(ភ្នំពេញ)៖ស្ថានទូតបារាំងប្រចាំកម្ពុជាបានចេញសេចក្តីប្រកាសអំពីការទទួលពាក្យអាហាររូបករណ៍”France Excellence”ដើម្បីមានឱកាសទទួលបានអាហារូបករណ៍ទៅបន្តការសិក្សាសម្រាប់ឆ្នាំសិក្សា២០២៥-២០២៦នៅប្រទេសបារាំង ថ្នាក់អនុបណ្ឌិត ឬបណ្ឌិតដោយចាប់ផ្តើមតាំងតែពីខែធ្នូ ហើយយ៉ាងយូរបំផុតឱ្យបានមុនថ្ងៃទី ២៦ ខែ មករា ឆ្នាំ ២០២៥។ បើយោងតាមសេចក្តីប្រកាសនេះដែរ ស្ថានទូតបារាំងបានបញ្ជាក់អំពីអាហារូបករណ៍ដែលមានមុខជំនាញសំខាន់ៗមួយចំនួនដូចជា មុខជំនាញនីតិសាស្ត្រ វិទ្យាសាស្ត្រមនុស្សសាស្ត្រ និងសង្គម សុខាភិបាល កសិអេកូឡូហ្ស៊ី និងបរិស្ថាន វិទ្យាសាស្ត្រវិស្វករ និងសិល្បៈ។ គួររំលឹកថាកាលពីឆ្នាំសិក្សា២០២៤-២០២៥ និស្សិតកម្ពុជា៥៦នាក់បានទទួលអាហារូបករណ៍ពីកម្មវិធីFrance Excellenceនេះពីស្ថានទូតបារាំងប្រចាំកម្ពុជា។ ស្ថានទូតបារាំងបានលើកឡើងអំពីការសិក្សានៅប្រទេសបារំាងនេះដែរគឺនិស្សិតអាចនឹងមានឱកាសសិក្សានៅតាមបណ្តាសាកលវិទ្យាល័យ ឬសាលាល្បីៗ នឹងអនុញ្ញាតឱ្យនិស្សិតទទួលបានការអប់រំតាមប្រព័ន្ធឧត្តមសិក្សាល្អជាងគេ និងសម្បូរបែបជាងគេមួយនៅលើពិភពលោក។ ឯកអគ្គរដ្ឋទូតបារាំងលោក Jacques Pellet បានឱ្យដឹងនាថ្មីៗកន្លងមកថាបច្ចុប្បន្ននិស្សិតកម្ពុជាបានសិក្សានៅប្រទេសបារាំងមានចំនួនសរុប៨០០នាក់ និង ជារៀងរាល់ឆ្នាំមាននិស្សិត១០០នាក់បានទទួលអាហាររូបករណ៍ពីស្ថានទូតបារាំងប្រចាំនៅកម្ពុជា។ លោកថាប្រទេសបារាំងគឺជាស្ថិតនៅក្នុងប្រទេសសំខាន់ លើវិស័យអប់រំ ហើយម្យ៉ាងវិញទៀតការសិក្សានៅប្រទេសបារាំងក៏ជាវប្បធម៌មួយបែបផ្សេងទៀត។ដោយឡែសម្រាប់តម្លៃសិក្សានេះដែរគឺសមរម្យដោយសារស្ថាប័នអប់រំនៅប្រទេសបារាំង តែងលើកស្ទួយ និង ជួយជ្រោមជ្រែងយ៉ាងច្រើនដល់សិស្ស-និស្សិត។ លោកបានបញ្ជាក់ប្រាប់ដែរថាសម្រាប់និស្សិតខ្មែរដែលតែងជ្រើសរើសទៅរៀនប្រទេសបាំរាំងភាគច្រើនទៅលើមុខវិជ្ជា ពេទ្យ ច្បាប់ គ្រង់គ្រង វិស្វកម្ម ជាដើម។ ជាមួយគ្នានេះលោកបានលើកទឹកចិត្តឱ្យនិស្សិតកម្ពុជាផ្តោតយកចិត្តទុកដាក់ទៅលើការៀនមុខវិជ្ជាបច្ចេកវិទ្យា និង បញ្ញាសម្បនិម្មិតឬហៅថា AIពីព្រោះថាការសិក្សាមុខវិជ្ជាទាំងនេះនិស្សិតកម្ពុជានៅមានកម្រិតនៅឡើយ។ ដោយឡែកឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន…

