កំពត៖ ឧបនាយករដ្ឋមន្ត្រី រដ្ឋមន្រ្តីក្រសួងអប់រំ យុវជន និងកីឡា បានលើកឡើងថា រាជរដ្ឋាភិបាលក្រោមការដឹកនាំ​របស់​សម្តេចធិបតី ហ៊ុន ម៉ាណែត នាយករដ្ឋមន្ត្រី បានកំណត់យកកត្តាមនុស្សជា​វិស័យអាទិភាពទី១ ក្នុងការអភិវឌ្ឍប្រទេស។ទន្ទឹមនេះដើម្បី​ផលិត​ធនធានមនុស្សដែលមានគុណភាពបាន ទាមទារឱ្យអ្នកពាក់ព័ន្ធ ពិសេសនាយក នាយិកា និងគ្រូ​បង្រៀនខិតខំប្រឹងប្រែងប្រែក្លាយ​សាលារៀនខ្លួនជាសាលារៀនគំរូ។ ក្នុងពិធីប្រកាសលោក សូ ភារិទ្ធ ប្រធានស្តីទី ចូលកាន់តំណែងជា​ប្រធានមន្ទីរអប់រំ យុវជន និងកីឡាខេត្តកាលពី​ព្រឹក​ថ្ងៃទី២៤ ខែធ្នូ ឆ្នាំ២០២៤ នៅសាលប្រជុំសាលាខេត្តកំពតឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយក​រដ្ឋមន្ត្រី រដ្ឋមន្ត្រីក្រសួងអប់រំយុវជន និងកីឡាមានប្រសាសន៍ថា ធនធានមនុស្សជាកត្តាសំខាន់បំផុត សម្រាប់អភិវឌ្ឍ​ប្រទស។សម្តេចធិបតី ហ៊ុន ម៉ាណែត នាយករដ្ឋមន្ត្រី​បានកំណត់យកកត្តាមនុស្សជាវិស័យអាទិភាពស្នូលទី១ និងបាន​ដាក់ចេញ​ចំណុចអាទិភាពចំនួន ៤ សម្រាប់លើកកម្ពស់វិស័យអប់រំ ។ ឯកឧត្តមរដ្ឋមន្រ្តីបន្តថា ដើម្បីចូលរួមសម្រេចចក្ខុវិស័យ​របស់​រាជរដ្ឋាភិបាល ក្នុងការប្រែក្លាយប្រទេសកម្ពុជា ជាប្រទេស​មានប្រាក់ចំណូលធម្យមកម្រិតខ្ពស់នៅឆ្នាំ២០៣០ និង ជាប្រទេសមានចំណូលខ្ពស់នៅឆ្នាំ២០៥០ ទាមទារឱ្យក្រសួងអប់រំ ចូលរួមចំណែកតាមរយៈការបន្តធ្វើកំណែទម្រង់ដើម្បីបង្កើនគុណភាពនៃការសិក្សាអប់រំកាន់តែប្រសើរ។ ឯកឧត្តមបានជំរុញ លើកទឹកចិត្ត​ដល់អ្នកពាក់ព័ន្ធ ត្រូវយកចិត្តទុកដាក់ប្រែក្លាយសាលារៀនរបស់ខ្លួនជា​សាលារៀនគំរូ។សាលារៀនគំរូជាការងារ​អាទិភាពមួយរបស់​ក្រសួង ដោយកំណត់ត្រឹមឆ្នាំ២០២៨ខាងមុខនេះត្រូវបង្កើនសាលារៀនគំរូឱ្យបានយ៉ាងហោច ៥០០​សាលា។សាលារៀនគំរូនៅឆ្នាំ២០២៤​ក្រសួងអប់រំ មានការទទួលស្គាល់ចំនួន១២០សាលា ហើយ​នៅឆ្នាំ​២០២៥ខាងមុខ ក្រសួងនឹងចុះទៅវាយតម្លៃសាលារៀនចំនួន​១៣០ទៀត។ តាមរយៈការធ្វើកំណែទម្រង់ប្រឡងសញ្ញាបត្រទុតិយភូមិរយៈពេល១០ឆ្នាំចុងក្រោយនេះឃើញថា …

