កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម កាលពី​ព្រឹកថ្ងៃទី២២ ខែធ្នូ និងមន្រ្តីក្រុមការងារខេត្ត អាជ្ញាធរ​មូលដ្ឋាន និងមន្រ្តីពាក់ព័ន្ធអញ្ជើញចុះពិនិត្យទិន្នផល-ការដាំដុះដំណាំពោត របស់ប្រជាកសិករ និង និងកសិដ្ឋាន​ចិញ្ចឹមឃ្មុំសហគមន៍ (ចំការគ) ស្ថិតក្នុងភូមិកំពង់ត្រុំ-កោះប៉ែន ឃុំកោះមិត្ត ស្រុកកំពង់សៀម។ នាឱកាសនោះឯកឧត្តម អភិបាលខេត្តបានជំរុញដល់​ម្ចាស់កសិដ្ឋាន​ឱ្យយកចិត្តទុកដាក់ ក្នុងការចិញ្ចឹមឃ្មុំ​ត្រូវតាមស្តង់ដារ​ដើម្បីបង្កើន​ប្រាក់ចំណូលក៏ដូចជាដើម្បីសុខភាពបរិភោគផងដែរ។ក្នុងឱកាសនោះឯកឧត្តមអភិបាលខេត្តបានបន្តចុះពិនិត្យឆ្នេរខ្សាច់ដ៏ស្រស់ស្អាត ស្ថិតនៅចំណុច ចំការគ ភូមិកំពង់ត្រុំ ដើម្បីសិក្សាលទ្ធ​ភាពក្នុងការប្រែក្លាយតំបន់នេះទៅជាតំបន់រមណីយដ្ឋានធម្មជាតិដ៏ស្រស់ស្អាតមួយទៀត នាពេលអនាគត បន្ទាប់ពីឆ្នេរខ្សាច់កោះប៉ែន៕ដោយ៖លី ពៅ

កំពត៖ថ្លែងក្នុងពិធីជួបជុំប្រចាំឆ្នាំលើកទី៤ ជាមួយសិស្ស និស្សិត បញ្ញវន្ត និងថ្នាក់ដឹកនាំឥស្លាមឆ្នាំ២០២៤  ដែល​រៀប​ចំ​នៅសាលបូកគោ ខេត្តកំពត កាលពីរសៀលថ្ងៃទី២២ ខែធ្នូ ឆ្នាំ២០២៤ ឯកឧត្តម ម៉ៅ ធនិន អភិបាលខេត្តកំពត បាន​ថ្លែងអំណរគុណយ៉ាងជ្រាលជ្រៅដល់​បង​ប្អូនខ្មែរឥស្លាម ដែលតែងតែជឿជាក់ និងគាំទ្រដល់រាជរដ្ឋាភិបាល​រហូតមក។ ឯកឧត្តមបានអំពាវនាវដល់ប្រជាពលរដ្ឋ ពិសេសយុវជន​សាសនិកឥស្លាមជំនាន់ក្រោយ សូមឱ្យបន្តគាំទ្ររាជរដ្ឋាភិបាល និងចូលរួមការពារសន្តិភាពឱ្យស្ថិតស្ថេរ។ ប្រធានក្រុមប្រឹក្សាភិបាលនៃអង្គការសម្ព័ន្ធអ្នកអប់រំទិសនិរតី លោក ម៉ាន វណ្ណា បានបញ្ជាក់ថា អង្គការនឹងបន្តខិតខំ ចូលរួម​ចំណែកជាមួយ​រាជរដ្ឋា​ភិបាល ក្នុងការកសាងធនធានមនុស្ស ធនធានជាតិ ដើម្បីរក្សា​នូវសុខសន្តិភាព និងអភិវឌ្ឍ​ប្រទេស ក៏ដូចសហគមន៍ឱ្យកាន់តែរីក​ចម្រើន​បន្ថែមទៀត។   ពិធីជួបជុំប្រចាំឆ្នាំលើកទី៤ មានគោលបំណង ឆ្លុះបញ្ចាំងអំពីសកម្មភាព និងលទ្ធផលការងាររបស់អង្គការនាឆ្នាំ២០២៤ និងលើកទិសដៅ​សម្រាប់ឆ្នាំ២០២៥ បង្កើនការទំនាក់ទំនងល្អ រិតចំណងសាមគ្គីភាព រវាងគ្នានឹងគ្នាលើមាគ៌ា​ត្រឹមត្រូវ  ។យល់ដឹងពីសុខទុក្ខគ្នាទៅវិញទៅមក  ផ្តល់ភាពសប្បាយរីករាយ ផ្តល់ស្នាមញញឹក ផ្តល់ក្តីស្រលាញ់ដល់គ្នា ៕ដោយ៖ សិលា សារិន

