ស្វាយរៀង៖ ឯកឧត្តម  ប៉េង​ ពោធិ៍សា អភិបាលខេត្តស្វាយរៀង​ កាលពី​ព្រឹកថ្ងៃទី២៦ ខែធ្នូ​ឆ្នាំ២០២៤នេះបានអញ្ជើញចែក វិញ្ញាបនបត្រ​សម្គាល់ម្ចាស់អចលនវត្ថុចំនួន១០.៤៧៧បណ្ណជូនប្រជាពលរដ្ឋនៅភូមិស្វាយគុយ ភូមិដីក្រហម ភូមិតាដេវ ភូមិ​បារាយណ៍ ភូមិពោធិ៍ ឃុំមេស​រថ្ងក ភូមិគោកតែក ភូមិតែងម៉ៅ ភូមិចន្ទ្រា នៃឃុំចន្ទ្រា និងភូមិដូនទៃ ឃុំទួលស្ដី ស្រុកចន្ទ្រា​។ ក្នុងឱកាសនោះឯកឧត្តម ប៉េង ពោធិ៍សា អភិបាលខេត្តស្វាយរៀង​បាន​បញ្ជាក់ថា ថ្ងៃនេះជាលើកទី៧ក្នុងការចែកវិញ្ញា​បនបត្រសម្គាល់​ម្ចាស់​អចលន​វត្ថុជូនប្រជាពលរដ្ឋ បន្ទាប់ពីខេត្តបានដាក់ចេញ​នូវផែនការ​ឈានទៅបញ្ចប់ការចុះ​បញ្ជីដី​ធ្លីដោយចាប់ផ្ដើមអនុវត្តពីខែធ្នូ ឆ្នាំ​២០២៣។ ​ឯកឧត្តម​បន្តថា​ ក្នុងរយៈពេលមួយឆ្នាំមកនេះ ក្រុមការងារ​សម្រេចចេញវិញ្ញា​បន​បត្រ​សម្គាល់ម្ចាស់អចលនវត្ថុបាន​ចំនួន ៩៤ភូមិ ស្មើនឹង ១០៦.៥៦៤បណ្ណ និងចែកប័ណ្ណ ជូនប្រជាពលរដ្ឋបានជាង ៦ម៉ឺនប័ណ្ណ។ដោយឡែក​ ក្នុងមូលដ្ឋានស្រុកចន្ទ្រា​បាន​ដំណើរការ​បញ្ចប់ការចុះបញ្ជីដីធ្លីគ្រប់ភូមិ និងឃុំរួចរាល់ហើយ ។បច្ចុប្បន្ននៅ​សល់តែនីតិវិធីនៃការចេញបណ្ណតែប៉ុណ្ណោះ ។ ឯកឧត្តមបានបន្ថែមថា​ ជាមួយលទ្ធផលដ៏ល្អប្រសើរ និងគួរជាទី​មោទនៈនេះ ឯកឧត្តមអភិបាលខេត្តក៏បាន​កោតសរសើរដល់​មន្ត្រីរាជការសុរិយោដីគ្រប់លំដាប់ថ្នាក់ និងយុវជនស្ម័គ្រចិត្តទាំងអស់ ដែលបានលះបង់នូវពេលវេលា ដោយ​ពេលខ្លះ​ចុះ​បំពេញការងារ​ទាំងថ្ងៃឈប់សម្រាក ដើម្បីចូលរួមចំណែកនៅក្នុងបេសកកម្មដ៏​មានសារៈសំខាន់នេះ៕ដោយ៖នុត នាង

ស្ទឹងត្រែង៖គណៈប្រតិភូអាជ្ញាធរជាតិប្រយុទ្ធប្រឆាំងគ្រឿងញៀន​ដឹកនាំដោយឧត្តមសេនីយ៍ទោ ឃន តារាសម្បត្តិ អគ្គ​លេខា​ធិការរង​នៃអាជ្ញាធរជាតិប្រយុទ្ធប្រឆាំងគ្រឿងញៀន បានអញ្ជើញសាក​សួរសុខ​ទុក្ខ​និងពិនិត្យ​ការអនុវត្ត​សកម្មភាពប្រតិបត្តិ​ការត្រីកោណមាស​១៥១១ ក្នុងភូមិសាស្ត្រខេត្តស្ទឹងត្រែង ទាំងផ្លូវទឹក និងផ្លូវគោកតាមបណ្តោយ​ព្រំដែនកម្ពុជា-ឡាវ ។ សូមជម្រាបថា ប្រតិបត្តិការត្រីកោណមាស១៥១១ សំដៅទប់ស្កាត់​ចរាចណ៍គ្រឿងញៀនឆ្លងកាត់ពីតំបន់​ត្រី​កោណមាស​ចូលមកប្រទេស​ទាំង៦តាមបណ្តោយដងទន្លេមេគង្គមានប្រទេសមីយ៉ានម៉ា ចិន ឡាវ ថៃ វៀតណាម និងកម្ពុជា ។ ឧត្តមសេនីយ៍ទោ ឃន តារាសម្បត្តិ បានបញ្ជាក់ថា ការងារប្រតិបត្តិការ​ត្រីកោណមាស១៥១១ ក៏ជាផ្នែកមួយនៃគម្រោង​សុវត្ថិភាពទន្លេមេគង្គ( SMGC) មានការគាំទ្រពីគម្រោងLOA របស់ថៃទាំងសម្ភារៈនិងបច្ចេក​ទេស ។ លោក ធូ ចាន់ពៅ អភិបាលរងខេត្ត