កំពង់ឆ្នាំង៖ក្រុមការងារការិយាល័យប្រឆាំងបទល្មើសគ្រឿងញៀន​នៃស្នងការដ្ឋាននគរបាល​ខេត្តសហការជាមួយរដ្ឋបាល​ស្រុករលា​ប្អៀរ​ កាលពីព្រឹកថ្ងៃទី២៤ ខែតុលា ឆ្នាំ២០២៤​បានអនុវត្តត្រួតពិនិត្យ​ទឹកនោម​លើមន្ត្រីរាជការក្នុងស្រុករលាប្អៀរ ។ អភិបាលស្រុករលាប្អៀរ លោក សេង វិចិត្រ បានបញ្ជាក់ថា ថ្ងៃនេះមន្ត្រី​រាជ​ការក្រុមប្រឹក្សាស្រុក លោក មេឃុំ ក្រុមប្រឹក្សាឃុំទាំង ១៤ សរុបចំនួន​២២១ នាក់ បានមកត្រួតពិនិត្យទឹកនោមដើម្បីរក​សារធាតុញៀន ។ដោយឡែកមានមន្ត្រីរាជការខ្លះអវត្តមាន​ដោយ​ចុះ​បំពេញបេសកកម្មនៅតាមបណ្ដាខេត្តផ្សេងៗ និងធ្វើការត្រួតពិនិត្យ​នៅពេលក្រោយ។សូមរំលឹកថាអនុវត្តតាមគោលការណ៍របស់រាជរដ្ឋាភិបាលស្ដីពីការត្រួតពិនិត្យទឹកនោមរកសារធាតុញៀនលើមន្ត្រីរាជការកងកម្លាំងប្រដាប់អាវុធដែលខេត្តកំពង់ឆ្នាំងបានអនុវត្តលើកទី១ ទៅលើមន្ត្រីរដ្ឋបាលសាលា​ខេត្ត និងមន្ត្រីមន្ទីរហិរញ្ញវត្ថុ និងលើកទី ២អនុវត្តនៅមន្ត្រីរាជការ​​ទូទាំង​ស្រុករលាប្អៀរ៕ដោយ៖សុខ គឹមសៀន

បន្ទាយមានជ័យ៖រដ្ឋបាលខេត្តបន្ទាយជ័យ និងមន្ទីរ អង្គភាពពាក់ព័ន្ធ គណៈកម្មការទូក កីឡាករទូក ។ល។បានត្រៀមរួចជាស្រេចហើយ​ក្នុង​ប្រារព្ធពិធីបុណអុំទូក បណ្ដែតប្រទីបថ្នាក់ខេត្តរយៈពេលពីរថ្ងៃ ដែលនឹង​ចាប់ផ្តើមនៅថ្ងៃសៅរ៍និងអាទិត្យទី២៦ និងទី២៧ ខែតុលា ឆ្នាំ​២០២៤​ ដើម្បីអបអរព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុកឆ្នាំ២០២៤។ ពិធីបុណ្យអុំទូក បណ្ដែតប្រទីបខេត្តបន្ទាយមានជ័យរៀបចំនៅ​បរិវេណខាងក្រោយសាកលវិទ្យាល័យជាតិមានជ័យ តាម​បណ្ដោយ​ដងស្ទឹងទឹកថ្លាក្រុងសិរីសោភ័ណ។ លោក ណង វុទ្ធី នាយករដ្ឋបាល​សាលាខេត្តបន្ទាយមានជ័យ បានឱ្យដឹងថា ឆ្នាំនេះ​ចំនួនទូកនិង​កីឡាករកើនជាងឆ្នាំមុន ។ឆ្នាំនេះមានទូកចូលរួមចំនួន៣៨ទូក ចាប់ពីទូកមានចំណុះ ៤នាក់ដល់ចំណុះ៧៥នាក់។ ។មានកីឡាករអុំ និងកីឡាករបម្រុងជាមួយក្រុមការងារសរុប១ ២២២ នាក់ ។ លោក ណង វុទ្ធ បន្តថា ក្នុងឆ្នាំនេះដែរគ្រប់អង្គភាព ស្ថាប័ន