កំពង់ចាម៖ទីលានទុកដាក់សំរាមក្រុងកំពង់ចាម ត្រូវបានសម្ពោធជាផ្លូវ​ការ​កាលពីព្រឹកថ្ងៃទី២៤ ខែធ្នូ ឆ្នាំ​២០២៤ ក្រោម​អធិបតីភាពឯកឧត្តម រស់ វណ្ណា រដ្ឋលេខាធិការ ឯកឧត្តម ប៉េង ពោធិ៍នា រដ្ឋមន្ត្រីក្រសួង​សាធារ​ណការ និងដឹកជញ្ជូន ឯកឧត្តម អ៊ុន ចាន់ដា អភិបាលខេត្ត​កំពង់ចាម លោកស្រី យូសាណា វ៉ាម៉ា នាយិកាធនាគារអភិវឌ្ឍន៍អាស៊ី (ADB) ប្រចាំព្រះរាជាណាចក្រកម្ពុជា។ ទីលានទុកដាក់សំរាមក្រុងកំពង់ចាមថ្មីនេះស្ថិតក្នុងគម្រោងអភិវឌ្ឍន៍ក្រុងរបៀងមហាអនុតំបន់មេគង្គជំហានទី៤ ក្រោមកម្ចី​ឥណទានសម្បទាន​ពីធនាគារអភិវឌ្ឍន៍អាស៊ី មានតម្លៃប្រមាណជិត៩លានដុល្លារអាមេរិក ។ការដ្ឋាននេះ​បាន​សាងសង់​រយៈពេល ១៧ខែ ដោយគិតចាប់ពីថ្ងៃទី៥ ខែមករា ឆ្នាំ២០២៤ ។ទីលាននេះ សាងសង់លើ​ផ្ទៃដី​ទំហំ ១៨,៦៨​ហិកតា ស្ថិតនៅក្នុងភូមិកោះរកា ឃុំកោះរកា ស្រុកកំពង់សៀម ដែលមានចម្ងាយប្រហែល ២៥គីឡូម៉ែត្រ ពីក្រុងកំពង់ចាម ។ នាឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម មាន​ប្រសាសន៍ថា ដោយសារបរិមាណសំរាម នៅក្នុងខេត្ត​កំពង់​ចាម មានការកើនឡើង ជាប្រចាំថ្ងៃ ដែលធ្វើឱ្យទីលានទុកដាក់សំរាមបច្ចុប្បន្ន មិនអាចធានាបាននូវកាទុកដាក់សំរាម​ប្រកបដោយសុវត្ថិភាព និងចីរភាព ។ឯកឧត្តមបន្តថា…

(ភ្នំពេញ)៖ មិនយូរទៀតទេ មន្ត្រីរាជការ និងភ្ញៀវដែលអញ្ជើញមកកាន់ក្រសួងមុខងារសាធារណៈ នឹងមានទីតាំងរួមថ្មីមួយបន្ថែមទៀត សម្រាប់ការជួបជុំ ការពិភាក្សាការងារ ឬជាទីតាំងសម្រាប់ប្រើប្រាស់ក្នុងកម្មវិធីនានា នៅទីស្តីការក្រសួងមុខងារសាធារណៈ។ ក្នុងរយៈពេលថ្មីៗកន្លងមក ក្រសួងមុខងារសាធារណៈ បានកែលម្អហេដ្ឋារចនាសម្ព័ន្ធជាច្រើន ទាំងការកែលម្អអគារសម្រាប់បំពេញការងារ ការកែលម្អហេដ្ឋារចនាសម្ព័ន្ធ ទីតាំងចំណតយានយន្ត និងហេដ្ឋារចនាសម្ព័ន្ធផ្សេងទៀតក្នុងគោលដៅលើកកម្ពស់សុខុមាលភាពដល់មន្ត្រីដើម្បីបំពេញការងារ។ មន្ត្រីរាជការទាំងអស់ ពិតជាសូមថ្លែងអំណរគុណ ដល់ការយកចិត្តទុក្ខដាក់ដ៏កក់ក្តៅ របស់ឯកឧត្តមឧបនាយករដ្ឋមន្ត្រី ហ៊ុន ម៉ានី ដែលលោកតែងតែបានគិតគូរយ៉ាងហ្មត់ចត់ ទាំងការងារស្នូលប្រចាំថ្ងៃរបស់ក្រសួងមុខងារសាធារណៈ ទាំងការងារកែទម្រង់រដ្ឋបាលសាធារណៈ ព្រមទាំងការថែទាំសុខុមាលភាព ក៏ដូចជាទីកន្លែងបំពេញការងាររបស់មន្ត្រីរាជការ ប្រកបដោយគុណភាពខ្ពស់ និងមានផាសុកភាព ៕ ដោយ ៖ ង៉ាន់ ទិត្យ

កំពង់ធំ៖ឧត្តមសេនីយ៍ សោម ស៊ុន មេបញ្ជាការតំបន់ប្រតិបត្តិ​ការសឹក​រងកំពង់ធំ បានដឹកនាំកិច្ចប្រជុំបូកសរុបលទ្ធផល ការងារយោធា​សន្តិ​សុខប្រចាំខែធ្នូ ឆ្នាំ២០២៤ និងដាក់ចេញនៅទិសដៅសម្រាប់​អនុវត្ត​បន្តខែមករា ឆ្នាំ២០២៥ នៅទី បញ្ជាការតំបន់ប្រតិបត្តិការសឹក​រង​កំពង់ធំ ស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំកាលពី​ព្រឹក