ភ្នំពេញ ៖ សហគ្រិនខ្មែរមានសេចក្តីរីករាយក្នុងការប្រកាសអ្នកឈ្នះនៃ កម្មវិធីការប្រកួតប្រជែងយុវជនឆ្ពោះទៅអាជីវកម្ម ដើម្បីអបអរសាទរការច្នៃប្រឌិត របស់យុវជននៅក្នុង វិស័យសហគ្រិនភាព។ កម្មវិធីនេះត្រូវបានរៀបចំឡើងក្នុងការអបអរ និងទទួលស្គាល់ពីសម្ថតិភាពនៃ ម្ចាស់ជ័យលាភីទាំង៣ក្រុម ដែលត្រូវបានជំរុះក្នុងចំណោមបេក្ខជនសរុបចំនួន៤០០ ដែលបានដាក់ពាក្យចូលរួម។ ឯកឧត្តមបណ្ឌិត ឈៀង វណ្ណមុនិណ្ឌ ប្រតិភូរាជរដ្ឋាភិបាលទទួលបន្ទុកជានាយកប្រតិបត្ដិនៃសហគ្រិនខ្មែរ បានមានប្រសាសន៍ថា “កម្មវិធី យុវជនឆ្ពោះទៅអាជីវកម្ម គឺជាកម្មវិធីគាំទ្រមួយនៃកម្មវិធីគាំទ្រជាច្រើទៀត របស់សហគ្រិនខ្មែរដែលផ្ដល់ ឱកាសដល់យុវជនបង្ហាញពីគំនិតច្នៃប្រឌិតនៃនវានុវត្តន៍ថ្មី បណ្ដុះជំនាញ ដោះស្រាយបញ្ហា និងជំរុញស្មារតីសហគ្រិនភាព។ សហគ្រិនខ្មែរជឿជាក់ថា ការផ្តល់ឱកាស ដល់យុវជនតាមរយៈកម្មវិធីនេះ គឺមានសារៈសំខាន់សម្រាប់ការជំរុញកំណើនសេដ្ឋកិច្ច ជំរុញនវានុវត្តន៍ថ្មី និងបង្កើតការផ្លាស់ប្តូរនៅក្នុងប្រព័ន្ធអេកូឡូសុីសហគ្រិនភាព។ កម្មវិធីនេះត្រូវបានធ្វើឡើងក្រោមប្រធានបទ “នវានុវត្តន៍ ដើម្បីការអភិវឌ្ឍន៍’’។ ធាតុសំខាន់នៃការប្រកួតប្រជែងគឺ ការផ្តោតលើការដាក់ចំណោទ បញ្ហាដែលកើតមានឡើងនៅក្នុងបរិបទ អាជីវកម្មជាក់ស្ដែង ហើយតម្រូវឱ្យបេក្ខជនប្រកួតមានគំនិតផ្ដួចផ្ដើម ស្វែងរកដំណោះស្រាយបែបបច្ចេកវិទ្យា ទៅលើបញ្ហាប្រឈមទាំងនោះ ដើម្បីឱ្យមានភាពប្រសើរ ឡើងនៅក្នុងប្រព័ន្ធអេកូឡូសុីសហគ្រិនភាព។ សូមចូលរួមអបអរសាទរដល់ម្ចាស់ជ័យលាភីទាំង៣ ក្រុម៖-ជ័យលាភីលេខ១ បានទៅលើក្រុម Beyonism -ជ័យលាភីលេខ២ បានទៅលើក្រុម Gofit -ជ័យលាភីលេខ៣ បានទៅលើក្រុម Ordersyn សហគ្រិនខ្មែរ សូមថ្លែងអំណរគុណយ៉ាងជ្រាលជ្រៅដល់ដៃគូឧបត្ថម្ភដែលរួមមាន…

(ភ្នំពេញ)៖ លោកស្រីតិមា វិច្ឆិកាល នាយិការងរដ្ឋបាលសាលារាជធានីភ្នំពេញ ត្រូវបានតែងតាំងជាអភិបាលរង នៃគណៈអភិបាលរាជធានីភ្នំពេញ ជំនួសលោកស្រី កែវ សុខពិសី អភិបាលរងរាជធានីភ្នំពេញដែលត្រូវដល់ អាណត្តិនិងត្រូវផ្ទេរទៅកាន់អង្គភាពដើមវិញ។ពិធីប្រកាសចូលកាន់មុខតំណែងអភិបាលរង នៃគណៈអភិបាលរាជធានីភ្នំពេញនេះបានធ្វើឡើងនៅរសៀលថ្ងៃទី២៨ ខែវិច្ឆិកា ឆ្នាំ២០២៤នេះក្រោមអធិបតីភាព ឯកឧត្តមសន្តិបណ្ឌិតចាន់ អ៊ាន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅសាលារាជធានីភ្នំពេញ ។ ឯកឧត្តម ឃួង ស្រេង អភិបាលរាជធានីភ្នំពេញបានមានប្រសាសន៍លើកឡើងថា គណៈអភិបាលរាជធានីភ្នំពេញ មានអភិបាលមួយរូបនិងអភិបាលរងចំនួន១០រូបជាជំនួយការ។ ឯកឧត្តម ឃួង ស្រេងបានបន្តថា៖ នៅរាជធានីភ្នំពេញយើងរក្សាបានសន្តិសុខ សណ្តាប់ធ្នាប់បានយ៉ាងល្អប្រសើរ ជាមួយនិងការបង្ក្រាប់បទល្មើសបានទាន់ពេលវេលា។ ជាក់ស្តែងនាព្រះរាជពិធីបុណ្យអុំទូកកន្លងមកថ្មីៗនេះ អាជ្ញាធររាជធានីភ្នំពេញបានចូលរួមថែរក្សាសន្តិសុខ សុវត្ថិភាពបានយ៉ាងល្អ បង្កសប្បាយភាពដល់ភ្ញៀវជាតិ អន្តរជាតិ ដោយក្នុងរយៈពេល ៣ថ្ងៃនៃព្រះរាជពិធីនេះ មានភ្ញៀវជាតិ អន្តរជាតិចូលរួមរហូតដល់ជាង ៦លាន៣សែននាក់ កើនឡើងជាងឆ្នាំមុន។ ឯកឧត្ថមឃួង ស្រេង ក្នុងឱកាសនោះ ក៏បានផ្តាំផ្ញើអោយ លោកស្រី តិមា វិច្ឆិកាល…

ស្ទឹងត្រែង៖ លោកស្រី កែវ សាវឿន អភិបាលរងខេត្តស្ទឹងត្រែងបានផ្តល់​តម្លៃដល់វេទិកាសិក្ខាសាលាសមាហរណកម្មកម្មវិធី​វិនិយោគបីឆ្នាំរំកិល​ថ្នាក់ក្រុង (២០២៥-២០២៧)ថា ពិតជាមានសារៈសំខាន់ខ្លាំង ព្រោះវេទិកា​នេះនឹងរួមចំណែកក្នុង​ការ​កាត់​បន្ថយភាពក្រីក្ររបស់ប្រជា​ពលរដ្ឋតាមរយៈកិច្ចសហការគាំទ្រ និងការចូលរួមវិនិយោគរបស់អង្គការ​ដៃគូអភិវឌ្ឍន៍ វិស័យឯកជន សប្បុរសជន រួមទាំងមន្ទីរវិស័យនានា​ក្នុងខេត្ត សម្រាប់ការអភិវឌ្ឍនៅមូលដ្ឋាន ក្រុង និងបណ្តាសង្កាត់​នានាក្នុង​ក្រុងស្ទឹងត្រែង។ រដ្ឋបាលខេត្តស្ទឹងត្រែងបានរៀបចំសិក្ខាសាលាសមាហរណកម្ម និងកម្មវិធីវិនិយោគបីឆ្នាំរំកិល (២០២៥-២០២៧) ថ្នាក់ក្រុង កាលពីដើមសប្ដាហ៍នេះក្រោមកិច្ចសហការរវាងរដ្ឋបាលក្រុងស្ទឹងត្រែង និងមន្ទីរផែនការខេត្តស្ទឹងត្រែង នៅសាលប្រជុំសាលា​ក្រុងស្ទឹងត្រែង។ អភិបាលរងខេត្តស្ទឹងត្រែង លោកស្រី កែវ សាវឿន បានលើកឡើងថា ការរៀបចំសិក្ខាសាលាសមាហរណកម្ម កម្មវិធីវិនិយោគក្រុង និងសង្កាត់ នៅថ្នាក់ក្រុង នាពេលនេះមានគោលដៅ និងគោលបំណង ដើម្បីបើកវេទិកាពិភាក្សា ផ្លាស់ប្តូរនូវបទពិសោធន៍ ក្នុងការ​គាំទ្រគម្រោង អភិវឌ្ឍន៍ហេដ្ឋារចនាសម្ព័ន្ធរូបវ័ន្ត និងអរូបវ័ន្ត ដែលបានអនុវត្តនាឆ្នាំកន្ល​ងមក ,ផ្សព្វផ្សាយគម្រោង​វិនិយោគ​អាទិភា​ពរបស់ក្រុង និងគម្រោងវិនិយោគបីឆ្នាំរំកិល របស់សង្កាត់សម្រាប់អនុវត្តឆ្នាំ២០២៥ ,ស្នើសុំការគាំទ្រពីមន្ទីរ អង្គភាព អង្គការដៃគូអភិវឌ្ឍន៍នានា ផ្នែកឯកជន និងសប្បុរសជន ដើម្បីគាំទ្រគម្រោង របស់រដ្ឋបាលក្រុង និងគម្រោង​របស់រដ្ឋបាលសង្កាត់ ដែលបានបង្ហាញ។ប្រធានមន្ទីរផែនការខេត្តស្ទឹងត្រែង លោក លី ប៊ុនឡោម បានថ្លែងថា…