ក្រចេះ៖ សាលាឆាន់និងកុដិមួយខ្នង ព្រមទាំងសម្ភារៈមួយចំនួនធំ នៅវត្តដំរីផុង ក្នុងភូមិបុស្ស ឃុំដំរីផុង ស្រុកឆ្លូង ខេត្ត​ក្រចេះ ត្រូវបាន​អភ្គិភ័យឆាបឆេះកាលពីព្រលប់ថ្ងៃទី២២ ខែធ្នូ ឆ្នាំ២០២៤ ។ អធិការនគរបាលស្រុកឆ្លូងលោកវរសេនីយ៍ ឆុង តូរ៉ាន់ បានឱ្យដឹងថា មូលហេតុនៃការឆាបឆេះសាលាឆាន់ខាងលើនេះ គឺ​កើតឡើងដោយ​សារផ្ទុះកំប៉ុងហ្គាសចង្ក្រាន ដែលលោកសង្ឃបានដាក់ដាំទឹកឆាន់ ហើយនៅលើសាលាឆាន់នោះ​ក៏​មាន​ប្រេងសាំង ៣០ប៊ីដុង​ ដែលពុទ្ធ​បរិស័ទយកមកប្រគេនទើបការឆាបឆេះ លឿនយ៉ាងដូច្នេះ។ លោកអធិការបានបញ្ជាក់ថា ចំពោះការខូចខាតរួមមាន ឆេះសាលា​ឆាន់​មួយខ្នងទំហំ ១៥ម៉ែត្រ គុណនឹង ២៥ម៉ែត្រ ,ធ្វើពី​ឈើប្រក់ក្បឿង ,ឆេះកុដិព្រះសង្ឃមួយខ្នង ទំហំ ៦.៥ម៉ែត្រ គុណនឹង១៣ម៉ែត្រ​ធ្វើពី​ឈើប្រក់ក្បឿង និងឆេះបដិមាករ ៨អង្គ និងសម្ភារប្រើប្រាស់​មួយចំនួនធំទៀត សរុបជាទឹកប្រាក់ប្រមាណ២៥ម៉ឺនដុល្លារ៕ដោយ៖ឡុង សំបូរ

សៀមរាប៖ វេទិកាពិគ្រោះយោបល់ និងផ្សព្វផ្សាយរបស់ក្រុមប្រឹក្សា​ខេត្តសៀមរាប អាណត្តិទី៤ គោលដៅទី៩ បានប្រព្រឹត្តទៅនៅវត្តកំពង់ក្តី ស្រុកជីក្រែងកាលពីព្រឹកថ្ងៃទី២៣ ខែធ្នូ ក្រោមអធិបតីភាព ឯកឧត្តម លី សំរិទ្ធ ប្រធានក្រុមប្រឹក្សាខេត្ត លោក ង៉ូវ សេងហាក់ អភិបាល​រងខេត្ត​តំណាងឯកឧត្តម ប្រាក់ សោភ័ណ អភិបាលខេត្តសៀមរាប។ តាមរយៈវេទិកានេះប្រជាពលរដ្ឋស្រុកជីក្រែងបានលើកឡើងនូវបញ្ហាមួយចំនួន ក្នុងនោះ អគ្គិសនីខ្សោយ,បញ្ហា​ធ្លី និងការ​​ស្តារដីតំបន់បឹង​ទន្លេសាប,ការជួសជុលផ្លូវ និងការតាំងស្លាកសញ្ញាចរាចរណ៍,បញ្ហា​សេវាសុខាភិបាល,ការស្តារស្ទឹង និងអាងទឹក, សំណើសុំបញ្ចូលភូមិ​ឃុំសង្កាត់មានសុវត្ថិភាពក្នុងកម្មវិធីសិក្សាជាដើម។ ឆ្លើយតបទៅសំណូមពររបស់ប្រជាពលរដ្ឋឯកឧត្តមប្រធានក្រុមប្រឹក្សាខេត្ត និងលោកអភិបាលរងខេត្តបាន​ពន្យល់ និងឆ្លើយតបសំណូម​ពររបស់ប្រជាពលរដ្ឋជាបន្តបន្ទាប់៕ដោយ៖ប៊ុន​រដ្ឋា

កំពត៖ក្នុងដំណើរចុះពិនិត្យស្ថានភាពការរស់នៅរបស់បងប្អូនប្រជា​នេសាទ ក៏ដូចជាពិនិត្យទីតាំងសម្រាប់កែលម្អសោភណ ភាពក្នុង​សហគមន៍នេសាទចំនួនពីរក្នុងក្រុងបូកគោឯកឧត្តម ម៉ៅ ធនិន អភិបាលខេត្តកំពតបានថ្លែងទៅកាន់អាជ្ញាធរមូលដ្ឋាន និង​ប្រជា​នេសាទនៃសហគមន៍ទាំងពីរថា ក្រោមកិច្ចចង្អុលការរបស់ប្រមុខ​រាជរដ្ឋា​ភិបាល គឺត្រូវយកចិត្តទុក​ដាក់ក្នុងការ​អភិវឌ្ឍកែច្នៃ តំបន់ដែលមាន​សក្តានុពលទេសចរណ៍ ដើម្បីទាក់ទាញទេសចរ បង្កើតចំណូលជូន​ប្រជាពលរដ្ឋ​នៅក្នុងតំបន់​នោះ។ ឯកឧត្តម ម៉ៅ ធនិន ព្រមទាំងមន្រ្តីជំនាញបានអញ្ជើញទៅសាក​សួរ​សុខទុក្ខប្រជាពលរដ្ឋ និងសមាជិក​សហគមន៍​នេសាទ​ត្រពាំងរពៅ និងសហគមន៍នេសាទព្រែកត្នោត កាលពីព្រឹកថ្ងៃទី២៣ ខែធ្នូ ឆ្នាំ​២០២៤ ។ដំណើរនេះដើម្បី​ឈ្វេង​យល់​បន្ថែមសម្រាប់ការអភិវឌ្ឍ​សហគមន៍​ទាំងពីរឱ្យកាន់តែល្អប្រសើរថែមទៀត ពិសេសបង្កើត​ផលិត​​ទេសចរណ៍​នៅនឹង​កន្លែង។ ក្នុងឱកាសនេះឯកឧត្តមអភិបាលខេត្តកំពត បានលើកឡើងថា សម្តេចធិបតី ហ៊ុន ម៉ាណែត នាយករដ្ឋ​មន្ត្រី សម្តេច​បាន​ធ្វើការណែនាំ និងជំរុញដល់អាជ្ញាធរខេត្តដែលមានតំបន់​ទេស​ចរណ៍ ត្រូវយក​ចិត្តទុក​ដាក់​ក្នុងការអភិវឌ្ឍ កែច្នៃ តំបន់​ទាំងនោះឱ្យ​កាន់តែមានសក្តានុពលបន្ថែមទៀត ដើម្បីស្រូបទាញភ្ញៀវទេសចរ​ឱ្យមកកម្សាន្ត បង្កើតចំណូល​ជូនប្រជាពល​រដ្ឋនៅក្នុងតំបន់នោះ។ ជាមួយនឹងការស្វែងយល់បន្ថែម វត្តមានរបស់ឯកឧត្តម ម៉ៅ ធនិន នៅ​មូលដ្ឋានជាក់ស្តែង ក៏​ដើម្បីរៀបចំកែលម្អសោភណ​ភាព និង​រៀបចំ​តំបន់សហគមន៍​ទេសចរណ៍ទាំងនេះឱ្យមានអនាម័យល្អ បរិស្ថានស្អាត និងមានរបៀបរៀបរយ ។កិច្ចការ​ទាំងនេះក៏មាន​ការចូល​រួមចង្អុល​បង្ហាញពី ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្រ្តី​ក្រសួង​រៀបចំដែនដី នគរូ​បនីយ​កម្ម និងសំណង់ និជាប្រធានក្រុម​ការងាររាជ​រដ្ឋាភិបាលចុះជួយខេត្តកំពតផងដែរ។ ក្នុងឱកាសនេះឯកឧត្តមអភិបាលខេត្តក៏បានរៀបចំរកទីតាំងថ្មីសម្រាប់សាងសង់លំនៅឋានជូនប្រជានេសាទចំនួន…