ថ្ងៃទី២៤ ខែធ្នូ ឆ្នាំ២០២៤។ ក្នុងឱកាសនេះឧត្តមសេនីយ៍ សោម ស៊ុន បានថ្លែងនូវការកោតសរសើរ​ចំពោះមេបញ្ជាការគ្រប់បណ្ដាកងឯកភាព នាយ​ការិយាល័យ ផ្នែក​ជំនាញគ្រប់ស្ថាប័នចំណុះនៅទីបញ្ជាការតំបន់ប្រតិបត្តិការសឹករង ព្រមទាំងថ្នាក់ដឹកនាំគ្រប់លំដាប់ថ្នាក់ នាយទាហាន នាយទាហានរង និងពលទាហានទាំងអស់ ដែលបានខិតខំប្រឹងប្រែងបំពេញភារកិច្ច​សម្រេចបានតាមផែនការ ដែលថ្នាក់លើបានប្រគល់ជូន។ ឧត្តមសេនីយ៍ទោ ក៏បានដាក់ចេញនូវទិសដៅសំខាន់ៗ ដែលត្រូវអនុវត្តបន្តមយចំនួន៕ ដោយ៖ ប៊ុន រដ្ឋា

បន្ទាយមានជ័យ៖ ក្នុងទិវាជាតិប្រឆាំងការជួញដូរមនុស្ស ១២ធ្នូ ឆ្នាំ២០២៤ ខួបលើកទី១៨ ក្រោមប្រធានបទ៖” កម្ពុជា​ប្រឆាំង​ដាច់ខាតអំពើជួញដូរមនុស្សគ្រប់ទម្រង់ និងគ្រប់មធ្យោបាយ​ក្នុងសម័យឌីជីថល” កាលពីព្រឹកថ្ងៃទី២៤ ខែធ្នូ ឆ្នាំ​២០២៤ នៅសាលាខេត្តបន្ទាយមានជ័យ ឯកឧត្តម អ៊ុំ រាត្រី អភិបាលខេត្ត ជំរុញឱ្យកម្លាំងសមត្ថកិច្ច​នៅតាមព្រំដែន​បង្កើនលើការ​អង្កេតមុខ​សញ្ញាមេខ្យល់ ក៏ដូចជាទប់ស្កាត់នូវការជួញដូរមនុស្ស ។ ក្នុងឋានៈជាប្រធានគណៈកម្មាធិការខេត្តប្រយុទ្ធប្រឆាំងអំពើជួញដូរមនុស្សផង ឯកឧត្តម អ៊ុំ រាត្រី បានប្រាប់អ្នកចូលរួមមាន​សមាសភាព​ចម្រុះថា ​ទិវានេះបានបង្ហាញនូវការរួបរួមសាមគ្គីពីគ្រប់តួអង្គពាក់ព័ន្ធ ក្នុងឆន្ទៈតែមួយហើយមាន ភារកិច្ច​ប្រយុទ្ធប្រឆាំងអំពើជួញដូរ មនុស្ស​គ្រប់ទម្រង់និងគ្រប់មធ្យោបាយក្នុងសម័យឌីជីថល ។ លោកបានបន្ថែមថា រឿង ចាំបាច់មិន​អាចខ្វះបាន ការផ្សព្វផ្សាយ​ការយល់ដឹងអំពីស្ថានភាពនិងទម្រង់ផ្សេងៗនៃបទល្មើស ជួញដូរ​មនុស្សនិងអំពើ​ពាក់ព័ន្ធដទៃ​ទៀត កល​ល្បិចជនល្មើស ព្រមជាមួយ​នឹងវិធីសាស្ត្របង្ការឱ្យទូលំទូលាយទៅដល់ប្រជាពលរដ្ឋ ដើម្បីទប់ស្កាត់​និងការពារខ្លួន និង​ការពារសហគមន៍ឱ្យរួចផុតពីភាពរងគ្រោះ​ទាំងអស់​នេះ ។ ជារឿយៗខេត្តបន្ទាយមានជ័យដែលមានព្រំដែនជាប់ជាមួយប្រទេសថៃ តែងតែកើតឡើងជាញឹកញាប់នូវសកម្មភាពនាំពលករឆ្លងដែន​ដោយ​ខុសច្បាប់ និងអំពើបោកប្រាស់ពីពលករដែលស្វែងរកការងារធ្វើ ។ ឯកឧត្តម អ៊ុំ រាត្រី បានអំពាវនាវដល់ថ្នាក់ដឹកនាំ មន្ត្រីរាជការគ្រប់​លំដាប់​ថ្នាក់ កម្លាំង សមត្ថកិច្ច អាជ្ញាធរគ្រប់មូលដ្ឋាន ត្រូវបន្តបំពេញភារកិច្ច​តាមតួនាទី ខិតខំតាមដានបាតុភាពនិងបទល្មើសផ្សេងៗ​ឱ្យបាន​ជាប្រចាំ។ពិសេស​សមត្ថកិច្ច​នៅ​តាមបណ្តាអង្គភាពត្រួត​ពិនិត្យច្រក​ទ្វារព្រំដែន កម្លាំងឈរជើងតាមខ្សែបន្ទាត់ព្រំដែន ត្រូវបង្កើនការ​ទទួល​ខុសត្រូវ…