និងប្រធានលេខាធិការដ្ឋាននៃ​គណៈកម្មាធិការត្រួតពិនិត្យ​គ្រឿងញៀន​ខេត្តបាន​អធិប្បាយ​ថា ខេត្តស្ទឹងត្រែង ពិសេសនៅតាមបណ្តាយព្រំដែនកម្ពុជា-ឡាវមាន​ភាពស្មុគស្មាញ ទាំងផ្លូវទឹក និងផ្លូវគោក ដែលអំណោយផលដល់​ឧក្រិដ្ឋជនងាយស្រួលក្នុងការធ្វើសកម្មភាពចរាចរណ៍នូវសារធាតុញៀនខុសច្បាប់ ។ ប៉ុន្តែទោះជា​យ៉ាងនេះក្តីអាជ្ញាធរខេត្ត រួមទាំងកម្លាំងមាន​សមត្ថកិច្ចនៅតែអាចបង្ក្រាបបានជាបន្តបន្ទាប់ ។ លោកអភិបាលរងបន្តថា ទោះជាមួយរយៈពេលចុងក្រោយនេះ គេ​សង្កេតឃើញថា មានស្ថានភាពស្ងប់ស្ងាត់ ប៉ុន្តែឧក្រិដ្ឋជន​នៅតែសម្លឹង​មើលការធ្វេសប្រហែលរបស់សមត្ថកិច្ច ដើម្បីឆ្លៀតឱកាសបន្ត​សកម្មភាពរបស់ពួកគេ។ លោកអភិបាលរងខេត្តបានសំណូមពរដល់អាជ្ញាធរជាតិប្រយុទ្ធប្រឆាំងគ្រឿងញៀន ក៏ដូចជាគម្រោង LOA ជួយបណ្តុះ​បណ្តាលបន្ថែមដល់​មន្ត្រីពាក់ព័ន្ធដើម្បីពង្រឹងសមត្ថភាពក្នុងការបង្រ្កាបបទល្មើសគ្រឿងញៀន ព្រមទាំងជួយជា​សម្ភារៈ​បច្ចេកទេសនានាដើម្បីឱ្យការអនុវត្តការងារ​កាន់​តែ​​មានប្រសិទ្ធភាព ៕ ដោយ៖ដេង…

បាត់ដំបង៖វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សា​ខេត្តបាត់ដំបងអាណត្តិទី៤ បានធ្វើឡើងក្រោមប្រធាន​បទ៖”រួមគ្នា​ប្រយុទ្ធប្រឆាំងគ្រឿងញៀន” ផ្សព្វផ្សាយដល់ស្រុក-ក្រុងទាំង១៤ សម្រាប់ឆ្នាំ២០២៤ កាលពី​ថ្ងៃទី២៥ ខែធ្នូ ឆ្នាំ២០២៤នាសាល​មហោស្រពស្ទឹងសង្កែក្រុងបាត់ដំបង និងដោយឡែកក៏ប្រព្រឹត្តទៅ​នៅតាម​បណ្តាស្រុកមួយចំនួនដែរ។ វេទិកានេះបានប្រព្រឹត្តទៅក្រោមអធិបតីភាព ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាលខេត្ត​ ព្រមទាំង​មានការអញ្ជើញចូលរួម ពីសមាជិកក្រុមប្រឹក្សាខេត្ត មន្ទីរអង្គភាព​ជុំវិញខេត្ត កងកម្លាំងទាំង៣ សមាជិកក្រុមប្រឹក្សា​ក្រុង សង្កាត់ ប្រជាពលរដ្ឋ លោកគ្រូ អ្នកគ្រូ និងសិស្សនិស្សិត ជាងមួយពាន់នាក់។ ថ្លែងបើកអង្គវេទិកា ឯកឧត្តម អ៊ុយ រី លើកឡើងថា ការរៀបចំវេទិកា​ផ្សព្វផ្សាយ និងពិគ្រោះយោបល់ គឺជាឧបករណ៍​ដ៏មានសារៈសំខាន់មួយ សម្រាប់លើកកម្ពស់គណនេយ្យភាព តម្លាភាព និងការចូលរួមរបស់​ប្រជាពលរដ្ឋ ក្នុងកិច្ច​ដំណើរ​ការអភិបាលកិច្ចរបស់ក្រុមប្រឹក្សានៃ​រដ្ឋបាល​ថ្នាក់ក្រោមជាតិ។ អង្គវេទិកាបានដំណើរការពេញមួយព្រឹក។ប្រជាពលរដ្ឋបានលើកឡើង​ជាសំណួរ ក្ដីកង្វល់ សំណើ សំណូមពរ សរុបចំនួន​១២ករណី ដែល​ភាគច្រើនពាក់ព័ន្ធបញ្ហាគ្រឿងញៀន ការប្រើប្រាស់បារីអេឡិកត្រូនិក និងពីគុណភាពចំណីអាហារ នៅតាម​សាលារៀន ជាដើម ។ល។ រាល់ក្ដីកង្វល់ សំណើ និងសំណូមពររបស់អ្នកចូលរួមត្រូវបាន…