កម្ពុជា-ថៃ ជំរុញឱ្យអនុវត្តនូវផែនការសកម្មភាពរួមស្ដីពី កិច្ចសហប្រតិបត្តិការទេសចរណ៍ ឆ្នាំ២០២៣- ២០២៥ និងជំរុញបន្ថែមទៀតនូវលំហូរភ្ញៀវទេសចររវាងប្រទេសទាំងពីរ និងមកពីប្រទេសទីបី។ នាយករដ្ឋមន្ត្រី ថៃ Srettha Thavisin ក៏បានគាំទ្រសំណើរបស់កម្ពុជាសម្រាប់ការបង្កើនជើងហោះហើរ ជាពិសេសផ្តោតលើទីក្រុងធំៗលំដាប់ទីពីរ។ #ams1minute

ដើម្បីបង្កើនទំហំពាណិជ្ជកម្មឱ្យសម្រេចបាននូវគោលដៅពាណិជ្ជកម្មទំហំ ១៥ប៊ីលានដុល្លារនៅឆ្នាំ២០២៥។ ភាគីទាំងពីរក៏បញ្ជាក់ពីសារៈសំខាន់នៃការបង្កើនបន្ថែមទៀតនូវទំហំពាណិជ្ជកម្ម និងការវិនិយោគទៅវិញទៅមក ហើយនឹងណែនាំអាជ្ញាធរពាក់ព័ន្ធឱ្យពន្លឿនការចរចាលើអនុស្សរណៈនៃការយោគយល់គ្នាស្តីពី ទំនិញឆ្លងកាត់រវាងប្រទេសទាំងពីរដើម្បីដោះស្រាយ បញ្ហាសេសសល់ ពាក់ព័ន្ធនឹងទំនិញដឹកជញ្ជូនឆ្លងកាត់ ពីប្រទេសទីបី។ #ams1minute

ដើម្បីលើកកម្ពស់ការប្រើប្រាស់រូបិយប័ណ្ណក្នុងស្រុក និងសម្រួលដល់វិស័យ ទេសចរណ៍និងពាណិជ្ជកម្ម។ តបតាមសំណើរបស់សម្តេចធិបតី នាយករដ្ឋមន្ត្រីថៃSrettha Thavisin ក៏នឹងពិចារណាចំពោះសំណើឱ្យមាននីតិវិធីអន្តោប្រវេសន៍និងការសម្រួលនៅតាមព្រំដែន ប្រសើរជាងមុន និងពន្លឿននីតិវិធីបង្កើតអគ្គកុងស៊ុលកម្ពុជានៅក្នុងខេត្តសុងក្លា ដើម្បីពង្រីក សេវាកុងស៊ុលជូនប្រជាពលរដ្ឋកម្ពុជាដែលធ្វើការនិងស្នាក់នៅ ក្នុងភាគខាងត្បូងនៃប្រទេសថៃ។ #ams1minute

ដើម្បីជួយប្រជាពលរដ្ឋក្រីក្រ និងងាយរងគ្រោះ, ស្ត្រីមានផ្ទៃពោះ និងកុមារក្រោមអាយុ ២ ឆ្នាំ និងជូនគ្រួសារងាយរងហានិភ័យដោយសម្ពាធអតិផរណា តាមរយៈកម្មវិធីឧបត្ថម្ភសាច់ប្រាក់ចំនួន ៣។ គិតត្រឹមថ្ងៃទី ២៨ កញ្ញា ២០២៣ កម្មវិធីទាំង ៣ ផ្ដល់អត្ថប្រយោជន៍ដល់ប្រជាពលរដ្ឋក្រីក្រ និងងាយរងគ្រោះ ចំនួនជាង ២លាន៧សែននាក់ (ឬ ៤៣៧ ៧៣១ គ្រួសារ), ស្ត្រីមានផ្ទៃពោះ និងកុមារអាយុក្រោម ២ ឆ្នាំ ចំនួន ៣៣៩ ៩៧៧នាក់ និងគ្រួសារងាយរងហានិភ័យដោយសម្ពាធអតិផរណា ចំនួនជាង ១លាន៨សែននាក់ (ឬ ៤៩៥ ១១៩គ្រួសារ)។ #ams1minute