(ភ្នំពេញ)៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍   បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម វ៉ាង វិនពីន ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា នៅថ្ងៃទី២៤ ខែធ្នូ ឆ្នាំ២០២៤ នៅទីស្តីការក្រសួង។ ឯកឧត្តមរដ្ឋមន្រ្តី បានជម្រាបជូន អំពីវឌ្ឍភាពនៃការធ្វើកំណែទម្រង់របស់ក្រសួង ចាប់តាំងពីឆ្នាំ២០២០ រហូតដល់បច្ចុប្បន្ន ការអភិវឌ្ឍវិស័យប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍និងព័ត៌មាន និងការងារបរិវត្តកម្មរដ្ឋាភិបាលឌីជីថល។ ឯកឧត្តមរដ្ឋមន្រ្តី និងឯកឧត្តមឯកអគ្គរដ្ឋទូត ក៏បានពិភាក្សាលើការពង្រឹងកិច្ចសហប្រតិបត្តិការបន្ថែមក្នុងវិស័យទាំងបី និងការបណ្តុះបណ្តាលធនធានមនុស្សផ្នែកឌីជីថល ផងដែរ៕ ដោយ ៖ ង៉ាន់ ទិត្យ

(ភ្នំពេញ)៖ រាជរដ្ឋាភិបាល ​នឹងនៅ​តែ​បន្តការគាំទ្រ ដល់​សកម្មភាព​ និងបេសកកម្មរបស់វិទ្យាសា្ថន បណ្តុះបណ្តាល និងស្រាវជ្រាវ ដើម្បីអភិវឌ្ឍន៍កម្ពុជា និងលើកទឹកចិត្តឱ្យ CDRI សហការ​លេីកស្ទួយវិស័យ​ស្រាវជ្រាវ​នៅ​កម្ពុជា​ ។ នេះជាការគូសបញ្ជាក់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជណាចក្រកម្ពុជា ក្នុងឱកាសអនុញ្ញាតឱ្យ លោកស្រី អេវ៉ា មីស្លីវីក (Eva Mysliwiec) ស្ថាបនិក, អតីតសមាជិកក្រុមប្រឹក្សាភិបាល និងជាអតីតនាយិកាប្រតិបត្តិនៃវិទ្យាសា្ថនបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) និងគណៈគ្រប់គ្រង ចូលជួបសម្ដែងការគួរសម និងគោរពរាយការណ៍អំពីវឌ្ឍនភាព និង​ផែនការ​យុទ្ធសាស្ត្រ​ថ្មី​របស់​ CDRI នៅវិមានសន្ដិភាព នាព្រឹកថ្ងៃទី២៤ ខែធ្នូ ឆ្នាំ២០២៤ ។ លោកស្រី អេវ៉ា មីស្លីវីក បានគោរពរាយការណ៍ជូនសម្ដេចបវរធិបតីអំពីវឌ្ឍនភាពនៃបេសកកម្មរបស់ CDRI ដែលផ្តោតលើការសិក្សាស្រាវជ្រាវបែបវិទ្យាសាស្ត្រទៅលើវិស័យជាច្រើនពាក់ព័ន្ធនឹងការអភិវឌ្ឍសង្គម-សេដ្ឋកិច្ចកម្ពុជា តាមរយៈការផ្ដល់ធាតុចូលផ្នែកគោលនយោបាយដល់រាជរដ្ឋាភិបាល ដើម្បីអនុវត្តគោលនយោបាយ ប្រកបដោយប្រសិទ្ធភាព និងភាពស័ក្ដិសិទ្ធិ ស្របតាម​យុទ្ធសាស្ត្រ​បញ្ចកោណ​-ដំណាក់កាលទី​១​ របស់រាជ​រដ្ឋាភិបាល។ លោកស្រី ក៏បានគោរពជម្រាបជូន សម្ដេចបវរធិបតីអំពីទិសដៅអនាគតរបស់ CDRI…