សៀមរាប៖ ព្រឹត្តិការណ៍សំណេរអង្គរលើកទី២ នឹងប្រារព្ធនៅថ្ងៃទី១៩ ខែមករា ឆ្នាំ២០២៥ ខាងមុខវេលាម៉ោង៧ព្រឹក នៅលើស្ពានហាល​ខាងលិចប្រាសាទអង្គរ ខណៈបេក្ខជនជាង១ ២០០នាក់បានចុះ​ឈ្មោះ​ចូលរួមប្រកួតប្រជែង ។ បញ្ជាក់ក្នុងសន្និសីទសារព័ត៌មានកាលពីថ្ងៃទី៥ ខែមករា ឆ្នាំ២០២៥ ឯកឧត្តម ឡុង កុសល អគ្គនាយកអាជ្ញាធរជាតិ អប្សរា ,លោក លឹម ប៊ុនហុក គណៈកម្មការរៀបចំកម្មវិធីសំណេរអង្គរ បានលើកឡើងពី​គុណ​តម្លៃនៃរមណីយដ្ឋានអង្គរ ផ្សា​ភ្ជាប់ជាមួយការប្រកួតសំណេរអង្គរ និងការលើកកម្ពស់អក្សរសាស្រ្តខ្មែរ ។លោក លឹម ប៊ុនហុក បានបញ្ជាក់​ថា ព្រឹត្តិការណ៍​សំណេរអង្គរលើកទី២នេះ នឹងធ្វើឡើងនៅថ្ងៃទី១៩ ខែមករាខាងមុខវេលាម៉ោង៧ព្រឹក នៅស្ពាន​ហាលខាង​លិចប្រាសាទ​អង្គរ។មានបេក្ខជនចូលរួម១ ២២០នាក់ ក្នុងនេះបេក្ខជន៨១៨នាក់ អាយុចាប់ពី១៩ឆ្នាំឡើង និង បេក្ខជន៣៩៦នាក់ អាយុចាប់ពី ៦ឆ្នាំ ទៅដល់១៨ឆ្នាំ ។ លោកបញ្ជាក់ថា ព្រឹត្តិការណ៍ប្រឡងសរសេរតាមអានសំណេរអង្គរ​លើកទី២នេះ  ប្រព្រឹត្តទៅ​ក្រោមការចូលរួម​របស់​ឯក​ឧត្តម​បណ្ឌិត​សភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា  និងធ្វើជាអ្នក​អាន​អត្ថបទ​សម្រាប់បេក្ខជនប្រកួត ព្រមទាំងវត្តមានរបស់ឯកឧត្តម ហ៊ុន ម៉ានី ឧបនាយករដ្ឋមន្ត្រី…

កំពង់ចាម​៖អភិបាលខេត្តកំពង់ចាម​ ឯកឧត្ដម​ អ៊ុន​ ចាន់ដា​ បានអំពាវ​នាវ​ដល់ប្រជាពលរដ្ឋ ពិសេសយុវជន​សូមឱ្យនាំ​គ្នាចូល​រួមលេងកីឡា ទោះកីឡាប្រភេទណាក៏ដោយ ដើម្បីថែរក្សាសុខភាពឱ្យបានរឹងមាំ និងចៀសផុតពីជំងឺ កាចសាហាវ​ទាំង​ឡាយ​គ្រប់ៗគ្នា។​ ឯកឧត្តមអភិបាលខេត្ត ថ្លែងបែបនេះ​ក្នុងពិធីបើកការប្រកួតកីឡា​មហាជន​ជ្រើសរើសជើងឯកទូទាំងខេត្តកំពង់ចាម ប្រចាំ​ឆ្នាំ២០២៥ ដើម្បីអបអរសាទរខួបអនុស្សាវរីយ៍លើកទី៤៦​ នៃទិវាជ័យជម្នះ ៧ មករា កាលពីព្រឹកថ្ងៃទី​៥​ ខែមករា​ ឆ្នាំ​២០២៥​ នៅទីលានបាល់ទះនៃកីឡដ្ឋាន ក្រុងកំពង់ចាម​ ។ ​ ឯកឧត្ដម​ អ៊ុន​ ចាន់ដា​ បានបន្តថា ​ វិស័យអប់រំកាយ និងកីឡា គឺជា​វិស័យមួយដែលរដ្ឋាភិបាលកម្ពុជា​ដឹកនាំ សម្តេច​មហា​បវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងក្រសួងអប់រំ យុវជន និងកីឡា បានយកចិត្តទុកដាក់ និងចាត់ទុកថា ជា​វិស័យមួយមានសារៈសំខាន់​ចំពោះជាតិ​ ក្នុងការអភិវឌ្ឍនិងកិត្យានុភាពជាតិ។ ឯកឧត្ដមអភិបាលខេត្ត​បានអំពាវនាវដល់យុវជន យុវនារីគ្រប់រូបបង្វែ​ចិត្តមកលេងកីឡាឱ្យបានគ្រប់ៗគ្នា ។កីឡា​ ដើម្បី​សុខភាព ដើម្បីអភិវឌ្ឍ​ផ្នែករាងកាយ បញ្ញា ស្មារតី សីលធម៌​ ។ឯកឧត្តមក៏សូមឱ្យកីឡាករ កីឡាការិនីទាំងអស់ ត្រូវខិត​ខំប្រឹងប្រែងហ្វឹកហាត់ និងថែរក្សា…

ស្ទឹងត្រែង៖លោក ម៉ែន គង់ ប្រធានសហភាពសហព័ន្ធ​យុវជន​កម្ពុជាខេត្តស្ទឹងត្រែង និងជាប្រធានគម្រោង មនសិការពលរ​ដ្ឋល្អ បានឱ្យដឹងថា កម្មវិធី «មនសិការពលរដ្ឋល្អ» បង្កើតឡើងក្នុងគោល​បំណងបណ្តុះមនសិការ ឆន្ទៈ និងភាពជា​ពលរដ្ឋ​ល្អដល់យុវជន ដើម្បីក្លាយជាសរសរទ្រូង និងជាធនធានសម្រាប់ប្រទេសជាតិ ។ លោកបន្តថាគម្រោងនេះជាការបណ្តុះគំនិតច្នៃប្រឌិតលើជំនាញទន់ និងភាពជាអ្នកដឹកនាំ ។ ផ្តល់ឱកាសឱ្យ​យុវជនបាន​ចូលរួមយ៉ាងសកម្ម​ក្នុងការងារស្ម័គ្រចិត្តលើកិច្ចការងារសង្គមដើម្បីរួមចំណែកអភិវឌ្ឍន៍ប្រទេស​ជាតិ ។ បើតាមការបញ្ជាក់របស់លោក ម៉ែន គង់ គម្រោង «មនសិការពលរដ្ឋល្អ» ជាកម្មវិធីដែលបង្កើតឡើងដោយ​សហភាព​សហព័ន្ធយុវជនកម្ពុជា សហការជាមួយក្រសួងអប់រំយុវជន និងកីឡា និងកំពុងអនុវត្តនៅលើ​សាលា​ចំនួនពីរក្នុង​ខេត្តស្ទឹង​ត្រែង គឺ វិទ្យាល័យ ហ៊ុន សែន ស្ទឹងត្រែង ក្នុងក្រុងស្ទឹងត្រែង និងវិទ្យាល័យ ព្រះគោ ស្ថិតក្នុងស្រុកថាឡាបរិវ៉ាត់ ។ សូមជម្រាបថា ខេត្តស្ទឹងត្រែង ជាខេត្តមួយក្នុងចំណោមខេត្តចំនួន​១២ដែលកំពុងអនុវត្តកម្មវិធី «មនសិការពលរដ្ឋល្អ» ៕ដោយ៖ ដេង ម៉ាវិន

ព្រះវិហារ៖វគ្គហ្វឹកហ្វឺនម្ចាស់ការនៅនឹងកន្លែង ក្បាច់គុននៃកងយោធ ពលខេមរភូមិន្ទ របស់តំបន់ប្រតិបត្តិ​ការសឹក​រង​ខេត្ត​ព្រះវិហារនៃ យោធ ភូមិភាគទី៤ បានបិទបញ្ចប់កាលពីទី៥ ខែមករា ឆ្នាំ២០២៥ នៅទី បញ្ជាការវរសេនាតូចលេខ១ ស្ថិតនៅ​ភូមិមហាផល ឃុំឈានមុខ ស្រុកត្បែងមានជ័យ ក្រោមអធិបតីឯកឧត្តម គីម រិទ្ធី អភិបាល ខេត្ត ព្រះវិហារ។ មេបញ្ជាការតំបន់ប្រតិបត្តិការសឹករងព្រះវិហារឧត្តមសេនីយ៍ទោ ច័ន្ទ សុភ័កត្រ្តា បានថ្លែងថា វគ្គហ្វឹកហ្វឺន​ដែលបិទបញ្ចប់នា​ពេលនេះ​មានរយៈពេល ៤៥ថ្ងៃដោយសិក្សា​ចាប់ពីថ្ងៃទី២០ ខែវិច្ឆិកា ឆ្នាំ២០២៤ ដល់ថ្ងៃទី៣ ខែមករា ឆ្នាំ២០២៥។មាន​សិក្ខាកាម គ្រូយោធាចារ្យ គណៈកម្មការគ្រប់គ្រងវគ្គសរុប ១២២នាក់ ។ ក្នុងឱកាសនេះដែរឯកឧត្តម គីម រិទ្ធី អភិបាលខេត្តព្រះវិហារ បាន កោតសរសើរ និងវាយតម្លៃខ្ពស់ចំពោះស្មារតី​ដ៏មោះ​មុត​របស់ សិក្ខាកាមទាំងអស់ ដែលបានខិតខំប្រឹងប្រែងសិក្សារៀនសូត្រ ហ្វឹកហាត់ ទាំងកម្លាំងកាយចិត្ត​ក្នុងស្មារតីទទួលខុស​ត្រូវខ្ពស់ និងលះបង់គ្រប់បែបយ៉ាងដើម្បីសម្រេចគោលដៅនៃវគ្គហ្វឹកហ្វឺន ។ឯកឧត្តមក៏បានថ្លែងអំណរគុណ គ្រូយោធាចារ្យ គណៈកម្មការគ្រប់ គ្រងវគ្គ ដែលបំពេញតួនាទីបានយ៉ាងល្អ៕ ដោយ៖ឡុង សំបូរ

កំពង់ធំ៖ ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិ​បត្តិ​ការសឹករងកំពង់ធំ បានអមដំណើរ​នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ និងមេបញ្ជាការកង​ទ័ពជើងគោកកាលពីព្រឹកថ្ងៃទី៦ ខែមករា ឆ្នាំ​២០២៥​បានអញ្ជើញ​សំណេះសំណាលជាមួយ​ក្រុមវិស្វកម្ម និងពិនិត្យការដ្ឋានស្ថាបនាផ្លូវលំ​ក្រាលក្រួសក្រហមប្រវែង ២១,២៥០ គីឡូម៉ែត្រ។ ផ្លូវនេះចាប់ផ្តើម​ពីទីរួមស្រុក​សណ្ដាន់ ឆ្ពោះទៅកាន់ឃុំដងកាំបិត ។ លោក សំ លាងទ្រី ប្រធានក្រុមវិស្វកម្ម បានរាយការណ៍ថា ក្រោយពេលបើកការដ្ឋាននៅថ្ងៃទី ១៧ ខែធ្នូ ឆ្នាំ២០២៤ ការ​ងារ​ដំណើរការល្អ។ឥឡូវនេះបានឈូសឆាយពង្រាបផ្លូវរួចរាល់ ហើយបានក្រាលក្រួសក្រហមប្រវែង ៨ គីឡូ​ម៉ែត្រនិង​ត្រៀម​ដាក់លូប្រអប់មួយកន្លែង។តាមគម្រោង​រំពឹងថា នឹងបញ្ចប់ក្នុង​ខែមករានេះ ។ក្នុងឱកាសនេះដែរនាយឧត្តមសេនីយ៍ ម៉ៅ សុផាន់ បានសរសើរដល់​ក្រុមវិស្វកម្មដែលខិតខំប្រឹងប្រែង ជំរុញការងារបាន​តាម​ផែនការ​គ្រោងទុក ។ជាការលើកទឹកនាយឧត្តមសេនីយ៍​បានជូនថវិកា១០០​ដុល្លារក្នុងម្នាក់ និងស្បៀងអាហារ​ទៅក្រុមវិស្វកម្ម​ដែលមានចំនួន ២០ នាក់។ គម្រោងនេះបានទទួលការគាំទ្រជាចម្បងពីសម្ដេចធិបតី ហ៊ុន ម៉ាណែត នាយករដ្ឋមន្រ្តីនិងលោកជំទាវបណ្ឌិត ពេជ ចន្ទមុន្នី ដើម្បីលើកស្ទួយ​ជីវភាពប្រជាជនក្នុងស្រុកសណ្ដាន់ និងអភិវឌ្ឍន៍សេដ្ឋកិច្ចក្នុងតំបន់៕ដោយ៖​ប៊ុន​រដ្ឋា