(ភ្នំពេញ)៖ ឯកឧត្តម ឃួន ផុនរតនៈ រដ្ឋលេខាធិការ នៃក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងឯកឧត្តម Damjan Jović រដ្ឋលេខាធិការក្រសួងការបរទេស នៃសាធារណរដ្ឋស៊ែប៊ី បានធ្វើជាសហប្រធានកិច្ចប្រជុំ ពិគ្រោះយោបល់ទ្វេភាគីកម្ពុជា-ស៊ែប៊ីលើកទី៤ ដែលបានរៀបចំឡើងកាលពីថ្ងៃទី២៧ ខែវិច្ឆិកា ឆ្នាំ២០៤ នៅទីស្តីការក្រសួងការបរទេស និងសហប្រតិបត្តិការអន្តរជាតិ។ កិច្ចប្រជុំនេះ បានបង្ហាញពីការប្តេជ្ញាចិត្តឥតងាករេរបស់ ប្រទេសទាំងពីរ ក្នុងការជំរុញកិច្ចសន្ទនាជាទៀងទាត់ ពង្រឹងទំនាក់ទំនងប្រពៃណី និងយូរអង្វែងនៃប្រទេស ទាំងពីរ និងស្វែងរកមធ្យោបាយថ្មីៗ ដើម្បីពង្រឹង កិច្ចសហប្រតិបត្តិការទ្វេភាគី និងពហុភាគី។ កិច្ចពិភាក្សាបានផ្តោតលើការជំរុញសកម្មភាពសេដ្ឋកិច្ចរវាងប្រទេសទាំងពីរ ដោយសង្កត់ធ្ងន់លើសារៈសំខាន់ នៃការបង្កើតយន្តការដ៏មានប្រសិទ្ធភាពផ្សេងៗ។ សហប្រធានទាំងពីរ ក៏បានគូសបញ្ជាក់ពីសារៈសំខាន់ នៃការពង្រឹងទំនាក់ទំនងរវាងប្រជាជន និងប្រជាជន តាមរយៈការអប់រំ ការផ្លាស់ប្តូរវប្បធម៌ និងទេសចរណ៍ ព្រមទាំងបញ្ជាក់អំពីការគាំទ្រទៅវិញទៅមកក្នុងវេទិកាអន្តរជាតិ។ កម្ពុជា ស្វាគមចំពោះទំនាក់ទំនងកើនឡើងរបស់ស៊ែប៊ី ជាមួយអាស៊ាន និងសម្តែងការសាទរ ចំពោះការធ្វើឱ្យកាន់តែស៊ីជម្រៅនូវកិច្ចសហប្រតិបត្តិការនៅក្នុងគំនិតផ្តួចផ្តើមក្នុងតំបន់ ហើយប្រទេសទាំងពីរ បានសន្យាស្វែងរកឱកាសសមស្របសម្រាប់ការចុះហត្ថលេខាលើកិច្ចព្រមព្រៀងសំខាន់ៗ។ សហប្រធានទាំងពីរ ក៏បានផ្លាស់ប្តូរយោបល់ និងបទពិសោធន៍លើបញ្ហាតំបន់ និងពិភពលោកផងដែរ ។ កិច្ចប្រជុំនេះជាមូលដ្ឋានគ្រឹះដ៏រឹងមាំសម្រាប់កិច្ចសន្ទនាកម្រិតខ្ពស់នាពេលអនាគត…

សៀមរាប​៖គណៈប្រតិភូអន្តរក្រសួងរួមមានក្រសួងអភិវឌ្ឍន៍ជនបទ និង​ក្រសួងសេដ្ឋកិច្ច និងហិរញ្ញវត្ថុ ដឹកនាំដោយឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ និងជាសមាជិកគណៈកម្មា​ធិការ​លទ្ធកម្ម (គ.៣) បានចុះត្រួតពិនិត្យនិងវាយ​តម្លៃ​លើដំណាក់កាលទី២ នៃការងារថែទាំផ្លូវក្រាលកៅស៊ូ២ជាន់បន្ថែម (Reseal DBST) ចំនួន​ពីរខ្សែ ប្រវែងសរុប ១៤.