(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានជួប​ជជែក​លេង​ជាមួយ លោក ម៉ិច ដារ៉ា លើ​ប្រធាន​បទជាច្រើន រួមទាំងសិទ្ធិសេរីភាព និងការទទួលខុស​ត្រូវរបស់​អ្នក​សារព័ត៌មាន ដែលចាំបាច់ ត្រូវផ្សព្វផ្សាយព័ត៌មានពិត និងដោយប្រកាន់​ខ្ជាប់​នូវក្រមសីលធម៌វិជ្ជាជីវៈ ដើម្បីជៀសវាងការផ្សព្វផ្សាយ ព័ត៌​មាន​ខុស​ពីការពិត នាំឲ្យអ្នកស្ដាប់ឬអ្នកអានព័ត៌មាន មានការយល់ច្រឡំខុស ។ សម្តេចធិបតី បានបញ្ជាក់នៅលើបណ្ដាញសង្គមនាថ្ងៃទី ០៤ ខែវិច្ឆិកា ឆ្នាំ២០២៤ ថា ៖ ខ្ញុំធ្លាប់ស្គាល់ប្អូនប្រុស ម៉ិច ដារ៉ា កន្លងទៅជាច្រើនឆ្នាំមកហើយ ប៉ុន្តែយើង​មិន​ដែល មានឱកាសបានអង្គុយជជែកគ្នាលេងដូចពេលនេះ ៕ ដោយ ៖ វណ្ណលុក

(ភ្នំពេញ)៖ ចម្លាក់ស្បែកជាប្រភេទ សិល្បៈប្រពៃណីបុរាណដ៏យូរលង់របស់ខ្មែរ។បច្ចុប្បន្ននេះចម្លាក់ដែលជាស្នាដៃ មរតក ដូនតា មួយបែបនេះ ក្រៅតែជាការតាំង​លក់​នូវ វត្ថុអនុស្សាវរីយ៍នានាដល់ភ្ញៀវទេសចរសម្រាប់​ជាការរកប្រាក់ចំណូល ហើយ​នោះ ក៏ជាទីកន្លែងបណ្តុះបណ្តាលកុមារ និង យុវជនឱ្យចេះចំណេះជំនាញមួយនេះ​ថែម​ទៀត ។ លោក លៀង សុជា រស់នៅភូមិឪឡោក ឃុំបាគង ស្រុក ប្រាសាទបាគង ខេត្ត សៀម​រាប ដែលប្រកបរបរចម្លាក់ស្បែកគោ១២ឆ្នាំមកហើយ ក្រៅពីមាន បទពិសោធ​ការងារ និងចំណេះជំនាញដែលបានពីរៀបសូត្រនេះធ្វើឱ្យលោកប្រកាន់យកមុខរបរនេះអាចរកប្រាក់ចំណូលសម្រាប់ចិញ្ចឹមគ្រួសារជាហូរហែរៀងរាល់ថ្ងៃ។ ក្នុងពេលកំពុងប្រកបរបរដាប់ស្បែកគោលក់នៅ សហគមន៍ទេសចរណ៍ធម្មជាតិ កំពង់ភ្លុក ស្ថិតនៅឃុំកំពង់ភ្លុក ស្រុក ប្រាសាទបាគង ខេត្តសៀមរាប លោក លៀង សុជា បានឱ្យដឹងថាក្នុងការធ្វើចម្លាក់ស្បែកគោនេះអាស្រ័យទៅលើរូបតូច​រូបធំគឺ​ក្នុងមួយថ្ងៃអាចដាប់ចម្លាក់បាន២ទៅ៣រូប តែបើរូបធំត្រូវចំណាយពេលចាប់ ពី២ទៅ​៣ថ្ងៃទើបបានមួយ ។ ដោយឡែករូបចាប់ពី១ម៉ែត្រឡើងទៅចាប់​ពី៣សប្តាហ៍​រហូត​ដល់ ១ខែក៏មានដែរ។ លោក លៀង សុជាជាងចម្លាក់ស្បែកគោរូបនេះបានឱ្យដឹងបន្ថែមថាសម្រាប់​ប្រាក់​កម្រៃ​វិញគឺលោកអាចរកបានក្នុងមួយថ្ងៃចាប់ពី២០ទៅ៣០ដុល្លារ។ចំណែកថ្ងៃខ្លះ​ទៀតក៏អត់ និងថ្ងៃខ្លះទៀតដែលហេងអាចបាន ១០០ដុល្លារជាងឡើង​ទៅក៏មាន​ផងដែរ។ ក្នុងវ័យ ៣០ឆ្នាំលោក លៀង សុជា បានឱ្យដឹងដែរថាក្នុងការធ្វើសម្លាប់ស្បែកគោនេះ​អាស្រ័យ​ទៅលើរូបតូចរូបធំគឺក្នុងមួយថ្ងៃអាចម្លាក់បាន ២ទៅ ៣រូប តែបើរូបធំត្រូវ​ចំ​ណាយ​​​​​​ពេលចា់បពី​២​ទៅ៣ថ្ងៃទើបបានមួយទើបធ្វើហើយ…