សៀមរាប៖ ព្រឹត្តិការណ៍សំណេរអង្គរលើកទី២ នឹងប្រារព្ធនៅថ្ងៃទី១៩ ខែមករា ឆ្នាំ២០២៥ ខាងមុខវេលាម៉ោង៧ព្រឹក នៅលើស្ពានហាល​ខាងលិចប្រាសាទអង្គរ ខណៈបេក្ខជនជាង១ ២០០នាក់បានចុះ​ឈ្មោះ​ចូលរួមប្រកួតប្រជែង ។ បញ្ជាក់ក្នុងសន្និសីទសារព័ត៌មានកាលពីថ្ងៃទី៥ ខែមករា ឆ្នាំ២០២៥ ឯកឧត្តម ឡុង កុសល អគ្គនាយកអាជ្ញាធរជាតិ អប្សរា ,លោក លឹម ប៊ុនហុក គណៈកម្មការរៀបចំកម្មវិធីសំណេរអង្គរ បានលើកឡើងពី​គុណ​តម្លៃនៃរមណីយដ្ឋានអង្គរ ផ្សា​ភ្ជាប់ជាមួយការប្រកួតសំណេរអង្គរ និងការលើកកម្ពស់អក្សរសាស្រ្តខ្មែរ ។លោក លឹម ប៊ុនហុក បានបញ្ជាក់​ថា ព្រឹត្តិការណ៍​សំណេរអង្គរលើកទី២នេះ នឹងធ្វើឡើងនៅថ្ងៃទី១៩ ខែមករាខាងមុខវេលាម៉ោង៧ព្រឹក នៅស្ពាន​ហាលខាង​លិចប្រាសាទ​អង្គរ។មានបេក្ខជនចូលរួម១ ២២០នាក់ ក្នុងនេះបេក្ខជន៨១៨នាក់ អាយុចាប់ពី១៩ឆ្នាំឡើង និង បេក្ខជន៣៩៦នាក់ អាយុចាប់ពី ៦ឆ្នាំ ទៅដល់១៨ឆ្នាំ ។ លោកបញ្ជាក់ថា ព្រឹត្តិការណ៍ប្រឡងសរសេរតាមអានសំណេរអង្គរ​លើកទី២នេះ  ប្រព្រឹត្តទៅ​ក្រោមការចូលរួម​របស់​ឯក​ឧត្តម​បណ្ឌិត​សភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា  និងធ្វើជាអ្នក​អាន​អត្ថបទ​សម្រាប់បេក្ខជនប្រកួត ព្រមទាំងវត្តមានរបស់ឯកឧត្តម ហ៊ុន ម៉ានី ឧបនាយករដ្ឋមន្ត្រី…

កំពង់ចាម​៖អភិបាលខេត្តកំពង់ចាម​ ឯកឧត្ដម​ អ៊ុន​ ចាន់ដា​ បានអំពាវ​នាវ​ដល់ប្រជាពលរដ្ឋ ពិសេសយុវជន​សូមឱ្យនាំ​គ្នាចូល​រួមលេងកីឡា ទោះកីឡាប្រភេទណាក៏ដោយ ដើម្បីថែរក្សាសុខភាពឱ្យបានរឹងមាំ និងចៀសផុតពីជំងឺ កាចសាហាវ​ទាំង​ឡាយ​គ្រប់ៗគ្នា។​ ឯកឧត្តមអភិបាលខេត្ត ថ្លែងបែបនេះ​ក្នុងពិធីបើកការប្រកួតកីឡា​មហាជន​ជ្រើសរើសជើងឯកទូទាំងខេត្តកំពង់ចាម ប្រចាំ​ឆ្នាំ២០២៥ ដើម្បីអបអរសាទរខួបអនុស្សាវរីយ៍លើកទី៤៦​ នៃទិវាជ័យជម្នះ ៧ មករា កាលពីព្រឹកថ្ងៃទី​៥​ ខែមករា​ ឆ្នាំ​២០២៥​ នៅទីលានបាល់ទះនៃកីឡដ្ឋាន ក្រុងកំពង់ចាម​ ។ ​ ឯកឧត្ដម​ អ៊ុន​ ចាន់ដា​ បានបន្តថា ​ វិស័យអប់រំកាយ និងកីឡា គឺជា​វិស័យមួយដែលរដ្ឋាភិបាលកម្ពុជា​ដឹកនាំ សម្តេច​មហា​បវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងក្រសួងអប់រំ យុវជន និងកីឡា បានយកចិត្តទុកដាក់ និងចាត់ទុកថា ជា​វិស័យមួយមានសារៈសំខាន់​ចំពោះជាតិ​ ក្នុងការអភិវឌ្ឍនិងកិត្យានុភាពជាតិ។ ឯកឧត្ដមអភិបាលខេត្ត​បានអំពាវនាវដល់យុវជន យុវនារីគ្រប់រូបបង្វែ​ចិត្តមកលេងកីឡាឱ្យបានគ្រប់ៗគ្នា ។កីឡា​ ដើម្បី​សុខភាព ដើម្បីអភិវឌ្ឍ​ផ្នែករាងកាយ បញ្ញា ស្មារតី សីលធម៌​ ។ឯកឧត្តមក៏សូមឱ្យកីឡាករ កីឡាការិនីទាំងអស់ ត្រូវខិត​ខំប្រឹងប្រែងហ្វឹកហាត់ និងថែរក្សា…

ស្ទឹងត្រែង៖លោក ម៉ែន គង់ ប្រធានសហភាពសហព័ន្ធ​យុវជន​កម្ពុជាខេត្តស្ទឹងត្រែង និងជាប្រធានគម្រោង មនសិការពលរ​ដ្ឋល្អ បានឱ្យដឹងថា កម្មវិធី «មនសិការពលរដ្ឋល្អ» បង្កើតឡើងក្នុងគោល​បំណងបណ្តុះមនសិការ ឆន្ទៈ និងភាពជា​ពលរដ្ឋ​ល្អដល់យុវជន ដើម្បីក្លាយជាសរសរទ្រូង និងជាធនធានសម្រាប់ប្រទេសជាតិ ។ លោកបន្តថាគម្រោងនេះជាការបណ្តុះគំនិតច្នៃប្រឌិតលើជំនាញទន់ និងភាពជាអ្នកដឹកនាំ ។ ផ្តល់ឱកាសឱ្យ​យុវជនបាន​ចូលរួមយ៉ាងសកម្ម​ក្នុងការងារស្ម័គ្រចិត្តលើកិច្ចការងារសង្គមដើម្បីរួមចំណែកអភិវឌ្ឍន៍ប្រទេស​ជាតិ ។ បើតាមការបញ្ជាក់របស់លោក ម៉ែន គង់ គម្រោង «មនសិការពលរដ្ឋល្អ» ជាកម្មវិធីដែលបង្កើតឡើងដោយ​សហភាព​សហព័ន្ធយុវជនកម្ពុជា សហការជាមួយក្រសួងអប់រំយុវជន និងកីឡា និងកំពុងអនុវត្តនៅលើ​សាលា​ចំនួនពីរក្នុង​ខេត្តស្ទឹង​ត្រែង គឺ វិទ្យាល័យ ហ៊ុន សែន ស្ទឹងត្រែង ក្នុងក្រុងស្ទឹងត្រែង និងវិទ្យាល័យ ព្រះគោ ស្ថិតក្នុងស្រុកថាឡាបរិវ៉ាត់ ។ សូមជម្រាបថា ខេត្តស្ទឹងត្រែង ជាខេត្តមួយក្នុងចំណោមខេត្តចំនួន​១២ដែលកំពុងអនុវត្តកម្មវិធី «មនសិការពលរដ្ឋល្អ» ៕ដោយ៖ ដេង ម៉ាវិន