មន្ទីរ និងរដ្ឋបាលក្រុង ស្រុកចូលរួមបណ្ដែតប្រទីបចំនួន៤៣ប្រទីប ។ក៏មានពិធីតាំងពិព័រណ៍ផលិតផល ភូមិ១ផលិតផល១ ផងដែរ។ លោករំពឹងថា បុណ្យអុំទូកឆ្នាំ២០២៤ នឹងមានអ្នកទស្សនានិង​អ្នក​ទេសចរជាតិ អន្តរជាតិ ធ្វើដំណើរមកកម្សាន្តច្រើនកុះករ ។រដ្ឋបាល​ខេត្ត រួមជាមួយកម្លាំងទាំងបីប្រភេទក្នុងខេត្តបានត្រៀមរួចរាល់អស់ហើយក្នុង​រៀបចំសណ្ដាប់ធ្នាប់ ការការពារសន្តិសុខ សុវត្ថិភាពជូនប្រជាពលរដ្ឋ​សប្បាយរីករាយក្នុងឱកាសនេះ។ ចំណែក លោក…

បន្ទាយមានជ័យ៖ផែនការការពារសន្តិសុខ សុវត្ថិភាព ក្នុងឱកាសអប អរពិធីបុណ្យអុំទូក អកអំបុក សំពះព្រះខែ និងការតាំង​ពិព័រណ៍​​​”ភូមិមួយផលិតផលមួយ”​នៅខេត្តបន្ទាយមានជ័យដែលត្រូវបាន ផ្សព្វផ្សាយដល់កងកម្លាំងនគរ​បាល​ទូទាំងខេត្តកាលពីព្រឹក​ថ្ងៃទី២៤ ខែតុលា ឆ្នាំ២០២៤ ។ ​ឧត្តមសេនីយ៍ សិទ្ធិ ឡោះ ស្នងការនៃស្នងការដ្ឋាននគរបាលខេត្ត បន្ទាយមានជ័យបានប្រាប់កិច្ចប្រជុំដែលចូលរួមដោយ​មន្រ្តី​នគរបាលចំណុះឱ្យស្នងការដ្ឋានថា សម្រាប់រក្សាបាននូវសន្តិសុខ ភាពសប្បាយរីករាយជូនប្រជា​ពលរដ្ឋទូទៅ ​​ភ្ញៀវ​ទេសចរជាតិ អន្តរជាតិ ក្នុងឱកាសពិធីបុណ្យអុំទូកថ្នាក់ខេត្ត ,ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក និងការងារ​សន្តិ​សុខ​​ទូទៅ ចាំបាច់ត្រូវតែពង្រឹងការ​ការពារ​សន្តិសុខ សុវត្ថិភាព សណ្តាប់ធ្នាប់សង្គម ពង្រឹងទប់ស្កាត់ បង្ការ បង្ក្រាបបទល្មើសគ្រប់​ប្រភេទ និងក្មេងទំនើង ។ពង្រឹងផ្សផ្សព្វផ្សាយ​គោលនយោ​បាយ​ភូមិឃុំសង្កាត់មានសុវត្ថិភាព ។ពង្រឹងផ្សព្វផ្សាយច្បាប់ចរាចរណ៍​ផ្លូវគោក និងផលប៉ះពាល់អំពី គ្រឿងញៀន ។ពង្រឹងការងារស្នូល ការប្រចាំបញ្ជា ការយាមល្បាត ត្រួតពិនិត្យ ការចាត់តាំង អវនុវត្ត ។ ក្នុងឱកាសដដែលនេះ ឧត្តមសេនីយ៍ទោ សិទ្ធិ ឡោះ បានថ្លែងនូវ ការកោតសរសើរនិងវាយតម្លៃខ្ពស់ចំពោះ​កិច្ចខិតខំប្រឹងប្រែង​របស់លោក លោកស្រី គ្រប់ផែនជំនាញ និងអង្គភាពចំណុះ ស្នងការដ្ឋាននគរបាលខេត្តទាំងអស់ រហូតបានលទ្ធផលគួរជាទី…

