ព្រះវិហារ៖ឧត្តមសេនីយ៍ឯក ស្រី ឌឹក មេបញ្ជាការរងកង​ទ័ពជើងគោក មេបញ្ជាការកងពលធំអន្តរាគមន៍លេខ៣ ប្រចាំទិសទី១ ប្រាសាទព្រះវិហារកាលពីថ្ងៃទី១៩ ខែតុលា ឆ្នាំ២០២៤ បានជួបគ្នាជាមួយមន្រ្តីយោធាថៃគឺ​ឧត្តមសេនីយ៍ត្រីស៊ុមផុប ផារ៉ាវេត មេបញ្ជាការកងកម្លាំង​ស៊ុរៈណារីដែលទើបឡើងកាន់មុខតំណែងថ្មីនិងមេបញ្ជាការមេបញ្ជាការរងនិងទាហានកងកម្លាំងស៊ុរៈណារី ជាច្រើនរូបទៀត ។ ជំនួបដែលប្រព្រឹត្តទៅក្នុងភូមិសាស្ត្រភ្នំតាថាវ ត្រង់ចំណុច​រោងណាត់ជួប (ដើមធ្នង់)ទិសប្រាសាទព្រះវិហារ ភាគីថៃ​បានបង្ហាញ ជូនភាគីកម្ពុជានូវសមាសភាពមេបញ្ជាការ​បណ្តាអង្គភាពរបស់ថៃមួយចំនួនដែលទើបឡើងកាន់មុខតំណែងថ្មី។ជំនួបនេះក៏រំលេចឡើងវិញនូវ លទ្ធផលនៃស្តី​ជំនួបរវាងនាយករដ្ឋមន្រ្តីនៃប្រទេសទាំងពីរកម្ពុជា-ថៃ នៅទីក្រុងវៀងចន្ទន៍ ប្រទេសឡាវ កាលពីថ្ងៃទី៩ខែតុលា​កន្លងទៅថ្មីៗនេះស្តីកិច្ចសហប្រតិបត្តិការល្អរវាងប្រទេសទាំងពីរ។ទាំងភាគីថៃនិងកម្ពុជាដែលមានកម្លាំងកំពុងឈរជើងតាមបណ្តាគោលដៅជួរមុខចាប់ពីភូមិសាស្ត្រអូរ៥០ដល់មុំបីនឹងបន្តជួបគ្នាដើម្បីបានស្គាល់គ្នាជិតស្និទ្ធ។ជាពិសេស​ជាមួយមេបញ្ជាការ បណ្តាអង្គភាពថៃ ដែលទើបឡើង​កាន់​មុខតំណែងថ្មី។ មន្រ្តីយោធាកម្ពុជា ថៃ បានបញ្ជាក់ជូនគ្នាទៅវិញទៅមក​អំពីការបន្តរួមគ្នាដោះស្រាយបញ្ហាដែលអាចកើតមានឡើងជាយថាហេតុ ដោយសន្តិវិធីនិងបន្តបង្កើនទំនាក់ទំនង​និងកិច្ចសហប្រតិបត្តិការឱ្យកាន់តែល្អរវាងថ្នាក់ដឹកនាំកងទ័ពនៃប្រទេសទាំងពីរជាពិសេសកម្លាំងកំពុងឈរជើងទល់មុខនៅទិសទី១ប្រាសាទព្រះវិហារតាមរយ:ការជួបគ្នាជាប្រចាំនៅតាមបណ្តាគោលដៅធ្លាប់ជួប ដើម្បីដោះ​ស្រាយបានភ្លាមៗរាល់យថាហេតុណាមួយកើតឡើងដោយចៃដន្យ៕ដោយ៖សួន លីណា