(ភ្នំពេញ)៖ ជំរុញវិស័យទេសចរណ៍របស់កម្ពុជា បានទទួលការលើកទឹកចិត្តដោយវេទិកាទេសចរណ៍អនឡាញឈានមុខគេ Agoda ដែលប្រកាសថា រាជធានីភ្នំពេញជាគោលដៅដែលមានតម្លៃសមរម្យបំផុតនៅអាស៊ីសម្រាប់ការប្រារព្ធពិធីចូលឆ្នាំថ្មី។ នេះកើតឡើងភ្លាមៗបន្ទាប់ពីមគ្គុទ្ទេសក៍ទេសចរណ៍ដ៏មានកិត្យានុភាព Fodor’s បានដាក់ឈ្មោះរមណីដ្ឋានប្រាសាទកោះកេររបស់ព្រះរាជាណាចក្រកម្ពុជានៅក្នុង ‘កន្លែងម្ភៃប្រាំដែលត្រូវទៅ ក្នុងឆ្នាំ២០២៥’ ដែលជាគោលដៅតែមួយគត់នៅអាស៊ីអាគ្នេយ៍ដែលត្រូវបានដាក់ក្នុងបញ្ជីនេះ។ នៅក្នុងចំណាត់ថ្នាក់របស់ Agoda ដែលត្រូវបានចេញផ្សាយនៅថ្ងៃចូលឆ្នាំថ្មី រាជធានីភ្នំពេញត្រូវបានតាមពីក្រោយដោយទីក្រុងហាណូយ និងហ្សាកាតា។លោក Lam Vu នាយកនៃវេទិកាផ្តោតលើអាស៊ីប្រចាំប្រទេសវៀតណាម និងឥណ្ឌូចិន បាននិយាយថា “គោលដៅទាំងនេះផ្តល់នូវតម្លៃដ៏ល្អបំផុត និងការប្រារព្ធពិធីដ៏អស្ចារ្យ បើទោះបីជាគោលដៅទាំងនេះមិនមែនជាកន្លែងដំបូងដែលនឹកឃើញសម្រាប់ដំណើរកម្សាន្តឆ្នាំថ្មីក៏ដោយ”។ “ខណៈដែលទីក្រុងនានាដូចជាតូក្យូ និងបាងកកនៅតែពេញនិយមសម្រាប់ថ្ងៃឆ្លងឆ្នាំសកល ទិន្នន័យនេះបង្ហាញថាជាជម្រើសសមរម្យបំផុតដែលអាចរកបាននៅក្នុងទីក្រុងដូចជាភ្នំពេញ និងហាណូយ។ “ភ្នំពេញ ជាទីក្រុងដែលល្បីខាងវប្បធម៌ និងប្រវត្តិសាស្ត្រដ៏សម្បូរបែប បានផ្តល់ការប្រារព្ធពិធីឆ្លងឆ្នាំថ្មីដ៏រស់រវើក ជាមួយនឹងកម្មវិធីអបអរតាមដងផ្លូវ តន្ត្រី និងការបាញ់កាំជ្រួចដ៏អស្ចារ្យនៅតាមមាត់ទន្លេ”។ ក្រសួងទេសចរណ៍បានឱ្យដឹងកាលពីថ្ងៃពុធថា កាំជ្រួចបុណ្យឆ្លងឆ្នាំថ្មីរបស់រាជធានីភ្នំពេញ និងការប្រារព្ធពិធីនៅមាត់ទន្លេបានទាក់ទាញភ្ញៀវទេសចរជាង ១,៥ លាននាក់។ Trudie Murphy ជាអ្នកទេសចរអាយុ ៣៦ឆ្នាំ មកពី Aldershot ក្នុងចក្រភពអង់គ្លេសដែលស្ថិតក្នុងចំណោមហ្វូងមនុស្សនៅមាត់ទន្លេដើម្បីមើលពិធីឆ្លងឆ្នាំថ្មី បាននិយាយថា “វាអស្ចារ្យណាស់!”។គាត់បានប្រាប់កាសែតខ្មែរថាមស៍កាលពីម្សិលមិញថា “បរិយាកាសពិតជាអស្ចារ្យណាស់” ខណៈទទួលកាហ្វេកាពូស៊ីណូជាមួយស្វាមី Kevin នៅផ្លូវស៊ីសុវត្ថិ។“ពួកយើងទើបតែមកដល់ (ក្នុងប្រទេសកម្ពុជា)…