្ធផល ២១:១៨ និង២៥:២៤។ សូមបញ្ជាក់ថា ព្រឹត្តការណ៍ប្រកួតកីឡាសីដក់ពានរង្វាន់ King’s Cup លើកទី៣៣ នៅប្រទេសថៃ មាន៣៥ប្រទេសចូលរួម ដំណើរប្រកួតពីថ្ងៃទី២៣ដល់៣០ ខែកញ្ញា…

កីឡាករ Tiger Woods ឈ្នះពានជាលើកដំបូងក្រោយខកខានរយៈពេល៥ឆ្នាំចុងក្រោយ

Marc Marquez ឈ្នះការប្រណាំងម៉ូតូ MotoGP នៅអេស្ប៉ាញ