ក្រចេះ៖ បេក្ខជនចុះឈ្មោះប្រឡងសញ្ញាបត្រមធ្យមសិក្សាទុតិយភូមិ​សម័យប្រឡង៖៨ តុលាឆ្នាំ២០២៤ ក្នុងខេត្តក្រចេះចំនួន២ ៤០ ៥នាក់(ស្រី ១ ៣៤៣នាក់) ក្នុងនេះ បេក្ខជនស្វៃរិន ៣៥៨នាក់ (ស្រី ១៦៨នាក់ )បានត្រៀមខ្លួនរួចជាស្រេចហើយ​ចូលរួមប្រឡង ក្នុងរយៈពេលពីរថ្ងៃ គឺនៅថ្ងៃអង្គារទី៨ និងថ្ងៃពុធទី៩ ខែតុលា ។ លោក ឡាយ បូរ៉ា ប្រធានមន្ទីរអប់រំ យុវជន និងកីឡាខេត្តក្រចេះបាន​ឱ្យដឹងថា ខេត្តក្រចេះមានមណ្ឌលប្រឡង ចំនួន ៥មណ្ឌល ក្នុងនោះ មណ្ឌលវិទ្យាសាស្ត្រមានចំនួន២ និងមណ្ឌលវិទ្យាសាស្ត្រសង្គមចំនួន ៣ ស្មើនឹង ៩៧បន្ទប់ ។ រីឯគណៈមេប្រយោគ មានចំនួនសរុប ៣២៤នាក់ (ស្រី ១២៥នាក់) ។ លោកប្រធានមន្ទីរឱ្យដឹងទៀតថា បេក្ខជនដែលចូលរួមប្រឡងសញ្ញា​បត្រ​មធ្យមសិក្សាទុតិយភូមិឆ្នាំ២០២៤បើធៀបទៅនឹងឆ្នាំ ២០២៣​ឃើញថាមានការកើនឡើង ៦១នាក់ ។ ដោយឡែកក្នុងសកម្មភាពពិនិត្យបញ្ជីឈ្មោះនៅថ្ងៃទី៧ ខែតុលា បេក្ខជន បានអះអាងថា ពួកគេបានត្រៀមលក្ខណៈរួចជាស្រេច ដើម្បីបំពេញវិញ្ញាសារប្រឡងនៅថ្ងៃស្អែក ហើយក៏សង្ឃឹមថា ការប្រឡងរយៈពេល ២ថ្ងៃនេះ…

ភ្នំពេញគម្រោងវិនិយោគចំនួន២៨ដែលមានទុនវិនិយោគសរុបប្រមាណ៤៤៣លានដុល្លារអាម៉េរិកត្រូវបានអនុម័ត ដោយក្រុមប្រឹក្សា អភិវឌ្ឍន៍​កម្ពុជាក្នុងខែកញ្ញា ឆ្នាំ២០២៤។ សេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍកម្ពុជានៅថ្ងៃទី៧ ខែតុលា ឆ្នាំ២០២៤ បានឱ្យដឹងថា ក្នុងខែកញ្ញា ឆ្នាំ២០២៤ ក្រុមប្រឹក្សា​អភិវឌ្ឍន៍កម្ពុជាបានអនុម័តគម្រោងថ្មីចំនួន២៦គម្រោង និងគម្រោង​ពង្រីក​ផលិតកម្មចំនួន២គម្រោង ដែលមានទុន​វិនិយោគសរុប​ប្រមាណ៤៤៣លានដុល្លារអាម៉េរិក និងអាចបង្កើត ការងារបាន​ប្រមាណ​ជិត២៥ពាន់កន្លែង។ ក្នុងចំណោម​គម្រោងវិនិយោគសរុប គម្រោងវិនិយោគដែលមាន ទីតាំងស្ថិតនៅក្រៅតំបន់សេដ្ឋកិច្ច​ពិសេស​មានចំនួន៦គម្រោង និងគម្រោង​វិនិយោគដែលមានទីតាំងស្ថិតនៅ ក្នុងតំបន់សេដ្ឋកិច្ចពិសេសមានចំនួន២២គម្រោង។ ប្រភពដដែលបន្តថា ជាការកត់សម្គាល់ គម្រោងវិនិយោគដែលមានភាព​លេចធ្លោជាងគេប្រចាំខែកញ្ញា ក្នុងនេះ៖ ក្រៅតំបន់សេដ្ឋកិច្ចពិសេស មានគម្រោងពង្រីកផលិតកម្មរបស់គម្រោងវិនិយោគបង្កើតរោងចក្រកាត់ដេរសម្លៀកបំពាក់ ដែលមាន ទីតាំងស្ថិតនៅភូមិព្រៃកីខ និងភូមិព្រៃ​កីគ សង្កាត់ពងទឹក ខណ្ឌដង្កោ រាជធានីភ្នំពេញ ក្នុងទុន វិនិយោគបន្ថែម​១២,៥លានដុល្លារ និងអាចបង្កើតការងារបន្ថែមបានចំនួន២.៥០៥​កន្លែង។ ដោយឡែកក្នុងតំបន់សេដ្ឋកិច្ចពិសេសមាន៖គម្រោងបង្កើ​ត​តំបន់​សេដ្ឋកិច្ចពិសេសពោធិ៍សាត់ ដែលមានទីតាំងស្ថិតនៅភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ ក្នុងទុនវិនិយោគប្រមាណ​ជាង៧០លានដុល្លារ និងអាច បង្កើតការងារបានចំនួន៧០៨​កន្លែង។គម្រោងបង្កើតតំបន់សេដ្ឋកិច្ចពិសេស ហ្វុងហ្វូ អ៊ិនធើណេសិនណល ដែលមានទីតាំងស្ថិតនៅភូមិ ត្រពាំងផ្លុង ឃុំញរ ភូមិព្រះបាក់ក និងភូមិព្រៃសាគុំ ឃុំព្រៃធំ ស្រុកកំពង់រោទិ៍ ខេត្តស្វាយរៀង ក្នុង ទុនវិនិយោគចំនួន៥៥លានដុល្លារ…

