(ភ្នំពេញ)៖ ក្រសួងសុខាភិបាលនៃព្រះរាជាណាចក្រកម្ពុជា សូមជម្រាបជូនសាធារណជនឱ្យបានជ្រាបថា កន្លងមក អាជ្ញាធរជាតិប្រយុទ្ធប្រឆាំងគ្រឿងញៀនបានហាមឃាត់ការនាំចូល ការជួញដូរ ការធ្វើអាជីវកម្ម និងការប្រើប្រាស់បារីអេឡិចត្រូនិក (E-cigarette) ផលិតផលស៊ីហ្សា (SHISHA) និងផលិតផល អេចណ៍ ធី ភី (HTP-Heated Tobacco Product) ដោយហេតុផលថា ផលិតផលទាំងនេះបង្កឱ្យមានផលប៉ះពាល់ ដល់សុខភាព និងបណ្តាលឱ្យអ្នកប្រើប្រាស់ងាយនឹងទទួលភាពញៀនដោយសារធាតុញៀនផ្សេងទៀត ។ បារីអេឡិចត្រូនិក បញ្ចេញចំហាយដោយសារ ការដុតកំដៅនៃសារធាតុរាវដែលមានផ្ទុកនូវសារធាតុនីកូទីន។ បារីអេឡិចត្រូនិក មានឈ្មោះជាច្រើន ដូចជា E-cigs, Mods, Vape pens, Vapes, ជាដើម ជាទូទៅគេហៅថា វ៉េបភីង (Vaping)។ បារីអេឡិចត្រូនិក ត្រូវបានគេប្រើប្រាស់ជាមួយកញ្ញា និងសារធាតុញៀនផ្សេងទៀតផងដែរ ។ បារីអេឡិចត្រូនិកបង្កផលប៉ះពាល់លើសុខភាព ដោយសារសារធាតុនីកូទីនអាចបណ្តាលឱ្យមាន ភាពញៀនខ្លាំង មានគ្រោះថ្នាក់ដល់គភ៌ ពុលដល់ទារកក្នុងផ្ទៃពោះ មានហានិភ័យដល់ការលូតលាស់ខួរក្បាល ហើយសារធាតុល្អិតៗ ដែលជ្រាបចូលដល់ក្នុងសួតអាចបណ្តាលឱ្យមានជំងឺមហារីក។ ការប្រើប្រាស់បារី អេឡិចត្រូនិកអាចបណ្តាលឱ្យកុមារ និងក្មេងជំទង់ញៀន ហើយក៏មានផលប៉ះពាល់ ដល់ការលូតលាស់ខួរក្បាលទន្ទឹមនឹងនេះដែរ…

កំពង់ធំ៖កងទ័ពមិនត្រឹមតែជាកម្លាំងស្នូលក្នុងការថែរក្សាសន្តិសុខ​សណ្តាប់​ធ្នាប់ ការពារបូរណភាពទឹកដីប៉ុណ្ណោះទេ តែក៏​ជាកម្លាំង​ជួយសង្រ្គោះប្រជាពលរដ្ឋពីគ្រោះមហន្តរាយផ្សេងៗ ប្រកបដោយ​ភាពកក់ក្តៅ និងទំនុកចិត្ត ។ នេះជា​ការលើក​ឡើងរបស់ឯកឧត្តម នួន ផារ័ត្ន អភិបាលខេត្តកំពង់ធំ កាលពីព្រឹកថ្ងៃទី៦ ខែធ្នូ ឆ្នាំ២០២៤ នៅទីបញ្ជាការដ្ឋាន កងរាជអាវុធ​ហត្ថខេត្តកំពង់ធំក្នុងឱកាសជូន​ដំណើយោធិន នៃកងរាជអាវុធ​ហត្ថទើបជ្រើសរើសថ្មី ទៅហ្វឹកហ្វឺននៅ​មជ្ឈមណ្ឌលកង​រាជអាវុធហត្ថ ភ្នំជុំសែនរីករាយ។ ជាមួយការអបអរសាទរចំពោះយុវជនស្ម័គ្រចិត្តចូលបម្រើកងយោធពលខេមរភូមិន្ទ ក្នុងក្របខ័ណ្ឌកងរាជអាវុធហត្ថឯកឧត្តម នួន ផារ័ត្ន បាន​បន្តថា យុទ្ធសាស្រ្តបញ្ចកោណដំណាក់កាលទី១ របស់រាជ​រដ្ឋាភិបាល​អាណត្តិទី៧ ដែលមានសម្តេចធិបតី ហ៊ុន ម៉ាណែត ជានាយករដ្ឋមន្រ្តី មានទិសដៅធ្វើយ៉ាងណាឱ្យកងកម្លាំងសម្រាប់ការពារជាតិកាន់តែទំនើប មានការរៀបរយ មានវិជ្ជាជីវៈ មានសមត្ថភាព ដែលអាចឆ្លើយតប​គ្រប់​ស្ថានការណ៍ទាំងអស់។ ក្នុងឱកាសជូនដំណើរយោធិននៃកងរាជអាវុធហត្ថទើបជ្រើសរើសថ្មី (ជាប់ជាស្ថាពរ)ចំនួននាក់ ៥៩នាក់នេះដែរ ឯកឧត្តម នួន ផារ័ត្ន អភិបាលខេត្តកំពង់ធំក៏បានជូនថវិកាទ្រនាប់ដៃមួយចំនួនផងដែរ៕ដោយ៖​ ប៊ុន ​រដ្ឋា

(ភ្នំពេញ)៖ អគ្គនាយកក្រុមហ៊ុន MinebeaMitsumi Inc. បានប្រកាសថា ក្រុមហ៊ុន Minebea នឹងដាក់ឱ្យដំណើរការ រោងចក្រថ្មីជាផ្លូវការ នៅខេត្តពោធិ៍សាត់ ក្នុងឆ្នាំ២០២៥ ខាងមុខ ។ ការប្រកាសរបស់លោក Yoshihisa Kainuma អគ្គនាយកក្រុមហ៊ុន MinebeaMitsumi Inc. ក្នុងឱកាសចូលជួបសម្ដែងការគួរសម និងពិភាក្សាការងារជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ នៅវិមានសន្តិភាព នារសៀលថ្ងៃទី៦ ខែធ្នូ ឆ្នាំ២០២៤ ។ លោកអគ្គនាយកក្រុមហ៊ុន បានគោរពជម្រាបជូនសម្ដេចបវរធិបតីអំពី វឌ្ឍនភាពដ៏ល្អ នៃប្រតិបត្តិការអាជីវកម្មរបស់ក្រុមហ៊ុននៅកម្ពុជា ដែលបានចាប់ផ្ដើមវិនិយោគដំបូងនៅក្នុងឆ្នាំ២០១១ និងបានពង្រីកការវិនិយោគរបស់ខ្លួនជាបន្តបន្ទាប់រហូតមក។ បច្ចុប្បន្ននេះ ក្រុមហ៊ុន បាននិងកំពុងបង្កើតរោងចក្រថ្មីមួយបន្ថែមទៀត នៅក្នុងខេត្តពោធិ៍សាត់ ដែលគ្រោងនឹងដាក់ឱ្យដំណើរការជាផ្លូវការ នៅក្នុងឆ្នាំ២០២៥ ខាងមុខនេះ។ ក្រុមហ៊ុន Minebea​ ជាក្រុមហ៊ុនផលិតគ្រឿងបង្គុំសៀគ្វី អេឡិចត្រូនិក គ្រឿងបន្លាស់យានយន្ត និងគ្រឿងម៉ាស៊ីន ក្នុងវិស័យឧស្សាហកម្ម ដែលមានរោងចក្រនៅក្នុងបណ្តា ប្រទេសជាច្រើន។ លោកអគ្គនាយកក្រុមហ៊ុន ក៏បានសម្ដែងនូវការអរគុណ យ៉ាងជ្រាលជ្រៅបំផុត…

