(សៀមរាប)៖ ព្រឹត្តិការណ៍ស្នាមញញឹមនៃកម្ពុជា និងព្រឹត្តិការណ៍ផ្សេងៗទៀតដែលទាក់ទងនឹងវប្បធម៌ និងសិល្បៈខ្មែរ គឺបានរួមចំណែកលើកតម្កើង និងផ្សព្វផ្សាយ វប្បធម៌ ប្រពៃណី ដែលជាមរតកប្រពៃណីជាតិ គឺបានបង្ហាញដល់ សាធារណជន និងភ្ញៀវទេសចរឱ្យបានកាន់តែទូលំទូលាយបន្ថែម។នេះជាការថ្លែងបញ្ជាក់ពីសំណាក់លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ។ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ និងជាតំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានចូលរួមជាអធិបតីភាព ក្នុងពិធីបើកព្រឹត្តិការណ៍ស្នាមញញឹម នៃកម្ពុជា លើកទី២ ដែលប្រព្រឹត្តិទៅនៅបរិវេណខាងមុខប្រាសាទអង្គរវត្ត។ពិធីនេះគេ ក៏ឃើញមានការចូលរួមផងដែរពីសំណាក់មន្រ្តីពាក់ព័ន្ធ សមាគមសិល្បករខ្មែរ មន្រ្តី និងសិល្បករ សិល្បការិនី និងប្រជាពលរដ្ឋរាប់សិបនាក់។ បញ្ជាក់ក្នុងពិធីបើកព្រឹត្តិការណ៍ស្នាមញញឹមនៃកម្ពុជា លើកទី២នាថ្ងៃទី២៩ ខែតុលា ឆ្នាំ២០២៤នេះលោកជំទាវ រដ្ឋមន្រ្តីក្រសួងវប្បធម៌បានមានប្រសាសន៍ថា៖ក្នុងព្រឹត្តិការណ៍ដ៏អស្ចារ្យនេះក្រៅពីការបង្ហាញពីវប្បធម៌ដ៏អស្ចារ្យនៃដូនតាខ្មែរក៏មានការតាំងបង្ហាញមុខម្ហូបអាហារខ្មែរ ដ៏មានតម្លៃណាស់ ហើយវាក៏បង្ហាញពីវប្បធម៌ ប្រពៃណី និងទំនៀមទម្លាប់នៃការរស់នៅរបស់ប្រជាពលរដ្ឋខ្មែរ ដែលមានប្រវត្តិដ៏យូរលង់មកហើយ។ លោកជំទាវបានបញ្ជាក់បន្ថែមថា៖ព្រឹត្តិការណ៍ស្នាមញញឹមនៃកម្ពុជា លើកទី២ នេះមានការតាំងបង្ហាញនូវម្ហូបអាហារ ស្ដង់ពិព័រណ៍ ការសម្ដែងសិល្បៈចម្រុះបែប។ល។ គួរបញ្ជាក់ថា នៅរសៀលថ្ងៃទី២៩ ខែតុលានេះ ក៏មានកម្មវិធីក្បួនដង្ហែព្រះមហាក្សត្រនៅសម័យអង្គរ…