(ភ្នំពេញ)៖ កម្មវិធីពានរង្វាន់ឌីជីថលកម្ពុជា ឆ្នាំ២០២៤ ក្រោមប្រធានបទ “គាំទ្រដល់ពលរដ្ឋកម្ពុជាក្នុងការប្រើប្រាស់ បច្ចេកវិទ្យាឌីជីថល ដើម្បីអនាគតកាន់តែល្អប្រសើរ” រៀបចំឡើងដោយ ក្រសួងប្រៃសណីយ៍ និងទូរគមនាគមន៍ កម្មវិធីនឹងចាប់ផ្តើមបើកទទួលពាក្យលើប្រព័ន្ធអនឡាញ ពីថ្ងៃទី៧ ខែតុលា ដល់ថ្ងៃទី៧ ខែវិច្ឆិកា ឆ្នាំ២០២៤ តាមរយៈតំណភ្ជាប់ ។ ឯកឧត្តម បណ្ឌិត សំ សិទ្ធិសេរី អគ្គនាយកនៃអគ្គនាយកដ្ឋាន បច្ចេកវិទ្យាគមនាគមន៍ និងព័ត៌មាន ក្រសួងប្រៃសណីយ៍និងទូរគមនាគមន៍ បានគូសបញ្ជាក់នៅក្នុងសន្និសីទសារព័ត៌មាន នាព្រឹកថ្ងៃទី៧ ថាកម្មវិធីពានរង្វាន់ឌីជីថលកម្ពុជា គឺជាកម្មវិធីពានរង្វាន់ថ្នាក់ជាតិធំបំផុត ទាក់ទងជាមួយនិងវិស័យឌីជីថល ក្រោមកិច្ចខំនិងរៀបចំឡើងដោយក្រសួងប្រៃសណីយ៍ និងទូរគមនាគមន៍ ធ្វើឡើងរយៈពេល១០មកហើយ ដើម្បីជំរុញដល់វិស័យសំខាន់ៗចំនួន ទី១ វិស័យប្រៃសណីយ៍ ទី២វិស័យទូរគមនាគមន៍ និងទី៣ វិស័យបច្ចេកវិទ្យាគមនាគមន៍ និងព័ត៌មាន ឬហៅថាវិស័យឌីជីថល ។ ឯកឧត្តម គូសបញ្ជក់បន្ថែមថា រាជរដ្ឋាភិបាលដាក់ចេញនូវសេដ្ឋកិច្ចនិងសង្គមឌីជីថល ឆ្នាំ២០២១ដល់ឆ្នាំ២០៣៥ ដើម្បីជំរុញនូវការអភិវឌ្ឍន៍ឌីជីថល ដែលផ្តោតទៅលើសរស្តម្ភចំនួន ៣ គឺរដ្ឋាភិបាលឌីជីថល សង្គមឌីជីថល និងសេដ្ឋកិច្ចឌីជីថល ។ កម្មវិធីពានរង្វាន់ឌីជីថលកម្ពុជា…

(កណ្តាល)៖ ឯកឧត្តម គួច ចំរើន អភិបាលនៃ គណៈអភិបាលខេត្តកណ្តាល បានលើកឡើងនៅក្នុងបណ្តាញសង្គម ហ្វេសបុកផ្លូវការ របស់ឯកឧត្តម នារសៀលថ្ងៃទី៥ ខែតុលា ឆ្នាំ២០២៤ នេះថា ៧ថ្ងៃកន្លងទៅនេះ​ ខ្ញុំដេីរចូលបុណ្យ​ និង​ ចាត់តំណាងចូលបុណ្យសព​ ដោយលង់ទឹក​ ចំនួន​ ១០​ សព​ រួចមកហេីយ​ ។ ឯកឧត្តម គូសបញ្ជាក់បន្ថែមថា មហន្តរាយនេះ​ គឺកេីតឡេីងតែមួយពព្រិចភ្នែកប៉ុណ្ណោះ​ ដូច្នេះ​ សូមលោកឳពុក​ អ្នកម្ដាយ​ អណាព្យាបាល​ សូមមេត្តា​ បង្កេីនការយកចិត្តទុកដាក់​ អប់រំណែនាំ​ ហាមប្រាមកូនចៅ​ កុំអោយលេងទឹកជ្រៅ​ ឬមានលំ ហូខ្លាំង​ ព្រោះបង្កគ្រោះថ្នាក់លឿនណាស់​ ច្រេីនណាស់​៕ ដោយ ៖ ង៉ាន់ ទិត្យ