(ខេត្តមណ្ឌលគិរី)៖ សម្តេចមហាបវរធិបតី ក៏បានស្នើអាជ្ញាធរសមត្ថកិច្ច ស្រាវជ្រាវរកមេខ្យល់ ដែលដើរដែលបំផុសបំផលប្រជាពលរដ្ឋថា ចុះឈ្មោះបានដីសម្បទានសង្គមកិច្ច មកអនុវត្តច្បាប់ ។ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ដូច្នេះ នៅក្នុងឱកាសអញ្ជើញជាអធិបតីនៃពិធីសម្ពោធដាក់ឱ្យប្រើប្រាស់ជាផ្លូវការទំនប់អាងទឹកអូរតេធិបតី នៅស្រុកអូររាំង ខេត្តមណ្ឌលគិរី នៅព្រឹកថ្ងៃទី២៤ ខែតុលា ឆ្នាំ២០២៤ ។ សម្តេចមហាបវរធិបតី ហ៊ុន ម៉ាណែត បានបញ្ជាក់ថា ខ្ញុំបានប្រកាស រឿងដីសម្បទានសង្គមកិច្ច ក្រុមការងារកំពុងរៀបចំ និងប្រកាសចាប់ផ្តើមពីដើមឆ្នាំក្រោយ ប៉ុន្តែខ្ញុំមើលហ្វេសប៊ុកល្ងាចមិញ មានមេខ្យល់ទៅដើរបំផុសប្រជាពលរដ្ឋ ដើម្បីចុះឈ្មោះយកដីសម្បទាន។ ខ្ញុំសូមបញ្ជាក់ អត់មានទេ អត់មានមេខ្យល់ណាទៅបំផុស ដើម្បីយកដីសម្បទានទេ។ បើចុះឈ្មោះ​ត្រូវតាមយន្តការរដ្ឋ។ កន្លងទៅ យើងមានយន្តការដីសម្បទានចុះឈ្មោះតាមអាជ្ញាធរ ក្រៅពីហ្នឹង ក្រោយពីគណៈកម្មការបង្កើត យើងមានការផ្សព្វផ្សាយច្បាស់លាស់ ។ សម្តេចនាយករដ្ឋមន្ត្រី ក៏បានអំពាវនាវឲ្យបងប្អូនប្រជាពលរដ្ឋ កុំជឿតាមការញុះញង់របស់មេខ្យល់ ដែលអះអាងថា ចុះឈ្មោះដើម្បីបានដីសម្បទានសង្គមកិច្ច។ សម្តេច ថា មិនមានគោលការណ៍ចែកដីសម្បទាននោះទេ។ ករណីនេះដែរ សម្តេចធិបតី ក៏បានស្នើអាជ្ញាធរសមត្ថកិច្ច ស្រាវជ្រាវរកមេខ្យល់នោះ…

កំពង់ឆ្នាំង ៖ទូក ង ឈ្មោះ សន្ទុះរាជសីហ៍បារមីចង្ហាន់ហុយ របស់វត្ត​ទួលព្រះវិហារក្នុង ស្ថិតនៅភូមិកោះលត ឃុំកោះថ្កូវ ស្រុកជល​គិរី ខេត្តកំពង់ឆ្នាំង​  ។ទូកនេះបានកសាងឡើងនៅឆ្នាំ២០០៣ និងធ្លាប់​បានចូលរួមប្រកួតយកជ័យជំម្នះផែនលេខ ១ ចំនួន ៤លើក​និងផែន​លេខ២ ចំនួន ២ លើក ។ទូកនេះកំពុងជួសជុលដោយក្រុមជាង​ដើម្បីត្រៀមចូលរួមប្រកួតនៅពេលក្នុងពិធី​បុណ្យអុំទូកខាង​មុខ។ លោក ស៊ុំ ស៊ត ជាមេជាងកំពុងជួសជុលទូកងខាងលើបាននិយាយ​ថា ទូកនេះបានកសាងនៅអំឡុងឆ្នាំ២០០៣  ហើយបានចូលរួម​ប្រកួត​នៅក្នុងព្រះរាជពិធីបុណ្យអុំទូក