កំពង់ឆ្នាំង៖នៅសាលាស្រុកទឹកផុស កាលពីព្រឹកថ្ងៃទី២៨ ខែតុលា ឆ្នាំ២០២៤ ​រដ្ឋបាលខេត្តកំពង់ឆ្នាំងបានប្រារព្វខួប​អនុស្សាវរីយ៍​លើកទី២៦ ទិវាមនុស្សចាស់កម្ពុជា និងទិវាមនុស្សចាស់អន្តរជាតិ ក្រោមការអញ្ជើញចូលរួមពីឯកឧត្តម ស៊ីវ រុន ប្រធាន​ក្រុមប្រឹក្សា​ខេត្តកំពង់ឆ្នាំងលោក យ៉ង់ ភារម្យ អភិបាល​រងខេត្ត​។ ទិវាមនុស្សចាស់កម្ពុជា និងទិវាមនុស្សចាស់អន្តរជាតិថ្ងៃទី១ខែតុលាឆ្នាំ​នេះក្រោមប្រធានបទ “មនុស្សចាស់ក្នុងបរិវត្តន៍កម្មឌីជីថល”ក្នុងឱកាសនេះលោកអភិបាលរងខេត្តនាំនូវបណ្ដាំផ្ដាំផ្ញើសាកសួរសុខទុក្ខពីសំណាក់សម្ដេចធិបតី ហ៊ុន ម៉ាណែត នាយករដ្ឋមន្រ្តី​និង លោក​ជំទាវ ពេជ្រ ច័ន្នមុន្នី ហ៊ុន ម៉ាណែត ដែលជានិច្ចកាលសម្ដេច និងលោក​ជំទាវ តែងបានផ្ដល់នូវក្តីអាណិតស្រឡាញ់ យកចិត្ត​ទុកដាក់ខ្ពស់ពី​សុខទុក្ខរបស់ចាស់ព្រឹទ្ធចារ្យ។ ក្នុងឱកាសនេះអភិបាលរងខេត្តបានជំរុញដល់អាជ្ញាធរឱ្យបន្តពង្រឹងការអភិវឌ្ឍសមាគមមនុស្សចាស់នៅតាមសហគមន៍។ជំរុញការ​ដាក់ឱ្យ​ដំណើរការមជ្ឈមណ្ឌលជាតិ គាំពារមនុស្សចាស់​ និង​បណ្ដុះបណ្ដាល​ជំនាញការងារដល់​បុគ្គលិកសង្គម​ដើម្បីផ្ដល់​សេវា​ថែទាំ​មនុស្សចាស់។លើកទឹកចិត្តឱ្យមានការអប់រំបណ្ដុះបណ្ដាលនិងបង្កើតចំណេះដឹងអំពីផលប៉ះពាល់នៃបម្រែបម្រួល​អាកាស​​ធាតុ​ដល់មនុស្សចាស់៕ដោយ៖សុខ គឹមសៀន

បន្ទាយមានជ័យ៖សមិទ្ធផលនានាដែលមានតម្លៃ១០លានបាត​(ប្រាក់ថៃ)​ឬប្រមាណជាង១.២០០លានរៀល​ជាអំណោយ​របស់​សប្បុរសជនជនជាតិថៃ និងខ្មែរស្ថិត​នៅវត្តបាលីលេយ្យ​ នៅភូមិ​ក្បាលស្ពាន២​សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ​ត្រូវបានសម្ពោធឆ្លងកាលពីថ្ងៃទី ២៧ ខែតុលា ឆ្នាំ២០២៤ ក្រោម​អធិបតីភាពឯកឧត្តម អ៊ុំ រាត្រី អភិបាលខេត្តបន្ទាយមានជ័យ។ សមិទ្ធដែលសម្ពោធមាន ១.ព្រះមេរុ និងឡបូជាសពថ្មី(ឈាបនដ្ឋាន) មួយ​ខ្នងបំពាក់​បច្ចេកវិទ្យាឌីជីថល ប្រើដោយ​ប្រព័ន្ធអគ្គិសនី, ២.សាលា​តម្កល់សព, ៣.ផ្លូវបេតុង និងទីធ្លា ,៤.បន្ទប់ទឹក និង ៥.ការកែលម្អ​សោភណភាពជុំវិញវត្ត។ សមិទ្ធិទាំងនេះកសាង និងឧបត្ថម្ភដោយលោក សំប៊ូន សុខ ចាក់រើន​កៃស៊ី (លោក លី បាក់ឡេង)និងភរិយា លោកស្រី រ៉ាត់តាណាក់​លី សុខចាក់រើនកៃស៊ី ព្រមទាំងបុត្រា បុត្រី និងបងប្អូន មាន លោក លី បាក់តុង , លោក លី បាក់ហ៊ុយ ព្រមទាំងក្រុមគ្រួសារ ញាតិ​មិត្ត បុគ្គលិក សប្បុរស​ជន​នៃក្រុមហ៊ុនកាស៊ីណូផ្កាយ៥ និងកាស៊ីណូហ្កាឡាក់ស៊ី​(Galaxy Casino) នៅក្រុងប៉ោយប៉ែត ទាំងពុទ្ធ​បរិស័ទ ជិតឆ្ងាយ ចំណុះជើងវត្តបាលិលេយ្យ៕…