កំពង់ធំ៖កាតាបសិក្សា ១២.០០០ កញ្ចប់ និងកង់ ២.០០០ គ្រឿង ដែលផ្ដល់ដោយមូលនិធិចិនដើម្បីអភិវឌ្ឍន៍ជនបទ (CFRD)តាម​រយៈវេទិកាសម្ព័ន្ធសង្គមស៊ីវិល ត្រូវបានចែកជូនសិស្សានុសិស្សក្នុង​ខេត្តកំពង់ធំកាលពីព្រឹកថ្ងៃទី២៣ ខែធ្នូ ឆ្នាំ ២០២៤។ ពិធីបានប្រារព្ធ​នៅសាលាបឋមសិក្សាបល្ល័ង្កលិច សង្កាត់ដំរីជាន់ខ្លា ក្រុងស្ទឹងសែន។ លោក អ៊ឹម វ៉ាន់នី អនុប្រធានមន្ទីរអប់រំ យុវជន និងកីឡាខេត្ត​កំពង់ធំ​បានឱ្យដឹងថា រយៈពេលពីរឆ្នាំចុងក្រោយ (២០២៣-២០២៤) ខេត្តកំពង់ធំទទួលបានកាតាបសិក្សា ២០.៤៤២ កញ្ចប់ និងកង់ ១.២៩៦ គ្រឿង។ អំណោយទាំងនេះបាន​លើក​ទឹកចិត្តសិស្សក្នុង​ការសិក្សា និងរួមចំណែកបង្កើនជីវភាពប្រជាជន។ លោក Zhang Shenyue ប្រធានកម្មវិធីគម្រោង CFRD បានសរសើរ​ចំពោះកិច្ចសហការរវាងសម្ព័ន្ធសង្គមស៊ីវិល និងអាជ្ញាធរមូល​ដ្ឋានដែល​បានជួយឱ្យបេសកកម្មរបស់ CFRD សម្រេចបានដោយជោគជ័យ។ លោក ញឹក បានខេង អភិបាលរងខេត្តកំពង់ធំដែលមាន​វត្តមាន​ក្នុងពិធីនេះបានថ្លែង​អំណរគុណ​ចំពោះ​មូលនិធិចិនដើម្បី​អភិវឌ្ឍន៍​ជនបទ ដែលមានជួយដល់វិស័យអប់រំ ពិសេសដល់សិស្សានុសិស្ស​ខេត្តកំពង់ធំ។ ឯកឧត្តម កឹម រ័ត្ន វិសិដ្ឋ, ប្រធានក្រុមប្រឹក្សាភិបាលនៃវេទិកាសង្គម​ស៊ីវិល បានរំលឹកថា ចាប់ពីឆ្នាំ ២០១៨ មក…

កំពង់ធំ៖ឧត្តមសេនីយ៍ទោ សោម ស៊ុន, មេបញ្ជាការតំបន់ប្រតិបត្តិ​ការសឹករង និងអនុប្រធានអចិន្រ្តៃយ៍គណៈកម្មការ​ការពារ​ទប់ស្កាត់ និងបង្ក្រាបបទល្មើសធនធានធម្មជាតិ ខេត្តកំពង់ធំកាលពីព្រឹកថ្ងៃទី២៣ ខែធ្នូ ឆ្នាំ២០២៤បានអញ្ជើញ​ទៅសាក​សួរសុខទុក្ខ និងនាំអំណោយ​សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជានិង​លោក​ជំទាវ​បណ្ឌិត ពេជ ចន្ទមុន្នី ដល់កងកម្លាំងចម្រុះការពារទប់ស្កាត់ និង​បង្ក្រាបបទល្មើសធនធានធម្មជាតិចំនួនបួនគោលដៅ នៅតំបន់ព្រៃឡង់ ស្រុក​សណ្តាន់។ ក្នុងឱកាសនេះឧត្តមសេនីយ៍ទោ សោម ស៊ុន បានកោតសរសើរ កង​កម្លាំងចម្រុះដែលបានសហការគ្នាក្នុងការ​បំពេញ​ភារកិច្ច​ការពារទប់​ស្កាត់បទល្មើសធនធានធម្មជាតិមិនឱ្យមានកើតឡើងជាថ្មី ។ខណៈក្នុង​រដូវប្រាំង បទល្មើសលបលួចកាប់ទន្រ្ទានដីព្រៃរបស់រដ្ឋតែងតែកើតឡើង​នោះ ឧត្តម​សេនីយ៍ទោ សោម ស៊ុន បានណែនាំកងកម្លាំងចម្រុះឱ្យបន្ត​យកចិត្ត​ទុកដាក់ ល្បាតឱ្យជាប់ជាប្រចាំ​ទប់ស្កាត់ការបំផ្លាញធនធាន​ធម្មជាតិ ។ជាមួយគ្នានេះក្រុមការងារត្រូវចាត់វិធានការដ៏ម៉ឺងម៉ាត់​ចំពោះជនបំពានដោយអនុវត្តតាមផ្លូវច្បាប់ពុំមានការលើកលែង។ សូមជម្រាបថា អំណោយដែលប្រគល់ជូនមាន៖ប្រេងសាំង ៥០០ លីត្រ,អង្ករ ៤០០ គីឡូក្រាម,មី២០ កេស,ត្រីខបំប៉ុង ២ កេស,ទឹកត្រី និងទឹកស៊ីអ៊ីវ ៨ យូរ។អំណោយទាំងនេះជាការគាំទ្រពីសម្ដេច​ធិបតី​នាយករដ្ឋមន្ត្រី​និងនាយឧត្តមសេនីយ៍ ម៉ៅ សុផាន់ ឯកឧត្តម នួន ផារ័ត្ន អភិបាលខេត្តកំពង់ធំ៕ដោយ៖ប៊ុន រដ្ឋា

(ភ្នំពេញ)៖ ដើម្បីឱ្យព្រឹត្តិការណ៍បាល់ទាត់មិត្តភាព អបអរសាទរ «ទិវាសន្តិភាពនៅកម្ពុជា» ដែលគ្រោងនឹងធ្វើឡើងនៅពហុកីឡាដ្ឋានមរតកតេជោ នាថ្ងៃទី២៩ ខែធ្នូ ឆ្នាំ២០២៤ខាងមុខនេះ មានភាពរលូននិងទទួលបានជោគជ័យ រដ្ឋបាលរាជធានីភ្នំពេញបានបន្តរៀបចំកិច្ចប្រជុំជាថ្មីម្តងទៀត ដើម្បីពិនិត្យពីវឌ្ឍនៈភាពនៃគម្រោងនេះ ខណៈដែលគម្រោងនេះនឹងមានមហាជនចូលរួមប្រមាណជាង ៥ម៉ឺននាក់។ កិច្ចប្រជុំពីវឌ្ឍនៈភាពនៃព្រឹត្តិការណ៍បាល់ទាត់មិត្តភាពខាងលើនេះបានធ្វើឡើងនារសៀលថ្ងៃទី២៣ធ្នូនេះ នៅសាលារាជធានីភ្នំពេញ ក្រោមអធិបតីភាព ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី,ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានសហព័ន្ធកីឡាបាល់ទាត់កម្ពុជា និងឯកឧត្តមឃួង ស្រេង អភិបាលរាជធានីភ្នំពេញ។ ឯកឧត្តមសន្តិបណ្ឌិត នេត សាវឿនបានមានប្រសាសន៍ថា ៖ ការរៀបចំឡើងនូវព្រឹត្តិការណ៍បាល់ទាត់នេះ គឺដើម្បីអបអរសាទរខួប ២៦ឆ្នាំ ទិវាសន្តិភាពនៅកម្ពុជា។ដូច្នេះព្រឹត្តិការណ៍បាល់ទាត់នេះត្រូវតែធ្វើឡើងដោយភាពគគ្រឹកគ្រេងជាមួយការប្រគុំតន្ត្រី បុរាណ សម័យ ដែលរៀបចំឡើងដោយស្ថានីយ៍ទូរទស្សន៍បាយ័ន។ ចំពោះការងារសន្តិសុខ សណ្តាប់ធ្នាប់វិញត្រូវតែពង្រឹងអោយបានម៉ឹងម៉ាត់បំផុត ដោយព្រឹត្តិការណ៍នេះនឹងមានមហាជនចូលរួម ប្រមាណជាង ៥ម៉ឺននាក់ តំណាងអង្គទូតនានាប្រចាំនៅកម្ពុជាក៏បានចូលរួម ក្រោមអធិបតីដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត…

(ភ្នំពេញ)៖ ក្រុមប្រតិភូកីឡាវ៉ូវីណាមកម្ពុជាបានត្រឡប់មកដល់មាតុប្រទេសវិញហើយ នៅព្រឹកច័ន្ទនេះ ក្រោយបញ្ចប់បេសកកម្មប្រកួតកីឡាវ៉ូវីណាមជើងឯកអាស៊ី លើកទី៥ ឆ្នាំ២០២៤ នៅកោះបាលី ប្រទេសឥណ្ឌូណេស៊ី ដោយបាននាំមកនូវមេដាយសរុប ៣០គ្រឿង មានមាស ៧ ប្រាក់ ១៧ និងសំរឹទ្ធ៦ អមជាមួយពានចំណាត់ថ្នាក់លេខ២ ក្នុងនាមប្រទេសដណ្ដើមបានមេដាយច្រើនជាងគេ ក្នុងចំណោម ១៥ប្រទេស ។ ដំណើរមាតុភូមិនិវត្តន៍នេះទទួលបានការស្វាគមន៍យ៉ាងកក់ក្ដៅពីឯកឧត្តម ប៉ុន សុខ អគ្គនាយកកីឡា ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា, ឯកឧត្តម ខូវ ឆាយ នាយកមជ្ឈមណ្ឌលកីឡាកងយោធពលខេមរភូមិន្ទ និងឯកឧត្តម យិត ភីរៈ អគ្គលេខាធិការ ក្រុមប្រឹក្សាកីឡាក្រសួងមហាផ្ទៃ។ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជា បានថ្លែងលើកឡើងថា ជើងឯកអាស៊ីលើកទី៥នេះ សមិទ្ធផលដែលកម្ពុជាទទួលបាន គឺរក្សាចំណាត់នូវចំណាត់ថ្នាក់លេខ២ដដែលទោះបីការប្រមូលផ្តុំហ្វឹកាហាត់របស់អត្ថពិលយើងមានរយៈពេលខ្លីក៏ដោយ។ប៉ុន្តែអ្វីដែលជាមោទនភាពនោះ គឺកីឡាកកីឡាការិនីថ្នាលទទួលបានមេដាយច្រើនជាលទ្ធផលវិជ្ជាមានមួយដែលសហព័ន្ធចង់បានក៏ដូចជាក្រសួងអប់រំយុវជននិងកីឡាចង់បានដែរ។ ប្រធានសហព័ន្ធរូបនេះបន្ថែមថា ចំពោះគុណភាពបច្ចេកទេសរបស់អត្តពលិកកម្ពុជាក៏មានការកើនឡើងគួរឱ្យកត់សម្គាល់ ដោយឆ្នាំនេះចំនួនមេដាយប្រាក់បានកើនឡើងដល់១៧គ្រឿង។ ជារួម ឯកឧត្តម អ៊ូ រតនា សង្កត់ធ្ងន់ថា នេះជាសមិទ្ធផលថ្មីមួយទៀត…