កំពង់ធំ៖ប្រជាការពារនៅឃុំរុងរឿង ស្រុកស្ទោង ខេត្ត​កំពង់ធំ កាលពីថ្ងៃទី១៩ ខែតុលា ឆ្នាំ២០២៤បានទទួល​ឯកសណ្ឋានចំនួន៨១កំប្លេរពីឯកឧត្តម ម៉េង ប៉ូគន្ធ អគ្គនាយកនៃអគ្គនាយកដ្ឋានកិច្ចការរដ្ឋបាលនៃក្រសួងធនធានទឹកនិងឧតុនិយម តំណាងឯកឧត្តម ជួន ប៊ិតថុល ប្រធានក្រុមការងារចុះមូលដ្ឋានឃុំរុងរឿង ។ ក្នុងឱកាសនេះឯកឧត្តម ម៉េង ប៉ូគន្ធ បានលើកសរសើរ​ថាប្រជាការពារ គឺជាអ្នកដែលនៅជិតស្និទ្ធផ្ទាល់ជាមួយ​មូលដ្ឋាន ហើយអាចជួយដោះស្រាយរាល់ស្ថានភាព​ជាក់ស្ដែងបានទាន់ពេលវេលា ប្រសិនបើមានភាពមិន​ប្រក្រតីណាមួយកើតឡើង ។ហេតុនេះសូមគ្រប់ភាគីពាក់​ព័ន្ធទាំងអស់ត្រូវយកចិត្តទុកដាក់លើសុខទុក្ខសុខុមាលភាពពួកគាត់ព្រមទាំងមានការលើកទឹកចិត្តខ្ពស់ផងដែរ។ក្នុងនាមជាម្ចាស់មូលដ្ឋាន លោក សាយ គឹមឡម អភិបាល​ស្រុកស្ទោង បានថ្លែងអំណរគុណយ៉ាងជ្រាល​ជ្រៅដល់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយមព្រមទាំងសហការី ដែលបានយកចិត្ត​ទុកដាក់កសាងហេដ្ឋារចនាសម្ព័ន្ធនិងសុខទុក្ខ​ប្រជា​ពលរដ្ឋនៅក្នុងស្រុកស្ទោងគ្រប់ពេលវេលា។ ក្នុងឱកាសនេះឯកឧត្តម ម៉េង ប៉ូគន្ធ បានប្រគេន​បច្ច័យ២៥០ដុល្លារចូលបុណ្យកឋិនវត្តក្តីត្នោតផងដែរ៕ដោយ៖​ប៊ុន​រដ្ឋា

ព្រះវិហា៖ឧត្តមសេនីយ៍ឯក ស្រី ឌឹក មេបញ្ជាការរង​កងទ័ព​ជើងគោក តំណាងនាយឧត្តមសេនីយ៍ ម៉ៅ សុផាន់ អគ្គមេបញ្ជាការ រងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោគ នៅចុងសប្ដាហ៍នេះ បានអញ្ជើញបំពាក់ឋានន្តរស័ក្តិ និងគ្រឿងឥស្សរិយយស ជូនយោធិនចូលសោធននិវត្តន៍ និងពិការឆ្នាំ២០២៤​ចំនួន៤០៨រូប ចំណុះកងពលធំអន្តរាគមន៍ លេខ៣ ដែលត្រូវផ្ទេរចេញពីក្របខ័ណ្ឌ ក្រសួងការពារជាតិ ទៅក្រសួងសង្គមកិច្ច អតីតយុទ្ធជន និងយុវនិតិសម្បទា ។ យោងតាមរបាយការណ៍ការិយាល័យទី១ កងពលធំលេខ​៣ បានបញ្ជាក់ថា ចំពោះយោធិនដែលត្រូវបានដាក់ឱ្យ​ចូល សោធននិវត្តន៍ និងពិការឆ្នាំ២០២៤ ចំណុះកង​ពលធំអន្តរាគមន៍លេខ៣ ចំនួន៤០៨រូប ក្នុងនោះទី​បញ្ជាការ កងពលធំលេខ៣ ចំនួន ៥០រូប(ពិការ២រូប), កងពលតូចអន្តរាគមន៍លេខ៧ ចំនួន ៦៩រូប ,កងពល​តូច​អន្តរាគមន៍លេខ៨ ចំនួន ១៣១រូប និងកងពល​តូចអន្តរាគមន៍លេខ៩ចំនួន ១៥៨រូប ចាប់ពីថ្នាក់​ព្រិន្ទបាលឯក ដល់ថ្នាក់ឧត្តមសេនីយ៍ទោ ។ បន្ទាប់ពីបញ្ចប់ការបំពាក់ឋានន្តរស័ក្តិ និងគ្រឿងឥស្ស​រិយយសឧត្តមសេនីយ៍ឯក ស្រី ឌឹកក៏បានប្រគល់ថវិកា ជាអំណោយដ៏ថ្លៃថ្លា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា…