ភ្នំពេញ៖ កម្ពុជាប្តេជ្ញាថានឹងបន្តខិតខំជំរុញកិច្ចសហប្រតិបត្តិការផ្នែក​សេដ្ឋកិច្ច និងពាណិជ្ជកម្ម រវាងជាមួយចិន ឱ្យឈានដល់កម្រិត​ថ្មីមួយទៀត ជាពិសេសកិច្ចសហប្រតិបត្តិការផ្នែកសេដ្ឋកិច្ចឌីជីថល និងពាណិជ្ជកម្មតាមប្រព័ន្ធអេឡិចត្រូនិក។ នេះជាការលើក​ឡើង​របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ក្នុងឱកាស​ដែល​ឯកឧត្តម​អញ្ជើញជាអធិបតីក្នុងវេទិកា «សហប្រតិបត្តិការសេដ្ឋកិច្ចឌីជីថលចិន-កម្ពុជា ឆ្នាំ២០២៤» នៅថ្ងៃទី៤ ខែវិច្ឆិកា ឆ្នាំ២០២៤។ «វេទិកាសហប្រតិបត្តិការសេដ្ឋកិច្ចឌីជីថល ចិន-កម្ពុជា ឆ្នាំ២០២៤» ប្រព្រឹត្តទៅក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន និងឯកឧត្តម វ៉ាង វិនពីន ឯកអគ្គរដ្ឋទូតចិនប្រចាំកម្ពុជា។វេទិកានេះរៀបចំឡើង​ដើម្បី​ជំរុញកិច្ចសហប្រតិបត្តិការ​ផ្នែកសេដ្ឋកិច្ច និងពាណិជ្ជកម្មរវាងកម្ពុជា និងចិន តាមរយៈការប្រើប្រាស់ប្រព័ន្ធ​បច្ចេកវិទ្យាព័ត៌មាន។ ក្នុងឱកាសនេះ​ឯកឧត្តម វ៉ាង វិនពីន ឯកអគ្គរដ្ឋទូតចិនប្រចាំកម្ពុជា បានលើកឡើងថា កិច្ចសហប្រតិបត្តិការរវាងចិន-កម្ពុជា នឹងបង្កើត​បានជាទស្សនៈវិស័យកាន់តែធំទូលំទូលាយ សម្រាប់ការអភិវឌ្ឍ​ទំនាក់ទំនងសេដ្ឋកិច្ច ពាណិជ្ជកម្មរវាងចិន-កម្ពុជាប្រកបដោយចីរភាព ហើយក៏នឹងចាក់បញ្ចូលថាមពលកាន់តែខ្លាំងក្លា ដល់កម្ពុជាក្នុង​ការសម្រេចបាននូវបរិវត្តកម្មឌីជីថល និងការអភិវឌ្ឍខ្លាំងក្លា ហើយការ​បង្កើតសមាគមឧស្សាហកម្មសេដ្ឋកិច្ចឌីជីថល ចិន-កម្ពុជា គឺចំពេលវេលាដែលត្រឹមត្រូវ បង្ហាញយ៉ាងកាន់តែច្បាស់អំពីការ​ផ្តល់សារៈ​សំខាន់កាន់តែខ្លាំង ទៅលើកិច្ចសហប្រតិបត្តិការ លើវិស័យសេដ្ឋកិច្ចឌីជីថលរវាងប្រទេសចិន និងកម្ពុជាទាំងពីរ។ ជុំវិញរឿងឌីជីថលនេះដែរ ដើម្បីជំរុញដល់កិច្ចការទាំងនោះ…

