ភ្នំពេញ៖ កាលណាគេនិយាយពីទន្លេ គេអាចស្រមៃបានថា គឺជាអាងផ្ទុកទឹកដែលមានបណ្តោយវែងអន្លាយរាប់សិបគីឡូម៉ែត្រ ឬរាប់រយគីឡូម៉ែត្រ បត់បែនឆ្លងកាត់ច្រើនតំបន់។ ប៉ុន្តែទន្លេផែន មិនមែនដូច្នោះឡើយ។ តាមពិតទន្លេផែន ដែលអ្នកភូមិតំបន់ អូរជាំ មានទម្លាប់ហៅតៗគ្នានោះ មិនមែនជាទន្លេទេ ប៉ុន្តែវាគឺជាបឹងធម្មជាតិ ដែលមានទឹកថ្លាឈ្វេង ទំហំប្រាំបីហិកតា ដែលកំពុងតែបង្កប់ខ្លួនយ៉ាងស្ងាត់ស្ងៀម ក្នុងព្រៃជ្រៅ លើកំពូលភ្នំអូរជាំ នៃខ្សែភ្នំសំកុស ស្រុកសំឡូត ខេត្តបាត់ដំបង។ ទន្លេផែន ព័ទ្ធជុំវិញដោយដើមឈើធំៗ ខ្ពស់ៗ និងកាត់ផ្តាច់ពីតំបន់រស់នៅរបស់ប្រជាពលរដ្ឋស្ទើរទាំងស្រុងដោយសារតែហេដ្ឋារចនាសម្ព័ន្ធផ្លូវថ្នល់ដែលគេអាចទៅកាន់ទីនោះ បានដោយការធ្វើដំណើរដោយថ្មើរជើងតែប៉ុណ្ណោះ។ យោងតាមសហគមន៍តំបន់ការពារធម្មជាតិ អូរជាំ មានមនុស្សមិនដល់ដប់នាក់ទេ ដែលបានទៅដល់បឹងដែលស្ថិតក្នុងរយៈកម្ពស់១៤០០ម៉ែត្រ នេះ។ មូលហេតុគឺ ដោយសារ ផ្លូវទៅកាន់បឹងនេះមានសភាពលំបាក ហ៊ុំព័ទ្ធដោយព្រៃស្រោងធំៗ និងស្ងាត់ខ្លាំង ហើយការធ្វើដំណើរពីភូមិដែលមានចម្ងាយមិនដល់ដប់គីឡូម៉ែត្រផង ត្រូវចំណាយពេលយ៉ាងតិចប្រាំបីម៉ោង មុននឹងឡើងដល់បឹងធម្មជាតិនេះ។ លោក វីង វឺន អនុប្រធានសហគមន៍តំបន់ការពារធម្មជាតិអូរជាំ ស្រុកសំឡូត ខេត្តបាត់ដំបងបានឱ្យដឹងថា រហូតមកទល់ពេលនេះមានអ្នកភូមិត្រឹមតែ ៣ទៅ៤នាក់ ប៉ុណ្ណោះ បានទៅដល់បឹង ដែលអ្នកភូមិដាក់ឈ្មោះថាជា ទន្លេផែននោះ។ អ្នកភូមិទាំងនោះហាក់ដូចជាបានរកឃើញបឹងនោះដោយចៃដន្យ នៅពេលដែលពួកគេឡើងភ្នំដើម្បីស្វែងរកកាប់ឈើសម្រាប់ធ្វើជាឱសថបុរាណ ដើរស្វែងរកបេះក្រវាញ…

កំពត៖ រដ្ឋបាលខេត្តកំពតមានផែនការប្តូរផ្លូវក្រាលកៅស៊ូ ទាំង ឡាយ ក្នុងក្រុងកំពត ឱ្យក្លាយទៅជាផ្លូវបេតុងជំនួសវិញ។គ្រោង ការ នេះដោយសារតែខេត្តកំពត ជាខេត្តដែលជាប់នឹងតំបន់ឆ្នេរ ហើយអាកាសធាតុមានការប្រែប្រួសឆាប់រហ័ស មាន ភ្លៀង ធ្លាក់ ច្រើន ជាដើម ដែលបណ្តាលឱ្យផ្លូវក្រាលកៅស៊ូខូចខាតពិសេស នៅរដូវវស្សា។ ផែនការដែលពុំធ្លាប់មាននេះត្រូវបានលើកឡើងដោយឯកឧត្តម ម៉ៅ ធនិន អភិបាលខេត្តកំពត ក្នុងកិច្ចប្រជុំគណៈ បញ្ជាការ ឯកភាព រដ្ឋបាលខេត្តកាលពីរសៀលថ្ងៃពុធទី២២ ខែឧសភា ឆ្នាំ២០២៤នៅសាលាខេត្តកំពត ។លោកថា ដើម្បីឱ្យផ្លូវក្នុង ក្រុង ទាំង អស់ ប្រើប្រាស់ បានយូរ ចំណេញថវិកាជាតិ រដ្ឋបាល ខេត្តនឹងផ្លាស់ប្តូរការស្ថាបនាផ្លូវពីក្រាលកៅស៊ូ ទៅជាផ្លូវបេតុង ទាំងអស់ក្នុងក្រុង និងផ្លូវតភ្ជាប់ទៅកាន់តំបន់សំខាន់ៗ មួយ ចំនួន ទៀត។ ឯកឧត្តមក៏បានស្នើដល់គ្រប់ភាគីពាក់ព័ន្ធ អាជ្ញាធរមូលដ្ឋាន គ្រប់ក្រុង-សុ្រកទាំងប្រាំបួន ត្រូវចូលរួមថែរក្សាអនាម័យ បរិស្ថាន គ្រប់ គ្រងការទុកដាក់សំរាមរបស់ប្រជាពលរដ្ឋក្នុង មូលដ្ឋានរបស់ខ្លួនឱ្យបានល្អប្រសើ ពិសេសការប្រើប្រាស់ ថង់ប្លាស្ទិក ដើម្បីធ្វើ ឱ្យ…