កំពង់ធំ៖តាមការស្នើសុំរបស់គណៈកម្មការអាចារ្យ និងពុទ្ធបរិស័ទ​នៃជើងវត្តក្រសាំងមានជ័យ នៅឃុំសានគរ ស្រុកកំពង់ស្វាយ ខេត្តកំពង់ធំ ឧត្តមសេនីយ៍ទោ សោម ស៊ុន មេបញ្ជាការតំបន់​ប្រតិបត្តិការសឹករងកំពង់ធំ និងសហការីបានដឹកស៊ីម៉ងត៍ចំនួន ២ តោន ទៅប្រគេនដល់ព្រះសង្ឃ និងជូនគណៈកម្មការអាចារ្យវត្ត ដើម្បីចូលរួមក្នុងការកសាងផ្លូវបេតុង និងកសាងសមិទ្ធផល​ផ្សេងៗក្នុងវត្ត។ ក្នុងឱកាសនេះព្រះតេជគណ បូ សារីម ចៅអធិការវត្តក្រសាំងមានជ័យ បានថ្លែងអំណរគុណជ្រាលជ្រៅចំពោះឧត្តមសេនីយ៍ទោ សោម ស៊ុន និងលោកជំទាវ ព្រមទាំងសហការីទាំងអស់ដែលបានឧបត្ថម្ភគាំទ្រ​វត្តក្រសាំងមានជ័យ៕ដោយ៖​ប៊ុន​រដ្ឋា

កំពង់ធំៈគណបក្សប្រជាជនកម្ពុជាខេត្តកំពង់ធំ កាលពីចុងសប្ដាហ៍នេះបានរៀបចំពិធីសំណេះសំណាលជាមួយសមាជិកថ្មីចំនួន ៤១៤ នាក់ ។ ឯកឧត្តម នួន ផារ័ត្ន ប្រធានគណបក្សប្រជាជនកម្ពុជាខេត្តកំពង់ធំ បានថ្លែងក្នុងពិធីនេះថា គណបក្សប្រជាជនកម្ពុជា គឺជាគណបក្សរបស់ប្រជាជន ដើម្បីប្រជាជន។ទីណាមានការលំបាក ទីនោះគ្រប់ពេលវេលាតែងតែមានមន្ត្រីគណបក្សប្រជាជនកម្ពុជាចុះទៅជួយប្រជាពលរដ្ឋ៕ ដោយ ៈប៊ុន រដ្ឋា

កំពង់ធំ៖ ឯកឧត្តម អ៊ុត សំអន រដ្ឋលេខាធិការក្រសួងមហាផ្ទៃ ឯកឧត្តម នួន ផារ័ត្ន អភិបាលខេត្តកំពង់ធំ បានអញ្ជើញជាអធិបតីក្នុងកិច្ចប្រជុំផ្សព្វផ្សាយផែនការយុទ្ធសាស្ត្រ ស្ដីពីការអនុវត្តគោលនយោបាយ “ភូមិ ឃុំ-សង្កាត់ មានសុវត្ថិភាព” ឆ្នាំ ២០២៤-២០២៨ របស់ក្រសួងមហាផ្ទៃ នៅសាលប្រជុំសាលាខេត្ត។ ក្នុងកិច្ចប្រជុំនៅថ្ងៃទី២៨ ខែតុលាមលោកឧត្តមសេនីយ៍ទោ ហេង សុផល ស្នងការនគរបាលខេត្ត បានធ្វើរបាយការណ៍បូកសរុបលទ្ធផលនៃការអនុវត្តគោលនយោបាយ “ភូមិ ឃុំ-សង្កាត់ មានសុវត្ថិភាព” រយៈពេល ៩ ខែ ឆ្នាំ ២០២៤។ចំណែកឯកឧត្តម នួន ផារ័ត្ន អភិបាលខេត្តកំពង់ធំបញ្ជាក់ក្នុងឳកាសនេះថា កម្លាំងប្រជាការពារមិនអាចខ្វះបានក្នុងការសហការជាមួយកម្លាំងនគរបាលមូលដ្ឋាន ដើម្បីអនុវត្តគោលនយោបាយភូមិឃុំ-សង្កាត់មានសុវត្ថិភាព។ ឯកឧត្តម អ៊ុត សំអន បានប្រាប់កិច្ចប្រជុំថា គោលនយោបាយ “ភូមិ ឃុំ-សង្កាត់ មានសុវត្ថិភាព” ពីឆ្នាំ ២០២៤ ដល់ ២០២៨ គឺជាជំហានយុទ្ធសាស្ត្រដែលក្រសួងមហាផ្ទៃត្រូវអនុវត្តក្នុងរយៈពេល ៥ ឆ្នាំខាងមុខ ដើម្បីឆ្លើយតបទៅនឹងការអភិវឌ្ឍសង្គម និងសេដ្ឋកិច្ចនៅមូលដ្ឋាន។ឯកឧត្តមបានបញ្ជាក់ថា ផែនការយុទ្ធសាស្ត្ររួមមាន៖…