៩០០ ម៉ែត្រ និងទទឹង ៦ ម៉ែត្រ។ ផ្លូវទាំងនេះស្ថិតនៅក្នុងភូមិសាស្ត្រឃុំត្រពាំងធំ ស្រុកប្រាសាទបាគង និងឃុំចាន់ស ស្រុកសូទ្រនិគម ជាគម្រោង DRR-PM-2024-No.031 ដែលត្រូវបានអនុវត្តដោយមន្ទីរអភិវឌ្ឍន៍ជនបទខេត្តសៀមរាប។ លោក សោ ប៊ុនធី អនុប្រធានមន្ទីរអភិវឌ្ឍន៍ជនបទខេត្តបានបញ្ជាក់ថា ផ្លូវទាំង​ពីរខ្សែនេះ​ជួយសម្រួលដល់ចរាចរណ៍របស់សិស្សា​នុសិស្ស ,ដឹកជញ្ជូនអ្នកជំងឺទៅមន្ទីរពេទ្យ ,ការដឹកជញ្ជូនផលិតផលនានា​ទៅកាន់​ទីផ្សារជាដើម ។ ឯកឧត្តម សាន វិសាល បានបញ្ជាក់ថា ក្រសួងអភិវឌ្ឍន៍ជនបទ​ក្រោមការដឹកនាំរបស់ឯកឧត្តមរដ្ឋមន្រ្តី ឆាយ ឬទ្ធិសែន បានផ្តោត​សំខាន់លើគុណភាពនៃការកសាងហេដ្ឋារចនាសម្ព័ន្ធជនបទ ដើម្បីលើកកម្ពស់សោភណភាព និងសុវត្ថិភាពតាមដងផ្លូវ។ឯកឧត្តម​បានសរសើរក្រុមការងារមន្ទីរអភិវឌ្ឍន៍ជនបទខេត្តសៀមរាបដែលបានបំពេញការងារបានល្អ និងបានណែនាំបន្ថែមដល់​ក្រុម​បច្ចេក​ទេសឱ្យ​ពង្រឹងការងារថែទាំផ្លូវនៅចំណុចដែលមានចន្លោះខ្វះខាត៕ ដោយ៖​ប៊ុន​រដ្ឋា

កំពង់ស្ពឺ៖ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តកំពង់ស្ពឺ បានប្រាប់ដល់អាជ្ញាធរនៅមូលដ្ឋាន​ឱ្យពង្រឹងការ​យកចិត្ត​ទុកដាក់​ចំពោះជីវភាពរស់នៅប្រចាំថ្ងៃរបស់បងប្អូនអតីតយុទ្ធជន។ឯកឧត្តម​បានគូសរំលេច​ថា ពួកគាត់​បូជាសាច់ឈាមស្រស់លើ​សមភូមិដើម្បី​ការពារជាតិមាតុភូមិ។ឯកឧត្តមលើកឡើងដូច្នេះក្នុងឱកាសអញ្ជើញ​សាកសួរសុខទុក្ខ និងចែកអំណោយ​ជូន​អតីត​យុទ្ធជន ១០០នាក់​ស្ថិតនៅភូមិជ្រៃសែនជ័យ ឃុំតាំងសំរោង ស្រុកភ្នំស្រួច ខេត្តកំពង់​ស្ពឺកាលពី​ព្រឹកថ្ងៃទី២៧ ខែវិច្ឆិកា ឆ្នាំ២០២៤ ។ បណ្ឌិត ជាម ច័ន្ទសោភ័ណ ថ្លែងក្នុងនាមជាប្រធានកិត្តិយសសមាគម​អតីត​យុទ្ធជនខេត្តកំពង់ស្ពឺថា បងប្អូនអតីតយុទ្ធជនទាំង​អស់​ក្នុង​ក្របខ័ណ្ឌខេត្តនឹងត្រូវជួបសំណេះសំណាលពីរដងក្នុងមួយឆ្នាំ។គឺក្នុងរដូវចូលឆ្នាំ និងបុណ្យភ្ជុំបិណ្ឌ ស្របតាមប្រសាសន៍​ការ​ណែនាំ​ដ៏ខ្ពង់ខ្ពស់របស់អតីតប្រមុខរាជរដ្ឋាភិបាលកម្ពុជា សម្តេចអគ្គ​មហា​សេនាបតីតេជោ ហ៊ុន សែន  ដែលជាអ្នកបញ្ចប់​សង្គ្រាម​ស៊ីវិលនៅ​កម្ពុជា ក្រោមនយោបាយឈ្នះឈ្នះ ។ សូមរំលឹកថា សមាគមអតីតយុទ្ធជន ត្រូវបានបង្កើតឡើងដោយ​សម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា ដែលបច្ចុប្បន្ន សម្តេចប្រធានឧត្តមក្រុមប្រឹក្សាផ្ទាល់ព្រះមហាក្សត្រ និងជា​ប្រធាន​ព្រឹទ្ធសភានៃព្រះរាជាណាចក្រកម្ពុជា ៕ដោយ៖ម៉ុន សំអាន