ស្ទឹងត្រែង៖ឯកឧត្តម សរ សុពុត្រា អភិបាលខេត្តស្ទឹង ត្រែង បានផ្តល់រថយន្តមួយគ្រឿងជូនដល់បញ្ជា ការដ្ឋានកងរាជ អាវុធហត្ថខេត្ត សម្រាប់ប្រើប្រាស់ ដើម្បីរក្សាសន្តិសុខ សុវត្ថិភាព ជូនប្រជាពលរដ្ឋនៅក្នុង មូលដ្ឋាន ។ ក្នុងពិធីប្រគល់នៅចុងសប្ដាហ៍នេះ នាបរិវេណសាលា ខេត្តឯកឧត្តមអភិបាលខេត្តស្ទឹងត្រែង មានប្រសាសន៍ ថារថយន្តនេះនឹងជូន សម្រាប់ប្រើប្រាស់ក្នុងល្បាតរក្សា សន្តិសុខ សុវត្ថិភាព សណ្តាប់ធ្នាប់ និងជួយសង្គ្រោះ ដល់ប្រជាពលរដ្ឋក្នុងមូលដ្ឋាន ជាពិសេស ដើម្បីរួម ចំណែកក្នុងការពង្រឹង លើការអនុវត្តគោល នយោបាយ ភូមិ ឃុំ សង្កាត់មានសុវត្ថិភាព ប្រកបដោយប្រសិទ្ធភាព។ លោកឧត្តមសេនីយ៍ត្រី សេង សុភាព បានថ្លែងអំណរ គុណចំពោះឯកឧត្តមអភិបាលខេត្តដែលបានផ្តល់មធ្យោយបាយ ដ៏មានតម្លៃសម្រាប់ការអនុវត្តគោលនយោ បាយ ភូមិ ឃុំ-សង្កាត់ មានសុវត្ថិភាព។ ជាការកត់សម្គាល់កន្លងមកអាវុធហត្ថខេត្តបានចូលរួមយ៉ាងសកម្មក្នុងបង្ក្រាបក្រុមក្មេងទំនើង ពិសេសបង្ក្រាប ក្រុមរក្សាទុក ប្រើប្រាស់និងជួយដូរគ្រឿងញៀនខុស ច្បាប់បានជាច្រើនករណីដោយបានចាប់ខ្លួនជនល្មើសបញ្ជូនទៅតុលាការខេត្តជាបន្តបន្ទាប់៕ដោយ៖ឡុង សំបូរ

កំពត៖ និស្សិតជ័យលាភី ថ្នាក់បរិញ្ញាបត្រ និងបរិញ្ញា​បត្ររង សាកលវិទ្យាល័យអង្គរខេមរា ខេត្តកំពតចំនួន​២៥០នាក់ (ស្រី១៧៩នាក់) កាលពីថ្ងៃទី១៩ ខែតុលា បានទទួលសញ្ញាបត្រដែលចែកជូនពីឯកឧត្តមបណ្ឌិត ប៉ែន ស៊ីម៉នអ្នកតំណាង រាស្ត្រមណ្ឌលកំពត សមាជិក​គណៈអចិន្ត្រៃយ៍ និងជាប្រធានគណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភាជាតិ ព្រះរាជាណាចក្រកម្ពជា ដោយមានការចូលរួមពី ឯក ឧត្តម ម៉ៅ ធនិន អភិបាលខេត្តកំពត ផង។ សូមជម្រាបដែរថា ឯកឧត្តមបណ្ឌិត ប៉ែន ស៊ីម៉ន បា​ន​ផ្តល់​អាហារូបករណ៍ដល់សិស្ស-និស្សិតចូលមកសិក្សា​នៅសាកលវិទ្យាល័យអង្គរខេមរា ខេត្តកំពត​ចំនួន​៦៨៥នាក់ (ស្រី៤៩៧នាក់) គិតត្រឹមជំនាន់ទី១៦ ក្នុងឆ្នាំសិក្សា២០២៣-២០២៤ កន្លងទៅ។ ក្នុងនោះ​និស្សិតថ្នាក់បរិញ្ញាបត្រជាន់ខ្ពស់ចំនួន៣នាក់ និងថ្នាក់​បរិញ្ញាបត្រចំនួន៦៨២នាក់ (ស្រី៤៩៧នាក់)។ បច្ចុប្បន្ន សាកលវិទ្យាល័យអង្គរខេមរា ខេត្តកំពត មាន​និស្សិតកំពុងសិក្សាចំនួន១ ០២៨នាក់ (ស្រី៦៨៩​នាក់)។ក្នុងនោះ និស្សិតថ្នាក់បរិញ្ញាបត្រ​ជាន់ខ្ពស់ចំនួន៩នាក់, បរិញ្ញាបត្រចំនួន៩៨០នាក់ (ស្រី៦៦៧នាក់) និងបរិញ្ញា​បត្ររងចំនួន៣៩នាក់ (ស្រី២២នាក់)។ មានសាស្ត្រាចារ្យ​ចំនួន៨៩នាក់( ស្រី៩នាក់) និងបុគ្គលិកចំនួន២៤នាក់ (ស្រី១៣នាក់)៕ដោយ៖សិលាសារិន

កំពត៖ក្នុងពិធីប្រគល់សញ្ញាបត្រជូននិស្សិតជ័យលាភី ថ្នាក់​បរិញ្ញាបត្រ និងបរិញ្ញាបត្ររង សាកលវិទ្យាល័យ​អង្គរខេមរា ខេត្តកំពតនាសាលប្រជុំសាលាខេត្តកំពត​កាលពីថ្ងៃទី១៩ ខែតុលា ឆ្នាំ២០២៤ ឯកឧត្តមបណ្ឌិត ប៉ែន ស៊ីមនតំណាង រាស្ត្រមណ្ឌលកំពត សមាជិកគណៈ​អចិន្ត្រៃយ៍ និងជាប្រធានគណៈកម្មការអង្កេត បោស​សំអាត និងប្រឆាំងអំពើពុករលួយ នៃរដ្ឋសភាបានរំលឹក​ដល់និស្សិតជ័យលាភីទាំងអស់ សូមយកចំណេះដឹង​ទាំងនេះទៅប្រើប្រាស់ដើម្បីបម្រើប្រយោជន៍ខ្លួន ប្រជា​ពល​រដ្ឋ និងសង្គមជាតិ ។ពិសេសត្រូវធ្វើខ្លួន​ជាធនធាន​ជាតិ មានមនសិការខ្ពស់ក្នុងការចូលរួមអភិវឌ្ឍន៍​ប្រទេស។ ឯកឧត្តមបណ្ឌិត ប៉ែន ស៊ីមនក៏បានរំលឹកពីអតីត​កាល​របស់កម្ពុជាក្រោយប្រទេសត្រូវបានរំដោះចេញពីរបបប្រល័យពូជសាសន៍​នៅថ្ងៃទី៧មករា ឆ្នាំ១៩៧៩ដើម្បីធ្វើកា​រឆ្លុះ​បញ្ចាំងសមិទ្ធផលដែលកម្ពុជាទទួលបាន​នាពេល​នេះ។ បន្ថែមលើអ្វីដែលឯកឧត្តម ប៉ែន ស៊ីម៉ន បានលើកឡើង ឯកឧត្តម ម៉ៅ ធនិន អភិបាលខេត្តកំពតបានបញ្ជាក់ថា ក្មួយជាបញ្ញវន្តដែលបានបញ្ចប់ការសិក្សាថ្នាក់​ឧត្តម​ទាំងអស់ សូមចូលលរួមចំណែកអភិវឌ្ឍន៍ប្រទេស និងថែរក្សាការពារសុខ សន្តិភាពឱ្យបានគង់វង្ស៕ ដោយ៖ សិលា សារិន