(ភ្នំពេញ)៖ ឯកឧត្តមសាបូ អូហ្សាណូ រដ្ឋលេខាធិការក្រសួងបរិស្ថាន អញ្ជើញបើកសិក្ខាសាលាស្តីពីលទ្ធផលការងារប្រចាំ ឆ្នាំ២០២៤ និងទិសដៅការងារឆ្នាំ២០២៥ ដោយមានការចូលរួមពីតំណាងក្រសួងស្ថាប័ន មន្រ្តីរាជការ នៃក្រសួងបរិស្ថាន មន្ទីរបរិស្ថានរាជធានី-ខេត្តដៃគូអភិវឌ្ឍន៍ វិស័យឯកជន និងអ្នកពាក់ព័ន្ធ ជាច្រើន នាថ្ងៃទី០៦ ខែធ្នូ ឆ្នាំ២០២៤ ។ ឯកឧត្តម ដាញ់ សេរី អគ្គនាយកនៃអគ្គនាយកដ្ឋានគាំពារបរិស្ថានបានលើកឡើងថា៖ ដើម្បីបន្តជម្រុញ ឱ្យកិច្ចគាំពារបរិស្ថានកាន់តែប្រសើរឡើងមួយកម្រិតទៀត អគ្គនាយកដ្ឋានគាំពារបរិស្ថានបានរៀបចំ នូវ ផែនការយុទ្ធសាស្ត្រកិច្ចគាំពារបរិស្ថាន(២០២៤-០២៨) ក្នុងគោលដៅសម្រេចបានគោលដៅ ភាពស្អាត នៃយុទ្ធសាស្រ្តចក្រានិងធ្វើទំនើបកម្មកិច្ចគាំពារបរិស្ថាន ដើម្បីឆ្លើយតបទៅនឹងស្ថានភាព នៃការរីកចម្រើន របស់សង្គមនិងពិភពលោកនាពេលបច្ចុប្បន្ន។ ផែនការយុទ្ធសាស្រ្តនេះ ក៏ទទួលបាននូវមតិយោបល់ ជា ធាតុចូលពីគ្រប់ភាគីពាក់ព័ន្ធក្នុងសិក្ខាសាលាពិគ្រោះយោបល់នេះ ដើម្បីឱ្យផែនការយុទ្ធសាស្ត្ររបស់ អគ្គនាយកដ្ឋាន មានភាពគ្រប់ជ្រុងជ្រោយសម្រាប់អនុវត្តស្របតាមបរិបទជាក់ស្តែង។ ឯកឧត្តម សាបូ អូហ្សាណូ មានប្រសាសន៍ថា៖ ក្រសួងបរិស្ថានបាននិងកំពុងខិតខំយកចិត្តទុកដាក់ដោះស្រាយបញ្ហាប្រឈម និងតម្រង់ទិសលើការងារគ្រប់គ្រងកិច្ចគាំពារបរិស្ថាន និងធនធានធម្មជាតិការអភិរក្សជីវៈចម្រុះ និងការអភិវឌ្ឍប្រកបដោយចីរភាព សម្រាប់ជាប្រយោជន៍ដល់មនុស្សជំនាន់នេះនិងជំនាន់ក្រោយៗទៀតក៏ដូចជាការចូលរួមដោះស្រាយបញ្ហាប្រឈមជាសកលនានា ដើម្បីបុព្វហេតពិភពលោកនិងមនុស្សជាតិ។ ក្រសួងបរិស្ថានបាននិងកំពុងខិតខំបំពេញភារកិច្ចក្នុងដែនសមត្ថកិច្ចរបស់ខ្លួនក្នុងការចូលរួមអនុវត្តគោលនយោបាយ ផែនការយុទ្ធសាស្ត្រ និងផែនការសកម្មភាពនានារបស់ រាជរដ្ឋាភិបាល ជាពិសេស…