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ បានចុះហត្ថលេខាលើ​អនុស្ស​រណៈ នៃការយោគយល់គ្នាចំនួន ៣ ជាមួយមន្ទីរពេទ្យ អ៊ីនធ័រឃែរ (Intercare Hospital) ក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) និងធនាគារ​កាណាឌីយ៉ា ដើម្បីរួមគ្នាអភិវឌ្ឍកម្លាំងពលកម្ម និង អក្ខរកម្មហិរញ្ញវត្ថុ ។ ពិធីចុះ​ហត្ថ​លេខាលើអនុស្សរណៈនៃការយោគយល់គ្នានេះ រៀបចំឡើងនាព្រឹកថ្ងៃទី០៤ ខែ​វិច្ឆិកា ឆ្នាំ២០២៤ នៅមន្ទីរពេទ្យ អ៊ីនធ័រឃែរ (Intercare Hospital) ស្ថិតក្នុងអគារ​នៃផ្សារទំនើបអូលាំព្យាដ រាជធានីភ្នំពេញ ក្រោមអធិបតីភាពឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ, លោកឧកញ៉ា វ៉ាន់ ឆារស៍ អភិ​បាល កាណាឌីយ៉ា គ្រុប, លោកស្រីវេជ្ជបណ្ឌិត លឹម លីណា អនុប្រធានក្រុម​ប្រឹក្សា​ភិបាលក្រុមហ៊ុនវិនិយោគ​ទុន​អាណិកជនកម្ពុជា (OCIC) និង ជានាយកប្រតិបត្តិ មន្ទីរពេទ្យ អ៊ីនធ័រឃែរ (Intercare Hospital) ។ លោកឧកញ៉ា វ៉ាន់ ឆារស៍ អភិបាលកាណាឌីយ៉ា គ្រុប…

(ភ្នំពេញ)៖ ពិព័រណ៍វិថីសិក្សា និងការងារតំបន់ឆ្នេរសមុទ្រ គ្រោងនឹងធ្វើឡើងដើម្បីណែនាំប្រជាជននៅតំបន់ឆ្នេរឱ្យស្គាល់ពីខ្លួនឯង និងប្រើប្រាស់សក្តានុពលដែលខ្លួនមានដើម្បីទាញយកប្រយោជន៍បង្កើនជីវភាពរស់នៅឱ្យប្រសើរឡើង ។ នេះជាការលើកឡើងរបស់ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្នុងកិច្ចប្រជុំពិគ្រោះយោបល់ពិព័រណ៍វិថីសិក្សានិងការងារតំបន់ឆ្នេរសមុទ្រ ដែលបានធ្វើឡើងនៅទីស្ដីការក្រសួង នាថ្ងៃទី២ ខែវិច្ឆិកា ឆ្នាំ២០២៤ ។ ឯកឧត្តមឧបនាយករដ្ឋមន្ត្រី សាយ សំអាល់ បានចាត់ទុកការងារនេះថាជាការងារសំខាន់ដែលនឹងប្រែក្លាយកម្ពុជាឱ្យកាន់តែប្រសើរឡើងជាងមុនថែមទៀត ព្រោះតំបន់ឆ្នេរសមុទ្រគឺជារបៀងសេដ្ឋកិច្ចនៃប្រទេសកម្ពុជា ដោយក្នុងនោះក្រសួងរៀបចំដែនដី នគរូបនីយកម្ម និងសំណង់ បានដាក់ចេញទាំងផែនការ និងទស្សនៈវិស័យសំរាប់តំបន់ឆ្នេរសមុទ្រដើម្បីជំរុញកំណើនសេដ្ឋកិច្ចនិងទាក់ទាញភ្ញៀវទេសចរណ៍ ។ ឯកឧត្តមឧបនាយករដ្ឋមន្ត្រី មានបំណងចង់ឱ្យប្រជាជនដែលរស់នៅតាមតំបន់ឆ្នេរក្លាយជាប្រជាជនដែលមានជីវភាពល្អប្រសើរ មានការងារធ្វើ មានប្រាក់ចំណូល ជាប្រជាជនដែលមានអរិយធម៌ មានភាពស៊ីវីល័យ វប្បធម៌ប្រពៃណីទំនៀមទម្លាប់ ទំនាក់ទំនងបដិសណ្ឋារកិច្ចល្អ និងទទួលបានការសិក្សាអប់រំគ្រប់ៗគ្នា ហើយកិច្ចប្រជុំនាពេលនេះធ្វើឡើងដើម្បីស្នើសុំមតិយោបល់និងការឯកភាពរួមគ្នាក្នុងការជំរុញឱ្យពិព័រណ៍វិថីសិក្សានិងការងារតំបន់ឆ្នេរសមុទ្រប្រព្រឹត្តទៅបានល្អប្រសើរនិងធ្វើយ៉ាងណាណែនាំឱ្យប្រជាជននៅតំបន់ឆ្នេរស្គាល់ពីខ្លួនឯង ស្គាល់ពីសក្តានុពលដែលខ្លួនមាន និងធ្វើយ៉ាងណាប្រើប្រាស់សក្តានុពលទាំងនោះអោយបានល្អ ដើម្បីទាញយកផលប្រយោជន៍សម្រាប់ខ្លួនឯងនិងបង្កើនជីវភាពគ្រួសារឱ្យប្រសើរឡើង។ ឯកឧត្តមឧបនាយករដ្ឋមន្រ្តី សាយ សំអាល់ បានបញ្ជាក់ថា ពិព័រណ៍វិថីសិក្សានិងការងារតំបន់ឆ្នេរសមុទ្រ នឹងត្រូវធ្វើឡើងក្នុងគោលដៅដើម្បីណែនាំពីជម្រើសមុខវិជ្ជាក្នុងការសិក្សាដល់សិស្សនិស្សិតដែលមានបំណងចង់បន្តការសិក្សាលើផ្នែកណាមួយ ដែលខ្លួនមានឧបនិស្ស័យនិងសមស្របតាមទីផ្សារការងារនៅតំបន់ឆ្នេរសមុទ្រ ដូចជាផ្នែកកសិកម្ម ទេសចរណ៍បដិសណ្ឋារកិច្ច ជាដើម និងជួយតម្រង់ទិសលើមុខវិជ្ជាទាំងនោះដល់សិស្សនិស្សិតបន្ថែមទៀត ដែលកិច្ចការនេះគឺតម្រូវឲ្យសហភាពសហព័ន្ធយុវជនកម្ពុជាចូលរួមជួយដោយផ្ទាល់ និងមានការជួយគាំទ្រពីអាជ្ញាធរមូលដ្ឋាននិងក្រុមការងារផងដែរ៕…

ស្វាយរៀង៖ឯកឧត្តម ប៉េង​ ពោធិ៍សា​ អភិបាលខេត្តស្វាយរៀង​នៅព្រឹកថ្ងៃអាទិត្យទី៣ ខែវិច្ឆិកា ឆ្នាំ២០២៤ បានអញ្ជើញ​ចែកវិញ្ញាបន​បត្រ​សម្គាល់អចលនវត្ថុជូនប្រជាពលរដ្ឋមកពីភូមិធ្លក សង្កាត់ច្រកម្ទេស ,ភូមិប្រាសាទ សង្កាត់ប្រាសាទ និងភូមិច្រកលាវ សង្កាត់បាវិត ក្រុងបាវិត​ ចំនួន៣ ៧២១បណ្ណ​ ។( ក្នុងពិធីចែកវិញ្ញាបន​បត្រ​សម្គាល់អចលនវត្ថុ ជាងបីពាន់បណ្ណដល់ ពលរដ្ឋមកពីបីសង្កាត់ក្នុងក្រុងបាវិត ឯកឧត្តម អភិបាល​ខេត្តស្វាយរៀងបានបញ្ជាក់ទៅកាន់អ្នកចូលរួមថា ក្នុងរយៈពេល ១១ខែមកនេះ ថ្ងៃនេះគឺជាលើកទី៦ហើយដែលក្រុមការងារ​សម្រេច​បាននូវការចេញវិញ្ញាបនបត្រសម្គាល់ម្ចាស់អចលនវត្ថុ។គឺបានចំនួន ១៣៩ភូមិ ស្មើនឹង ១០៤.