ភ្នំពេញ៖ ស្របពេលដែលឯកសារបទដ្ឋានគតិយុត្តសំខាន់ៗជាច្រើនពាក់ព័ន្ធជាមួយការជ្រើសរើសមន្រ្តីសុខាភិបាលផ្អែកលើកិច្ចព្រមព្រៀងការងារខិតជិតដល់ការសម្រេចជាស្ថាពរ ក្រសួងមុខងារសាធារណៈ ក៏បានគិតគូរស្របពេលជាមួយគ្នាលើការងារនេះ ជាពិសេសការកំណត់វិធីសាស្ត្រ និងនីតិវិធីមួយចំនួនសំដៅដល់ការអនុវត្តការជ្រើសរើសមន្ត្រី ស្របតាមអភិក្រម «រើសឱ្យចំ បំពេញឱ្យត្រូវ ថែរក្សាឱ្យនៅ» ហើយឆ្លើយតបជាមួយគោលនយោបាយរបស់រាជរដ្ឋាភិបាលដែលបានដាក់ចេញ ជាពិសេសការកែលម្អប្រព័ន្ធជ្រើសរើសមន្ត្រី។ ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាអនុប្រធានគណៈកម្មាធិការប្រតិបត្តិនៃ គ.វ.រ. កាលពីថ្ងៃទី១៨ ខែតុលា ឆ្នាំ២០២៤ បានដឹកនាំកិច្ចប្រជុំពិភាក្សាស្តីពី ផែនការជ្រើសរើសមន្រ្តីសុខាភិបាលផ្អែកលើកិច្ចព្រមព្រៀងការងារ និងការងារផ្សេងៗទៀតដែលពាក់ព័ន្ធ។ ជាស្មារតី អង្គប្រជុំបានពិភាក្សាលើការកំណត់នីតិវិធីមួយចំនួន ជាពិសេសការពិនិត្យបន្ថែមលើ យន្តការការងារ និងការបន្ស៊ីទិន្នន័យនៃតម្រូវការមន្ត្រី ស្របតាមតម្រូវការ និងបរិបទចំពោះមុខ ក៏ដូចជាគោលដៅរយៈពេលមធ្យម និងវែង។ គួររម្លឹកថា ការជ្រើសរើស និងគ្រប់គ្រងមន្ត្រីផ្អែកលើកិច្ចព្រមព្រៀងការងារ ជាសកម្មភាពការងារមួយនៃការអនុវត្តវិធានការគន្លឹះទី១ ក្នុងការកែទម្រង់រដ្ឋបាលសាធារណៈ នោះគឺ ការកែលម្អប្រព័ន្ធជ្រើសរើសមន្ត្រីរាជការ៕ដោយ ង៉ាន់ ទិត្យ

ភ្នំពេញ៖ក្នុងឱកាសស្នាក់នៅទីក្រុងវៀងចន្ទន៍ ប្រទេស ឡាវ មុនពិធីបើកមហាសន្និបាតអាយប៉ា(AIPA)លើកទី៤៥ ជាផ្លូវការ នៅព្រឹកថ្ងៃទី១៩ ខែតុលាឆ្នាំ២០២៤ សម្តេចមហា រដ្ឋសភាធិការធិបតី ឃួន សុដារីប្រធានរដ្ឋសភានៃព្រះ រាជាណាចក្រកម្ពុជា រួមជាមួយថ្នាក់ដឹកនាំគណៈ ប្រតិភូសភា សមាជិកអាយប៉ា គណៈប្រតិភូសភាសង្កេតការណ៍ ដៃគូរបស់អាយប៉ា បានចូលជួបសម្តែងការគួរសមជាមួយ ឯកឧត្តម សាយសំផន ភុមវិហាន ប្រធានរដ្ឋសភានៃ សាធារណរដ្ឋ ប្រជាធិបតេយ្យប្រជាមានិតឡាវនិងជា ប្រធាន អាយប៉ាលើកទី៤៥។ សេចក្តីរាយការណ៍ពីទីក្រុងវៀងចន្ទន៍បានឱ្យដឹងថាក្នុងព្រឹត្តិការណ៍ដ៏មានសារៈសំខាន់សម្រាប់ឡាវជាម្ចាស់ផ្ទះនេះ ឯកឧត្តមប្រធានរដ្ឋសភាឡាវបានស្វាគមន៍យ៉ាងកក់ក្តៅនិងអរគុណយ៉ាងជ្រាលជ្រៅដល់គណៈប្រតិភូចូលរួមទាំងអស់ ដែលបានអញ្ជើញចូលរួម ។នេះឆ្លុះបញ្ចាំងពីសាមគ្គីភាព មិត្តភាព កិច្ចសហប្រតិបត្តិការយ៉ាងរឹងមាំនៃគ្រួសារអាយប៉ា និងអាស៊ានក្នុងការចូលរួមចំណែក កសាងសុខសន្តិភាព ស្ថិរភាព និងវិបុលភាពជូនប្រជាពលរដ្ឋ។ សម្តេចរដ្ឋសភាធិបតី ឃួន សុដារី បានបញ្ជាក់នូវការ អបអរសាទរ និងវាយតម្លៃខ្ពស់ចំពោះទទួលបដិសណ្ឋារ កិច្ចនិងការរៀបចំ មហាសន្និបាតអាយប៉ាលើកទី៤៥ ប្រកបដោយអត្ថន័យ និងបានជូនពរដល់រដ្ឋសភាឡាវ ជាម្ចាស់ផ្ទះទទួលបានជោគជ័យ និងសម្រេចបានលទ្ធផល ជាផ្លែផ្កា តាមការរំពឹងទុក៕ដោយ៖ ហេង សម្បត្តិ+ថេត វិចិត្រ

ភ្នំពេញ៖មហាសន្និបាតអន្តរសភាអាស៊ានលើកទី៤៥ ដែល រដ្ឋសភាប្រទេសឡាវធ្វើជាម្ចាស់ផ្ទះ បានប្រារព្ធពិធីបើកជា ផ្លូវការ កាលពីព្រឹកថ្ងៃទី១៩ ខែតុលាឆ្នាំ២០២៤ នៅសាល សន្និសីទជាតិ នារដ្ឋធានីវៀងចន្ទន៍ ក្រោមអធិបតីភាព ឯកឧត្តម ថងលុន ស៊ីសុលីត ប្រធានាធិបតីនៃសាធារណរដ្ឋ​ ប្រជាធិបតេយ្យប្រជាមានិតឡាវ និងឯកឧត្តម សាយសំផន ភុមវិហាន ប្រធានរដ្ឋសភាឡាវនិងជាប្រធានអាយប៉ាលើក ទី៤៥។ អញ្ជើញចូលរួមក្នុមហាសន្និបាតអន្តរសភាអាស៊ានលើកទី៤៥ គណៈប្រតិភូជាន់ខ្ពស់សភានៃព្រះរាជាណាចក្រកម្ពុជា ដឹក នាំដោយសម្តេចមហារដ្ឋសភាធិការធិបតី ឃួន សុដារី ប្រធាន រដ្ឋសភា និងគណៈប្រតិភូសភាសមាជិកអន្តរសភាអាស៊ាន សភាសង្កេតការណ៍ និងដៃគូរបស់អាយប៉ា ព្រមទំាងភ្ញៀវ កិត្តិយសម្ចាស់ផ្ទះ ។ មហាសន្និបាតអាយប៉ាលើកទី៤៥ នៅពេលនេះក្រោម មូលបទ “តួនាទីរបស់សភាក្នុងការពង្រឹងការតភ្ជាប់ និងកំណើនប្រកប ដោយបរិយាបន្នរបស់អាស៊ាន” ។ ក្នុងពិធីបើក ថ្នាក់ដឹកនាំប្រទេសឡាវ បានថ្លែងអំណរ គុណដល់សមាជិកអាយប៉ា សភាសង្កេតការណ៍ និងដៃគូរបស់អាយប៉ាទំាងអស់ ដែលបានមកជុំគ្នា នៅក្នុងទីក្រុងវៀងចន្ទន៍ ដោយបង្ហាញពីសាមគ្គីភាព ការរួមសហការគ្នា នៅក្នុងការលើកម្ពស់យន្តការសភា ,លើកកម្ពស់កិច្ចសហប្រតិបត្តិការ ភ្ជាប់ទំនាក់ទំនង…