(ចិន)៖ ក្នុងជំនួបជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរា​ជាណា​ចក្រកម្ពុជា នាព្រឹក ថ្ងៃទី៦ ខែវិច្ឆិកា ឆ្នាំ២០២៤ លោកស្រី Xuemei Chen ប្រធាន និងជាស្ថាបនិកនៃក្រុមហ៊ុន Zhengzhou Chen’s Sun បាន​បង្ហាញចំណាប់អារម្មណ៍ វិនិយោគលើដំណាំធុរេន នៅកម្ពុជា ។ ជំនួបនេះ បានកើតឡើងក្នុងឱកាសសម្តេចធិបតី ហ៊ុន ម៉ាណែត អញ្ជើញចូលរួមកិច្ច​ប្រជុំ​កំពូល មហាអនុតំបន់មេគង្គ (GMS) លើកទី៨ នៅថ្ងៃទី៦-៧ ខែវិច្ឆិកា ឆ្នាំ២០២៤ នៅទីក្រុងគុនមិញ ខេត្តយូណាន សាធារណៈរដ្ឋប្រជាមានិតចិន ។ ក្នុងឱកាសនេះ លោកស្រី ប្រធានក្រុមហ៊ុន បានគោរព ជម្រាបជូនសម្ដេចបវរធិបតី​ថា លោកស្រី ធ្លាប់មកទស្សនាប្រទេសកម្ពុជា ក្នុងឆ្នាំ២០១៨ និងពិនិត្យឃើញថា កម្ពុជា មានសក្ដានុពលខ្លាំង ខាងវិស័យកសិកម្ម ជាពិសេសគឺឧស្សាហកម្មផ្លែឈើ (ដំណាំធុរេន)។ ដូច្នេះ លោកស្រីប្រធានក្រុមហ៊ុន មានចាប់អារម្មណ៍វិនិយោគលើ​វិស័យ​​កសិកម្មនៅកម្ពុជា ពិសេសដំណាំធុរេន និងរោងចក្រកែច្នៃ…

កែប៖រដ្ឋបាលខេត្តកែបកាលពីព្រឹកថ្ងៃទី៥ ខែវិច្ឆិកា ឆ្នាំ២០២៤​បាន​រៀបចំសិក្ខាសាលាផ្សព្វផ្សាយស្តីពីកិច្ចការព្រំដែន ជូនមន្ត្រីរាជការ និងអាជ្ញាធរពាក់ព័ន្ធនៅសាលាខេត្តកែបក្រោមវត្តមានឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន​ឯកឧត្តមបណ្ឌិត សោម ពិសិដ្ឋ អភិបាលខេត្តកែប។ ឯកឧត្តមរដ្ឋមន្ត្រីបានបញ្ជាក់ក្នុងសិក្ខាសាលាថា ក្នុងអាណតិ្តទី៧​ នៃរដ្ឋសភា រាជរដ្ឋាភិបាលកម្ពុជា​ក្រោមការដឹកនាំដ៏ខ្ពង់ខ្ពស់របស់​ សម្តេចមហាបវរធិបតី ហ៊ុន ម៉ាណែត​ នាយករដ្ឋមន្រ្តីនៃព្រះរាជា​ណាចក្រម្ពុជា បានសម្រេចបង្កើតរដ្ឋលេខាធិការដ្ឋានកិច្ចការព្រំដែន ដែលមានលក្ខណៈអចិន្ត្រៃយ៍មានរចនាសម្ព័ន្ធពេញលេញ​ ជំនួសឱ្យ​អាជ្ញាធរជាតិទទួលបន្ទុកកិច្ចការព្រំដែន និងលេខាធិការ​ដ្ឋាន​អចិន្ត្រៃ​យ៍នៃអាជ្ញាធរជាតិទទួលបន្ទុកកិច្ចការព្រំដែន​ ដែលស្ថិតក្រោមការ​គ្រប់គ្រងរបស់ទីស្ដីការគណ:រដ្ឋមន្រ្តី​។ ឯកឧត្តមបន្ថែមថា អង្គសិក្ខាសាលានេះនឹងផ្តល់ការយល់ដឹងបន្ថែម​អំពីការងារកិច្ចការព្រំដែនដល់អ្នកចូលរួមឱ្យមានការយល់ដឹង​កាន់តែស៊ីជម្រៅ​ ៕ដោយ៖ សិលា សារិន

ព្រះវិហារ៖បញ្ជាការដ្ឋានតំបន់ប្រតិបត្តិការសឹករងព្រះវិហារកាល​ពី​ថ្ងៃទី៤ ខែវិច្ឆិកា ឆ្នាំ២០២៤​ទទួលបានអាវរងារដែល​ជាអំណោយ​ដ៏ថ្លៃថ្លា​របស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធាន​ឧត្តមទីប្រឹក្សាផ្ទាល់ព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន រួមទាំងសម្តេចធិបតី ហ៊ុន ម៉ាណែត នាយករដ្ឋមន្ត្រីនិង​លោក​ជំទាវបណ្ឌិត ពេជ ចន្ទមុន្នី សម្រាប់ចែកជូនដល់​នាយទាហាន នាយ​ទាហានរង និងពលទាហាន នៃតំបន់ប្រតិបត្តិការសឹករងខេត្ត និងបណ្តា​អង្គភាពចំណុះ តំបន់ប្រតិបត្តិការ​សឹករងព្រះវិហារ ។ ក្នុងឱកាសនោះលោកឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់​ប្រតិបត្តិការសឹករងព្រះវិហារបានលើកឡើងថា សម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន​សែន និងសម្តេចធិបតី ហ៊ុន ម៉ាណែត និងលោកជំទាវ​បណ្ឌិត​ជានិច្ច​ជាកាលតែងបានគិតគូរយកចិត្តដាក់ពីសុខទុក្ខ និងជីវភាពរស់នៅ​របស់កងទ័ព ជាពិសេសនៅក្នុងរដូវរងារ សម្តេចបាន​ផ្តល់អាវរងារ និង​ក្នុងរដូវវស្សាសម្តេចបានផ្តល់អាវភ្លៀងដើម្បីផ្តល់ភាពកក់ក្តៅដល់កងទ័ពទាំងអស់ ទាំងនៅជួរមុខ និងជួរក្រោយ។ក្នុងឱកាសនេះលោកបានផ្សព្វផ្សាយផែនការ និងសភាពការណ៍ថ្មីៗ ជូនដល់កងទ័ពទាំងអស់ផងដែរ ៕ដោយ៖ឡុង សំបូរ