៧១០បណ្ណ និងចែកបណ្ណជូនប្រជា​ពលរដ្ឋបានប្រមាណជាង ៥ម៉ឺនបណ្ណ។ ជាមួយគ្នានេះ​ក្នុងមូលដ្ឋានក្រុងបាវិតបានដំណើរការចុះបញ្ជីដីធ្លីរួចរាល់ស្ទើរតែគ្រប់ភូមិ និងសង្កាត់ ដោយបច្ចុប្បន្នគឺនៅសល់តែមួយភូមិ ទៀតប៉ុណ្ណោះ ប៉ុន្តែក៏កំពុងបន្តចុះវាស់វែង នឹងឈានទៅបញ្ចប់នាពេល​ឆាប់ៗខាង​មុខ។ ឯកឧត្តម ប៉េង ពោធិ៍សា បានបន្ថែមថា​ ក្នុងនាមរដ្ឋបាលខេត្ត លោកសូមសម្ដែងនូវការអរគុណ និងកោតសរសើរដល់​មន្ត្រី​សុរិយោ​ដីគ្រប់លំដាប់ថ្នាក់ និងប្អូនៗយុវជនស្ម័គ្រចិត្តទាំងអស់ ដែលបានលះបង់នូវពេលវេលា ពេលខ្លះក៏ត្រូវចុះបំពេញ​ការងារទាំងថ្ងៃ​ឈប់សម្រាក ដើម្បីចូលរួមចំណែកនៅក្នុងបេសកកម្មដ៏មានសារៈ សំខាន់នេះ៕ដោយ៖នុត នាង

កំពង់ចាម៖ដោយទទួលនូវការយកចិត្តទុកដាក់ពីឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងឯកឧត្តម អ៊ុន ចាន់ដា អភិបាល​ខេត្ត​កំពង់ចាម យុវតី គឹម​ យ៉េកហ៊ាង ដែលទើបប្រឡងជាប់បាក់ឌុប​ទទួល​បាននិទ្ទេស អេ(A) ហើយរស់នៅក្នុងគ្រួសារមានជីវភាពលំបាក​បាន​​ទទួលនូវការឧបត្ថម្ភម៉ូតូមួយគ្រឿង និងផ្ដល់អាហារូបករណ៍​មួយកន្លែងដល់យុវតីរូបនេះ។ យុវតី គឹម​ យ៉េកហ៊ាង រស់នៅភូមិដីក្រហម ឃុំសូភាស ស្រុកស្ទឹងត្រង់ ខេត្តកំពង់ចាម និង​រៀននៅវិទ្យាល័យហ៊ុនសែនមេសរ​ជ្រៃ។ទោះបីជាមានជីវភាពគ្រួសារខ្វះខាត តែយុវតីបានខិតខំសិក្សារហូត​ទទួលបានលទ្ធផលល្អ គឺការប្រឡងសញ្ញាបត្រមធ្យមសិក្សាទុតិយ​ភូមិសម័យប្រឡងថ្ងៃ៨តុលាកន្លងទៅនេះ ជាប់និទ្ទេសអេ ក្នុងចំណោមបេក្ខជននិទ្ទេស អេ ជាងពីរនាក់។ប៉ុន្តែដោយសារ​ជីវភាព​ខ្វះខាតខ្លាំងយុវតី គឹម​ យ៉េកហ៊ាង មិនមានលទ្ធភាពបន្តការ​សិក្សា​នៅថ្នាក់ឧត្តមសិក្សា។ រឿងរ៉ាវនេះត្រូវបានលាតត្រដាងលើបណ្ដាញសង្គម ។បន្ទាប់ពី​ឃើញព័ត៌មាននៅលើបណ្ដាញសង្គមកាលថ្ងៃសៅរ៍ទី២ ខែវិច្ឆិកា ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍និង ឯកឧត្តម អ៊ុន ចាន់ដា អភិបាលខេត្តកំពង់ចាម ក៏បានចុះទៅមើលស្ថាន​ភាព​ពិតដល់ផ្ទះរបស់យុវតី គឹម​ យ៉េកហ៊ាង និងបានជួបសំណេះសំណាល និងលើកទឹកចិត្តដល់​យុវតី​រូបនេះ​ឱ្យ​តាំងចិត្តបន្តការ​សិក្សាទៅ​មុខទៀត ពិសេសថ្នាក់ដឹកនាំទាំងពីរបានឧបត្ថម្ភម៉ូតូមួយគ្រឿង និងផ្ដល់​អាហារូបករណ៍មួយកន្លែងដល់យុវតី ដើម្បីមានឱកាស​បន្តការសិក្សា​នៅថ្នាក់ឧត្តមសិក្សា៕ដោយ៖លី ពៅ