បណ្ដែតប្រទីប និងអកអំបុកសំពះ​ព្រះខែ នៅរាជធានីភ្នំពេញ បានទទួលចំណាត់ថ្នាក់ផែនលេខ ១ ចំនួនបួនលើក ។ក្រោយមកដោយសារទូកមានសភាពទ្រុឌទ្រោម​ខ្លាំងនៅឆ្នាំ២០២០ ព្រះគ្រូចៅអធិការវត្តព្រះនាម ពៅ ចាន់ណារិទ្ធិ ក៏បានផ្ដួចផ្ដើមកសាងទូកថ្មីមួយទៀត ដែលមានឈ្មោះដូចគ្នា គឺសន្ទុះរាជសីហ៍បារមីចង្ហាន់ហុយ ហើយបានចូលរួម​ប្រកួត​ចំនួនពីរលើកដោយទទួលបានចំណាត់ថ្នាក់លេខ២ ទាំងពីរលើក ។បញ្ហាធ្លាក់មកចំណាត់ថ្នាក់លេខ ២ គឺមិនមែនមកពីបញ្ហា​ទូក​កសាងថ្មីទេគឺដោយសារទូកគេមានល្បឿនលឿនជាង។ ទូកថ្មីនេះ​មានប្រវែង ២៩,៥ម៉ែត្រក មានចំណុះជើង៤៦ នាក់​។សរុប​ទាំង​កីឡាករបម្រុងទាំងអ្នកដាំបាយនិងអ្នកបាចទឹកមានចំនួន៧០នាក់ ។សម្រាប់ការចូលរួមប្រកួតមួយលើកៗត្រូវ ចំណាយប្រមាណ​ថវិកា​១២លានរៀល។ ព្រះភិក្ខុ កែវ សារុន គ្រូសូត្រស្ដាំ វត្តទួលព្រះវិហារក្នុង មានថេរដីកាថា…

កំពង់ធំ៖រដ្ឋបាលខេត្តកំពង់ធំបានរៀបចំវេទិកាផ្សព្វផ្សាយ និងពិគ្រោះ​យោបល់របស់ក្រុមប្រឹក្សាខេត្ត អាណត្តិទី៤ ឆ្នាំ២០២៤ នៅ​ក្រុងស្ទឹង​សែន​ក្រោមអធិបតីភាពឯកឧត្តម ដៀប ពីរី ប្រធានក្រុមប្រឹក្សាខេត្ត និងឯកឧត្តម នួន ផារ័ត្ន អភិបាលខេត្តកំពង់​ធំ​។ ឯកឧត្តម ដៀប ពីរី ប្រធានក្រុមប្រឹក្សាខេត្ត បានលើកឡើងក្នុងវេទិកា​សា​ធារណៈ​ដែលប្រព្រឹត្តទៅកាលពីថ្ងៃទី២៣ ខែតុលា ថា វេទិកា​នេះដើម្បីជួយជំរុញដល់ការអនុវត្តមុខងារគ្រប់ស្ថាប័នមានការពាក់ព័ន្ធ រួម និងអាជ្ញាធរមូលដ្ឋានឱ្យកាន់តែមាន​ប្រសិទ្ធភាព​បន្ថែមទៀត។ ចំណែកឯកឧត្តម នួន ផារ័ត្ន អភិបាលខេត្តកំពង់ធំថ្លែងថា វេទិកាផ្សព្វ​ផ្សាយ និងពិគ្រោះយោបល់របស់ក្រុមប្រឹក្សាខេត្តកំពង់ធំ នៅក្នុង​ក្របខ័ណ្ឌពង្រឹងលទ្ធិប្រជាធិបតេយ្យ សេរីពហុបក្ស នៅថ្នាក់ជាតិ និងថ្នាក់ក្រោមជាតិ ដែលជាឆន្ទៈយ៉ាងមោះមុតរបស់ថ្នាក់ដឹកនាំ ជាពិសេសសម្ដេចតេជោ ហ៊ុន សែន អតីតនាយករដ្ឋមន្ត្រី និងបន្តដោយ​សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា​ណា​ចក្រកម្ពុជា ក្នុងការជួយជំរុញឱ្យកម្ពុជាអនុវត្តតាមលទ្ធិប្រជាធិបតេយ្យ ដោយបានឱ្យ​ថ្នាក់ក្រោមជាតិ ជំរុញអនុវត្តកម្មវិធីវេទិកា​ក្រុម​ប្រឹក្សានៅគ្រប់បណ្ដា​ក្រុងស្រុកទាំងអស់ដើម្បីស្តាប,ទទួលយកនូវបញ្ហានិងសំណូមពររបស់ប្រជាពលរដ្ឋមកដោះស្រាយបានទាន់ពេលវេលា។ សូមបញ្ជាក់ថា ក្នុងវេទិកាសាធារណៈនេះក៏មានការលើកឡើងនូវ​សំណួរផ្ទាល់មាត់ចំនួន១០សំណួរ និងសំណូមពរសរសេរលាយ​លក្ខណ៍​ជាអក្សរចំនួន២៦សំណួរ ដោយផ្តោតទៅលើបញ្ហា ហេដ្ឋា​រចនាសម្ព័ន្ធ(ផ្លូវថ្នល់ ផ្លូវបេតុង) អត្តសញ្ញាណកម្ម (សៀវភៅ​គ្រួសារ) ប្រព័ន្ធលូតាមសាលារៀន អំពូលភ្លើងតាមផ្លូវបេតុង…

កំពង់ធំ៖បន្ទាប់ពីមានវិធានការទប់ស្កាត់យ៉ាងមានប្រសិទ្ធភាព ក្នុង ភូមិសាស្រ្តខេត្តកំពង់ធំជាច្រើនខែកន្លងទៅនេះបានស្ងប់ស្ងាត់មកទន្ទឹមនឹងកម្លាំងចម្រុះការពារទប់ស្កាត់ និង​បង្ក្រាបបទល្មើសធនធាន ធម្មជាតិខេត្តកំពង់ធំបានឈរជើងនៅចំណុចក្តៅដែលតែងតែកើតឡើងនូវបទល្មើសលួចកាប់ទន្រ្ទាន។ទោះជាដូចនេះក្តី​ ក៏មន្រ្តីជាន់ ខ្ពស់ខេត្ត​នៅតែរំលឹកដល់កម្លាំងចម្រុះកុំបន្ធូរដៃក្នុងការ​បង្រ្កាបបទល្មើស​កាប់ទន្ទ្រានដីព្រៃរដ្ឋ។ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង និងអនុប្រធានគណៈកម្មការការពារទប់ស្កាត់ និង​បង្ក្រាប​បទល្មើស​​ធនធានធម្មជាតិខេត្តកំពង់ធំ ក្នុងឱកាសប្រគល់អំណោយដល់កម្លាំង ចម្រុះទៅនៅទីបញ្ជាការស្រាលតំបន់កែងបឹង ឃុំមានរិទ្ធ ស្រុកសណ្ដាន់ បាននាំនូវការផ្តាំផ្ញើរសួរសុខទុក្ខពីសម្ដេចធិបតី ហ៊ុន ម៉ាណែត នាយករដ្ឋមន្ត្រី ឯកឧត្តម នួន ផារ័ត្ន អភិបាលខេត្ត និងជា​ប្រធានគណៈ​កម្មការការពារទប់ស្កាត់ និងបង្ក្រាបបទល្មើសធនធានធម្មជាតិ ខេត្តកំពង់ធំ និង​បានកោតសរសើរ​ចំពោះ​កងកម្លាំង​ចម្រុះទាំងអស់ ដែលបានខិតខំសហការគ្នាក្នុងការបំពេញភារកិច្ចនាពេល​កន្លងទៅទទួលបានលទ្ធផលល្អប្រសើរ ។ទន្ទឹមនេះឯកឧត្តមបានណែនាំបន្ថែមថា ត្រូវបន្តប្ដេជ្ញាចិត្តដាច់ ខាតការពារទប់ស្កាត់ និងបង្ក្រាបមិនឱ្យមានការកើតឡើងជាថ្មី