(ភ្នំពេញ)៖ ក្នុងរយៈពេលជាងមួយខែចុងក្រោយនេះ កម្ពុជាពិតជាមានមោទនភាពយ៉ាងក្រៃលែង ដែលសម្រេចបាននូវព្រឹត្តិការណ៍ដ៏សំខាន់ៗចំនួន ៤ ។ នេះបើតាមការលើកឡើងរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសអញ្ជើញជាអធិបតីដ៏ខ្ពង់ខ្ពស់ ដឹកនាំកិច្ចប្រជុំពេញអង្គគណៈរដ្ឋមន្ត្រី នៅទីស្ដីការនាយករដ្ឋមន្រ្តី (វិមានសន្តិភាព) នាព្រឹកថ្ងៃទី៦ ខែធ្នូ ឆ្នាំ២០២៤ ។ យោងតាមលទ្ធផលកិច្ចប្រជុំពេញអង្គគណៈរដ្ឋមន្រ្តី ត្រង់របៀបវារៈទី៣ បញ្ហាផ្សេងៗ ៖ សម្តេចបវរធិបតី ហ៊ុន ម៉ាណែត បានកត់សម្គាល់ថា ក្នុងរយៈពេលជាង មួយខែចុងក្រោយនេះ កម្ពុជា ពិតជាមានមោទនភាព យ៉ាងក្រៃលែង ដែលសម្រេចបាននូវព្រឹត្តិការណ៍ដ៏សំខាន់ៗ ចំនួន ៤ រួមមាន៖ ទី១- កម្ពុជាបានធ្វើជាម្ចាស់ផ្ទះ និងជាប្រធានដឹកនាំកិច្ចប្រជុំ ប្រកបដោយជោគជ័យ ចំនួន ៤ គឺ ១. កិច្ចប្រជុំគណៈកម្មាធិការប្រតិបត្តិ នៃអង្គការអ្នកប្រជាធិបតេយ្យនិយមកណ្តាលអន្តរជាតិ (IDC-CDI) ២. មហាសន្និបាតសន្និសីទអន្តរជាតិ នៃបណ្តាគណបក្សនយោបាយនៅអាស៊ីលើកទី១២ (ICAPP12) ៣. សម័យប្រជុំពេញអង្គ នៃសភាអន្តរជាតិសម្រាប់ការអត់ឱន…

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ ដឹកនាំកិច្ចប្រជុំពេញអង្គគណៈរដ្ឋមន្ត្រី នៅទីស្ដីការនាយករដ្ឋមន្រ្តី (វិមានសន្តិភាព) នាព្រឹកថ្ងៃទី៦ ខែធ្នូ ឆ្នាំ២០២៤ ។ កិច្ចប្រជុំនេះធ្វើឡើងដើម្បីពិភាក្សា និងឆ្លងលើរបៀបវារៈ សំខាន់ៗ ទី១៖ សេចក្តីព្រាងច្បាប់ស្តីពីជលផល។ ទី២៖ សេចក្តីព្រាងច្បាប់ស្តីពីការទទួលខុសត្រូវលើផលិតផលមាវិការៈ និងទី៣ បញ្ហាផ្សេងៗ ។ សេចក្តីព្រាងច្បាប់ ស្តីពីជលផល ដែលជារបៀវារៈទី១ ៖ សេចក្តីព្រាងច្បាប់នេះ មាន ១៥ជំពូក ១០៥មាត្រា និងឧបសម្ព័ន្ធចំនួន២ ត្រូវបានរៀបចំឡើងក្នុង គោលបំណងធានាសន្តិសុខស្បៀងប្រកបដោយនិរន្តរភាព សេដ្ឋកិច្ចនិងបរិស្ថាន ស្របនឹងបរិបទនៃការរីកចម្រើន សេដ្ឋកិច្ចសង្គម និងបច្ចេកវិទ្យា ក៏ដូចជាការទ្រទ្រង់ជីវភាព រស់នៅរបស់ប្រជាពលរដ្ឋ តាមរយៈការគ្រប់គ្រង ការអភិរក្ស និងការអភិវឌ្ឍវិស័យជលផល ប្រកបដោយប្រសិទ្ធភាព និរន្តរភាព និងបរិយាបន្ន ទាំងថ្នាក់ជាតិ តំបន់ និងអន្តរជាតិ ព្រមទាំងការការពារសិទ្ធិ និងផលប្រយោជន៍ជូនប្រជានេសាទ សហគមន៍នេសាទ វារីវប្បករ និងអាជីវករដែលធ្វើអាជីវកម្មផល…