នូវការកាប់​ទន្ទ្រានព្រៃឈើរបស់រដ្ឋ។ត្រូវគ្រប់គ្រងផ្ទៃដីដែលបាន ដកហូតពីជនល្មើសលួចកាប់ទន្ទ្រាននាពេលកន្លងទៅ ឱ្យបាន​ហ្មត់ចត់ ដើម្បី​មានវិធានការដាំស្ដារព្រៃឈើឡើងវិញនិងត្រូវសាមគ្គី ឯកភាព សហការគ្នាឱ្យបានល្អរវាងកងកម្លាំងចម្រុះ និងអាជ្ញាធរ​ដែនដី ដើម្បីបន្តគ្រប់គ្រងការពារ និងបង្ក្រាបបទល្មើសធនធានធម្មជាតិ ប្រកបដោយស្មារតីទទួល ខុសត្រូវខ្ពស់ និងមានប្រសិទ្ធភាព ។ ដោយឡែកក្នុងករណីមានបុគ្គលណាដែលស្ថិតនៅក្នុងកងកម្លាំងចម្រុះលួចឃុបឃិតគ្នាក្នុងការចូលរួមជាមួយជនល្មើស បំផ្លាញ​ធនធាន ធម្មជាតិ ត្រូវទទួលទោសតាមច្បាប់ ដោយគ្មានការលើកលែង។ សូមជម្រាបថា កាលពីរសៀលថ្ងៃទី២៣ ខែតុលា…

(ភ្នំពេញ)៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បាន​អញ្ជើ​ញចូលរួមកិច្ចប្រជុំរដ្ឋមន្រ្តីកសិកម្មនិងព្រៃឈើអាស៊ានលើកទី៤៦ (46th AMAF) កិច្ចប្រជុំរដ្ឋមន្រ្តីកសិកម្មនិងព្រៃឈើអាស៊ានបូកបីលើកទី២៤ (24th AMAF Plus Three) និងកិច្ចប្រជុំរដ្ឋមន្រ្តីកសិកម្ម និងព្រៃឈើអាស៊ាន-ឥណ្ឌាលើកទី៨ (8th AIMMAF) ដែលកិច្ចប្រជុំនេះធ្វើឡើងតាមរយៈប្រព័ន្ធវីដេអូពីចម្ងាយ (Video Conference) នៅទីស្តីការក្រសួងកសិកម្ម នាថ្ងៃទី២៤ ខែតុលា ឆ្នាំ២០២៤ ។ អង្គប្រជុំបានផ្តោតការពិភាក្សាជាសំខាន់ លើការងារសន្តិសុខស្បៀង កសិកម្ម និង​ព្រៃឈើអាស៊ាន ដែលទាមទារឱ្យមានកិច្ចប្រឹងប្រែងរួមគ្នាជាអន្តរជាតិ និងការថ្លែង​របាយការណ៍កម្មវិធីកិច្ចប្រជុំពីសំណាក់រដ្ឋមន្រ្តីកសិកម្មតាមបណ្តាប្រទេសក្នុងតំបន់អាស៊ាន។ ក្នុងឱកាសនេះដែរ ឯកឧត្តមរដ្ឋមន្រ្តី ឌិត ទីណា បានបង្ហាញនូវជំហរគាំទ្រ និង​ការប្តេជ្ញាចិត្តអនុវត្តផែនការសកម្មភាពការអភិវឌ្ឍវិស័យកសិកម្ម និងព្រៃឈើរួមគ្នា ព្រមទាំងបណ្តាគម្រោងកម្មវិធីនានាឆ្នាំ២០២៦-២០៣០ ជាមួយបណ្តាសមាជិក​ក្នុងតំ​បន់អាស៊ាន ដើម្បីសន្តិសុខស្បៀង អាហារូបត្ថម្ភ និងនិរន្តរភាព វិស័យ​កសិកម្ម​នៃប្រជាជាតិអាស៊ានទាំងមូល៕ ប្រភព ៖ ក្រសួងកសិកម្ម